انا وزوجي حيل متفاهمين ومدللني بس للاسف............

[بيتي بوب بس كويتيه]

لسلام عليكم بنات
ابي اصحاب الخبره يساعدون !!!
انا بقولكم مختصر سالفتي
انا زوجي مدلعني والحمدالله لدرجه الناس تقولنا اننو الحمدالله صرتو حيل متفاهمين
لانه اول زواجنا مشاكل للراس
والحين الحمدالله صرنا وايد متفاهمين

بس عندي هالمشكله الي منكده علي زوجي يخوني بس خياناته بالنت وبرامج الايفون فقط
طبعا انا ادري عن كل شي لاني مراقبته بدون لا يدري اني اعرف ارقامه السريه

ويطالع افلام خلاعيه وايد

طبعت اهوا دايماً يمثلي انه وفي ومستحيل يخوني ومسوي روحه انه كلش حتى صوره ما عنده
وانا امشيه الفلم



ترا هذا الشي ادري عنه من سنين وكنن ساكته وكنت اراقبه من بعيد واسحبه صوبي بطريقتي
بس الحين صارلي فتره ما اتحمل

وخاصه انه صار يكلمهم بالواتس اب وفي وحده كان يكلمها واهوا يمي طبعا عفست الدنيا عليه ووصلت انه اكرهه

من بعد الهوشه وخر عن هالطريج
وصار يراعيني بس انا الشك ذبحني صرت اراقبه 24 ساعه وابينله
لما رد الحين مره ثانيه يكلم وحده ثانيه ومكلمها يومين لما شافني اراقبه وكنت واضحه بالمراقبه ما كلمها
وطنشها
بعطيكم معلومه ما يكلم كويتيات او عربيات كله اجنبيات

اما تعبت واما ساكته واضحك بويههه وانا من داخلي محترقه

 

[شادن33]

اولا حلو توقيعج من زمان شايفته ونسيت اسم العضوه هههه

ثانيا الريال يخربط نظريا يعني مؤ عمليا سوالف ع الواتساب وبس

شوفي اللي يجذبه لهالنوعيات بالذات شنوووو !!!

ومادام انتي تراقبينه وانا ما اايد هالشي بألمره شوفي سوالفهم عن شنو وحاولي تجذبينه باللي يحب

وعسى الله يهديلج اياه ومايشوف غيرج

 

[Perfume]

حبيبتي وضحي اكثر اهوا يتعرف عليهم بالنت ويكلمهم بالواتس اب شيقول لهم يعني ؟؟
غزل والا جنس والا شنو ؟
يطالع افلام خلاعية يعني اباحية ؟؟
ممكن يكون يحب الجرأة من الناحية الجنسية فحاولي تجذبينه من هالجانب
اما سوالف الخيانة خلج حازمة وصريحة ولا تتهاونين فيها ابداً

 

[شادن33]

وصيري صديقته سولفي بالمواضيع اللي يحبها نفس سوالف اللي يكلمهم شسوين بعد !!!!

 

[كويتية بروما]

اوووف منه
الله يهديه
انصحيه وخليه يقوي صلته بالله
دكريه بالصلاه
ما اتوقعه يصلي دام هدي سوالفه
وحاولي تروحون العمره مع بعض
ترا والله حرام هالسوالف ما يخاف يموت وهو يشوف هالاشياء اهو ضامن عمره استغفر الله
يبيلج تقوي الجانب الايماني عنده
الله يسخره لج

 

[Reelax]

بالمواضييييع هذي مثل ماذكرت بموضوعي ماينفع الا الدعااااااااء بالهدايه وتوكيل الامر للخالق قال تعالى انك لاتهدي من أحببت ولكن الله يهدي من يشاء )


انتي عليج تقومين بواجباتج وتكونين بشوشه وباحسن منظر. اما شلووووون تغيرينه ويترك هالاشياء مثل ماقلت لج
دعاااااء. وتوكل بالخالق

 

[ناتشوو]

انا ماعندي حل

بس عندي سؤال
شنو الهدف من مراقبة تلفونه24 ساعه؟
اوكي عرفت عنده خرابيط
ماسويتي شي

درى انج دريتي وواجهتيه ولا تغير
احس المراقبة بهالحالة بس تعب اعصاب ورفع ضغط وتوتر

الجئي لربج

عسى الله يهديه

 

[Alias]

حبيبتي لازم تعرفين سبب خيانته لج علشان تقدرين تحلين المشكله. هل يخون باستمرار هل هذي اول مره هل هذي شخصيته ؟

 

[سمراءوافتخر]

السلام عليكم

الغلا شوفي اهم شي المراقبه ما فيها فادية غير الغثا ووالتعب وقبل كان يكلم من وراج ومحترمج والحين قاعد يكلمهم جدامج قال عرفت وخلاص الحين الكورة في ملعبج شوفي خليه يركض وراج ويدور رضاج مثل ما يركض وراهم يعني اشغلي نفسج عنه بطلعات مع رفيجاتج ودرسي تعلم يلغة انجليزيه اشتركي برياضه وتثقفي اقري كتب ادخلي دورات لتطوير الذات زوجج يوم يشوفج انج بعدية عنه وانشغلت بنهبل ويركض وراج خليج ثقيله لا تردين عليه من اول مره خليه يرن مره و2 و3 ادري صعبه بس حاولي بيني له انج تثقين فيه ثقه عمياء وانج عارفه ومتاكدة انه يحبج ولا يمكن يخون ربه واذا لا سمح الله صار ما راح تقعدين عنده دقيقه وحدة خليه يخاف انه يخسرج وشوفي الباحثة الإماراتية هلا خلفان شوفي دوراتها رهيبه وايد ساعدت بنات سوي سيرج بقوقل وشوفيها واهم شي انج الدعاء لرب العالمين وربي يسخر لج زوجج ويهديه ويكون قرة عينج يا رب يا كريم

 

[Arwa AL-O]

اول شي عليج بالدعاااء ادعيله الله يهديه ويصلحه ويسخره لج
ثاني شي حاولي بما انج تراقبينه عرفي شنو سوالفهم وعن شنو
وشوفي يمكن يحب سوالف معينه ما يسولفها وياج فحاولي تعرفين شنو اللي اهوا يبيه وسويه
ثاني شي بعد ما تعرفين شنو السوالف اللي يحبها لا تراقبينه خلج عاديه معاه وعطيه الثقه
وبينيله انج واثقه فيه لابعد الحدووووود يمكن يستحي من هالشغله ومايخونج

تقبلي مروووري

:eh_s(17):​

 

[بيتي بوب بس كويتيه]

تدرون سوالفهم مو جنسيه بس تعارف ووطبعا ما يظل على وحده يغير دايما
وتقولون ليش اراقب مثلا يعني اخليه وانا ادري عن سوالفه
وانا ما اراقبه دايم بس اشوفه متغير اهني اراقبه

 

[ديانا سبنسر]

مع ناتشو

 

[امـ خــزامـى]

حبيبتي مالك الا انك تلجئين لاستشاري نفسي واسري
زوجك مدممممن انتبهي ثقتك بنفسك تختل وتحسين ان الغلط منك لا حبيبتي
بهالزمن مافي بنت ماتهتم بزوجها وتلبس وتكشخ وتتنظف وتعرف اللاسلوب الزين والسنع

كل السالفه ان زوجك متعود على هالاسلوب وعايشه قبل لايعرفك ومدمنه ومو قادر يتخلص منه
عندي كذا نصيحه بس بصراحه مادري تمشي معك ومعه ولا لا

فعشان كذا لو حبيتي راسليني خاص


الله يسخرلك ولنا ويهديهم ويبعد عنهم كل شر

 

[معي احلى]

مع ناتشو انه المراقبه وجع قلب ومافي شيء يتغير ..


من اول كان يسولف ... وخايف تكشفيه كان على اعصابه الان هو داري انك داريه ومع ذلك جالسه عنده ..


سواء كان سوالفه جنسيه او عاديه ... مسألة ان رجال يتكلم مع واحده بالنت . او بالتلفون .. عند الرجال مش محسوبه .. من ضمن الخيانه .. هو يتسلى او ادمان من ايام العزوبيه ..



الاخت الذي تقول يمكن ما يصلي .. الصلاه تنهى عن الفحشاء والمنكر .. بس لما يكون فيها خشوع .. << لربما يكون يصلي بس اسقاط فرض ..




الله يصلح الحال

 

[Patcholli]

حبيبتي لازم تعرفين شكج بمحله او لا
\
اذا فعلا الريال تاب خلاص عطيه فرصه يديده

 

[عازفة الذكريات]

اولاً عليكي بكثرة دعاء والاستغفاار يااكثر ابواب مغلقه وفتحه الاستغفاار وشي ..
ثانياً لازم تعرفين هذا شي من قبل زواج او من بعد زواجكم ....
اذا من قبل زواج يعتبر ادمااان ويجب له علاج نفسي
واذا من بعد زواج شوفي نفسك ممكن يكون فيك اشياء مو موجوده وهو يبيها
والله يرسل له الهدايه

 

[احلا المزايين]

الحين من. مايخون الا من رحم ربي ثلث ارباع رياييل الكويت خياناتعيشي حياتج
انسي موضوع انه يغازل
عامليه كأنه بريء ماعمره خان
ومارسي احلا فن بالزواج وهو فن التغافل
اللي كلنا نمارسة بصورة يومية

 

[قطوووة]

قربي منه وكلميه جنج رفيجته مو زوجته

لاتنفعلين واسمعيه للاخر
مهما قال وتكلم لاتنفعلين

مهدي له طرق البوح براحه تامه

ولاتحكمين عليه

قولي انا حلالك .. صارحني

 

[(حكاية قلب )]

عرفي الاسباب ليش يكلم بنات غيرج قولي له انا مقصره معاك بشي ؟
وقبل لا تقولين له صيدي عليه شي مثلا رسائل او اي شي او محادثات المهم دليل

 

[Um Tuki]

حبيبتي ماعليج من اللي تقول لج عادي اغلب الرياييل جذي
لا فديتكم مو اغلب الرياييل جذي
في رياييل وايد خايفين ربهم

حبيبتي تعرفين ليش ريلج راح يخون ؟
لان الافلام صارت ماتشبعه
يبي يجرب
بس مو معاج
لا
مع نفس اللي بالافلام
الشقرة الضعيفة الطويلة
اللي مخصصة جسمها لهالشي استغفر الله

و هذا مايدل على عيب فيج

لا

يدل على ان ريلج فيه العيب

و انتي غلط لما كنتي تدرين عنه يشوف افلام وسكتي
لازم ماتسكتين لانه راح يدمن هالشي ويتعود عليه و يدوره
يبي مثله


ربي يسخره لج