انا منهاره حدي الله يوفق ويسعد ويرزق كل وحده تخفف عني

[Miss givenchy]

السلام عليكم ورحمة الله وبركاته

ادعولي الله يصبرني

انا سويت عملية الحقن المجهري

وتكونو 3 اجنه واحد درجة اولى و2 درجة ثانيه وكان الدكتور مره متفائل ان العمليه بتكون ناجحه ان شاء الله

لكني حللت بعد اسبوعين وكان امس تحليلي ومع الاسف ماطلع في حمل

اعوذ بالله من الشيطان

احس نفسي متضايقه وبس ابكي وحالتي حاله وعارفين الحين رمضان وانا نفسيتي اكثر من تعبانه كارهه نفسي ولا ابي اشووف احد ولا بروح عزايم اهلي واهل زوجي ولا ابي اقابل ناس

احس الدنيا ضيقه

اللهم لا اعتراض

كنت متأمله اني بحمل خاصة ان الدكتور قلي بأذن الله بتحملي لكن مع الاسف

بنات انا هذي اول مره اسويها عملية الحقن المجهري لان زوجي عنده مشكله

بس مع الاسف مانجحت

اتمنى من كل وحده تدخل موضوعي تعطيني امل او تقلي قصص لبنات مانجحت معاهم من اول مره وبعدين نجحت

انا تقيدت بكل تعليمات الدكتور الادويه بمواعيدها وحركه ما اتحرك مثل ماقلي حتى يوم ترجيع الاجنه طلعت السياره ورا وانسدحت

كل شي بأرادة الله سبحانه

بس بعد اراته وش السبب اللي ممكن خلا العمليه ماتنجح

من جد تعبانه وحالتي الله يعلم فيها

اعتبركم اكثر من خوات لي عشان كذا ابيكم توقفون وياي وتخففون عني حالتي مره صعبه

الله يرزق كل محرومه ولا يذوق مسلمه مرارة فشل العمليه

 

[Australia girl]

الله يرزقج انشالله اختي الحمل الصحيح المعافي وتبشرينا يارب ولاتتضايقين واعرفي ان الرزق من الله وادعي له
وانتي صايمه الحين عسى ربي يفرح قلبج بالاخبار الزينه انشالله وعن الموضوع والله ماعندي فكره بس حبيت ادعيلج

 

[faro7a_el7elwa]

الحمدلله على كل حال وان شاء الله ربي يرزقج بالمره اليايه وهذي خيره من الله وفي بنات وايد سو 6 و 8 عمليات مانجحت ومايأسوا وتعوذي من ابليس واقري قرآن وادعي ربج بهالشهر الفضيل يرزقج ويرزق كل محرومه اللهم آمين

 

[نور اهلي]

الله يرزقج الذريه الصالحه

واهم شي النفسيه لازم تكونين متفائله ( تفألو بالخير تجدوة )

الله يرزقج ويرزقنا معاج

 

[WaChoCha]

حبيبتي زعلي وابجي وتضايقي مثل ما تبين بس لا تطولين ...ترى اغلب البنات اذا مو كلهم اقل شي مسوين تجربتين او ثلاث فاشلين يعني الوضع طبيعي وهاذي ارزاق بايد الله سبحانه والدكتور سبب ... معنا اختنا الغالية اسمها نيبال صار لها 21 سنة تحاول وما زالت ما فقدت الامل بالله سبحانه (عسى ربي يرزقها من اوسع ابوابه).

احنا الحين شهر الخير والرحمة ادعي الكريم الرحيم انه يجبر بخاطرج ويرزقج واذا فشلت اول مرة شي طبيعي وايد تصير ترى مو نهاية الدنيا
عسى ربي يجبر بخاطرج ويرزقج عاجلا غير اجلا بالذرية الطيبة الصالحة

 

[فراشة الكويت25]

السلام عليكم
لا تيأسييين من رحمه ربج
انا توني مسويتها والدكتور حطلي 3 من الدرجه الاولى
وقالي في امل كبير بالحمل
لانج مافيج شي وبعدين سنج اصغير 25 بس حللت مو حامل
الحين قالي بيسويلي تقنيه الليزر الي يثقب الاجنه ويلصقهم بالرحم
عشان اتزيد فرصه النجاح اكثر

عادي حبيبتي مدام في امل حاولي

انا رفيجتي
سوتها مرتين بالهادي
اول مره ما نجحت بس بالثانيه يابت 2 توأم بنات وحملت بعدها طبيعي بنت
ورفيجتي كبيره فوق ال30 واهي وزوجها فيهم ضعف
بس رحمه ربج
ربي بيشوفج بتصبرين او لا
ربي حب صوتج وانتي تدعين يبيج تدعين اكثر
ادعي بهالشهر الفضيل
وتفائلي مدام الامل موجود
كل شي بيد الله
كثري الاستغفار وحاولي تختمين القران كل 3 ايام برمضان وخلي النيه كلها عشان الحمل
وخلي امج تدعيلج لان دعاء الوالدين مستجاب
انا الدكتور عطا الحين حق زوجي مقويات لمده 3 اشهور اشوي اتساعد على التلقيح لان انا حركة الحيوانات حيل بطيئه
توكلي على الله وردي سويها
اا نا بسويها شهر عشرا
ادعولي
ربي لاتذرني فردا وانت خير الوارثين

 

[وحش سعود]

حاولي تسهلين الموضوع على نفسج عشانج وعشان زوجج
وإنشالله مايدور السنه إلا إنتي شايله ولدج
الله يرزقج الذريه الصالحه

 

[التميميه]

توكلي على الله ولاتتضايقين ولا شي فديت قلبك انا سويتها 5
مرات ولاياست من الفشل اللين نجحت والحمدلله رب العالمين وبكررها بعد
والفشل هو الطريق الاول للنجاح فديت قلبك خلي ثقتك بالله كبيره وكوني مع الله

ياااارب يرزقك عاجلا غير اجل ياارحم الراحمين

 

[MzaJeeYa]

الله يرزقج ويرزق كل محرومة ... وإذا تعرفين بنات مثلج يدورون الحمال ادعي لهم بالذرية الصالحة قبل لا تدعين لنفسج
والله ارحم من الإنسان على نفسة .. لا تيأسين من رحمته .. وضلي واقفة على بابه .. و ادعيله .. ((الله يرزقج و يرزق عمتي وخالتي وصديقاتي زينب ورابعه... بهاليوم الفضيل .. بهالشهر الفضيل))
وهذا دعاء :
" ربى لا تذرنى فردا وأنت خير الوارثين "
أسألك اللهم يا مالك الملك يا من تؤتى الملك لمن تشاء وتنزع الملك ممن تشاء وتعز من تشاء بيدك الخير كله .. يا حى يا قيوم ... يا رحمن ويا رحيم ... يا رب لا تذرني وبنات المسلمين فردا وأنت خير الوارثين يا أرحم الراحمين ... أدعوك اللهم إنك ترزقني و إياهم الذرية الصالحة والخلف الصالح وتجعلنا وتجعلهم مقيمى الصلاة ومن ذرياتنا وذرياتهم .... ربى وتقبل دعـاء
اللهم يا فارج الهم يا كاشف الغم ياربنا ورب كل شيء ومليكه سبحانك تباركت وتعاليت ...اللهم إني أسألك بأنك أنت الله الواحد الأحد الفرد الصمد الذي لم يلد ولم يولد ولم يكن له كفوا أحد .... أن تفرج كربة كل اخت مسلمة ومؤمنة لم تحمل بأن تيسر لها جميع أمورها وتنال مرادها... وتوفقها لما تحبه وترضاه.. أمين يارب العالمين

 

[روعة خيال]

يا قلبي انتي

اعرف بناااات شكثثثثثثثثثثثثثثثثثثثثر سووا ترجيع للاجنة و فوق ال6 مراات و ما نجحت و كاهم راضين بقسمة ربهم

مثل ما قالت وحدة من خوااتي اللي قبلي ربي حب صووتج و انتي تدعين و يبيج تدعين اكثرر و مثل ما انتي عارفة احنا الحين بشهرر خيرر و انا واااثقة ان ربي ماراح يردج خااايبة

لا تيأسين ابذلي كل الاسباب و ربي يرزقج التواااءم اللي تطلع قرووونج و يخلوونج تاخذين مانع الحمل اللهم امييين

 

[lovemyself]

شوفى مصيبتى يا اختى وتهون عليج مصيبتج
وبعدين التلقيح اسهل بكثير من الانابيب وما تكلف شوراكم كل شهر سووا
انشالله بتنجح ما عليج لا تياسين وادعى ربى والله يرزقج يارب بم تتمنين

 

[mosta7eel]

الله يهون عليج ويصبرج
حاولي حبيبتي الحين تلتزمين الدعاء دام فرصه الحين احنا بشهر الرمضان
ولا تياسين قولي اذا مانجحت هالمرة المرة الياية اكيد بتنجح باذن الله وبالعكس
فرصه الحين عزايم وزوارت علشان تنسين وتلهين

 

[bnt_kwt]

كرري ولا تيئسين ولا تملين
ربي يعوض صبرج خير

 

[المسك2]

لا تضايقين حمدي ربج اكيد الامر فيه خير لج انتي ماتعلمينه ويمكن اختبار من ربي لج يشوف صبرج لا تقنطين من رحمه الله واحسني الظن بالله الله ما يخذلج ياعمري انا ثلاث مرات حمل خارج الرحم خلال اربع سنين وكل مره يشيلون انبوب والحين ماقدر احمل غير بانابيب وسويت نابيب وثلاث اجنه ردولي 2من الدرجه الاولى واحد من الدرجه الثانيه وحللت وطلع في حمل واستانست وحمدت ربي وبعدين يوم جا موعد السونار طلع مافي نبض والحمد لله
الله يرزقج يا الغاليه

 

[مهرا احلى مهرا]

سبحان الله مافي شي بعيد عن رب العلمين بتنجح انشالله خلي ثقتج بالله كبيره

 

[zalabia84]

هلا حبيبتي .. قدر الله ماشاءالله فعل .. وكل تاخيره فيها خيرة وو قوي ايمانج باااالله وتفاءلي وصدقيني الله بيرزقج بالذرية وهذا كله اختبار لج عشان ربج سبحانه يشوف قدرة صبرج وتحملج على البلاء ومثل ما يقولون الدنيا دار بلاء المؤمن فالمؤمن فيها مبتلى حتى يفرج الله عنه ...

 

[نكهةالبرتقال]

حبيبتي يا الغالية

أولا الطبيبة كلامها موكل شي

يعني ، اهي تسوي اللي تقدر و الله يكتب اللي فيه خير حقك

أدري اشكثر الموضوع صعب عليك

لكن رددي : اللهم أأجرني في مصيبتي و اخلفلي خيرا منها

و ان شاالله ربي يرزقك من حيث لا تحتسبين ، و بدون الحاجة حق العملية

 

[كويتية ورديه]

حبيبتي ميخالف لاتضايقين نفسج .. كل شي بيد الله سبحانه وتعالى وايد بنات مانجحت من اول مره .. رفعي ايدج للسما وادعي ربج ولايضيق خلقج . واكيد تيينا حالات نتكدر بس لا بد ان ايمانه لازم يقوي .. قولي الحمدلله على كل حال .. والله يجبر بخاطرج ويرزقج .. انا اعرف وحده سوتها 7مرات وتالي انجحت .. يقلبي قولي يارب اجبر بخاطري وادعي حق نفسج وحق غيرج ..

 

[@قطعه سكر@]

حبيبتي لاتنهارين ولاشي حطي عندج امل وكرري التجربة وانشالله تحملين باالمحاوله الثانية وربج كريم ولاتنسين انا بشهر الرحمة وانشالله تفرحين بشوفت ضنااااااااج عاجل غير اجل وتفرح قلبي وقلب كل محرومة ياااااااااكريم,,,,,,,,

 

[Aci Hayat]

حبيبة قلبي والله

مالج الا الدعاااء والله كريم الله يصبرج

انتي جربي مره وثنتين وثلاث من رجا الله ما خاب

الله يسهل لج يارب