انا وزوجي في السوق............

[الهندية]

شخباركم بنات

امس رفيجتي دقت علي معصبة من زوجها وهم في السوق تخانقوا اتقول علي اي شي يدخل لو اشتري اي شي جان اتهد السوق وتركب السيارة وبطلت تشتري وقعدت اهديها وقلتلها اغلب الرجال جذي

فحبيت اسأل كل وحده اذا تحبين تطلعين معاه ولا بروحج ولا معاج وحده سواء اختج او رفيجتج او حتي اخوج للأستشاره وتاخذين رايهم

انا عن نفسي ما احب اروح السوق مع زوجي لأن لازم نتخانق كله اشحقة هذا ما في داعي الفستان هذا قصير مفتوح حتي لو حق بناتي لازم يدخل فاعصب واتخربط وبعدين ما اعرف اشتري واحوس وارجع القي نفسي يا مو شاريه شي حلو

يا ناسية شي يا ناسية كيس الأغراض في السوق واذا رحت بروحي اعرف شنو شريت والمقاسات تكون مضبوطة ولو بغيت ارجع ممنوع رفض باتا انه ايوديني ارجع اذا المقاس طلع غلط ولا مو مضبوط ايقول انت ما اتعرفين تشترين

وتعالي شيسكته كأنه ما صدق على الله فتح علي

الحين بنات منو نفس حالتنا حتي اللي اتسوق هل اتحبين اتروحين معاه ولا لأ وليش وكل وحده اتحط مواقفها مع زوجها في السوق والمواقف اللي صارت بينهم سواء اللي اتزعل او اللي اتضحك أواتفشل وحرمتي انج اتروحين معاه

 

[DooLy88]

اذا اروح معاه كللللله ذوقي ماايعجبه نادرا يقول واو حلو - اما اكثر شي يقول اذا عاجبج اخذيه كيفج وكله اهو اللي ذوقه حلو << وانا بعد اجوف جذي انه الحمدلله ذوقه حلو

واذا قلت له موحلو يقول انتي ماتعرفين << اففففف

انا احب اروح بروحي اتشره

مع امي كله يلا وبسرعة

مع اختي وايدتططول وتلوع جبدي

ومع زوجي بكل شي يتدخل

اروح بروحي اريح لي ولهم

 

[املى كبير]

فديته ياااحلو السووق معه ههههههههههههههههههههههههههههههههههههه

زوجى حيييل ذويق واحب ذوقه انا

 

[كيك وحلاوة]

انا اذا هو معي يقول انا دايخ من اليوم وانتي تفرين دوختيني
شوفي هذا حلو لا لا تشترين هذا بعدين اذا طفش يقول انا جوعان امشي نروح نتعشى واخرتها رايحين نتعشى مو للسوق
اما اذا رحت لحالي اشتري اللي ابيه ولا ويطلع قمة بالذوق وكلن يسال من وين شريته حتى فلوسي يبارك الله فيها

 

[.،:"$الـعـوبــــة$":،.]

شوفي يالغالية ،
اول ايام زواجنا ! لا والله اول 3 سنين من زواجنا ! كنّا لا يمكن نروح اي مكان مانتهاوش !
انشالله مستوصف ! هو صوته عالي وانا ماحب يطلع صوتنا او احد يطالعنا بمكان عام او يقول ليش اتمخطرين امشي بسرعة !! يعني انا وحدة منقبة وعباية راس ، تبيني اركض كني مو صاحية ! اكيد لازم امشي بتكانة ؟؟؟!؟!؟!؟
المهم شغلات سخيفة لا تذكر بس لااااااااااااااااااازم ارجع زعلانة وهو يقول انا شسويت انتي دلوعة !!!!!!!!
الحين اشوى تطورنا شوي ، بس السوق مازال يكرهه ويتضايق ويتعب بسرعة !!
فما اروح وياه الا اذا السوق لعياله عشان هو يدفع ، اما اذا السوق لي لروح مع خواتي او بروحي بعد ،​

 

[المدينه]

اذا بشتري لعيالي طبعا معاه اما لنفسي مرااات معاه ومرااات لأ
يعني بلبس في شغلات مايعرفها اما العطور وتكرمون الجواتي عادي اخذ رايه

 

[دلولي]

انا اذا بغيت اروح السوق اروح بروحي اذا ابي اشتري لي شي او لبناتي وحيان اختي وياي مع انها دايم شغلها بسرعه بسرعه تجنني بس احيان يهديها الله وتعقل
اما زوجي نو وي مستحيل كله هذا ماينفع هذا مايصير وشحقه ولمين الى ان يجنني واطلع من السوق ماخذيت شي لو نفسي في مليون شي يكرهني فيه حتى في السفر اذا جيت اتسوق معاه الله لايوريك مو حلو واذا شافني خلاص قمت اشتري ومو مهتمه في رايه يقول خلاص بنطلع رجولي تعورني والله يكون بعوني بس وبعون كل بنيه مجننها زوجها

 

[رافعه الحاجب]

طبعا الافضل بروحي بس حق ولدي لازم معاه

 

[بلبله سعوديه]

انا ما احبه يروح معاي لان البنات كله يطالعون فيه واهو بعذ يطالع بس يخاف مني وما يطالع سبحان الله الرجال لو عنذهم ملكات الجمال يبون يطالعون في الحريم ربي قال كحبكم للنساء الله يعينا على الغيره على ازواجنا ويحفظهم من بنات الحرام يارب اللي ما يخافون الله وياخذون الرجال من حريمهم الحين شتبين في المتزوج روحي للعزوبي اريحلج اوتزوجي وريحي عمرج يعني ما يحلى بعينج الرجال الا لما يكون مع مرته

 

[دفا الليل]

لا وألف لا ماأروح معه ..كله راسي مصدع (سبحان الله الصداع مايجي الا في السوق)


وصرت ماروح الا مع أمي أو أختي

 

[كتكوته ورديه]

لا ما احب اروح معا عه بس مرات لازم اروح ترا الريجيل اكثرهم جذي

 

[zanobita]

لووول يحليكم الكل متخسبق بلسوق الظاهر

انا عاد عالمزاج ... طبعا دايم اروح ويا بس احيانا يحن و احيانا اذا له خلق لاعادي و بلعكس ذوقه وايد حلو و يساعدني بلتشري بس اكثر شي يكرهه و مايداني اذا قلت له بدش غرفة القياس اشوف اذا القطعه مقاسي وله لا هني عاد يقعد ينطر بره و لما اردله نفسه بخشمه مااااايحب ينطر ورا الباب كلش

بس انا واااايد احب اروح ويا السوق حتى لو يحن و انا اذا حسيته مل و تعب على طول نرد البيت او نروح نقعد بمطعم و بجذي هم اهو يقدر ان انا انثى و احب التسوق و هم انا اقدر ان اهو ريال و يكره فرارة السوق و الحياة حلوه

 

[ام زاكي]

والله مااحب كلش اروح معاه اذا دخلت السوق ساعه وحده وطول الساعه يقولي ها ماخلصتي ويقعد يطالع فيني

لا يبدي ذوقه ولا يتكلم جنه واحد ينطر شي ومستعجل يوترني

والحمد لله الحين ولدي كبر واعتمد في الروحه والرده معاه بما انه احنا في السعوديه ومانقدر نسوق سيارات

بس حل الحريم يشتكون من هالسالفه

 

[تعويذه الحب]

والله حبيبتي انا احب اروح السوق بروحي واحب اروح بأيام الاسبوع والاسباب اللي ما تخليني احب اخذ احد وياي :

اولا زوجي مايحب تمشي المحلات يعني من البيت يسألني شنو بتشترين اكون ناويه مثلا اشتري جنطه خلاص نروح بس المحل الي فيه

الجنطه ناخذها ونطلع انزين يمكن اشوف قميص يعجبني ولا بدله مستحيل يخليني ادخل المحل يقولي مو انتي قلتي تبين جنطه بس يالله

ونصير سالفه

ثانيا اخواتي ولا رفاجاتي اذا بشتري شي يبدون التعليقات لا موحلو ولا تاخذينه غالي شدعوه بالمجمع لفلاني ارخص ويحنون علي لين اكره القطعه واتركها

وارد البيت مو شاريه شي

ثالثا امي اذا قتلها السوق تقولي بسج هدووووووم وملابس حرام عليج هذا فسق خشي فلوسج لليوم الاسود يمعيلج جم فلس

بس يالله يالله مالي ماكو سوق كدي اللي عندج بالاول

فقررت اذا براسي تسوق اروح بروحي ولا مع وحده من رفيجاتي لان طبعها وذوقها مثلي بالضبط واذا بروح اروح يوم عادي مو ويك اند

عشان الزحمه

 

[احلى ـآ وحده]

لا عادي مايعلق لانه ينطرني برا الحمل بس كله يلا يلا خلصي

 

[سنفوره8]

انا احب اروح معااه
خبركم توناا مخطوبيين يعني يدلعني
ههههه
فدييته
بس سااعااات يحن علي
هههه

 

[الهندية]

ما شاء الله الكل نفس المشكلة راح اخليها تقرى ردودكم وتصدق ان غالبية الرجال وخاصة الخليجيين ملولين وخصوصا السوق

اما انا زوجي اذا فيها روحه للسوق يجييه النوم ايقول بعد ما اقعد اوديج واذا رحنا يجيه الصداع وخصوصا الم الظهر ما يطلع الا في

السوق او الربع ناطرين في الديوانية ( يعني ما تحلى الا اذا حضر )


مشكورين حبايبي عالردود

 

[حجيه هيونه]

الرياييل ماينراح معاهم السوق دوم مصرقعين لوووووول


احب اروح مع خواتي احسن شي يونسون

 

[بنت الديرة2009]

نفسي بالضبط
انا ماحب اروح معاة السوق
على كل شي يحاسبني
هذا ليش وهذا شحقة
وجد جد
احس اني ماعرف اشتري شي
جني خبله
بس اذا رحت بروحي
والله ما شا الله علي
فلته
وفريييييييييرة
ههههههههههههههههه
وجد جد اشتري اشياء حلوة
يعني هذا عادي عند الرياييل

 

[دنيتى زوجي M]

بالعكس احب اروح معاه ذوقه مشاءالله حيل حلو

ويونس بالطلعه ومو من النوع اللى يلا وبسرعه لا الحمدالله