انا مااطولج يا ( مــالـيـزيـا ) حامض عني اقووول

[~ الــــزيــــن ~]

السلام عليكم

شلونكم يا الحلوات:eh_s(7):

بنات الموضوع باين من عنوانه :eh_s(11):
انا وحده امووووووت بماليزيا بس حاامض علي

الكل يقوووول غاليه حييييل الا وحده ونستني تقول ان 1200 مع التذاكر بتكفيني اسبوع انا وزوجي وولدي

بنات صج عاد تكفون الحلوات اللي نورور كوالالمبور تقولي

انا ابي اروح لكوالامبور بس اسبوع كم تكفيني مع التذاكر
تكفون لاتبخلون علي بتجاربكم اذا كلام البنت صح والله زييييييين واخيرا يتحقق حلمي وازورها

 

[~ الــــزيــــن ~]

شدعوه ١٥ مشاهده ولا وحده ردت

 

[عزاااه]

قصدج 1500تكفي حسبت سكن طيران يطلع 700 يبقالج 900 اذا بتشترين شلون اخذي الف 500حق المصرف غير تذكر وسكن انا وزوجي رحنا لنكاوي بينج الكامرون العاصمه 1000 تذكر وسكن كانت التذكره رخيصه 170 علي القطريه

 

[هنـــد]

حبيبتي ان شاء الله تكفي

الطيران عالسيرلانكيه ارخص شي

الفنادق من موقع بوكينغ

المصرف يعتمد عليكم

 

[أم سيف وسلطان]

صح دوريلج ارخص طيران

وحجزي من النت الفنادق

 

[عسل مرت قيمر]

نصيحه لا تروحين انا عن نفسي ماعجبتني حدها عاديه


وايد الناس مطيرينها السما


واهيا اقل من عاديه



مادري هذا رايي والناس اذواق


يمكن انتي يعجبج


تحياتي

 

[نياره]

Up
Up

 

[الشيخه فطامي]

المصرف حق اسبوع 500 انتي او زوجج او ولدج يا دوب يكفي حده حده

بس التذاكر او السكن اذا حصلتي عل القطريه 170 انتي او زوجج اذا ولدج اكبر من سنتين يمكن تنحسبله تذكره كامله

او الفنادق في اماكن غاليه او في اماكن رخيصه

 

[نادره الوجود]

مرحبا حبيبتي ان شالله يكفون بس لازم تحطون بحسابكم بالبنك احتياط سبحان الله دوروا ارخص تذاكر وعنج فندق رويال بينتانج في شارع العرب ارخيص ونظيف وريوقهم حلو الغرف وسيعه اذا ولدج بينام معاكم مايحسبونه والفندق ارخيص واذا علي الاكل اعتمدوا المطاعم السريعه ارخيص ارخص من هني ماكدونالدز وكنتاكي وروحي جينتنق رحله من الصبح لي بليل وافا موسا انا ماعجبتني لان حر وحيوانات انتي وراحتج التكاسي اسعرها زينه موغاليه وابتعدوا عن العرب هناك ولاتعاملون مع سايق معين والله يحققلج امنيتج عاد نفس امنيتي اكنت اموت واروحلها بس اعجبتني الحمدلله

 

[لعنبآك دهورتني!]

لا بالعكس حييييل رخيصه من ناحية اسواقهم ومطاعمهم

اما التذاكر مادري ،،؟

 

[Behtar]

شوفي ارخص طيران وحجزيه من النت قبل بوقت
والفنادق بعد من النت دوروا ع سعر يناسبكم
ومو شرط تتسوقون ماركات انتي رايحه تستانسين بالمناظر والجو
بس ان شفتي شي يعجبج غريب اخذيه بس لاتخربطين بسوق
قضوها وناسه ورحلات
وموفقققه

 

[دلوعة صلوح]

حجزى على شهر واحد او اثنين بتكون التذاكر ارخص شئ وماليزيا رخيصة لى يقل غالية مالج شغل فى

انا رحت لها مرتين صراحة حلوووة بس حر شوى عندهم .

 

[جروح ودموع]

انا بالنسبه لي احب تكون الفلوس رااااهيه بالسفر لان احط احتمالات وااايد مثل ظرف طارئ او الاسعار غاليه وما تكفي الفلوس او للتسوق واخذيها نصيييحه بالسفر لازم تحطون لكم مبلغ احتياط للظروف

 

[<miss botamba>]

انا عيل الي اعرفه ماليزيا الناس تروح لها لانها حدهاا رخيصه !!

حتى وايد يروحون شهر العسل هناك عشان يوفرون

لان بسعر غرفه بالمالديف هناك بماليزيا تحجزين بيت

وتلاقين عروض بالسفريات او اذا عندج فيزا حجزي من النت اوقات تلاقين اسعار رخيصه

وطبعا كل ماتحجزين ابجر الاسعار تكون اقل

 

[نياره]

اب اب

 

[! بــدويه وآآيــد !]

،


حبيبتي ماليزيا رخيصه حيل حيل حيل فيه طيران يسوي عروض التذكره بـ200 واقل
انا لما رحت مع زوجي اخذ بعرض من القطريه بـ240 مادري 250 التذكره سمعته ذاك اليوم يقول لرفيجه والا انا مادري بجم لوووووول
حجزنا الفندق من الفندق نفسه بدون موقع ولا شي بـ400 رنقت 35 د.ك تقريبا 4 نجوم وقريب على شارع العرب معاه ريوقه ريوقهم حيل حلوو
فيه محلات رخيصه ومحلات لا انا اشتريت لـ خواتي عزج الله فلاتات حيل حلوهـ بـ 750 فلس وللحين ماتغير لونهم ولا تسحكوا
مجمع تايم سكوير رخيص كعب على دينارين اذا كثر
شورتات على نص دينار
لاسنزا الملابس الداخليه عندنا 8 وطالع هناك طقم كامل بـ 5 او 4 اغلى شي وتشيكلتهم احلى من تشكيلتنا
مطاعمهم والله مادري جم يطلع الحساب بس اذكر مره رحنا مطعم فخم وكان كله رجال اعمال طلبنا واااااااااااجد وحلينا كيك وفواكه وخذينا جاط فواكه عجبتنا طلع علينا بـ 9د.ك تقريبا
حبيبتي حيل حيل حيل رخيصه احسبيها من غير تذاكرج ومن غير السكن بس تكاسي وتمشي ومطاعم 500د.ك :d

 

[بنت عبدالغني شربت]

ماليزيا اتينن انا رحت لها السنه الي فاتت صح حسيت انه اسعارها زادت وايد بس ابرك من اوربا اتوقع اسبوع تكفيج 2000 دينار على الراهي