انا ما اعرف وابيكم تعلموني على ولدي شنو اعطيه واوكله

[غلاي امي وزوجي]

السلام عليكم ورحمة الله وبركاته

شلونكم؟؟؟

امهات بما اني بجر ابي استفيد منكم

انا ولدي صغير عمره شهرين وتقريبا ثلاث اسابيع

عندي كم سؤال وابي منكم الاجابه

الحين متى اقدر اوكل ولدي؟؟

وشنو الاكل الي اولكله ؟؟

شنو المنتجات الي بالجمعيه اقدر اشتريه له في هذا العمر؟؟

متى اقدر اقعده ؟؟ وشلون طريقة ؟؟<<خبراتكم وتجاربكم

انا اذكر امي تحط حق عيالي اخواني بطانيه وتلفها عليهم وبجذيه يقعدون شرايكم بهالطريقه والي عندها طرق ثانيه يا ليت تقول

متى احطه بالمشايه؟؟

هو حاليه يشرب حليب نان 1 متى اقدر اغير؟؟

حاليها حاطه بالمميات الحلمه سمول متى احط له ميديم للعلم انا حطيت له مره ميديم وطلع الحليب كله بره فقلت شكلها كبيره عليه فانتم شرايكم ؟؟

متى اقدر اشتري العاب ويستوعبهم؟؟

واذا طرى بالي سؤال بحطه هنيه وان شاء الله تفيدوني وتفيدون الامهات البجريات الي نفسي

 

[II'3anomaII]

رد: انا ما اعرف وابيكم تعلموني

ان شالله البنات يفيدونج بس حبيت ارفع الموضوع

 

[غلاي امي وزوجي]

رد: انا ما اعرف وابيكم تعلموني

امممممممممم

استانست على بالي لقيت ردود على اسئلتي

الله يرفع شانج يا الغاليه

 

[غـلا الـروقـي]

رد : انا ما اعرف وابيكم تعلموني

السلام عليكم ورحمة الله وبركاته

شلونكم؟؟؟

امهات بما اني بجر ابي استفيد منكم

انا ولدي صغير عمره شهرين وتقريبا ثلاث اسابيع

عندي كم سؤال وابي منكم الاجابه

الحين متى اقدر اوكل ولدي؟؟

وشنو الاكل الي اولكله ؟؟

شنو المنتجات الي بالجمعيه اقدر اشتريه له في هذا العمر؟؟

متى اقدر اقعده ؟؟ وشلون طريقة ؟؟<<خبراتكم وتجاربكم

انا اذكر امي تحط حق عيالي اخواني بطانيه وتلفها عليهم وبجذيه يقعدون شرايكم بهالطريقه والي عندها طرق ثانيه يا ليت تقول

متى احطه بالمشايه؟؟

هو حاليه يشرب حليب نان 1 متى اقدر اغير؟؟

حاليها حاطه بالمميات الحلمه سمول متى احط له ميديم للعلم انا حطيت له مره ميديم وطلع الحليب كله بره فقلت شكلها كبيره عليه فانتم شرايكم ؟؟

متى اقدر اشتري العاب ويستوعبهم؟؟

واذا طرى بالي سؤال بحطه هنيه وان شاء الله تفيدوني وتفيدون الامهات البجريات الي نفسي

هلا حبيبتي انا سالت دكتوره عن بنتي كان عمرها 4 شهور وقالتلي وكليها عقب السادس عشاان ماتحسس مع ان المفروض برابع اذوقها الاكل والخامس ناكل ......<< بس سمعت كلامها وليلحين ماوكلتها

والاكل بطاط مفيوح تهرسينه /جزر مفيوح /تفاحه مفيوحه / هذا الي اذكره وسريلاك بس هذا مو كله بيوم يعني بطاط يوم واليوم الثاني جزر جذي

والمعلبات مانصح فيهم يسبونها

والحين اقعد كتكوتي نفس طريقه الوالده او اسندها بالمخاد
وناويه شهر الجاي اشتريلها دراجه
والحلمه انا غيرتها من ثالث شهر خفت على حنجها يقولون مو زين ينام الحنج وهي ترض رضاعتها ساعه​

 

[*ماي الورد*]

رد : انا ما اعرف وابيكم تعلموني

من الشهر السادس توكلينه
و لا تشترين اكل الجمعية
احسن شي اللي تطبخينه بالبيت
متى تقعدينه و تستخدمين الدراي على حسب جسم الياهل شاد و لا لا
الحلمة تغيرينها لمن تحسين فيه صعوبة بالرضاعة مع السمول

 

[_j'aime mon mari_]

رد : انا ما اعرف وابيكم تعلموني

اب
اب خوووش اسئله غلاي وانا بعد ابي اعرف

وبسال انا بعد سؤال شلون تطعيم ال3 شهور ؟؟؟ وراح يسخن بعد ولازم كمادات نفس تطعيم الشهرين ؟؟؟

 

[فـراوله]

رد : انا ما اعرف وابيكم تعلموني




غلاي السيريلاك بالشهر السادس

أما الأكل تبلشين من الرابع خفيف تعطينه اشوي بس

عشان يتعود بالشهر الخامس والسادس ويأكل

روحي قسم الأطفال بالجمعيات عند الأكل راح تلقين

واذا أكل البيت مثل ما قالت عرق عيني وأضيف عليها الزبادي مو الرووب

بس والله بالجمعيه راح تلقين وايد اكل حق الأطفال حلووو

أو بمركز سلطان أختي كله تجيب حق ولدها من الجمعيه اكل

واهو يستانس عليه ويحبه وايد شغلات لهم حلوووه بالجمعيات

وبالنسبه للحليب تقدرين تغيرينه بالشهر الخامس أو السادس

ونان حده خفيف مو حلووو اذا بتغيرينه اخذي سيميلاك

كل الدكاتره يمدحون بسيميلاك واخذي المناسب لعمر ولدج

وابتدي معاه بالمشايه اشوي اشوي من الشهر الرابع عشان يقدر يوقف

وحلمات المميه على حسب تقبل كل جاهل مو شرط مديم وسمول

شوفيه اذا ما تقبل السمول ويرفضها غيريها أما اذا عادي يرضع

عادي خليج عليها

وطريقة أمج بالقعده حلوووه أنا أمي تسوووي جذي بعد

واذا على الألعاب روحي محلات الأطفال وطلبي من اللي يشتغل بالمحل

ألعاب بعمر ولدج



وان شاءالله استفدتي من كلامي

 

[فـراوله]

رد : انا ما اعرف وابيكم تعلموني





غلاي حتى تلقين بالجمعيات أكل مخصص حق الشهر الرابع والخامس

يعني مو أي شيء تأخذينه وابدي ذوقيه بالرابع عشان يتقبل الأكل ويأكل

ضروووري مو تنطرين لي بعد السادس

اختي بالرابع بدت ذوق ولدها بآخر الشهر الرابع وألحين بالخامس قام يأكل

وبالشهر السادس بتوكله السيريلاك

 

[غلاي امي وزوجي]

فديتج فراوله مشكوره على المعلومات الحلوه

وصج استفدت منج يا الغاليه

 

[غير كل الناس]

بدايه السادي عيش وجزر مبشور تطبخينه حيل علشان يصير لين وطبعا تكثرين الماي

وتفاح مبشور

موز مهروس مع حليب

 

[غلاي امي وزوجي]

مشكوره على الرد غير كل الناس

وينكم امهات هذا الموضوع يهمني حييييل

 

[Q.8.h.2]

موضوع حلو

انا عن نفسي اوكل عيالي لمن يكون لهم ست شهور

وكل اكلهم انا اسويه بنفسي

بطاط وجزر مهروس

الموز والتفاح بالقفشه اكشط منه بحركه سريعه شي طاازج ومفيد

واكره شي عندي اكل الجمعيات لان كلها مواد حافظه ومادري شنو والياهل حرام توا صغير على هالاشياء تالي بيكبر ان شاء الله وبدوخ راسج بالحلاو والكاكاو وغيره فالحين انتي قادره عليه وانتي تتحكمين باكله فخلي اكله مفييد ومن شغل ايدج لا مواد حافظه ولا شي

والله يحفظه لج يارب

 

[غلاي امي وزوجي]

شلون تعطينه تفاح وبرتقال؟؟؟

 

[Q.8.h.2]

البرتقال ما اعطيه اعطيه التفاح اقص شوي من التفاحه بس عشان القشر ينشال وشفتي مادري شلون اشرح مثل اللي تسوين شرايح رقيييقه وتوكلينه يعني مايحتاج تهرسينه لا التفاحه كامله بيدج وتسوين هالحركه كانج تسوين شرايح رقييقه جدا اول شي تحسين صعبه عليج بعدين بتصيرين سريييعه

والموز نفس الطريقه تفتحين الموزه من جهة بس مو كلها عشان تقدرين تمسكينها ونفس الشي كانج تسوين شرايح رقيقه وتوكلينه على طول

يارب عرفت اشرح عشان تفهمين انا شفت وحده تسوي هالشي من اهلنا وكنت وقتها حامل في بجري وطبقتها ومستحيل اعطي عيالي شي في مواد حافظه وخرابيط

يارب اكون افدتج

 

[غلاي امي وزوجي]

سوري قصدر موز وتفاح؟؟

 

[فـراوله]

رد : انا ما اعرف وابيكم تعلموني على ولدي شنو اعطيه واوكله




غلاي أنا أقولج طريقه للتفاح حلووووه حييييل وبتعجبج

قصي التفاح نصين أوكي بيصير عندج نصين كل نص في ربعين

جيبي قفشه واحفري بربع التفاحه بيطلع لج ناعم وعطيه ولدج

جربيها وبتعجبج

 

[om deaj]

حبيباتي اكو كراسي تشيل اليهال بالشهور
انا عيالي من عقب الاربعين احطهم بكرسي السيارة واكو كراسي خام ناعمة لهم في البيت وكل ماروح زوارة اشيله معاي

الاكل يفضل عقب السادس
انا مع دعيج بلشت من الرابع وشغلات خفيفة روب ولا لبنة ولااذوقه بس من طباخ البيت
مع هالبيبي راح ابلش اذوقه من الرابع بس اوكله على السادس ان شاء الله ماله داعي العبالة مبجر

واكل الجمعيات مو ذاك الزود
خلج طبيعي وفرش احسن
بس عندج سيرليلاك اذا حبه وكلي منه وجبه او ثنتين سالي الطبيبة حزتها

لا تنسين الحليب يتغير عقب الشهر السادس

 

[Om_il3ubed]

اهلين حبيبتي

الله يخليلج ضناج وتفرحين فيه يارب ... بالنسبه لاسئلتج هذا الي انا اعرفه من دكتورة بنتي ومن الكتب:


الحين متى اقدر اوكل ولدي؟؟ وشنو الاكل الي اولكله ؟؟

من يكمل اسم الله عليه 6 شهور تقدرين تبلشين معاه الاكل ... تدرجي بالالوان على كلام الدكتوره.. طبعا اكل مفيوح وتبلشين من العيش.. بطاط.. قرع .. جزر..كوسا.. بروكلي.. وهكذا عرفتي

لما يمكل 7 شهور دخليله كزبره وبصل وماي الدياي عشان يصير الاكل بنكهه .. ومن 8 شهور تقدرين تبلشين تعطينه دياي مع الاكل الي قبل وطبعا كثافة الاكل تقل.. يعني مفروض بهالعمر ياكل شي ما مثل التشريبه

وعالتسع شهور عطيه اللحم و بعدها لازم ياكل كل شي عادي مثل اكلنا.

عسل ممنوع الا بعد السنه

ومن تبلشين توكلينه بال6 شهور.. بلشي معاه خضار قبل فاكهه عشان مايتعود عالحلاة وماياكل الباجي.

وطبعا بسكوته وسيريلاك هم تمام حق العصاري .



شنو المنتجات الي بالجمعيه اقدر اشتريه له في هذا العمر؟؟

نصحيتي لج لا تاخذين الا بسكوت فارليز او ميلوبا وايد حليييو و تمام حق الياهل عشان يتعود يستقل باكله ويتحكم بالكميه الي يدخلها بحلجه وهم يذوب بسرعه فماكو خوف من انه يغص
اما الفواكهه مادري شنو هذا اغلبه الوان ومواد حافظه

متى اقدر اقعده ؟؟ وشلون طريقة ؟؟<<خبراتكم وتجاربكم

انا والله من 5 شهور بديت شوي شوي اعود بنتي عالدرايه وقمت اقعدها عالارض واحط وراها مساند وسمالله عليها لانها كانت من 4 شهور تقلب وجذي بسرعه تعلمت يعني كملت 6 وشوي اهي تقعد عدل .

متى احطه بالمشايه؟؟

اذا قصدج الدرايه حطيه من 5 شهور بس لازم ريله تكون كلها عالارض او لبسيه جوتي عشان ما يتعلم يمشي على اطراف اصابعه

واذا بدى يمسك ويوقف تقدرين تشترين له المشايه الي تصير مثل عربانه الجمعيه الياهل يمسكها ويخطي معاها .


هو حاليه يشرب حليب نان 1 متى اقدر اغير؟؟

نان وايد ممتاز .. لما يكمل 6 شهور عطيه نان 2 ولما يكمل سنه تقدرين تبلشين نان 3 او اي نوع ثاني تحبينه

حاليها حاطه بالمميات الحلمه سمول متى احط له ميديم للعلم انا حطيت له مره ميديم وطلع الحليب كله بره فقلت شكلها كبيره عليه فانتم شرايكم ؟؟

اهو والله حبيبتي عالتعود .. انا بنتي للحين تشرق من حلمه قياس 2 مالت نوك فللحين عالصغيره.. انتي اهم شي لما تعطينه تاكدي ان ماينزله وايد بسرعه عشان يمديه يشبع و عشان ما يبلع هوى وايد.. يتأذى من الغازات بعدين.

بس عموما من 6 شهور حاولي تبلشين معاه حلمه اكبر خصوصا لما تحطين البسكوت راح تلاحظين انه صعب الحليب ينزل.

وهم اذا حسييتي انه كبر وبدى ينام وايد واهم يشرب او شكل خده وايد داش داخل معناته انه قاعد يشفط حييل فيحتاج حلمه اكبر.

وبشكل عام ايضا.. لا تصكرين راس الممميه حيييييييل عشان تعطين مجال حق الهوى شوي يطلع من الاطراف مو مع الحليب.

متى اقدر اشتري العاب ويستوعبهم؟؟

والله من صغير تقدرين تعطينه العاب.. بنتي بلشت معاها من 3 شهور .. اخذي الشغلات الي على عمره واهم شي يكون ملون ويطلع صوت عشان يلفت انتباهه
هذول الي ب ماماز اند باباز سخيفين والوانهم باهته ماتنفع خليج على مذركير و سنتربوينت و التعليم المبكر

وهم حطيله لعبه فوق سريره عشان يتعود عليها وتهديه وتشغله لما يقوم ما يبجي على طول وتعلمه الصبر على ما تيين له


هذا الي اعرفه من خبرتي البسيطه مع بنوتي بال8 شهور الي طافت ان شاءالله اكون فدتج

 

[miss_q8ya]

هلا والله بصديقات الكفاح
اول شي علي القعده أنا بنتي من عقب الاربعين صرت اسدحها علي لتيوب الي عند التعليم المبكر ومذر كير الي مدور وبنصه خامه جنه نقازيه وايد حلو والحين صرت اقعدها بالكرسي الي ظهرا خام طري ماياذي الياهل وصارت اذا قاعده ماتبي تنسدح كلا تبي تقعد لوووول حياتي فديتها
وعلي الاكل من اكملت شهرين صرت أحط لها برضعة الليل بسكوت اليهال هاينز الاصابع نص حبه مره باليوم علشان تشبع والحين إسمالله عليها اكملت ثلاث اشهر خليتم مرتين باليوم مره رضعة العصر ومره رضعة الليل طبعا هذي حركة أمي معانه واحنه صغار
وبالنسبه للأكل أنا بعد صارلي جم يوم اسوي سيرج والكل ينصح اب كتاب الطفل السليم مع الدكتوره ريم في وصفات وجداول حق تغذية الياهل
*

 

[دمع القلوب]

ما قصرو البنات


بس بضيف العيش المصري يقواون يمتن البيبي وناويه اجربه ان شاء الله لبنوتي الحلوه