انا معصبة

[روعة]

انصحج بالقران الكريم والله العظيم جربي وشوفي شلون تنزل عليج الهدوء والسكينه ورااااحة البااااااال اتلي سورة البقرة وسورة يوسف وسورة مريم وسورة يس فعلا يريحون النفسية ويهدأون الاعصاب

 

[Pinky -cat]

شوفي في اسباب حق هالحالة اللى انا وحدة من الناس تييني بين فترة والثانية يعني مرة مرتين بالشهر ويكون يوم الله لا يوريج
اعفس الدنيا فوق حدر

والسبب اللي عرفته طبعا وفهمته عقب ما قعدت قعدت صفاء ويا روحي

1- اولا انه يكون حزه دورة واعصابج منفسية ورايحة يكون سبب جوهري .
2- اذا مو حزتها عيل اكيد في شي مضايقج صارله فترة وانتي تحاولين تمشين الوضع وساكته وحزت الحزه يطلع الاثر الرجعي
3- انه يكون في اشياء تنرفز وتحر وانتي تطوفينها بس هالمرة انتي مو قادرة وخاصة اللى جدامج كل شوي يدوس علجرح


الحل انا حاولت اني اسويه وال حد ما قاعد ياثر فيني

شوفي سبب العصبية وخري عنها ، تعلمي الصبر شوي شربي شاي اخضر يهدي الاعصاب وونسي روحج شوفي الناس
اللي مستانسة ومرتاحة واخذيها مثال وقدوه

 

[Pinky -cat]

اتمنى تستفيدن من طريقتي وانا فعلا كتبتها لاني حاسة فيج ومريت باللي تقولينه فا سويه وبشريني بالنتيجة

والله يوخر عنا المشاكل يا رب ونرتاح بحياتنا

 

[سحابة امل]

حبيباتي يسلموووو على الكلام الجميل

نوتوني

وفعلا قاعده اهدي اعصابي واحاول انفس عن غضبي بوقته عشان ماييتراكم وانفجر

 

[Ms.romanceya]

مثلي ما اقدر اصيطر على اعصابي

 

[سحابة امل]

الله المستعان

 

[dalo0oa121]

حتى انا مثلج

 

[دلوعةمآمآ]

الله يعيينك يارب

انا كنت نفسسك عصبيه جداً اذا عصبت لا يحووشك ,,

بس الحمدلله مع كثرة الاستغفار حسييت حالي احسسن

واشربي ليمون مع نعناع يريح الاعصاب ..

وتذكري مافيه شيء يستاهل نعصب عششانه

الله يسعدك

 

[شندوخه]

تعوذي من بليس 3 مرات
وقومي صلي لج ركعتين مع اي صوره كانت قصيره او كبيره
وائاهر ياختي انه عندج نقص بوتاسيوم لان هذي اعراضه
كل يوم اخذيلج 3 او 5 او 7 تمرات المهم تكون بعدد زوجي عشان نطبق السنه
وشربي قهوه شعير او التلبينه
وشربي بابونج ويانسون قبل النوم

وتذكري والله ماكو شي يسوا تحرقين اعصابج عليه

 

[زين ودلال]

الله يشرح صدرج ان شاء الله

لا عصبتي استغفري