انا وخطيبي واخوه

[حبك عذاب]

السلام عليكم ورحمة الله وبركاتة


كيفكم بنات وحشتوني حيل ووحشتني سواليفكم

بنات انا حبيت احط موضوعي هني عشان بنات هالقسم احسهم وايد فاهمات وعاقلات وبيفيدوني


المهم بلا كثرت كلام بقولكم سالفتي


سالفتي باختصار

http://www.q8yat.net/showthread.php?t=677214





طبعا انا بعد هذا كله تقدم لي ولد خالي وانا استخرت ووافقت وملجنا وللحين ماحددنا متى بيكون العرس

هذا كله مو مهم المهم من لما وافقت وملجنا واحنا كل يوم مشاكل بمشاكل احس ماني قادره اتحمل اكثر

مادري الغلط من منو المفروض انه يكون فاهمني بحكم انا متعودين على بعض بس صاير وايد يزعل

كأنه شخص ثاني غير عن الانسان الي اعرفه طول عمري الحب للحين يحبني بس صاير وايد حساس وعلى اتفه سبب يزعل

يتكلم عن المستقبل يقولي ياااه متى تصيرين عندي ماني مصدق اني ارتبطت فيج اخيرا بنات انا مو من النوع الي يعرف

يعبر وبصراحه اكثر خايفه اتعلق فيه ما احب يتكلم عن المستقبل احب نعيش حاضرنا وبس وباجر الي يصير يصير

هو فاهم هالشي على اساس اني ما احبه او ما ابيه دايما يسالني انتي احد غاصبج علي ماتبيني ولا للحين تحبين ا

لمرحوم وشكلج عمرج ماراح تحبيني كل يوم زعل وهواش انا مليت من الحاله ماني عارفه شسوي اذا كنت سرحانه قالي

تفكرين فيه اذا احد جاب سيرته احسه بياكلني بعيونه بيشوف ردت فعلي انا ما انكر اني احبه واني ولهانه عليه وايد

ويمكن للحين ماقدرت انساه بس انا قدرت اتقبل حياتي اليديده واحب ولد خالي الحين واعشقه بعد بس هو مو راضي

يصدقني يقولي

هذا كله كلام من كم يوم تزاعلنا وقلتله خلاص نترك بعض احسن بس هالكلام مو من قلبي مابي اخسره بس فهموني

شلون اتعامل معاه

اسفه ادري كلامي كثير بس مخنوقه ومحتاجه افضفض ومالي غيركم

 

[أحـلام * ورديـة]

رد : انا وخطيبي واخوه

حبيبتي انتي ادري اللي صار شي يعور القلب

بس انتي المفروض الماضي خلاااص تنسينه وجنه شي ما صار

وقعدي مع خطيبج اللي الحين وفهميه انه اهو اللي بحياتج الحين ومافي غيره

وانج تحبينه وانتي اللي ابدي تبينين له انج تبين تخططين حق حياتكم مع بعض حتى لو ما تقدرين

ضغطي على نفسج عشان لا يحس انج ليلحين متعلقة باخوه

وعلى سالفة كل شوي يزعل يبي اهتمامج ما يبي يحس انج لليحين تفكرين باخوه ترى حتى لو

اخوه ومتوفي اكيد بيغار

حبيبتي خلاص فكري انج تونسين عمرج شوي واستانسي ترى هالايام احلى الايام

وباجر راح تنسين خطيبج الاولي

والله يوفقج

 

[عاشقة_الجمال]

الحي ابقى من الميت

ولازم تعيشين حياتج مع الشخص اللي يحبج واختارج من بين البنات

وانتي بنفسج تقوولين انج صرتي تغارين عليه وتحبينه

ولا تحطين سالفه اخووه المرحووم بينكم ترى انتي اللي بتخسررررررررين

خلاص المرحووم الله يرحمه وما ظنتي هذه خيانه لذكراه اذا خذيتي اخوه او غيره

وتأكدي لو العكس وان انتي اللي توفيتي اهو ما ظنتي راح ينطر 4 سنين وما يفكر بالزواج !!

فطلعي من الاحلام الورديه وعيشي الواقع وانتي مبين عليج انج تفكرررين بعقلج

وحافظي على زووجج اللي ان شاء الله بتعيشين معاه احلى الايام

وحسسيه بحبببببببببببببببببببببببببببببج

 

[هوازن العتيبي]

رد : انا وخطيبي واخوه

حبيبتي انتي ادري اللي صار شي يعور القلب

بس انتي المفروض الماضي خلاااص تنسينه وجنه شي ما صار

وقعدي مع خطيبج اللي الحين وفهميه انه اهو اللي بحياتج الحين ومافي غيره

وانج تحبينه وانتي اللي ابدي تبينين له انج تبين تخططين حق حياتكم مع بعض حتى لو ما تقدرين

ضغطي على نفسج عشان لا يحس انج ليلحين متعلقة باخوه

وعلى سالفة كل شوي يزعل يبي اهتمامج ما يبي يحس انج لليحين تفكرين باخوه ترى حتى لو

اخوه ومتوفي اكيد بيغار

حبيبتي خلاص فكري انج تونسين عمرج شوي واستانسي ترى هالايام احلى الايام

وباجر راح تنسين خطيبج الاولي

والله يوفقج

نفس ماقالت ,,,,,,,,,,,,حبيبتي​

:sfg:

 

[!الجادل الصعب!]

رد : انا وخطيبي واخوه

موضوعج عور قلبي والله .. شي صعب لاحبيتي وضاع من ايدج هالحب بس الخيره فيما اختآره الله .. انتي اخترتي تكملين مع اخوه .. واكيد عارفه ان في صعوبات راح تواجهينها ..
الحل .. قبل لا تتزوجون ويسكر عليكم باب .. كلميه بهدوء وفهميه ان اخوه مآضي .. بكل حلوه وشينه ماضي وهو لما اختار يخطبج يعرف ان ما في زر يضغطه ويختفي اخوه من بالج .. يا انه يتقبل هالشي والافضل تطولون بفتره الخطوبه عشان تتعلقين فيه اكثر من غير اي توتر او تنفصلون من الحين عشان تعيشون حياتكم بدون مشآكل ..
مووفقه ..

 

[اشتياق]

اهو توه ببداية الطريج
وانتي بنصه
يعني اهو يبي يحلم ويسولف وبنحب حاله حال اي واحد توه بادي حياته
مو ذنبه انتي مجروحه وخايفه وحزينه
عيشي معاه لحظه بلحظه
وميخالف خليه يحلم

 

[عنب احمر]

خل اقولج ليش كله هواش ومشاكل اهو من كثر مايحبج يغار عليج حتى من ان انج تفكرين بالمرحوم

وعادي لان توكم باول الطريج يبي لكم على مايتعود ويتقبل الوضع وانتي حاولي انج لي صرتي يمه تصيرين مفرفشه
ومستانسه وبيني له ان الحياه بوجوده حلوه وتهبل وعطيه من هالكلام لين خلاص عقله يقتنع بهالشي والله يعينج يبي لج مشوار
بس لاتيأسين عشان حياتج تصير احلى واحلى \ والله يوفقج حبيبتي

 

[تبطي عظم!]

عادي وشفيها اذا تكلم عن المستقبل معاج !

انا نفسج بفترة ملجه وهم زوجي واجد يتكلم عن الحياه الجايه وحيييييييييل يسبق الاحداث

تصدقين مسمي عيالنا من الحين ! عادي حبوبه


انتي رضيتي تكملين معاه ورضيتي تواجهين حياتج خطواتج للحين تمام ليش تخربينها !

الماضي انسيه واطوي هالصفحه والمرحوم مات والحين ابقى من الميت عيشي اللحظه مع خطيبج الحين

يمكن هو حاس انج للحين تحبين المرحوم لانج مو محسسته برغبتج فيه من هواشكم او تسكتينه لي تكلم عن المستقبل

خليه يعبر عن الي بداخله وانتي عيشي معاه هاللحظات ~

الي الله كاتبه راح يصير لا تخافين

في مقوله ما ادري حق منو تقول :

لا تحزن اذا حجب الله عنك شيء تحبه فإنه عطائه نعمه ومنعه حكمه ولو ادرك الانسان كيف يدبر الله له الامور لذاب في حبه .

الله يوفقج حبيبتي ~

 

[حبك عذاب]

رد : انا وخطيبي واخوه

بنات انا خلاص كملت حياتي وتقبلتها من جديد والماضي ما اقدر امحيه من حياتي بس تبقى ذكرى حلوه بقلبي

انا مشكلتي مادري كيف اقدر اخليه يقتنع ويوثق اني خلاص الحين احبه وماعندي اغلى منه بالدنيا

انا شفت صدمات كثيره بحياتي واحس شي فيني انكسر بس انا قاعده احاول ابني نفسي من جديد

بس تعبت من المشاكل والشك والهواش بس خلوها على الله



ومشكورين بنات ماقصرتم

ان شاء الله ماتفقدون غالي قولو آمين

 

[مناير ...!]

رد : انا وخطيبي واخوه

تحمسي معاه لاتنسين هذا مستقبلج بعد انتي
مو بس مستقبله والله يوفقكم

 

[FeShinGoOo]

رد : انا وخطيبي واخوه

واي اشلون يغار من اخوه الميت قلبه مايعوره لما ايب طاريه ؟

على العموم انتي ماغلطتي والي صارلج مو شي بسيط عشان تنسينه بيوم وليله وقوليله انت تزوجتني وانت عارف قصتي وتفاصيلها ساعدني اعيش حياتة يديده مو تصعب علي حياتي وتخليني اعاني اكثر

 

[English.Teacher]

رد : انا وخطيبي واخوه

صدقيني مهما كان يحبك فكرامته فوق كل الشي
ادري اللي صار لك صعب بس لازم تحطين حد لهالشي

وتوقفين تفكير باخووه

ياخوفين تصحين وتلقينه مع غيرك وتبقين انتي مع وهم وخيال ميت

عيشي يومك من حقه بوحدة تحبة وقلبها له

بطلي نكد وسرحان وتفكير بغيره

الرجال اذا كره كره بكل قلبه

لاتعطينه فرصة انه يكرهك

خوفك يحاول يرد اعتباره وكرامته بانه يطلقك ويتزوج غيرك بس عشان يقهرك ويثبت لك ان في غيرك يحبه وقدره

انسي اللي فات وعيشي يومك وعوضيه عن اللي فات

 

[ابدا يالغالي مانساك]

رد : انا وخطيبي واخوه

الله يعينج حبيبتي قريت نص قصتج اما الرابط اللي فوق ماقريته وفهمت من البنات اني اخوه متوووووووفي الله يرحمه ويوسع بقبره ولجميع المسلمين وانتي فهميه وقعدي معاه اذا ضروفكم جذيه وقوليله ان فلان راااااااااااح الله يرحمه وحنا عيال اليوم وابيك تنسي وهذا اخووك واكيد احمل بقلبي معزت افراقه وخلنا نعيش حيتنا بدوووووووووووووون ذكري الماضي واهم شي مثل مانت تحبني تاكد ان لك بالقلب واكثر وانتي فهميه بالاسلوب الحلو وتكلمي يمكن طبعج ماتكلمين ودافعين عن نفسج بالكلام لين تلقين لولد خالتج اسلوب وكلام يبرر فيه عن حالة الجفاف بالمشاعر من ناحيتج وتركج وعسي ربي يوفقكم مع بعض ويسعدكم ويحفضج ويشرح صدرج ياررررب

 

[أجمل اقداري]

ياحياتي مو عيب ولا حرام تتكلمون عن المستقبل انتي مرته بشرع الله
اما بالنسبه للماضي فهميه انك تعيشين حاضر حلو معه وانك تبينه ومحد جبرك عليه بطريقه غير مباشره وتحبينه لكن قوليله انك من النوع الي يحب كل شي في وقته يعني كل شي بوقته حلوو مع اني اشوف احلى ايام ايام الملكه والكلام عن المستقبل بشكل حلوو
ولاتضيعين احلى فتره بالدنيا بسبب خوف او شي راح وانتهى فهمتي علي

اما بالنسبه انك تخافين من المستقبل محد منه عراسه ريشه وضامن مستقبله كلنا ماندري وش بيصير فينا لكن ربي يكتب لنا كل الخير
وبقلك كلمتين حبي وابيك تحطيهم حلقه بإذنك وودي تفهميهم وتعرفين مقصدي منهم

((حاااااااال المرء فااااااااااله))

وربي يسعدك وياه ويوفقك

 

[ام شووووق]

رد : انا وخطيبي واخوه

انا مو من النوع الي يعرف

يعبر

كلامج هذا يناقض كلامج اللي بالقصه الاولى انتي مشكلتج خايفه ومجروحه

وخايفه تحلمين و تنصدمين مرة ثانيه

هذا زوجج الحين مو غلط تحلمين معاه ولاتخافين واتذكري انه ربج عوضج

والحي ابقى من الميت

 

[MISS-_-FLOWER]

رد : انا وخطيبي واخوه

حسسيه باهميته انج تغارين عليه لين يقتنع عدل انج تحبينه

 

[miss_jamsheer]

اهوه يدري اشكثر تحبينه واللي يحب مايكره ولا ينسى وانتي ليلحين اتحبين المرحوم واهوه يدري عشان جذي اهوه حاس فيج ويشوفه بعيونج صدقيني فتره وبيتاقلم وبيفهم انه خلاص ماضي وخاولي تعطينه من حب وحنان وهالسوالف

 

[MiSS B.K]

رد : انا وخطيبي واخوه

الله يعينج حبوبتي

 

[Cander]

الله يعينج

كثريمن الاستغفار اختي ، ولا تكلمينة فترات طويلة

يعني باليوم مرة او مرتين في اليوم عشان لا تزيد المشاحنات

واذا ياب طاري المرحوم ترحمي علية وبس لاتسولفين وايد معاه بهالسالفة

وفرفشي وضحكي لما تكلمية ترى الكلمة الحلوة مفعولها قوي

 

[قلبي عبدالله]

كيف يغار من اخوه وهو ميت

وكبف يجيه قلب يحس بالغيره منه

دنيا عجيبه