انا من زمان احبج وريلج مايستاهلج

[((غلاي))]

لا حول و لا قوة الا بالله

الموضوع قبل سنه
شنو صار عليج قلبي؟؟؟؟؟؟؟؟؟؟؟؟؟؟

عورتي قلبي

 

[شامخهـ]

سبحـــــــان الله ربي حرم الاختلاط شوفي وش يسوي مشاكل واحراجات وقلة ادب وتعدي على الاخرين
الله ماحرم شيء والا له حكمه
مشكلتك انو لو مافي اختلاط ماكان فبي مشكله بالاساس
وينك يابدويه وايد يالي تسوين قصص واعذار لزوجك عشان ترمين العبايه ومايلبسك اياها
لا حول ولا قوة الا بالله

 

[نياره]

انا اقول قولي لامج السالفه وامج توصلها لابوج وهو يتفاهم مع زوجج او يهدد خاله عشان لو يصير شي بعدين مع زوجج تقدرين تبررين موقفج انه ابوج عنده خبر

 

[محتاره بدنيتي]

البنيه موداخله المنتدى من السنه اللي طافت محد بقدر اطمنا عليها

الله يكون بعونج وحل لج كل مشاكلج ويبعد عنج المشاكل

 

[BubbLe87]

بنات البنت انحلت مشكلتها اقروا بصفحة ٢١اتوقع
الحمدلله عدت على خير اهلها حلوها
الله يحفظلها اهلها و ريلها يا رب

 

[حصووونه]

الله يعينج مصيبه

 

[عاشقة هواك]

الله يعينج

 

[ماني من الناس]

موضوع قديم

 

[يارب يطيب عبود]

حبيبتي انتي لا تكلمينه ابد واذا رجع يكلمك هدديه انك بتقولين لزوجك
واذا كلمك بعدها قولي لزوجك صدق بس خوفك انه يكذبك ساعتها وش بيكون موقفك وش بيكون موقف زوجك
انتي قبل لاتسوين اي شي فكري زين
ولا شوفي ام زوجك اذا كانت متفهمه وفاهمه وحكيمه قولي لها السالفه بس انتبهي اهم شي انها مو من النوع اللي يكبر الامور بعد مدري اخاف تقولين لها وما تصدق
قبل لا تسوين اي خطوه احسبيها زين
وادعي ربك يحفظك ويحفظلك زوجك

ولا تسمحين لاي احد يشكك بزوجك مبين علي زوجك طيب ما شفتي عليه شي لاتدخلين الشك بحياتك

 

[ذكريات]

البنت حلت الموضوع من زمان

 

[ملح الكويت كله]

انتي عطيتيه المجال شكو تطلعين معاهم وكل ساعه تقولين بالزوارة قاعد يشوفني قاعد يطالعني انتي بالاساس اشحقه تلتفتين وتششوفينه ويمج ريلج ! وبعدين شالفة بسوق ان ياج عند الباب شكو لما قالج بكلمج فجي الدريشه بطلتي الدريشة وتسمعيله وبعدين قعدتي تبجين .. مو سوي مثل الناس صكي الدريشه وطلعي.. امرج غريب وراجعي نفسج!

سامحيني عالصراحة

 

["وسم"]

حبايبي انتو يعل عيني ماتبجيكم قسم بالله مادري شلون اردلكم وقفتكم معاي اقرا ردودكم ودمعتي على خدي فعلن لو خليت خربت و يكفي انه هدنيا فيها ناس مثلكم و شرواكم حبايبي طولت عليكم و عورت قلبكم معاي بس انا تصرفت وبقولكم الي صار وياي
اولا تغدينه ونطرت لين ريلي طلع وقالي اليوم تردين ماقدر على فراقج انا برد من الدوانيه و بيي اخذج قتله انشالله
طلع و قعدت مع ابوي و امي وقتلهم السالفه كلها من الى
وانا اقولهم ولا الخال دازلي مسج عطيني ايميلج بدزلج صور ريلج نع بنات عشان تصدقيني و تبيعينه مثل ماباعج هلمسج خشيته ووريته حق اهلي
وابوي بقا يطيح علينه شافوني منهاره بقو يطيحون خبايبي اذيتهم وياي
بس ابوي انصدم و المسج ايد كلامي و اثبته اني انا مو مصدقه و مابي هشي
المهم ابوي دق على عمي ابو ريلي و قاله هعالي الدوانيه وخذا رقم الخال و قالي هلي السالفه علي وريحي قلبج
ودق على اخوي العود الي ين ماقدر يتحمل السالفه يالنه الف وقالي عطيني رقمه اذبحه
بس ابوي هداه وقاله هذي اختك واحنه مانبي الفضايح وابوي دق علخال و الخال صار جنه ديايه ابوي قاله انا ريال عود وفاهم قسم بالله لو اخوانها دروا انت تموت بيدهم تعال انا ابيك و بكلمك و بتفاهم احنه مانبي الفضايح مو غشانك عشان نسيبنه ولد الحلال وغصب اقنعه يي الديوانيه
ويه عمي و الخال واخوي وابوي و صار بينهم كلام وايد بس مادري شنو بالضبط بس الي فهمته من امي ان الخال بجا و قالهم انا مستحي و ندمان والله بس الشيطان شاطر و انا مو قصدي العب بس حبيتها ارتحت لها و انا مستعد اعتذرلها
وكان خايف مايبي ريلي يدري وعمي طقه طراق
بس هذا الي عرفته
بس المضمون ان ابوي قاله انا ماقولك تقطع ولد اختك بس تتحاشا و مانبيك تطب بيت بنتنه ولي شفتها حتا سلام لا تسلم ترا هلمره سلكت الحره الياي بصير فيها دم
وانا الحين رديت بيتي و الحمدلله خاله يومين مختفي و ريلي يقولي وينه هذا
مستغرب بس الحمدلله السالفه جذي عدت
وعمي ياني و كلمني وباسني على راسي وقالي انتي كبرتي بعيني و النعم فيج وباهلج و الحجي هذا بينه لايطلع و مابيه يوصل حق خالتج قتله انا بعد ابي هشي مابي الفضايح قالي اي هذا بنهايه اخوها وتوقعي الغير متوقع هو عارف مرقف مرته فوصاني وقالي انتي الحين ترا كبرتي بعيني و انتي تستاهلين ولدي و انتي ستره وغطاه
والله وايد ارتحت الحين بس قدرت احط راسي علمخده وانا مرتاحه قسم بالله
واايد ارتحت مو هامني حجيه عن البنات وصور حق ريلي الي هامني انه ريلي لي وبس هذا حجي فاضي وادري هو غرضه وهدفه شنو
ابوي يقولي هذا في شي مو طبيعي الريال فيه مرض نفسي مو طبيعي لانه قاعد جدامنه يقولنه انه يحبج و يبيج على سنة الله ورسوله هني عمي طقاه طراق
والله هزء نفسه و مسح كرامته بلارض بيده
وانا اليوم ييت اتغدا بيت اهلي عشان اقولكم السالفه
ماهان علي اخليكم من غير ما اطمنكم
والله فديتكم كلكم الحين ابي رايكم بلي صار

الموضوع منتهي من زماااااان
وانحلت المشكلة والله يوفق صاحبة المشكلة مع زوجها

 

[بنت الأجوااد]

وانتى راح توقعين ان خاله راح يفوتها لج

لالالالالا والله بينتقم منج لو بعد 20 سنه بس صبرى خلى عمج يموت وبرجعها لج تاكدى اذا ربج ماهداه

ماتعرفين قهر الرجال وش يسوى والله ماينساها لج

انتى لو سكتى وطنشتى الموضوع بكبره وقفتيه عند حد ه ومحد درى احسن لج مليون مره

عمج عطاه طراق والسبه انتى وسمع من ابوج كلام والسبه انتى

انتى الحين عدوته الاولى وبيوم بدمرج تاكدى

اول شي راح يدمرج من خلال زوجج

راح يخرب زوجج عليج وصدقنينى لخليه يطلقج بيوم من الايام وبخليج انتى اللى تطلبين الطلاق

وتذكرى انه حاول يشوهه صورته عندج هذا مايهمه شي لاقريب ولا صديق المهم نفسه

لاتعتقدين انج افتكيتى منه

هالنوعيه لزقه للابد

زواجج انتهى اصلا وخسرتيه

المره الجايه راح يرجعج لبيت اهلج للابد

انا ما اخوفج بس اعطيج اللى ممكن يصير اذا كانت قصتج حقيقية

ماراح يخليج

وراح تشوفين ان زوجج بيتغير عليج شوى شوى لحد مايفرقكم الا ماخلا زوجج يتزوج عليج

مو حب فيج وهذا عمره ماحبج هذا حسود لما شاف ان في اثنين حابين بعض وهو فقد حبيبته حب يخرب عليكم

والحين راح ينتقم

الله المستعان

 

["وسم"]

^^^^^^^^^^^^
رد موووو طبيعي وفيه أكشن واااايد

تفائلوا بالخير تجدوه

 

[om-3azo-83z]

عندي لج حل بسييييط
كلمي ابوج يكلمه يواعده بمكان و يصير كلام رياييل و يهدده اذا قرب منه بيفضحه ما ينفع المره تتصرف بهالسوالف و هذا شكله لزققققه

 

[Tantoshah]

من المعروف أنه أي شخص يخرج من علاقة حب كانت قوية وفشلت يقع في حب مواسية !! بذلك انتي وزوجك الشخصان الوحيدان اللذان أخرجاه من قسوة الذكريات وما جمعة مع الفتاة اللتي أحبها .. ويبدو واضحا لي بأنك تقربت منة جيدا ووقفت بجانبة ولبيتي رغبتة بالتحدث مع فتاتة وهذه مواقف بالنسبة إلية كانت أكثر من جيدة .. هنالك حلان من رأي الشخصي ووجهة نظري للموضوع أعلاه وهو إما أن تقفي معه وقفة وتتحدثي إلية بكل جدية بأن تقولي لة أنا أحبك وأحترمك لأنك خال زوجي وقدوتة وانا أشعر بما تمر بة من محنة وأن مشاعرك تجاهي هي وهم وعقلك يعطي هذة الأوامر الغير صادقة أنت رجل بكل معنى الكلمة وأعلم جيدا أنك لست ممن يخون ويتعدى على محارم غيرة وبالأخص من هم من لحمة ودمة أنا أحب زوجي كثيرا ولا يفرقني عنة الا الموت بيد الله سبحانة وتعالى واذا كنت تحترمني كإمرأة متزوجة سنقفل الموضوع وستراجع مشاعرك وسوف أكن لك كل الاحترام وسوف يكون لك قدر كبير من الرجولة في عيني وسوف تنقذ زواجي وانا سأكون سترك والله سوف يرزقك بإمرأة تقع في حبها وتنجب لك من الذرية وسوف تعرف بأن ما فات من حياتك ليس سوى ذكريات بحلاوتها ومرارتها وستضحك على نفسك قائلا كم كنت ابلها وسيقفل الموضوع مع مراعاة عدم الاحتكاك الكثير بة والنقطة الأهم أن لا تتغير طريقتك في التعامل معه وتعاملية بنفس الطريقة السابقة بكل أدب وإحترام حتى يتأقلم على الوضع ويندم على هذه الفعلة ويراجع نفسة وينسى هذا الموقف اللعين .... وإذا لم يعجبك حلي يمكن أن تتحاشي هذا الموقف وأنصح بعدم اخبار زوجك لأن فيها وضع حساس وسيء جدا وسوف تكون صدمة قوية علية وسيفقد الثقة بمن حولة حاولي تجنبه ولا تدعي لفرصة تجمعكما معا لوحدكما فلا تخرجي لوحدك لكي لا يتعقبك كوني مع أشخاص دائما وبالنسبة للخليوي يمكن ان تتظاهري بأن الشريحة إنكسرت او ضاعت وتستخدمي شريحة أخرى الى أن يهده الله ويرجع الى عقلة وهناك نقطة بالنسبة الى التشكيك في زوجك وهي ليست بان زوجك يسير على خطئ ولكن غالبا لانة واقع في حبك فيهيئ له عقلة بأنك تستحقين رجلا أفضل من هذا الزوج والله أعلم مافي الصدور ... أتمنى أن تتقبلي مروري وأخرجك الله مما انت فيه لا تكبري المشكلة أكثر من ذلك فهي لا تستحق هذا الحجم

 

[خلطات المذهله]

الله لايبلانا كثر الفتن في هالزمن احذري اختي والله يقويج

 

[انثى عاشقة]

الحمد لله انحلت المشكلة الموضوع قديم .​

 

[147147]

حبيبتي تجنبي هالريال وهذا باين عليه ناقص حنان ومثل هالنوعية من الرياييل اذا شافوا احد اعتنى فيهم ويهدون عليهم قلبهم بسرعه يتعلق. ف ماعليج اول شي
تتجنبينة وحاولي قد ماتقدرين تقللين زيارتة عندكم.
ومالج شغل فيه ولا تصدقين على ريلج لان ريلج يحبج واهوا المغفل يبي يوسوس فيج ويخليج تشكين بريلج
وثانيا صارحي انج قوليلها اهيا افهم بهالشغلات وتنصحج
وادعي ربج حبيبتي وايد خاصة صلاه الليل لها مفعوله ادعي ان يصرفه عنج ويبعدة عن طريقج

 

[Мίșș đĺ3]

حواري ...

اول شى .. بتكلم بشكل عام .. الغلط منج .. اسمحلي .. بس الصراحه الراحه ..

بقولج ليش .. اذا اهل ريلج .. مختلطيين ؟؟ عادي ف ميلسهم حريم وريااييل المفروض تحطيين حد ؟ يلسي مع الحريم ؟؟

ويوم حاول يفتح ؟ موضوع حبيبته وانه مضايق والدنيا اسودة ف حياته ؟ المفروض كنتي اطنشيينه ؟؟

بسألج سؤال ؟؟

انتي عرفتي مشكلته صح ؟ انزين ؟ شو سويتي ؟؟ عسب تحلين مشكلته ؟ ماشى ؟ قلتي له انه نصيب ومذاهب ومن هالكلام ؟

استفدتي شى ؟؟ ولاشى ؟؟

المشكله اهنيي . ريييلج ؟؟ حليله فقيير .. يقولج خالي يسأل عنج ؟؟ مب حااط شى ف باله ؟؟ يعني ما يعرف شى ؟؟

وخال ريلج ؟؟ بيستغل ضعففففففففففففففففففففففففففففج ؟؟ وهو يعرف انج ماراح تتكلميين ف الموضوع ؟؟؟

وبعديين مثل ما قلتي ؟؟ ضيفتوه ؟ اعتبرتووه واحد من الاهل ؟؟ واخر شى ؟ طعن ولد اخته ؟؟؟ الي هو رييلج ؟؟

معقوووله خلصوو . حريييييم .. العاالم . وحط عينه عليج ؟؟ لو شو ما كان ارتاح لج ؟ المفرووض حدود ؟؟

مثل ما قلت لج قبل ؟ انتي عرفتي عادات اهل ريلج ؟ قولي له .. انه في بيتناا مب جي .. احنا ما عندنا مختلط .. انا بيلس مع الحرييم .. سولفي ويا حريم ..


3 شهور من العرسس ؟ ويلس عدالج . وسولف لج عن مشاكله وهمومه ؟؟ وين يبى ؟؟ وكيف تجرأ يحط عينه عليج ؟؟

والله حاسسه فيج ؟؟ لانج كااتبه الموضووع وماتعرفيين شو اتسويين ؟ ولو تكلمتي الكل بيقول انج غلط ؟؟ انتي السبب .. واكيد انتي سويتي شى ؟ الريال مايعيبه شى ؟؟

ويوم ما تردين عليه يوم يتصل ؟ ولا يوم ايي بيتكم ؟؟ تروحيين ترقديين ؟ اتزييديين الشكوك ؟؟

لو عرفو السالفه الكل بيقول اهاا عسبت جي >> جي سوت ..

و بعطيج نصيييحه منيي ..


يوم خال ريلج قالج .. انه ريلج ما يستااهلج ؟؟ المفرووض تطلعيين من السيااره وتصكيينه كف ؟؟ اتوقفيينه عند حده ؟؟ ليش صحتيي ؟ ليش حسستيه انج صغييفه ... هو شو بيحط ف باله انه هيي يمكن انتي تبادليني نفس الشعوور ؟ ومب عارفه شو اتسوييين ؟؟ الريااييل جي ؟؟ اصلا .. من يحصل حد ؟ بينسااج ؟؟ حراام اتشكييين ف ريييلج يوم انه ما مقصصصر ويااج ؟ ليش شكيتي ويوم قالج .. سمعتي شى ؟؟ حد قالج شى ؟؟

المفروض تقولين له .؟؟ لا ما سمعت ؟؟ ليش في شى انت خاشششنه عني ؟؟

وليش يا حبيبيتي مطوله ف بيبت اهلج ؟؟ ردي بيت ريلج ؟ >>ادري بتستوي نغزاات ؟؟ بس ماعليج الأأ من رييلج ..

ادري الموضوع واايد جدييم .. شهر 4 سنه 2011 .. بس حبييت اساعدج ..

تقبلي مروري .. مس دلع ..