انا مو عارفه اشلون اتصرف ساعدوني

[فتافيت.]

مشكوره حبيبتي

 

[omaseel]

عادي اخوات

 

[فتافيت.]

لا حبيبتي اسمحيلي مو عادي انها تسبج وتصارخ عليج بالصالون والا بالسوق

وانها تعمد اطيح قيمتج جدام اي احد يزوركم

وتقول عنج خدامه

وتقول انتي ماتشرفيني انج اختي انا اكرهج ليش طبعا بدون سبب انا ما اسوي شي بس اهي لسانها قذر

وغيره وغيره


رجاءا بنات مابي وحده ادش وتحس ان مشكلتي تافهه

او ان هواش خوات

ترى انا عوده واعرف متى العلاقه يكون فيها عدم احترام وتقدير

بصراحه ما احب بنت فوق الي فيني احس انها داشه تتسلى بموضوعي ما كتبته الا ابي حل

 

[فتافيت.]

اب

اب


اب

 

[blue ocean]

يوم انج كتبتي عمرها عرفت انها مو ياهل مره ومفروض تكون عاجل وفاهمه وتداري على اختها وتراعيها

الله يهديها ان شالله انا مع الطاف الطويل صراحه اللي تكلموا عنه البنات مع انه صعب بس طبقيه لأنها تستحقه ..

ولاتخلينها تستفزج حقريها بيوم صدقيني راح تعرف قيمتج ..

ثاني شي انا كنت بقولج حاولي تدورين عن السبب .. يعني مستحيل كل اللي تسويه من غير سبب

مو شرط يكون سبب صحيح بس يمكن اهي تشوفه سبب يسوى يمكن اهي ماخذه على خاطرها

من مده طويله وعلى هالاساس قامت اتصرف معاج جذي مع انه هذا مو مبرر لها ..

يعني كنت ابيج تعرفين اساس المشكله عشان تواجهينها فيه ..

الله يهديها ان شالله وتعقل عن هالتصرفات .. والله ياليت عندي اخت اكبر مني جان

حطيتها بعيوني حتى لو مو بالعتني او حتى اصغر راضيه اختج مو عارفه قيمة الخوات الله يهديها ..​

 

[Ghreba eb derty]

حبيبتي احسن شي تعطينها طاف ولا كانها موجوه وانا مستغربه فوق لسانها وتصرفها الوصخ تروحين وتساعدينها بغرفتها @@ !!
خليها تولي ولا تردين عليها غير شغله هذي بعد صاكه الثلاثين وتصرفاتها جذي !!!!
لااا تعطيينها ويه كلش شنو وين قاعدين تصارخ عليج وتسبج بالصالون وبالاماكن العامه حتى الخدم ما نعاملهم جذي وشنو انتي خدامه :rgewrg:

شي يحررررر والله جان من اول موقف سوته مسحتي فيها الارض :rgewrg:

الا اهي من متى جذي معاج ؟؟؟؟


سووري ترا طلعت عن طوري :rgewrg:

 

[RN ALJRS]

اول شي قوي شخصيتج مو لهدرجه عاد ينغلط بحقج وانتي ساكته وتهينج وانتي عذرج امج وابوج لا حبيبتي تعلمي اللي يعطيج كلمه عطيه عشر كرهيها بحياتها عادي خووو اهيه ماحشمتج وانتي اكبر منها واذا قالت لج عساج تموتين قوليله عساج تسبقيني عادي عطيها كلام يصير بقلبها مو تسكتين جنج ياهل وماخذين حلاوته بالغصب انتي مره لازم تكون شخصيتج قويه تعلمي هالشي وعقبها الكل بيحسب لج الف حساب

 

[* ليــــدي *]

عامليها بالمثل اقسي عليها لما تتادب
مره شكبرها انا عبالي مراهقه بس هذي كبيره !!
واذا سالتج عن شي او خذت رايج خلي اجابتج ( مادري )
لان في ناس متسلطين وكل ماحترمتيهم يتمادون اختج من هالنوع
وكل ماقسيتي عليها بتتعدل ان شاءالله

 

[فتافيت.]

مشكورين فديتكم ما قصرتوا بردتوا جبدي

بالفعل احس ان انا ساعدتها لما تساهلت معاها مرات ومرات

مشكورين وايد بنات

 

[ماكواسم2]

اهم شئ لا اتردين عليها جدام الناس راح تكونون فرجه وحق الطنازه والشمانه ........... خليها جدامهم تطلع بالشينه

بس في البيت مسحي فيها بالقاع ونصيحه اي احد يتعدى عليج ردي عليه بعشره

 

[فتافيت.]

لا والله حشى مو من اخلاقي

اهي الي نسره وماتحشم احد وتدري اني ثقيله ومحترمه بس احسها مغثوثه مني

الله يهديها

بنات تكفون الي تشوف موضوعي تدعيلي

استغفر الله تأخر زواجي قلت الحمدالله والقى اختي معاي بالبيت جذي جنها مو من اهلي تنكد علي

ادعولي بنات تكفون

 

[i afnan]

الله يهديها ويسخركم لبعض ويصلح قلوبكم

طيب جربتي تكلمينها؟ بهدوء وروقان واسلوب وكلام حلو شوفي يمكن في قلبها شي عليك مانتبهتي له يعني ماشاء الله انتم كبار والله يوم قريت المشكه توقعتكم مراهقات لان هالاشياء بالعاده نحسها في وقت المراهقه عشان كذا اقولك كلميها وشوفي وش في خاطرها واذا ماقالت لك شي احسني معاملتها وعامليها باحترام وحب خليها تحس انك اختها الكبيره اللي تخافين عليها وتحبينها مهما سوت وانك مقدره نفسيتها السيئه واسلوبها الشين وادعييييي لها ولك نصييحه ماينفعك الا الدعاء من بعد الله
الله يسعدكم يارب

 

[سمر20]

دائما البنت الصغيرة تنظر لاختها الكبيرة انها انها ساده عليها الطريج او باب الزواج يمكن لانكم مو متزوجات تظن ان انتي السبب والله اعلم ربي يستر عليكم ويرزقكم الازواج الصالحين ويهدي اختك ويحنن قلوبكم على بعض

 

[فتافيت.]

ابداا انا مالي علاقه بموضوع الزواج اهي دايما تنخطب وربي ما كتب وانا افرح لها وافتر معاها بالصالونات والسوق والقاها تعصب علي تقولي لا تدخلين

وانا من صج فرحانه لها مو تمثيل

بس ربي ماكتب لنا شسوي

 

[فتافيت.]

اب


اب

 

[HaAaDoOol]

بصراحهه اسمحيلي اقولج انتي ماعندج شخصيه !

اي لا تستغربين


عيل وحده اصغر منج تسبج باماكن عامه وتساعدينها بغرفتها !!!!!!! ولا بعد تقولج خدامه وتسكتين !!!

بصراااحهه ششي يقههر

انا بنت خالتي بس علقت لعى لبسي قالت اليوم بلوزتج مو حلوه

مسسسحت فيها الارض وماكلمتها شهر لووول


وفشلتها جدام الككل وعلى فكره اهيا اكبر مني



تصدقين انا اختي الي اصغر مني كانت تسبني بس طبعا مو بالاماكن العامه

بالبيت قاع اطالع التلفزيون تييني تسبني طبعا انا زادت النار فيني وعطططيتها ززززفه ماصارت بين اعدااء حتى كل البيت تيمع عبالنجهز حريج او شي لوول

وعقبها يايتني تبتسم ومبين عليها خايفه قالت لي شلونج هدول؟




شششفتي هالمعاااملهه



اختج كبيره مو ياهل يعني سووي الي اسويه



والله ماينفع الططيب هالايام


لا تصيرين طيبه معاها مثل ماتقولج ردي عليها بعشر ولا تسكتين



هذا حححقج اخذي حقج ولا تطنشين


صدقييني لا تطنشين اذا طنشتي راح اتسبج واتسبج واذا قالوا لها ليش طبعا راح تقول عادي هذي تسكت ماتقول شي


وبجذي كلميها باسلوب جااارح عشان اذا تكلمت بتسكت بسرعه تخاف انج اتفشلينها ولا شي



واذا انتي ماترضين اتقولين حق اختج جذي وتهاوشينها د

هذا شي ثاااني


بس ارد وازيد واقولج الطيب ماينفع مثل ماتقولج قوليلها والعننن

سسسوووووري ماقصصدي افرقكم


بس هذا الححل الوححيييييييد

 

[!! عشقت اسمك !!]

هذي السالفة صارت في واحدة من رفيجاتي
حبيبتي انني احقرية و صدقيني مع الايام راح
تحبج و كل شي بس انتي تكلامي معها بالطيبة واذا مانفع سكتي عنها 

 

[!! عشقت اسمك !!]

وولدا مانفع فشله جدام الناس و سببه و خواضة و خليه تحترم نفسه