انا وزوجي المعقد

[بوح الحنين]

مع احترامي لك الموضوع حده تافه انا سعوديه وعندنا عيب السواقه

 

[مكنتوشه]

خلاص بعد هذي عاداتكم وتقبليها
وحمدي ربج خلاج تسوقين عن خاطرج ..سويته معقد !!!

صج أغلبية الحريم نفس الحديث
عن ابن عباس - رضي الله عنهما - قال: قال رسول الله - صلى الله عليه وسلم -: "أُريت النار، فإذا أكثر أهلها النساء يكفرن قيل: أيكفرن بالله؟ قال: يكفرن العشير، ويكفرن الإحسان ، لو أحسنت إلى إحداهن الدهر ثم رأت منك شيئا قالت: ما رأيت منك خيرا قط". متفق عليه.

 

[Vous jamais]

شلون تسوقين والسواقة ممنوعه عندكم

وهذي عندج عقد بلاج ما شفتي شيء ههههههه

 

[english muffin]

مسكين ليش تقولين عنه معقد
اهو خاف عليج لانه ممنوع هالشي عندكم
ماجوف انه سوا شي غلط

 

[حبيبي مالكني]

انا ماشوفه معقد
هاي قوانين بلدكم واهو يحترمها

 

[فراحينو]

بكره اذا صداوج الشرطه او احد شافج بعد قولي معققد حمدي ربج خلاج تجربين

صج فراغه

 

[أم عزيـز]

حبيبتي دام ممنوع عندكم المفروض انتي من نفسج ما يصير تسوين شي يودي زوجج بورطه
بالعكس احس ماله داعي تزعلين الريال خايف عليج وعلى نفسه لان هذا قانون دولة
اذا خلاج مره علشان خاطريج انتي بعد لازم تحطين له مريون خاطر وما توهقينه بشي غلط وممنوع

 

[تفاءل بالغد]

خخخخخ


كان زين نسوق ولا الحبسه ...

 

[الشهد كله]

معقد عشان يخاف ويغار عليج


الله يسامحج​

 

[تفووق الوصف]

حسبالي عندج سالفه

 

[خالتي قموش]

قولي الحمدلله يا مره
على بالي مسوي شي جايد

 

[ام زهقانه]

انا اقول صج حبيتي لا تغترين بالي تسوق سياره تراهي مكروفه ولا ورها رجال
انتي ملكه وراج رجال يوديج ويجبج

 

[قموووره]

حبيبتي انا اشوف ان الريال اخذ بخاطرج وخلاج تسوقين من خاطرج بس هم انتي بعد لازم تقدرينه ولا تييبين له الكلام
بما انه ممنوع بالسعوديه انتي قدري موقفه بعد الله يهداج ووسعي صدرج عليه ولا تشوفين بس الي انتي تبينه هم سوي حساب حق هالريال الي اخذ بخاطرج
حبيبتي انا ما اشوفه معقد هذا شي عادي وانتي اذا يهمج زوجج المفروض انتي تحرصين انج ما تييبين له الكلام
والله يصلحكم ويخليكم لبعض​

 

[سلسبيل الجنه]

شهالتخلف ...بس هاذي مشكلتك ..الناس متدمره حياتهم وانتي عشان ماكملتي سواقه صار معقد ..المعقد والله راسك

 

[om-3azo-83z]

ليش معقد ماكو شي تغير السواقه ممنوعه عندكم طيب منه خلاج يعني لو موقفينكم شرطه ترضين ريلج يتبهذل ! تحملي هذي عادات و تقاليد و قوانين دولتكم لو كنتي متعوده على هالشي نعذرج بس انتي عمرج ما سقتي ولا احد من حريم اهلج ساق يعني مو شي يديد

 

[orchidia]

عيل لو قالج لا تكلمين لا تروحين لا تيين لا تردين

اهلج ماتروحين الا مرة بالشششهر

البيت ماتطلعين منه الا على قبرج ههااي

والله رفيجتي جذي ريلها طلعات المرة عنده 3 1- من رحم امها 2- من بيت اهلها لبيت ريلها 3- لقبرها

عادي هذا شحليله وافق يخليج تسوقين ويحق له لا مرت سيارة قال خلاص عااااااادي

ومصطلح تفضحينا مو فضيحة بس يعني عشان مايصير عليه كلام ترى ربعه لو دروا عنه مصخروه

احمدي ربج ع النعمة وان وافق تسوقين وهذا يدل انه يبي يبسطج

والله يوفقكم

 

[عسل مرت قيمر]

اممم في ردود ماله داعي


وبنسبه لموضوعج

مدام ان ممنوع عندكم

معاه حق

 

[خلطات المذهله]

ياحلاه الريال الغيور اصبح عمله نادره تستتي وراتاحي وخلي السياقه والكرف عليه

 

[يارب يطيب عبود]

الحمد لله والشكر الحين هذي صارت مشكله
يعني شي جديد عليك ما تسوقين
من قبل لا تنولدين وسواقة السياره للنساء ممنوعه
اللي يسمعك يقول هذي قبل لا تتزوج ما تنزل من
السياره >>>>>> شفيني كني عصبت

 

[تبوك الورد]

مشكورين على الردود انا قلت معقد مو بس عشان السواقه وانا ذكرت هذا الشي كل شي اسويه بنظره غلط وعيب حتى اللبس اذا لبست لبس حلو وقعدت معاه يقول روحي غيريه يمكن اهلي يجون وامي تشوفك كذا؟؟؟؟؟؟؟اذا رحت عند اهله اي كلمه اقولها يقول فشلتيني حتى لو كلمه عاديه ماادري ايش اسوي معاه