انا من زمان احبج وريلج مايستاهلج

[bent mahoma]

الله يعينج ويفرج همج ويسهل لج امورج يارب وتنحل مشكلتج ويفرجها عليج يارب
قلبي معاج وطمنينا شيصير معاج حبيبتي
​

 

[*بنت غير*]

أنا أقول مافيه أحلى من الصرااحه صاارحي زوجج قبل لايقع الفأس برااااااااس صارحيه قبل لايررررووح هو يكذب عليج جم كذبه ويصدقه ريلج ألحقي على عمررررررك وحاااااولي تبتعدين على الأختلاط الإنه حراااام والله يوفقكـ

 

[شقرديـه عالطل]

ماادري شقولج
بس صج صج صدمه
والله يعين قلبج

 

[مناير ...!]

قولي حق ريلج

 

[نور الكوثر]

قوه اشلونج حبيبتي الشرهه عليج ليش تقعدين اجابلينهم والشرهه على ريلج لمن يسمع منه قومي حطيلي عيش ريلج مو احسن مني وسكت ريلج اهو الي راضي شنو هذا تناقض

 

[درر2008]

شئ طبيعي بيحس شئ تجاهج من طريقة معاملتج وياه ليش كلمتي حبيبته ليش تسولفين معاه ليش تطلعين المفروض حاطه حدود المهم الي صار صار الحين الحل انج تردين بيتج وعادي كان مافي شئ واذا دق لاتردين واذا شفتيه لاتكلمينه هذا حل وفي حل ثاني انج تكلمين واحد من اهلج يكون عاقل مايتصرف بطيش مثل ابوج او اخوج يكلمه وقوله البنت قالتي وانا مابي اخرب بينك وبين ولد اختك وحذره

 

[MiSsY HottY]

الله يعينج والله حدي مصدومة

 

[بنات حواء2]

يالله شبقى على اخر الزمان شنو هلمصييييييييييييييبه بصراحه الله يعين قلبج
لو جبل ينهار
معقوله في ناس بهلغذاره بهلوطي
شوفي حبيبتي انا تعلمت اي شي سلبي بحياتي او مشكله استفيد منها و اخليها تصير فاتحت خير علي
بالعكس اعتبري هذا درس لج يخليج تصددين عن الرييلييل مهمن كانو ملائكه بشكل لانه ممكن يخبي في داخله مشاعر حقيره مثل الانسان السخيف هذا
انا برايي يا حياتي فتح هلموضوع وي ريلج ماوراه الى خراب بيوت وينتج عنه شغلتين :
الاولى انه انتي مرته وشرفه ماراح يرضى عليج اقل شي بروح يطقه وخوفج يذبحه لانها لحظتها راح يفقد عقله بالغضب و الغيره وباجر شتسوى عليج ريلج ينسجن غير الحجي الي بطلعونه عليج اهله هذي شغله
الشغله الثانيه يمكن ريلج يتبعه ويصدقه بحكم انه اقرب الناس له فبتالي انتي الي بتصيرين الشينه وبوصخون سمعتج لا وبتطلقين و السمعه ميح
يعني ان نطقتي بكلمه ترى انتي الخسرانه لاتتوقعين موقف ايجابي من ريلج مثل انه يوقف معاج و يدافع عنج لانه لو وقف معاج بيذبحه ولو وقف ضدج بتطلقين و مبين عليج تبين الستر و تبين ريلج وشاريته وشاريه رضا لي درجة انج تخليتي عن قيمج و خالطتي الرياييل عشان خاطر عيونه ياقلبي انتي
الحين الامور اتضحتلج حطيها عطالوه ودرسيها ترا 3 ايام واااااااايد وسكوتج و اختفائج عن حيات ريلج اكبر غلط لو انتي مو مسويه شي بشك فيج حبيبتي و لا تنسين الشيطان شاطر مثل ماقص على خال ريلج بقص على ريلج وبوهمله بشغلات واي يشك فيها فيج وغير بليس لا تنسين شياطين الانس الي هو خال ريلج مثل ماحفر حق ريلج عندج بيحفرلج عنده
حبيبتي الحل السليم انج تفتحين عقلج عدل و تصيرين ذكيه وذيبه قبل لاتاكلج الذيابه
الحل هو بسكوت و الستر عليه مو عشان ولا هو مايستاهل الستر بس عشان ربج امر بستر هذا انسان مريض وفضيحته ذنب و علاجه يا حياتي بيدج
انتي تسترين عليه اي بس تعبرين عن قضبج و تهددينه بشطارتج مو بالكلام عشان لايتصيد عليج تهددينه بنغزات و النظرات والي لها الف معنه و معنى و كل تفسير للنظره الوحده بتهد حيله و بمل و بيوخر منه و من نفسه
مثلا
اذا دق على ريلج قوليله لا تيي بناخذ راحتنه وهو بيعرف موقفج تجاه
واذا قعدتوا وهو معاج وي ريلج قوليله اقووووول و لا اسكت بيصب عظامه ولي قالج ريلج قولي قوليله تصدق خالك يقز بسوق الفلاني من ورانه وانتي صج شايفته مو جذابه وبنفس الوقت هو يطلع جذاب بعيون ريلج لانه قايله بروح يخلص شغل
وذيج الساعه ريلج راح يفسر وخليه يفسر مثل مايبي
بس المهم انج تنبهينه بطريقه ذكيه و غير مباشره
وقوليله انا ملاحظه شغله بس اخاف اقولها لك تزعلك اذا قال شنو قوليله انا حس انه الرياييل الي بليمعه واااااايد يطالعوني و انا ابي اكون لك بروحك مو لغيرك اعزلني عنهم و اعفيني عن زيارتهم و لا تخصين وتقولين خالك يطالعني لانه حزتها ريلج راح ينعفس خاصه و انه قريب منه وايد وماراح يرضى عليه
وصدقيني الايام بتكشفه عاجل و لا اجل
الواتساب الي عندج ضدج مو لج و لا لصالحج مسحيه
و انا برايي تشخلينه بالواتساب و لا تخافين مايقدر يحفرلج لانج انتي بالواتساب لازم تصيرين ذكيه و تخلين الكلام يدور عليه مو عليج
مثلن تقوليليه انا ساكته عشان احفظ كرامت ريلي وبيتي مو عشانك و لا و الله لو اقول حق ريلي انك ييتني وقلتلي كيت و كيت تنذبح و انا بقول حق ابوي و اخواني ماراح استر عليك امثالك مالازم يماشون ريلي و لا ينستر عليهم
طبعن هذا بس حجي كتهيديد اول
بس اذا تجرأ عليج و زاد الحد ابدي بتسجيل و طلعي الي خاشته بالواتساب وحطيهم جدام امر الواقع لانه حزتها الموضوع بصير في شرف وديري بالج انتي متزوجه و مو اي شرف الي بينتهك شرف ريلج ترى اقرب الناس له فتوقعي انه ريلج يفضله عليج و الظفر مايطلع من اللحم
وتوقعي انه خال ريلج يقول ان جهازه مباق وانه موهو الي دازلج هلحجي توقعي الغير متوقع

ونصيحتي دخلي ابوج و اخوانج و خليهم يكلمونه ويروحون له ويهددونه انهم راح يفضحونه اذا ماتاب وياز و جذي الامور راح تكتم و منه و من نفسه ماراح ييكم البيت و لا راح يقعد بالزواره فماراح تظطرين انج تلفين و تدورين على ريلج عشان لا تروحين او عشان ما تستقبلينه لانه هتحذيرات بيونه من اخوانج
و اكيد اخوانج يحبونج و بفكرون بمصلحتج وبيتج قبل اي شي
وسامحيني اذا طولت
وسمحولي بنات مو كل الردود سليمه في ردود وراها هدم بيوت و مو حكيمه و متسرعه

 

[بنات حواء2]

نور الكوثر ياحلات نكنيمج و الله يبرد الجبد
حبيبتي اكيد سالفت العيش صارت من ورا ريلها او يايبها بغشمره
هي تقول انهم ميانه و يطلع معاهم اكيد بيستقل الميانه و بيتغشمر معاها وهو الي بقلبه والي باله شي ثاني هذا ذيب مو بشر والله

 

[الأميرة الحزينة]

ممممم مادري شقول:eh_s(10)::eh_s(10): الصراحه مشكله ... بي اذا قدرتي تسجلين كلامه وتخلينه عندج دليل يمكن مع الزمن يصير شي لا سمح الله عشان تبرين نفسج :eh_s(1):

 

[™〓 تۈڷيـــטּ~»❀]

قولي حق ريلج
انج تحلمين بكوابيس وياثوووم ومن بعدهم طحتي مصخنه وووهذي انذار من الله لي
ويوم سالت شيخ قالي لا تخالطين رجال بالمجلسس
وخبريه انج خبرتي الشيخ عن تواصلج مع خاله وطلعاتكم وياه
ووقالج هالشي حرااام بالدين
وماعتقد ان اذا جبتيه من صوب الدين راح يعارضج بالكلام
وواذا اعترض
خل يروح يسال شيخ دين راح يخبره نفس الشي ترا
قولي له انا اهم شي عندي رضا ربي ورضاك
اما خالك
مالي شغل فيه
وومن صوبه راح يخبره ان مايكلمج ولا يتواصل وياج عقبها

 

[بنات حواء2]

بانتظارج حبيبتي قلبي عندج طمنينه و اهم شي انج تتحذرين في قراراتج هذي الاراء مو كلها صحيحه و لا كلها خطأ اختاري الي فيه الصواب ورجعي حق ردي ورد تي ار اف ورد ووحده نسيت اسمها وااايد ردودهم مقنعه قلب صغيرون اعتقد و منطقيه

 

[over love]

اقرى ردودكم وقلبي يعورني كل رد اقراه احس بضياع اكثر كل ماتخذ قرار اتراجع عنه لانه كل قرار بتخذه له نواتج وخيمه
قسم بالله ضايعه ونفسيتي تعبانه
سامحوني ماقدر ارد على كل وحده فيكم
بس بقولكم مشكورين وقفتكم هذي بحدذاتها تكشف معدنكم الابيض و الله لا يحرمني منكم
بقرا ردودكم مره و مرتين و ثلاث
بفكر 100 مره الوقت قاعد يوح مني و انا ضايعه ريلي بيي يتغدا عندنه بعد شوي
بكلم ابوي و امي بالموضوع ماقدر خلاص احس مافيني حيل اتحمل كل هذا بروحي خلاص
يالله شنو الي صار
قسم بالله احس اني حلمانه مادري انا ينيت و لا يتهيألي يارب اكون حلمانه و لا حقيقه كل ماشوف المسج ييني عوار ببطني وراسي ودي اصارخ اقول خلاص لو حلم بقوم المصيبه مو حلم لا حقيقه
انا اليوم راده بيتي و بحاول اختبر ريلي واشوف قوت تحمله و الله يقدرني اعدي هلمرحله
وبقولكم راي امي و ابوي بالموضوع
بس خليطلع ريلي بقولهم ماراح اسكت
وبواريهم البرودكاست
ردودكم كلها احترامها و اقدرها ولو مو خوفكم علي ماريديتوا و تعبتوا
يعل عيني ماتبجيكم
والله احس قلبي يعورني و لساني صاير ثقيل وقاعده ارجف مادري شياني والله مادري

تعوذى من ابليس اذا فى أحد لازم يخاف فأهو مو أنتي !

أنتي صاحبه حق ورب العالمين معاج تأكدي وخلى ثقتج بالله كبيره لاتخافين الى خاف الجبان النذل خال ريلج الله حسيبه الظالم ,,,

وهذا الى لازم تسوينه أهلج لالالالالالالالالالازم يعرفون وأهم يتصرفون بحكمتهم ومعرفتهم

عليج بالدعاء ولاتخلين حسبى الله ونعم الوكيل <<<قوليها بيقين وشوفي الفرج شلون بيصير

طمنينا ترى ورب الكعبه موقادره انام أحاتيج

 

[Tom ♥ Jerry]

.


:rgewrg:

هاذا غبي ؟ و جليل حيا ؟ و خآين العشره ؟ و مآ يستحي ؟ و مآ يخاف ربه ؟!

واي لا مستحيل صراحه :/ :eh_s(14): .!.

شوفي دقي عليه أو دزيله مسج اذا مآ تشتهين تسمعين صوته ؛@ !

قوليله شوف ليه هني و بس .. انا أحب ريلي و ريلي عندي بالدنيا كلها .. ولو شنو مآ رآح آفرط فيه

ريلي آهوه حبيبي و آهلي و دنيتي كلها و لو سمحت مآبي اشوف رقمك مره ثانيه ..

ترا ليلحين انا مآ علمت آحد .. لا توصلني لمرحله تخليني اقول حق ريلي أو أخوي أو ابوي .. :eh_s(14):

ترا مآ تسوا عليك الفشيله الي رآح تاكلها .. و سديه بويهه !

و تجنبي تقعدين معآه .. و لا تطلعين معآه .. و اذا ريلج قالج ليش مآ تردين عليه أو أو أو ..

قوليله حياتي انا مآلي شغل فيه ، اصلا علاقتي معآه غلط !

الله رآح يحآسبني عليها .. آهوه مو محرم لي عشان اقعد و اسولف معآه .. بليز لا تكلمني عنه

و بس سكري السالفه !

قوليلي شنو يصير عشان اتهاوش مع خآل ريلج :eh_s(14):

 

[كويتيه مذهله 87]

مافكر فيج الا انتي معطيته وي الله يهديج يعني ماله داعي تسولفين معاه عن حبيبته اساسا هذا غلط وعيب
ريال وبنت ما ادري يعني يروح يشتكي ويقول لريلج افضل بس معاج شوي صعبه ووالريال مهما يكون ضعيف يحب الي جدامه جنه خروف اي وحده يحب

لازم تقولين حق ريلج حبيبتي لااااااازم لا تثقين برياااال باجر يقلب السالفه علليج
فقوولي حق ريلج وبينيله السالفه ويسمعها منج لايسمعها من غيرج
وليش يطلقج انتي ماسويتي شي غلط
وحتي اهله ماراح يفتحون حلووجهم لان ولدهم هما الغلطان
فالافضل نصيحه مني لج قولي حق ريلج احسن لج تري باجر يصير شي ماتتوقعينه من خاله

 

[المرتاحة]

حبيبتي انا قريت قصتج واحترت مادري شقول لج

وقلت لابوي قصتج و بما ان ابوي الله يخليه لي حكيم و فاهم بامور الحياة قال لي اهي من البداية عطته ويه و قامت تسمع له يمكن من غير قصد منها و علشان جذي قام يتجرأ عليها ويتمادى

ثانيا اشلون ترضى تقعد بالبيت بروحهم لما ريلها راح مع اخته اييبون الكيكه اهني المفروض زوجج ينتبه لهذا الشي و همن انتي المفروض تروحين معاهم و ما تقعدين وياه بروحكم

ثالثا قال الحل انج يا تصارحين ريلج او تصارحين ابوج لان سكوتج واطوالتج مو لصالحج كلش اصلا بالعكس بسكوتج المشكله راح اطيح براسج انتي و انتي اللي راح تنلامين واللي راح تطلع بنظر الكل الغلطانه الله لا يقوله

يقول خلها تتصرف من الحين و تحتفظ بالمسجات اللي من خاله لانها راح تكون دليل ضده

والله يكون بعونج يا رب ولا تنسين انج مظلومه وربي بإذن الله ما راح يخيبج

 

[بنات حواء2]

امبي صج سالفتج هزتنه الكل قام بميك اهله ويشاورهم
الي ابوها و الي ريلها انا مسكت بيتنه كله وشاورتهم
ريلي قال موزين تقول حق ريلها راح يموت الخال بيد ولد اخته
وامي تقول لا الابو و الاخوان يتصرفون واهمه ادرا بمصلحتها واكيد ماراح ييبولج الحجي امي رايها من رايي بالضبط و انا واثقه اول ماتقولين حق ابوج راح يقولج عطيني رقمه
صدقيني الحل بيد اهلج
وديري بالج لسانج لا يخر حق اي من كان اهلج وبس لا رفيجات و لا قرايب
ترا الناس يتشمتون و على قولت وحده من الخوات يسوون اكشن و سيناريو ماصار

 

[بنات حواء2]

المرتاحه كلام الوالد عين العقل الله يخليه لج وبوسيه على راسه بصراحه الكبار اهمه اكثر حكمه بحكم تجاربهم
بس ترا هي كانت رايحه باليمعه هذا الي فهمتها وريلها ودا اخته تييب الكيكه يعني كانت اليمعه كله معاهم ماعتقد خلاها بروحها معا بصراحه لوريلها مخليها بروحها معا مصيبه هني تكون العله بريل يعني صج اخوي و رفيجي بس الشيطان شاطر ماخلي مرتي بروحها مع ريال غريب بعدين اكيد هي حلو الريال مانجذبلها وقال هلحجي الا لبنيه حلووه
نصيحتي لج ياصاحبت الموضوه اذا انتي جميله ترا الجمال نعمه لاكن مع هلاشكال الواطيه نغمه حبيبتي لبسي النقاب و خبي ملامحج و خلي الوحيد الي يتمتع بجمالج زوجج لا غير في وايد بنات اعرفهم تنقبوا و لبسوا بواشي من جمالهم
اعرف وحده تقول كل ماطلع مع ريلي الشباب يطالعوني و تصيرلي مشاكل و حلت مشكلتها بالبوشيه وصج البنيه جذابه فهذي نصيحتي لج بالنسبه حق الوي و الجمال

 

[nenna92]

اهم شي اتقولين حق ابوج اوو امج!!!!!!!!!!!!!!!!!!!!!!!

الله يعينج:******

 

[عللووياا]

حبيبتي حواري اولا عسى ربي يفرج همج
اقول حبيبتي انت اول شي ادعي لله ثم ردي حق بيتج ولا تشكين بريلج لان لو كان اهو يسوي شي وخاله هذا يدري عنه بحكم صداقتهم القوية على قولتج تأكدي انه ما كان راح يخليج تتقربين وايد من خاله بالعكس كان راح يخليج تبعدين عنه كثر ما يقدر يخاف لا يغلط جدامج بالكلام
يعني اكييييييييييييييييد خاله بيقولج جذي بس عشان يخليج اتشكين بريلج وتكرهينة واهو يتقرب منج.
ثاني شي دام خاله متصل عليج فانتي تدرين رقم تليفونه خلي احد من اهلج سوا ابوج او اخوج يتصل عليه ويعلمه ان بنات الناس ما يصير معاهم جذي وانج ما تكلمتي وقلتي لريلج او اهله خوفا منج على صدمة ريلج في خالة وصديق عمره ليس اكثر وصدقيني ماراح يقدر يسوي شي هالحزة ولا يطلع حجي لأن اهلج تدخلو في الموضوع وربي يوفقج ويهنيج مع ريلج