انا من زمان احبج وريلج مايستاهلج

[سروري]

بصراحه سالفتج تحير
بس جد وخري عن خاله ولاتردين عليه انتي مو ملزومه بانج تحتكين فيه لاشرعا ولاعرفا
المهم من رايي دقي أو روحي حق استشار أو استشاريه بالأمور الأسريه والاجتماعيه وايد أسلم وأحسن انج تروحين حق أهل الاختصاص بهالأمور أحسن منا لأن احنا حالنا من حالج وأخاف تسمعين كلام وحده وتوديج بداهيه-اسم الله عليج-
عسى ربي يحفظج ويسعدج ويفرج همج
بس أهم شي لا تشكين بزوجج ترى الشيطان مامات ويحب يفرق بين الأزواج
وعبارته(سامعه شي) حييييييييل عاديه وعادة تنقال بهالمواقف من باب انج تبين الانسان اللي جدامج يفضفض
وحتى (ريلج مايستاهلج) لأـن كل انسان يحس نفسه أحق بالأحسن
وهو يشوفج الأحسن كونج الوحيده اللي خففتي عنه
ديري بالج على نفسج وشوفي هدا رقم استشاريه اسمها
هيام الجاسم عندها مكتب استشارات واايد ارتحت لها أحسها من النوع اللي ينصح من قلب مو عشان الماده والفلوس
99734417
55575597
طمنينا عليج:eh_s(17):

 

[$ النيره $]

,

وهيـآآآآآآآآآآآآآ

والله تفاعلت ويا المووضوع

احسن حل سويتيه


براااااااافوو

الله يسخر لك زوجك


والله من الونااسه كتبت ردي بموضووع ثاني فاتحه صفحتين لوووووووووووووووول
بس مسحته

 

[over love]

يامنتا كريم ياااااااااارب كلولولوللولوولولووووووووووووووش فرحتي قلبي

الحمدالله الحمدالله الحمدالله الى ستر عليج واظهر الحق ونصرج على هالمينون الى يكافيج ويكافي بنات المسلمين شره اهو والى مثله

سجدي لله شكر واكثري الصدقه والحمد والثناء على الله

والله مادري شقول من الفرحه

 

[طـير7]

وااااااي تدرين وانا اقرا احس اني ارتحت وايد كنت احاتيج وودي اتطمن عليج
الله يبعد عنج شره واذيته ويخليلج ريلج ولايفرقكم يااااااررب

الحمدلله الله عداها على خير*

 

[الأبتسامة الدام]

لولوليششششششششششششششششششششش
والله متابعة الموضوع ومحترة والله يوفقكم ويبعد عنكم الحرام ونستيني

 

[Cute mama]

الحمد لله طمنتيني
لاتشكين بريلج ريلج لو يخونج وله عنده خرابيط جان ماقعد يدق كل شوي ويقولج ردي جان خذا راحته وانتي ببيت اهلج
ولو كان صج ف صور يمكن قبل لايتزوج
ريلج يحبج الله يهنيكم ويخليكم حق بعض حبيبتي
​

 

[كتمااان]

الحمدالله والله يحفظكم من كل شر ياااااااارب

 

[ايطاليه]

الحمدالله الله يهنيج انتي وزوجج يارب

بس هم مادري شلون اللحين ريلج كاسر خاطري تلقين يحاتيه ويضيق خلقه ليش الخال حاقره

واهو مايدري شمغبر

حرام مسكين ريلج

 

[قانونية]

الحمدلله ريحتيني

الله يحفظج ويخليج لريلج

 

[توتــه]

انا لو مكانج بصراحه ماراح اقول لزوجي وهالحقير الواطي بلعن خير خيره ومارد عليه خير شر

واذا جا ببيتكم قولي لزوجج انا ابي اخذ راحتي معاك مومريحني وجود خالك معانا اذا استغرب قولي

ايه خالك مهما كان بالنسبه لي رجال غريب ووجودنا مع بعض حرام واختلاط

وهالشي بيخليج تكبرين بعينه حتى بعدين لو صار شئ وعرف راح يتذكر كلامج هذا ..

 

[توتــه]

توني اقرا ردج الحمدلله فكه منه سبحان الله كنت حاسه ان شخصيته جذي مهزوزه لو كان قوي

جان خش حبه بقلبه لو صج قلبه مال وابتعد

 

[قمر2009]

ماشاء الله عليج الله يوفقج حبيت اسلوبج

 

[Dalo0o3a Cute]

هيآأآأآ الحمدلله رب العالمين
وربي يومين اسوي استفتاء اكلم اللي اعرفهم عشان مشكلتج لان حسيتها حيل صعبه وامي كل يوم تسألني شنو كتبت,,, بس ماكو شي يصعب على الله توني كنت بكتبلج لقيت ردج ان المشكله انحلت وربي فرحت > ويهي خير

الله يخليج لريلج وما يفرق بينكم يا رب

بس والله عجبتيني طلعتي ذكيه ماشاءالله عليج

 

[أحلى طله]

الحمد لله

 

[ذكريات]

الحمدلله على السلامة

 

[أُلَجّـۇۈۉهّـره]

حبايبي انتو يعل عيني ماتبجيكم قسم بالله مادري شلون اردلكم وقفتكم معاي اقرا ردودكم ودمعتي على خدي فعلن لو خليت خربت و يكفي انه هدنيا فيها ناس مثلكم و شرواكم حبايبي طولت عليكم و عورت قلبكم معاي بس انا تصرفت وبقولكم الي صار وياي
اولا تغدينه ونطرت لين ريلي طلع وقالي اليوم تردين ماقدر على فراقج انا برد من الدوانيه و بيي اخذج قتله انشالله
طلع و قعدت مع ابوي و امي وقتلهم السالفه كلها من الى
وانا اقولهم ولا الخال دازلي مسج عطيني ايميلج بدزلج صور ريلج نع بنات عشان تصدقيني و تبيعينه مثل ماباعج هلمسج خشيته ووريته حق اهلي
وابوي بقا يطيح علينه شافوني منهاره بقو يطيحون خبايبي اذيتهم وياي
بس ابوي انصدم و المسج ايد كلامي و اثبته اني انا مو مصدقه و مابي هشي
المهم ابوي دق على عمي ابو ريلي و قاله هعالي الدوانيه وخذا رقم الخال و قالي هلي السالفه علي وريحي قلبج
ودق على اخوي العود الي ين ماقدر يتحمل السالفه يالنه الف وقالي عطيني رقمه اذبحه
بس ابوي هداه وقاله هذي اختك واحنه مانبي الفضايح وابوي دق علخال و الخال صار جنه ديايه ابوي قاله انا ريال عود وفاهم قسم بالله لو اخوانها دروا انت تموت بيدهم تعال انا ابيك و بكلمك و بتفاهم احنه مانبي الفضايح مو غشانك عشان نسيبنه ولد الحلال وغصب اقنعه يي الديوانيه
ويه عمي و الخال واخوي وابوي و صار بينهم كلام وايد بس مادري شنو بالضبط بس الي فهمته من امي ان الخال بجا و قالهم انا مستحي و ندمان والله بس الشيطان شاطر و انا مو قصدي العب بس حبيتها ارتحت لها و انا مستعد اعتذرلها
وكان خايف مايبي ريلي يدري وعمي طقه طراق
بس هذا الي عرفته
بس المضمون ان ابوي قاله انا ماقولك تقطع ولد اختك بس تتحاشا و مانبيك تطب بيت بنتنه ولي شفتها حتا سلام لا تسلم ترا هلمره سلكت الحره الياي بصير فيها دم
وانا الحين رديت بيتي و الحمدلله خاله يومين مختفي و ريلي يقولي وينه هذا
مستغرب بس الحمدلله السالفه جذي عدت
وعمي ياني و كلمني وباسني على راسي وقالي انتي كبرتي بعيني و النعم فيج وباهلج و الحجي هذا بينه لايطلع و مابيه يوصل حق خالتج قتله انا بعد ابي هشي مابي الفضايح قالي اي هذا بنهايه اخوها وتوقعي الغير متوقع هو عارف مرقف مرته فوصاني وقالي انتي الحين ترا كبرتي بعيني و انتي تستاهلين ولدي و انتي ستره وغطاه
والله وايد ارتحت الحين بس قدرت احط راسي علمخده وانا مرتاحه قسم بالله
واايد ارتحت مو هامني حجيه عن البنات وصور حق ريلي الي هامني انه ريلي لي وبس هذا حجي فاضي وادري هو غرضه وهدفه شنو
ابوي يقولي هذا في شي مو طبيعي الريال فيه مرض نفسي مو طبيعي لانه قاعد جدامنه يقولنه انه يحبج و يبيج على سنة الله ورسوله هني عمي طقاه طراق
والله هزء نفسه و مسح كرامته بلارض بيده
وانا اليوم ييت اتغدا بيت اهلي عشان اقولكم السالفه
ماهان علي اخليكم من غير ما اطمنكم
والله فديتكم كلكم الحين ابي رايكم بلي صار

واي حواري قطعتي قلبي ,, اهم شي انج بخير وربي فرحت لج من كل قلبي , عسى ربي يبعد عنج وعن زوجج كل شخص يحاول يفرق بينكم , والله من الفرحه مادري شنو اقول , الف الف الف مبروك رجعتج لبيتج والله يخلي لج زوجج وعسى ربي يرزقج بالذريه الصالحه , اما هالخال مااقول الا عسى ربي يشفيه ويهديه ويرفع عنه ولا يبلانا ,, الخطوه الجايه عليج تتحاشينه كثر ماتقدرين سلام لاتسلمين شفتيه اخذي فوق تت , اعتذار لاتقبلين خليج حريصه , لان اللي صارله مو شوي ومستعد باي لحظه ينتقم , انا مابي اخوفج لكن ابيج تحطين كل الاحتمالات براسج , وعسى ربي يوفقج ويسعدج يالغاليه

 

[ذكرى الايام]

الحمد الله أنه طاح بشر اعماله وبجذي ماخسرتي أحد المهم مهما كان الحذر زين وهذا يعطيج درس ما تحجين مع أحد غريب
انتبهي لريلج وديري بالج زين لا يلف هالمره ع ريلج
الله يستر عليكم

 

[barbya_q8]

وااااي كنت افكر اشصارلج الحمدلله يارب عدت على خير وصار الحجي والتفاهم بين الرياييل الكبار وقطيعه الله يصده عنكم فعلا مريض نفسي وكان بيهدم بيتج وخل يولي لا توسوسين صور وبلاووي كل الرياييل كان لهم ماضي محد ملاك والله يبعده عن هالسوالف ويهديه لج ويهدي سركم يارب وادعي ربي يوخره عنكم ويلهيه بعمره

 

[حبيبة حمد]

الحمدلله عدت على خير وانكشف جدام اهلج وعمج

 

[مسس كارميلا]

الحمممممممد لله
والله كنت احاتيج
ربي فرجها عليج
الف الحمد لله
الله ايسر لج كل خيير
وخليج حق ريلج وخليه
لج
وسخركم حق بعض
ويصرف عنكم
كل شر
والله الحل الي
سويتي عيين العقل
والله يحفظكم من كل
شر