انا من زمان احبج وريلج مايستاهلج

[نفـــائس]

كل مره اقراه قصص بالمنتدي مثل سالفتج اصكر الصفحة وامشي ​

بس انتي احس كلامج كله احساس كاتبه من حرقه قلب صادقة بكل حرف كتبتيه ​

لو انا بمكانج ..........​

اول شي ماقاوووول لزوجي ولاشي .......بيفتح علي بيبان مصكره مالها داعي وبتكبر المشكله وبتشعلل وبيشك فيج وتكثر المشاكل بينج وبينه .....وعلاقه مع خاله بتنهز مهما كان خاله صلة رحم بتدخله الجنه هالعلاقه مع خاله لو حتي خاله اخلاقه مو شي ...... ....وماتدرين ممكن تكبر السالفه وتوصل لاهله والكل يعرف وتعاااااااااال صغريها وبتطلع مجلدات وامهات كتب من الحجي اللي بينقاااااال .......​

تدرين شنو بسوي .......​

بدق عليه واكلمة واسجل المكالمة واخليه يقول اللي يبيه وكل شي مسجل وموثق واذا كان صوت وصوره تمام التمام (انتي قلتي احسه خيانه .....انتي ماخنتي بشي انتي قاعد تحلين المصيبة اللي بتطيح فوق راسج اذا سكتي ) اصلن بيقول عاجبها الوضع ومستحيه اذا ماحطيتي خط احمر له​

المهم قوليله بقابلك بمكان عام طبعا اذا قلتي هالكلمة لاتكون مسجله عشان ماتدينج بشي بعدين اذا وصل الامر للتهديد ..........او اتصلي مره ثانيه وقوليله بقابلك طبعا من غير تسجيل ......​

وطبعا مو انتي اللي بتروحين ..... اخوك الكبير او حتي اذا تطلب الامر الوالد ربي يحفظه هذي حياتك لازم تقولين لواحد منهم بالموضوع​

ولله باجر يقلبها عليج ويقول هي اللي تلاحقني وهي اللي تبيني .......​

ويقعد اخوك ولا ابوك ويتفاهمون معه .........من رجال لي رجال من غير شوشره ولا مشاكل​

اذا مشي الامر الحمد لله اذا ما مشي عندنا التسجيل بنهدد فيه​

الله يعينج علي بلواج ويصبر .........​

شرايج فكري بالموضوع


​

 

[جروح ودموع]

نصيييييييحه اخذي ريلج وروحي معاه عند اهلج وقعدي الوالد والوالده وقولي السلفه جدام ريلج و الوالد والوالده صدقيني عشان ما تنقلب هالسالفه عليج صدقيني اختي هالشي قوييييييي ما ينسكت عنه

 

[nenna92]

حواري وييييييينج؟؟؟؟؟

الله يستر



ننطرج حبوبه طمنينا

 

[حبك عذاب]

حبيبتي بالحالتين انتي الخسرانه ولاتزعلين مني

اذا سكتي وماقلتي لزوجك خاله بيتمادى اكثر وبيفكر انه عاجبك الوضع واصلا مافي شي يتخبى على طول مصير كل شي ينكشف ووقتها زوجك بيشك لانك ماقلتيله من الاول
واذا قلتي احتمال تنقلب السالفه كلها عليج ويسوي انج انتي الي تلاحقينه او ممكن يصدقج زوجج بس يبدا يدخل بمرحله الشك وهالشي بيخرب عليج حياتج انا برايي تقولين لشخص كبير مثل ابوج او حماتج ويكلمونه بس هم فكري زين ولاتتسرعين والله يكون بعونج

 

[شــغــب]

آعوذ بـ الله يآربي

شصآر بـ الدنيا

الله يعيينج ان شاءالله ويبعده عنجّ

 

[*مرت الغالي*]

صج حقير هالانسان ..

 

[*مرت الغالي*]

نصيييييييحه اخذي ريلج وروحي معاه عند اهلج وقعدي الوالد والوالده وقولي السلفه جدام ريلج و الوالد والوالده صدقيني عشان ما تنقلب هالسالفه عليج صدقيني اختي هالشي قوييييييي ما ينسكت عنه

فكرة حكيمة والله

 

[Googleya]

لاحول ولاقوة الا بالله

 

[Miss McDonald]

• آمبيه حدي انقهرت !
• الله ياخذه
• مآدري شقولج !!!

 

[ام ريتاج.]

الله يعينج

 

[المزن هتان]

شوفى حبيبتى : هذا كذاب ومخادع شافج أنتى وزوجج متوفقين ومتهنين
واللى يحبها خلته وشافت نصيبها وأكيد الله رزقها بواحد أحسن منه
عشان جذى ذبحته الغيرة وحب يخرب بينكم
فنصيحة : كلمى أبوج بالموضوع بس أبوج بدون أخوانج ما يدرون وخلى أبوج يمسك عمج أبو زوجج ويكلمه بالموضوع وأنتى موجودة وقولى لعمج كل المواقف اللى صارت وعقب قولى لعمج يجيب نسيبه صاحب المشكله بدون زوجج ما يدرى عندكم فى بيت أهلج وجدام أمج وأبوج وعمج وتواجهونه يالموضوع يعلمونه الشغل يعطونه جم طراق وجم مسطة عقااااال
وأكيد بينصدم ويتمنى اليوم اللى ما شافج فيه ولا حتى قالتج اللى قاله
هذا أحسن وأضمن تصرف وغيره لا تقعدين تتعبين نفسج صدقينى إذا سكتى له راح يتماداا ويسبب لج مشاكل ويخرب بينج وبين زوجج خاصة إن زوجج يحبه ويسمع كلامه فلا تستبعدين إنه يغير زوجج عليج ويهدم بيتج ​

فصدقينى محد يآخذ حقج ويوقفه عند حده ألالالا أبووووج​

وسلامتج والله يفرج كربتج اللهم آآآآمين :yaaaaaarb:​

 

[haya20]

حبيبتي قولي حق ريلج باجر هاذا يقلب السالفه عليج طول ماانتي حاقرته وريلج بيصدق خاله وخاصه اذا اهو تكلم بالبدايه

 

[t o o t]

اقوول اخذيهاا مني كاااش


خـاله مو رجّـال ومفارقته الرجوله العن ابو هالنوعيه الوصخه

اسمعي قولي لابوج وامج السالفه اذا كنتي شاريه بيتج وزوجج

واذا سكتي فأنتي مستانسه على هالوضع

أنا ما اشره عليه اهو بسسس !!


اشره على زوجج شلون يبوسج جدام الكل !!

مهما كان هاذي خصوصية

شلون يدخل خاله بيتكم وتطلعين معاهم

مهما كاان الشيطاان ما مات

اقول بلغي اهلج وزوجج بالسالفه !!

وكان الله غفور رحيم

 

[الجوريه الحمراء]

انا مع المزن الهتان بكل كلمه

الله يعينج ويفرج همج

 

[المكسيكيه]

شصار عليج

 

[أم حورية]

كلام المزن هتان صح
يمكن يكون الحل بيد عمج بدون ما ريلج يعرف فكري فيها اول واستخيري والله معاج

 

[ام خدود ورديه]

واي الله يعينج بس لازم اتقولينله لانه هذاك لو فيي خير جان ماسوى ابولد اخته جذي مايستاهل انج تسترين علييه لانه مايستاهل حب ريلج له واحترامه عالاقل خل ريلج يعرفه ماتدرين باجر شيسوي بريلج دام طلع جذي
وبعدين ديري بالج خوفج باجر يحقد ويقلب السالفه عليج ولا يبلشج بسالفه ثانيه

 

[مــلاك]

الله يعينج مشكله صعبه وكل حلولها اصعب من بعض وممكن تنقلب ضدج لان ريلج علاقته بخاله قويه وترى اهو مايحبج لكن انتي وجودج بحياته صار بوقت اللي حبيبته هدته وتزوجت فصار نوع من التعلق فيج لان انتي اللي تسمعين له وتعطين اهميه حقه فاهو عقله صور له هالشي حب ولا اهو لا حب ولاشي ممكن يتعلق باي شي ينسيه حبيبته وممكن غيره من ولد اخته ليش ماتكلمينه بهدوء وتفهمينه هالشي وتقنعنيه يدور على وحده ويتزوج ويفج عنج جذي هذا اول حل واذا شفتي مامنه فايده قعدي مع ريلج بهدوء وقوليله هالشي بوجود امج وابوج عشان لاسمح الله ماتنقلب السالفه عليج

 

[Creamy Girl]

Waaaaay Wainech Plzzzz 6amneeena

 

[BaiTotia]

واااااااااااااي السالفة جايدة

ليش مايكلمه أبوج ولا أحد من أخوانج بينهم وبينه

وخطبيله وحده

الله يهديه إن شاالله وتنصلح أمورج

وترا لما قالج ريلج مايستاهلج من الغيرة مالت عليه لاتسمعين كلامه ويوسوس لج الشيطان تعوذي من إبليس

وإذا حاول يلحقج بالزوارة ولا يقط عليج كلمه حقريه وعطيه خزة إحتقار يكره نفسه فيها

حرق دمي