انا معلمه اسلاميه شنو اجهز وسائل وقرطاسيه وسوالف فنيه للدوام مفيده وتبقى معاييييي

[عسى الله يهديني]

السلام عليكم ورحمه الله وبركاته


















ردو السلام بلييييييز :eh_s(7):




حبيباتي الكتاب واضح من عنوانه شنو التجهيزات الي اسويها لبدايه السنه اليديده حدي محتاسه مادري شنو اشتري

وابي احسن طابعه شنو


وشكرا جزيييييلا:ggdw:

 

[بـنــت الــنـور]

عليكم السلام ورحمة الله وبركاته
اول شي كل عام وانتي بخير
ثانيا شوفي يالغاليه الوسائل حسب نظام مدرستج اذا ماكانت تفرض عليج استخدام التكنولوجيا الحديثة فاغراضج معروفه مسجل ولوحة قرآن حسب الآية اللي بتعطينها الطالبات او استخدمي شفيفه واضحه هذا بالنسبة لمادة القران
اما الإسلاميه لاااازم يكون معاج بطاقات السبورة اللي هي البسمله والحقائق والمعلومات والقيمه واتجاهاتها والصور والوسائل اللي تخدم الدرس نفسه
لكن اذا مدرستج تفرض عليج وسائل حديثه للتعليم مالاااالج الا الداتا شو والسي دي يبيعونه بأكثر من مكتبه منهم السنافر ومرييييح حيييل يوفر عليج دروسج والصور والوسائل الثانيه

اما القرطاسيه ما فهمت بالظبط بس اعتقد تقصدين أغراضج إلخاصة واهم شي ملفاتج ودفتر العلامات وخلي معاج صندوق تحطين فيه أقلامج ومساحتج إلخاصة للسبوره >>لان اشكره ماافي مساحات
وبعض الهدايا للطالبات قلم احمر قلم رصاص بعض الاستيكرزات التشجيعيه
ونصييحه زيني مكتبج بالأدوات اللي تحبينها وياكثر هال شغالات بسنتر

 

[بـنــت الــنـور]

بسنتر بوينت
واتمنى اكون افددددتج واااااسفه عالأطاله تقبلي مرو ووري

 

[عسى الله يهديني]

حبيبتي ماقصرتي استفدت وايد وعلمتيني اشياء ماكانت على بالي

بس بسألج دفتر العلامات فيه طويل وعريض اي واحد اخذ وشنو اكتب داخله ماعرف بصراحه

وشلون احصل صور تخدم الدرس ؟اشتري من المكتبه ولا اطبع من الكمبيوتر

وبالنسبه حق لوحه الايات مادري اشوف الابلات يتهاوشون عليها مرات اروح الصف وانا مو ماخذتها شلون اتصرف حبيبتي ؟؟؟؟؟؟؟؟؟؟؟




وايد اسألتي ادري بس شسوي /:

 

[الله يهدينا]

اب
اب
اب

 

[بـنــت الــنـور]

دفتر العلامات العريض بكل تأكيييد افضل لج لإنج تستخدمينه طول الكورس وراح تكتبين درجات الشفوي والواجب او الدفتر مع الأحاديث وتقسمين الدرجات علي حسب اللي تقوله لج رئيسة القسم .... ولوحه القران أكيد متألقين عليها عشان جذي الداتا شو أريح لج تكتبين الأيه باللاب وتعرضينها للطالبات وخليهم براحتهم يتهاوشون او استخدمي شفيفه وجهاز البروجكتر أكيد موجود بكل صف
والصور علي حسب درسج عن شنو يتكلم طلعيهم من النت او اذا تحبين تغييرين من المكتبة تلقين صور تخدم التربيه الإسلاميه

وحاااضرين بالخدمه^_^

 

[omaseel]

اسويلك
كل اللي تحتاجيه

تقدري تراسلين علي وتس اب تشوفي نماذج

 

[#الخشف#]

اشتري داتاشو لان اغلب المدارس الزمته والمدارس اللي كان موالزامي اتوقع هالسنه بيلزمون معلماتهم فيه...وحتى لو ماالزموج اشتريه لانه راح يريحج الكورس كله تقدرين تعرضين صور فيه وتكون واضحه وتعرضين مقاطع فيديو تخدم الدرس وغير البوربوينت...الخ يعني حييييل راح تستفيدين منه...انا الادوات اللي شريتها بالميداني واغنتني عن روحة المكاتب الطابعه وانصحج اخذي طابعة الليزر ماركة اتش بي تهبببل سريييعه وطباعتها للصور فائقة الجوده وغير هذا فيها سكنر يعني اذا بتصورينلج اوراق كل شي متوفر عندج فالبيت.شريت جهاز التغليف الحراري من السنافر ب20دينار واوراق الحراري تقريبا بدينارين...
امممم
بااقي القرطاسيه اخذيلج دفتر الدرجات عريض ودفتر تحضير اذا حابه لمادة القران في واحد كل الابلات يستخدمونه لونه ازرق فيه تحضير جاهز للقران مو الاهداف بس خطوات سير الدرس لانها مكرره بكل درس...طبعا لاازم تشترين اقلام سبوره واخذيلج الوان مختلفه ومغناطيسات واذا بتستخدمين بطايق اخذيلج مغناطيسات المربعه اللزق عشان تسهلج التركيب وقت الحصه...

وبس سلااامتج

 

[نونا 3000]

ليش مستعجله حبيبتي تو الناس لاحقه ع الشقا
اشتري داتاشو مايحتاج وسايل الحين الكل جذيه اذا تبين امتياز

 

[عسى الله يهديني]

مشكوريه بنات ماقصرتو وووووو بصراحه

جزاكم الله خير

بعد ابي استفيد

 

[بنت احلام]

اببببببببببببب

 

[ام رينـاد]

الخوات ماقصرو اللي فوقي

 

[بنت احلام]

اببببببببب

 

[عسى الله يهديني]

حياكم

 

[طموحه بزياده]

الله يوفقج


انا عن نفسي بجهز هالسوالف لما اداوم فعليا

 

[بنت احلام]

طموحه ع الاقل القرطاسيه