انا وآختي لنآ سنه كآمله مآنكلم بعض عشان سبب تافه سآعدوني عسى ربي يوفقكن ويفرج همومكن

[Θ r K € Dُ a]

السسسسلِآم عليكــم بنآت

شخخخخبآركم ان شآء الله تمآم :eh_s(22):

اممممم سآلفتــي سآلفه يآبنآت
انا بنت عمري 17 سنه
وآختي اللي آكبر مني تقريبآ 26 سسنه

تخيلوآ لنـآ حول السسنه مآنكلم بعضضنآ !!!! :eh_s(2):

وربي يآبنآت تعذذذذذذبت منهــآ بقوه
لدرجة انهـآ تفتن بيني وبين آمي وتقول آشيآء انا مآسويتهـآ آصلِآ !

بتقولون كيف سنه كآمله وببيت وآحد ومآتكلمون بعض
آمممممممم هي من النوع الغيور وعصصبيه بقوه بقوه بقوه
تخخخيلوآ اكرف كرف مو طبيعي بآلبيت حتى ايآم الامتحآنآت كررف
حنآ نظآمنآ ع طووول السنه آختبآرآت ثلٍِِآث فترآت
وآختي طبعا من سآبع المسسسسستحيلآت تطبخ عني
يعني يكون علي الطبخ ذآك اليوم وعلي آختبآر وكذآ
مع هذآ آطبخ وحآلتي حآله ومآآخلص من التنظيف الا السسآعه 11
وآروح آخذ شور وآستشور الا جآيه السآعه 12 آذآكر لي كلمتين وآنآم
بسس الحمدالله آختبآرآتي اغلبهـآ حلوه مآشآء الله لآن نيتي زينه وآمي لو تدري آني آختبر
كآن تطردني برآ المططبخ وتخليني آذآكر بس مآآعلمهـآ عششآن مآآبي آتعبهـآ
وآختي ذي قلبهـآ مآفي رحمه ابد
تززعل مني علششآن آشيآء تآفهه
تغآر مني ..
يمكن عششآني حلوه مآششآء الله والنآس يبوني لآني آجتمآعيه وكذآ >مو مدح فيني بس بقولكم ليش تغآر يعني

قسسم بآلله آنقهر آحيآنآ .اشوف صديقآتي يقولون آسرآرنآ وكل شئ عند خوآتنــآ يعني كل شئ نقوله لهن
مآنخخخخخبي شئ آبدآ .وآنآ خلآص هينآ تتكن العبره وربي !!:eh_s(14):


آتمنى عندي آخت اسولف معآهـآ وآضضحك وآفرفش
وآتمنى عندي آخت نطلع انا وآياها للمجمع ونتمشى ونشري اللي نبي
وآتمنى عندي آخت آقوله آسرآري وكل شئ يصير لي بآلمدرسه

بسس بآلججنه ان شآء الله

السسب انهــآ عصصصبيه وومآعندهـآ اسلوب آبدن
تجيني وانا جآلسسه ع آلنت وآسولف مع صديقآتي وآضحك وتنجن هي عششآني مستآنسه
مآتتمنآلي الخير آبدآ تروح تقول لآمي ترآهـآ منا الصصبح وهي عند النت الله آعلم من قآعده تتكلم معآه >شوفو كيف الفتنه
وآمي يآبعد قلبي تصدقهــآ وتنآديني وانزل تقول آكنسسي او تشغلني بآي شئ كله من السوسه آختي

قسسسسم بالله مآآتشرف اصلِآ آقولهـآ آختي !!!
تخيلوآ تزعل عششآن آشيآء تآفهه وتهآوشني بسبب بسسيط
يآآستشوآر حآطته ع الطآوله >بالله عليكم هذآ سبب يخليهـآ تزعل وتهآوش
لدرجة مره قفلت الغرفه الصبح كنت بروح الدوآم ومتآخره
وآطق وآطق وآطق الا مقفله الغرفه
المهم دريت انها زعلآنه ومعصبه ..وآصصصصبخ بآقوآ مآعندي بآلبآب بس مو نآويه تفتح
قلت شوفي ترآ دقيقتين واذا مو رآضيه تفتحين قسم بآلله لآآنزل وآعلم آبوي لآخليه يعلك كيف تقفلين الغرفه مره ثانيه
عششآن استشوآر مآدخلته بآلدولآب يآلمنفسسسه !
وفتحت لي آشوآ ودفيتهـآ ووخرته عن وجهي

بآلله عليكم وحده عمرهـآ فوق الخمس والعشرين تسوي هالاشيآء !!
والمششكله انا اللي آصغر منهآ آكبر منهـآ بالعقل وآمي وآختي الثآنيه تقوله
يعني مآآدري هي مريضه نفسيآ عشآنهـآ مآتزوجت للحين .., والا الشيطآن يسوي كذآ
وربي مرآت اصصيح لآتذكرت حجيث الرسول فيمآ معنآه
ان كل يوم اثنين وخميس ترفع الاعمآل الى الله آلآ آثنين متخآصمين
وانا لي سسسنه آو آكثر مآآكلمهـآ معقوله مآترفع آعمآلي الى الله :eh_s(2):


يآنآس شسوي معهــآ وربي تعبت تعبت والاختبآرآت الاسبوع الجآي وبعد شوي بقوم اجهز للعشآء
مآترحمني ابد .الاختبآرآت الترم الآول تخيلوآ شسوت
اختبآرآتي آسبوعين ططبعآ مآآدخل الطبخ ابد ابد كله عليهـآ
اول مآخلصت زينت العشآء لآهلي جآء من بكرآ قآلت هيه انتي >نآظروآ كيف الاسلوب بس
المهم تقول ترآ المطبخ عليك اسبوعين كآملآت مثل مآكرفت تكرفين >وربي حمآره مو آدميه
وفعلآ قعدت آسبوعين كآملآت آكرررف وهي متسدحه ع اللِآب توب !! آوم القهر :eh_s(2):


شآلسسوآة معهـآ عجزنآ معهـآ حتى آمي مآتطيقهـآ ودآيم آقول لآمي يمه تكفين كلميهـآ تقول نفسيه آكلمهـآ كآني آكلم حمآر
امس تخخخيلوآ شآفتني مستنآنسه ومنسدحه آسولف مع صديقتي بآلمسن طبعآ بيتنآ كله سيرآميك مآعدآ غرف النوم
وكآنت الجزمه وآنتم بكرآمه شوي منهـآ جآي عالفرشه
وتجي مسسرعه وتهآوشني قآلت كم مره اقولك انتي لآتحطين الجزمآت ع الفرشه وصخآت !!!
يعني مآتحسسون تفكيرهـآ سخيف وغبي


من كثر كرهي لها صرت مرات ادعي عليها بالموت اعوذ بالله بالذات اذا كنت مستانسه ونكدت علي
وربي لو تششوف كآسة مويآ لي والا لامي ماتششيلها تقول اللي حطها يشيلها

وماخذه كل شئ بحياتها جد بجد وانا عكسسها مره مبسوطه الحمدالله وفرفوشه بس ماخرب علي الا هي

برآيكم وش الحل نكدت علي عيشتي وربي
لآتقولون كلميهـآ ترآ مآينفع
وعلى فكره عندي آختي الصغيره علآقتي معآهـآ زي العسسل
وآختي المتزوجه كمآن علآقتي حلوه معآهآ بس هي

يآليت تسسآعدوني
عسسى ربي يفرج همومكم ..:eh_s(17):
ودعوآتكم لي تعدي آختبآرآتي ع خير وآجيب نسبه آرفع رآس آهلي وآنححف يآرب

 

[الكوكبه]

اسمحيلي انتي الصغيره وانتي اللي لازم تبدين معاها حاولي بالكلام الحلو توضحين لها معاناتج معاها وانج ودج علاقتج تصير زينه معاها وانج مومرتاحه الحين الا لين تصفى القلوب لميها وصدقيني بيحن قلبها وترد المياه لمجاريها واحلى شي بالدنيا الام والخوات فلاتضيعين حياتج على زعل وترى الشيطان هو اللي يلعب بينكم فلازم تغلبون عليه طيب وين امج وخواتج الباقين مايصلحون بينكم غريبه

 

[Miss Moma]

الله يكون بعونج

ادري ماكتبتي الموضوع الا لان حاااز بالخاطر انه اختج و وابيت واحد وماتكلمينها بس ياحبيبتيي دامج عارفه اطباعها حاولي تجارينها لا تقطين اللوم على الغيرة والجمال اسمحيلي تفكيرج سطحي ادري انه هالاشياء سبب رئيسي بوايد مشاكل بس اذا انتي اقرب الناس قلتي عنها جذي الناس شتفكر
ترى الاعصاب تلقينها بكل مكان بالمدرسة بالشغل بالمجتمع الخارجي مثلا لو الابلة كانت عصبية بتزفينها او تمشين معاها؟؟؟؟ ولا عشان الناس لج حاجه عندهم و اختج لاء ؟؟؟ كبري عقلج عنها
انا بس بنبهج حق جم نقطه قلتيهم يمكن لو تغيرينهم تتعدل علاقتج بأختج:
أولا: انتي قلتيي ليش اهيا مريضة نفسيا عشان ماتزوجت ليلحييين وعلى قولتج عمرها 25 !!! شلون تقولين عنها مريضا نفسيا واهيا بعمر الزهور حبيبتي ترى العنوسه مو بهالعمر فا لا تدش هالافكار بمخج طووول ما انتي تفكرين فيهاا انها عصبيه وشخصيتها غير سوية بسبب معين عمرج ماراح تلقين الحل
الله الي خليقها وامج وابوج عليهم التربية وبس !! الله الهادي
ثانيا: عقب كل هالكلام تقولين لا تقولون كلميها هااا عيل ؟ شلون بتحليييين او ليش كاتبه الموضوع من الاساس؟

مبين عليج خوش بنية متربية وخايفه ربج عطوفه بأمج فا عشان جذي حاولي تكلمينها بالطيب مدحيها جدام اهلج تكلمي عن سنعها واخلاقها اذا عقلها صغير وتحب هالسوالف مشي معاها خليها تحبج دايما شاوريها وبدال لا تدعين عليها ادعيلها

 

[نور اهلي]

حبوبه مالج الا تاخذينها على قد عقلهاااااا وان شاء الله الله بيرزقج لان نيتج صافيه

الله بيعوضج خير ان شاء الله من الي تسويه فيج اختج والله بيرزقج من اوسع ابوابه الي ماقلتي لامج ان عليج امتحان على شان ماتعبين امج

بس مالج الا تاخذينها على قد عقلها وتسايسينهاااا كلمينها قولي لها انتي اختي الكبيرة وحقج علي اذا زعلت بشي وبوسي راسها بيطيح الحطب ان شاء الله

حسيسها انها مهمه وانها الكبيرة العاقله وان شاء الله الله يهديهاااااااااااااا ياااااااااااااااااااااارب

 

[احلا عجميه]

الله يصلح بينكم

 

[كسر قلبي زماني]

اعتقد لانها للحين مو متزوجه

لان كل بنت تتمنى تتزوج


عشان جذي
انا انصحج لاتحتكين فيها
ابد احتكي باختج لصغيره والمتزوجه وهذي حقريها !!!!!

 

[كسر قلبي زماني]

اعتقد لانها للحين مو متزوجه

لان كل بنت تتمنى تتزوج


عشان جذي
انا انصحج لاتحتكين فيها
ابد احتكي باختج لصغيره والمتزوجه وهذي حقريها !!!!!

 

[كيكه توفي]

اممممم في ناس جذي وايد

اعرف وحده نفس الشي اختها الكبيره تعاملها اسوأ معامله مادري ليش معنها متزوجه وعندها عيال وجامعيه الحمدلله ريلها زين ما عليها قاصر بس يمكن اهما اللي جذي فيهم مرض نفسي

انتي حطي بالج ان هذا طبعها وطوفي لا تضايقين نفسج عليها كل واحد وطبعه واهيه طبعها لا تعليق

والله يوفقج بامتحاناتج يارب

 

[أماني الورد]

الله يصلح ما بينكم ويهديكم

 

[دلال كول]

آتمنى عندي آخت اسولف معآهـآ وآضضحك وآفرفش
وآتمنى عندي آخت نطلع انا وآياها للمجمع ونتمشى ونشري اللي نبي
وآتمنى عندي آخت آقوله آسرآري وكل شئ يصير لي بآلمدرسه

وااااي كلامج هاذا جا على الجرح والله لاني وحيده واتمنى عندي اخت بس الحمدلله على كل حااال

وعلى اختج انا اقول لانها للحين ما تزوجت وانتي قوليلها انج تحبينها وعطيها هديه حلوه تعبر عن حبج لها
ولا تدعين عليها مهما كان هاذي اختج والله

 

[منطوق الغلا]

لاتدعين الغاليه ع اختج مهما كان هذي اختج من لحمج ودمج



بالعكس ادعيلها دعوه حلوه ادعيلها بالهدايه




ادعي انه الله يالف من بينكم ويرزع بقلبها حب لج




لاتحكمين عليها عسب انها ماعرست اتسوي هالسوالف لا الغاليه




يمكن هي شي بقلبها محد يعلم به غير الله سبحانه






الله يسعدج دنيا واخره








حاولي تعرفين ليش هالمعامله تقربي منها

 

[Gatwa]

يمكن تخاف عليج !!

 

[لمسات شمووخ]

صدقيني هذي وجهة نظر يمكن اهيا خايفه عليج
وانتي حساسه
ويمكن تكون فعلا غيرانه بهالحاله لازم تتجاهلين غيرتها علشان ما تتعبين

حاولي تقعدين معاها وتتكلمين
يمكن تكون اهيا بغلفه ولعلى تصحى

 

[رووز q8]

قلبو فديتج بدال لا تدعين عليها ادعي لها ان الله يهديها ويزرع حبج بقلبها ويآلف بينج وبينها ..~

والله يوفقج بدراستج وبحياتج كلها

 

[meen_ana]

ادعي لها الله يرزقها بالزوج الصالح للي تنشغل فيه وتفكم من شرها

 

[شمـوخي بكلمتـي]

يمكن لانها للحين ماتزوجت فتكون حساسه زياده عن اللزوم وعصبيه وتبي تفرض شخصيتها غصب على بالها محد معبرها
انتي خليج عادي معاها لا تحقرينها مهما ان كان هذي اختج حاولي تتقربين منها تسولفين معاها حتى لو اغلطت عليج استحملي
والله ان شاء الله يوفقكم ويصلحكم ويرزقكم بالزوج الصالح

 

[spanish-girl]

لا حول ولا قوة الا بالله حاولي انج تتقربين منها اكثر واحنتوا خوات مردكم حق بعض

 

[دنيتى زوجي M]

الله يصلح بينكم ويهدي النفوس

 

[هواجيس الفجر]

الله يعيييييييينكم

 

[الاء أم لولو]

يابعد قلبي
طيب كلمي اختك قوليلها ابيك بسالفه واقعدي انتي وهي وصاااااااااااااااااااارحيها بكل اللي بخاطرك واسأليها ان كنتي ضايقتيها بشي او سويتي شي يزعلها حتى لو ماسويتي شي عادي اسأليها سوي نفسك غبيييييييه وان انتي السبب فهمتيني
قوليلها انك تحبينها وقوليلها ليش تعامليني كذا انا اختك حاولي تبكين يمكن قلبها يحن
ولاتنسين هذي اختك والله ثم والله ماينفعك وقت الشده مثلها حتى لو قلبها مثل الحجر ولاتدعين عليها مهما كان وادعيلها بالهدايه والصلاح
حاولي تجيبين لها هديه لو اي شي ان شاء الله تافهه اهم شي هديه
توودي لها اذا ناديتيها ناديها بأحلى اسم تحبه يعني دلعيها
ومهما قست عليه لاتنفعلين
عامليها بأخلاقك لا بأخلاقها
اصبري عليها حاولي تحترمينها اذا حسيتي انها زعلت منك ولو بشي تااااااااااااااااااااافهه ممكن مايزعل اي احد معليش تأسفي منها
اقصد من كلامي اكسبها بأخلاقك معاها اذا عاملتك بالاساءه عامليها بالحسنى مهما كان وتذكري ان الله مايضيع اجر من احسن عملا


اتمنى من الله ان يصلح شأنكم ولايجعل في قلوبكم غلا على بعض