انا مصدووووووومه من بنتى >>(من فيكم بنتها بلغت قبل وقت البلوغ)

[Good Enough]

لووووووول خربتيها يوم قلتيلها الكوتكس حق البول

حاجيها على انها كبيره بس شوي شوي و فهميها ان شي عادي .

 

[Om JooD]

الحين كل شي تغير مو نفس اول..الجو حرارته ارتفعت عن اول..الاكل كللللللللللللله متروس هرمونات

كلها خلت الجهال عندهم شعر بجسمهم ويبلغون اسرع من اول ولا تحاتين وكلميها من الحين وفهميها عدل

 

[الأميرة جوري]

عادي البنات نصهم يبلغون علي 9

 

[مجنونة بس عاقلة]

حرام صغيره

 

[sara999]

عادي حبيبتي ... على قولتهم الدم حار
بنات خالتي كللللهم أمهات تسع وثمان بلغو والحمدالله كاهم امهات عيال وشحليلهم

 

[Miss.Beckham]

حبيبتي انا اشوف انج لازم تكلمينها بهالموضوع
عشان لما تييها ما تخترع
واذا كنت تحاتين حيل استشيري طبيب احسن لج
وانا اعرف جم بنت بلغو وهما صغار يعني عال10 او 9 سنوات

 

[G!RLooNa]

لازم تفهمينها لا تخلينها على عماها ترا سامعه سالفه انه بنت بلغت صغيره و ماكانو معلمينها شي قامت تدخل كلينكسات لي داخل عرفتي و عقب قامت كله توسوس يعني بعدها عذرا ولا لا,,, ف انتي فهميها كل شي احسن

 

[حمامة السلام]

دامها عارفه الكوتكسه

إنتي إسئليها تعرفين حق شنو

و بعدها عاد إفتحي الموضوع و علميها إن إنت تلبسينها و كل البنات الكبار يلبسونها

و إذا عندها خوات صغار قولي حتى خواتج لما يصيرون كبرج راح يلبسونها


أنا كنت ماخذه دروس من كنت صغيره هههههههههههههه و لما جاتني عادي ماخفت حيييل بس إنصدمت شويه و رحت لأمي و قلت لها و عطتني و علمتني شلون أستخدمها

لازم تهيئينها للموضوع و تعطينها دروووووس و حتى لما تطلع و تجيها بوقت مو وقتها شنو ممكن تسوي

و الله يعينج حبيبتي

 

[ام عفاف الكويت]

بالزمن هذا لانه كل اكلنا مجعم بهرمونات
فهالشي يحفز النمو والبلوغ بسرعه
علميها ترى والله اعلم بنتج سنه وتبلغ
الله يخليها لج يارب

 

[غير كل الناس]

تري عادي لاتشغلين بالش

 

[الحلا^^مبتليني]

ترى عادي انا طلعلي شعر عمري 8 سنين بس بلغت عمري 11 سنه عادي ياماما لاتخافين انتي عليج انج تفهمينها وتنصحينها وتوجهينا شخباري ام تخاف انتي من امهات قبل النفط لوووووووووووووووول

 

[لولوهـ]

انا بلغت وانا عمري 9سنين عادي مافيها شي
والمفروض تفهمينها وتجاوبين على اسالتها عشان ماتتخرع لما تجيها

 

[ديرتي الغاليه]

مشكورين بس انا الحين متورطه اشلون افهمها انا بروحي خايفه ومنحرجه من ردت فعلها اخاف تخاف ؟؟؟؟؟؟؟؟

 

[ليدي دبي]

عاادي حبوبه البنات بهالفتره صاروا يبلغوون مبجر ...
وبعد اكل الوجبات السريعه اذا اهي تااكل .. كله هرموونات ... بتبجر بالبلوووغ...

 

[ساشا]

الله يعينج انا بنتي بلغت بالعشر

الحين عمرها 13

من بلغت بسرررررررررعه تشوفين تغير بالسلوك

يحسون انهم اكبروا ... عاد ديري بالج من البنات بالمدرسة ومن النت والتلفونات

لازززززززززم يكون لها حسيب ورقيب

هذه الاشياء اللي حاتيها مو تحاتين بالمدرسة اذا يتها شتسوي !!

لانها سنة الحياة .... وكلها سنتين .. ثلاث ... تلقينها اطول منج

ويحسبونها اختج لا طلعتي معاها

 

[LuLiTa]

عااادي ,,بنت خالتي بلغت من ثالثة ابتدائي ,,,, و البنات هالوقت عقولهم كبيرة و يفهمووون كل شي ,,, و انتي لا تستحين اتجاوبينها عن اسألتها ,,, لأنج اذا ما احتويتيها بالمرحلة رااح اترووح بررره ادور اجابات عن اسألتها ,,,و فهميها كل شي بشكل علمي مبسط و صحيح ,, فهميها ليش لازم اتحافظ على نفسها ,,, و عطيها معلومات موثقة من القران و السنة و اشرحيلها انه الحين واجباتها الاسلامية تغيرت و انها الحين صارت انسان مسؤول عن اعماله جدام ربه ,,,

 

[-Bello-]

وااااااي حسيتج جنج امي لووووول عادي فاتحيها وشرط تلاقينها اتعرف اكثر منج لوول بنات هالوقت كل شي يعرفون والله يبلغج فيها عروس

 

[^^ B6a6a ^^]

لاتخافييين

بنت خالتي بلغت بهالعمر يعني مبجر وايد بس عادي مافيها شي

بس انا اللي اعرفه انه الصدر يكبر عقب البلوغ

وديها عند دكتوره او شي يمكن تعرف السبب

بس على الدوره لاتخافين عادي يمكن تييها عقب سنه مو مشكله

ودايما عطيها بالطو العلوم تعرفينه الابيض؟؟ خليه بجنطتها عشان اذا يتها بالمدرسه تلبسه فوق ملابسها وتطلع

وبسس الله يخليها لكم يارب

 

[meen_ana]

اعتقد بنات يبلغون بسن مبكر عادي في من عمر 9 سنين

 

[!! Go0o]

شوفي ياقلبي بنتى كنت استحى منها مووووووت لانى صغيره عمرها 11 بس احس بعدها بعينى صغيره بس ماستوعبت انها كبرت الا لمن قامت تسأل عن شغلات أي بنت بعمرها ما تعرفها واللى قالها بنت عمتها :\
هنى جنى مكفوخه طرااااااق فقررت افهمها كل شي حتى الدورة قبل تجيها سبحان الله لحقت عليها قبل لا تبلغ بشهرين وفهمتها كل شي عن الدورة وعن النظافه الشخصيه فأنتى لازم تصيرين اول شخص ومصدر للمعلومات لبنتج لا تنصدمين مثلى

موفقه