انا موظفة ومو عارفة انظم يومي مع بيتي وولدي بدون خدامة:(

[ليمون ونعناع]

خلي يومين بالشهر علاقل حق الصالون وممكن تتفقين مع صالونه اتيي لج البيت
التعب انا مريت فيه
بس حاولي اذا ولدج قاعد حطيه بالدراي وحطي له فيديو مفيد بالايفون يطالع ويتمشى او حباسه مع العاب وكور حق عمره بهالوقت انتي لبسي وتزقرتي وسوي رياضه وتمارين بطن

باليليل سبحي ولدج وسوي له رضعه راح يدوخ وينام الحين وقاج تتزقرتين و تاخذين شاور و تتفرغين حق ريلج
اذا بتطلبين من ريلج شي طلبيه برومانسيه ودلع
و لا هملين بيتج ونظافته كل شي رتبيه اول باول ودشي موضوع اللي قالت عنه ملزلزة بتستفيدين وايد

 

[عاشقة الككاو]

يعطيكم العافيه بنات


وبدش موضوعج الي بالتوقيع


ما قصرتوا بنات

بديت شوي اسيطر ع الفوضى بس مو بشكل كبير مازال ماكو وقت + ماقعد اقدر اطبخ لان الابو يرفض يشوف الياهل اكثر من نص ساعه
والحباسة ماحصلت وحدة زينه
الي شفتهم صغار وجنهم سرير عادي وحتى مافيهم مساحة كبيرة انه يلعب ويعيش حياته
والدراجه احطة فيها بس ما يطول يقوم يبجي ويحن يعني شيلوني

 

[شانييل]

بسم الله الرحمن الرحيم

أولا أنا رديت سجلت عقب انقطاع اكثر من سنة ونص
والسبب

أرد عليج

شوفي حياتي
كلام الأخت الي قبلي إنج عيازة............... يعني بكل بستطة كسووولة
او بالمعني البايخ ........... رفلة
مع الأسف صحيح جدا وينطبق عليج

ولكن إنتي مو عاجبج الوضع وترفضينة وتبين الحل

أبشرج هذا نص الطريج لحل المشكلة ولله الحمد


في خطط وحلول قصيرة المدى
وفي شي طويل المدى

أول شي الأهداف الي تسعينها لحل المشكلة من نوع طويلة المدى إهيا الأتي:
تييبين خدامة لج تساعدج بالبيت
تبدلين دوامج لدوام فلاااتي أو دوام حدة الساعة 12 مثل روضة تنمية أسرية إلخ
او علا لااقل نفس الاوادم لي وحدة ونص
صدقيني الساعة في مثل حالتج تفرق

ثانيا
أبشرج ولدج بدوري راح يكبر وفترة الناني الي تمرين فيها
وتكون فيها أكثر الامهات بس قاعدين مع الياهل راح تنتهي

ثالثا
خلج حرجة صيري لهلوبة جهزي اطباق سهلة فناتق
يوم بالاسبوع معروف للسمج تطلبينه من بره ، مرة عيش ومرق سهل، مرة سباجيتي ، مرة مموش أو معدس، مرة مجبوس
سهاااالة بدلي المنيو علشان ما يحس مرته كسولة
اللبس فناتك ومكياج توج بعز الشباب

حطي ولدج بحمالة علا بطنج أو ظهرج وتحركي بالبيت
بالحباسة
بالدراجة
بكرسي الطعام
يمه ألعاب

 

[قمرية الفيس]

حمدي ربج ماعنج طباخ ولامدرسة وراج بعد تصحيح وتحضير ولاطالبة وراج امتحانات

 

[عاشقة الككاو]

مشكووورة شانيل ع ردج المقنع والمنطقي
وكلامج اثر فيني والله ومن ناحية اني كسوله اهو صح انا كسوله بس لاني هالوضع يديد علي وبعدين تخيلي وحدة مداومة من 8 لي 3 شلون تتوقعون شطلها واهي رادة البيت بهالحر والزحمة !
اكيد ابي لقمه واريح شوي ، الحين تغير السستم كله وصرت ادوخ وعيوني بروحها تسكر ع الساعه 8 واكون مقاومة عشان ولدي بعدة قاعد ولازم احد ينتبه له،، وحتى نومتي مو سحبة وحدة لا اسم الله عليه بدراني كل شوي يقوم يبجي يبي مصاصه او حليبه ف ماقعد اشبع نوم نومي متقطع ومو مريح ،، الحين صارلي اسبوع بروح اسوي سباا اريح مخي
مو لاقيه وقت
والحين اهو صدرة تعبان فيه ربو وهذي 5 ازمة تييله وكل 4 ساعات جرعه كمام وعقب 6 س وعقب 8 وعقب 12


يعني ام الدوخه والالتزام


الحمدلله ع كل حال

اللهم لا اعتراض

 

[ليمون ونعناع]

حبيبتي انا اقول انج سنعه لانج بدون خدامه

ابدااااا مو رفله ولا كسوووووله

انا نفس حالتج مريت فيها ولدي صغير بيبي اصغر من ٨ شهور وموظفه اطلع من الساعه ٦ونص وارد ٢ خذيت ساعتين رضعه المفروض ارد ٤
الولد وايد ياخذ وقت
اول شي شريت غساله اتوامتيك للملابس اتوماتيك يعني احط الملابس واحط الصابون والكومفورت واوقتها وبعد ٤ او ٥ ساعات اطلعم اصفطهم واحطهم بالكبت يعني كل المجهود ماياخذ ١٠ دقايق يطلعون مكويين

وغساله اتوماتيك للصحون

و الطباخ لمن اطبخ طبخه اجهز لطبختين مع بعض حق يومين مثلا اللحم المفروم حق المعكرونه اسوي حق مرتين و القسم الثاني احطه بالفريزر بس بدون معجون طماط عشان مايخترب و المرق اقصص الخضار حق يومين او ثلاث حق ولدي يعني عقب بس احطه بالجدر يطبخ و الحشو حق العيش اسوي كميه كبيرة واجمدها وغيره وغيره

الدياي انظفه و اخليه ساعتين وقبل لا انام اتبله واحط معاه خضار واخليه بالثلاجه ولمن ارد من الدوام احطه بالفرن او الصبح احطه ولمن نرد نسخنه
طبعا لاتسوينها ازمه الطباخ اذا خالتج وامج يساعدونج مافيها شي لمن شوي ولدج يكبر يشيل عمره عاد تفنتكي بالطبخات

و نومه ولدي منظمتها الصالون طلبي خدمه منازل تكونيني عارفه متى ينام الولد طلبيها قبل فترة بموعد مسبق اتييلج وتخلص معاج او خلي امج او خالتج يومتها يمسكونه ليم وقت زياده

و اللبس شلت الملابس الصغيرة واللي ماتناسبني و رتبت كبتي عدل صار اللبس اسهل و المكياج مرتب همن اسهل لي لمن اتمكيج سريعا

و الله يوفقج ويعينج
الكنس والمسح اول باول

والتنظيف العميق يوم الجمعه الصبح انظف عدل نص الشقه
والسبت الصبح النص الثاني

وصج ولدج انشالله يكبر و تخف حوسته
وترى انا وايد استفدت من موضوع

اللي مستغنيه عن خدامتها
جدا مفيد وتشجعت

 

[عاشقة الككاو]

جزاج ربي الجنه

وحبيتج لما قلتي اني مو كسوله

لانج عشتي تجربتي بظبط
وبدش الحين الموضوع الي نصحتيني فيه


فديت قلبج ما قصرتي

 

[هند الرشدان]

تبين نصيحتي دوري لج خدامه لان الياهل من شهر ليما السنتين لاتقدرين تحكمين نومه ولاانه بيظل ساكت ولابحركاته وثانيا موعلي طول امج بتحمل الياهل ولاخالتج مع الوقت بيملون والريال مراح يتحمل اكل بايت وفوق هذا دوامج تعب الافضل دوري لج خدامه صدقيني راح تملين مع الوقت

 

[عاشقة الككاو]

طلبت من شهر ويارب تكون زينه


مشكورة حبي

 

[شندوخه]

الله يعطيج العافيه ويخليلج ولدج
وصي امج وخالتج انه لاينام الضحى عالكثير 10 متريق وخالصعشان لي خذيتيه العصر يكون دايخ
ظاني شي روحي مذر كير اخذيله حباسه وترسيها العاب كور ودبب والعاب تعليميه مناسبه لعمره وقطيه فيها ان نام العصاري خليه ينام فيها وانتي اخذيلج قيلوله يمه ماتزيد عن ساعه لولدج

 

[Japanese]

الله يعينج يتروالي هاي ضريبه انه الوحده تصير ام :/

 

[عاشقة الككاو]

شندوووخه
كلامج عدل ويزاج الله كل الخير




جبنييز


يسلموا ع الرد

 

[نسمات 26]

الله يعينج ويوفقج

 

[عاشقة الككاو]

اللهم امين
مشكورة ع الدعووة الحلوز غناتي