انا في ضيقه مايعلم فيها الا ربي-ليتني ظليت صغيره و ماكبرت

[روحي محمد]

شوفي حبيبتي البنات قبلي كفو ووفو
بس انا باتكلم بموضوع الحمل انا مافيني شي الحمدلله بس ربي مارزقني ببنوتي الا بعد سنه و11 شهر حملت مرتين قبلها وبدون سبب اجهض حتى التحاليل عالجنين الميت يقولون بدون سبب
بس والله مرة مسكت القران وقريت البقره كامله بقعده وحده واخذت ماي زمزم ونفثت فيه الحمدلله عشان تدرين ربي شلون رحيم حملت ببنتي وربج ثبتها
وبالنسبه للخدامه انا زوجي كان حيل ممانع ومحد توقع يرضى يجيب لي خدامه لدرجه ان عندي بنت ولاعندي واشيلها واشتغل وحملت مرة ثانيه لما شافني تعبانه وسمع الدكتورة تقول مايصير تشيل ثقيل او تشتغل واجد اهوه من نفسه واافق وجاب لي وحده وانا بالسادس
بس تبين الصج والله كنت منظمة حياتي اكثر قبلها وكنت مرتاحه اكثر
وحبيبتي الزواج يبيله طوله بال ومهاداه
والله يوفق بينكم ويصلحكم لبعض ويرزقكم الذريه الصالحه عاجﻻ يارب العالمين
امين

 

[++MesK++]

ماقول غير الله يسخره لج

 

[sh_mashael]

تفكيرچ بالضبط مثل عمرچ

كبري عقلچ و تسنعي و عن الرفاله و الهلاقه
و اول و تالي هاذي حياتچ
لا تخلينها سوده

و ما اعتقد انه العبايه بتخلي الوحده كئيبه و نظرتها سوداويه

اشدعوا بس انتي اللي لابسه عبايه !!!!!!!

من الحين تغيري لاتطيرين منچ ريلچ

و بينيله عكس شنو انتي

و يتراوالي ماتحتاجين خدامه

أصلاً بتقيدچ و بتغثچ لاحقه عليها

و ترا مو مفخره اذا عند بنات عمچ و خالچ خدم و انتي ماعندچ


تكلمت معاچ بهالاسلوب عشان تصحين من غفلتچ و لاتضيعين ايامچ بـالكآبه اللي انتي فيها

الله يهديچ

 

[حشمه]

انتي متضايقه حاولي تغيرين من نفسيتج

لهي نفسج بالقرايه او النت ولبسي وكشخي بالبيت

حتى لو مو موجود ريلج طلعي نفسج من الكابه

انتي اللي معيشه نفسج بهالجو وحاولي تقعدين

مع ريلج وتفاهمين معاه وصحيح ترا الخدامه

بتضايقج بالبيت ماتاخذين راحتج مع ريلج

حاولي تقسمين وقتج عشان شغل البيت

يخلص بسرعه وعشان انتي تفضين حق نفسج

خلي ثقتج بنفسج اكبر من جذي والحمال ان شالله

ايي من رب العالمين لاتحاتينه

 

[Dr.Loloza]

حبيبتي انتي حاولي اتعوديه تدريجيا يعني مثلا دايما حطي في البيت كحلي دايما عشان يتعود على شكلك مع الكحلي فلما مثلا تطلعي برا البيت ما حيحس في فرق بعدين مثلا عوديه على شي تاني و هيك فهمتي علي؟؟ و ان شاء الله خير يارب

 

[طيبة83]

ما قريت كل الردود

بس عندي تعليق للبنات قمتوا عليها بسبب الكحل وعبايه الراس

انا فاهمه قصدج عدل حبيبتي

انا ما حب المكياج وايد شوي كحل وماسكارا والبس عباية جتف - عسا الله يهديني

بس اذا رحت عزا ما حط كحل والبس عباية راس

احس بالضبط مثل احساسج احس كاني حرمة كبيره او وحده في النفاس!!

انتي شتسوين تنقبي وارتاحي من حنته ترا والله اريح

تمكيجي واستانسي ولبسي نقاب يخفي المكياج ل اقل تحسين بثقه

انا مرات اشوف منقبات مرتبين وجوتيهم وشنطتهم ماركة واحسهم كشيخات

واذا ع عباة الراس فصليلج مثل هذي

وخليها ساده والاكمام شوي واسعه

وفي البيت كشخي وتدلعي ع زوجج الرجال اذا يتيه بالدلال والفرفشه والضحك حطج ع راسه

واذا يتيه بالعناد والمكابر والصياح والكآبه نفر منج

شوفي هل موضوع يمكن يساعدج
http://www.q8yat.com/t1075796.html

 

[أم قـمبر]

انا ما كنت البس عبايه اصلن لا جتف ولا غيرة
وكنت احط كحل داخل عيني
واذا بروح عزايم وله شي احط مكياج خفيف
وتزوجت وزوجي يبيني البس عبايه راس وما احط ولا شي بويهي
بس عادي شكلي ما يضحك مثل ما تقولين
وعيوني شوي شوي تعودت اني ما احط كحل
والكل قام يقولي احله عليج بدون كحل
واذا فيج سواد تحت عيونج عالجي انصحج اتحطين كمادات جاي اسود
او اخضر
وعندج بطاط ني او خيار همن وايد زين حق السواد
وكشخي تحت العبايه وفصخيها بين الحريم
ووكشخي وتمكيجي حق زوجج
والله يرزقج بالذريه الصالحه بالقريب العاجل

 

[ماتغير شي]

انا مع ناتشوو

 

[احلا المزايين]

البنات كفوو ووفوو


وازيد عليهم
دربالج ترا الزوج يكره المرة المكتئبة
وفعلا السعادة تنبع من الداخل
والزواج يبيله وحده بالها وسيع
والتغيير يبيله سنوات
وانتي توج باول حياتج
شغل البيت يونس اذا راسج وراس زوج
حطيلج ساعتين باليوم حق شغل البيت
عيشي عيشي حياتج ترا العممر مرة
وعودي نفسج انج انتي اتونسينها
لااتخلين زوجج سبب لسعادتج

 

[زوجة عزيز]

ريلج تفكيره قديم شالفرق بين عباة الراس والكتف اهم شي كنتي ساتره نفسج ولبسي عباة الكتف بدل هالطيحات اللي ماتدرين شنو اخرتها اهم شي انج ماعصيتيه ولا عصيتي ربج انتي لاتعطينه مجال يتحكم فيج ليهالدرجه فرضي رايج عليه مومعناته انج مريضه او فيج ضعف يتحكم بكل شي فيج لا هالشي من رب العالمين الله يعوضج بالولد الصالح واذا على الخدامه مولازم اتييبين وحده على طول يبيها وقت اللي تحتاجينها وقت اللي يكون اهو موجود خليها تنظف واتسوي شغل البيت كله وتمشي الله يساعدج وايسر امرج

 

[امـ خــزامـى]

البنات ماااقصرووووا

واتوقع كل اللي فيك كأبه وضيقة صدر لانك ماحملتي

لو اقتنعتي انه كل شي له حكمه وربي كاتبلك الخير

بترتاحيييييييييييييييين

 

[# غنوجة بيبي #]

مشكورين بنات على الردود
ويشهد الله حسيتكم مثل خواتي و اكثر
و فعلا اللي مضيق خلقي اكثر شي سالفة الحمل
بس آنــــ į ąɱ ــآ قبل خمس اشهر اجهضت كنت اراجع عند حرمه و. حملت عندها عقب شهر بس
و الحين اراجع عند نفس الحرمه اللي حملت عندها ادعولي هالشهر او الشهر الجاي احمل مره ثانيه
و ان شاء الله بداوم على سورة البقره
آنــــ į ąɱ ــآ احس زوجي حيل يحبني و يغار بس مرات الشيطان الله يلعنه يدخل بينا
كلمته و قال آنــــ į ąɱ ــآ مابي احد يشوفج غيري و ابي اذتاح لما امشي معاج و محد يطالعج
من هني ارتحت شويه
الله يِدُوْوِمْ المحبه بينا و يرزقنا الذريه الصالحه

الظاهر هالضيقه بسبب الروتين

لازم اكسر الروتين بحياتنا و اغير شي

و يارب ينكسر قريب اذا حملت يا رب


ادعولي يا بنات
ترى دعوة الغيب مستجابه

و يعطيكم الف الف الف عافيه

احبكم

 

[Ms.MrMr]

بنات اهيا مو سالفة انه كئيبه بسبة عباية راس ! لا

لبسها بدون اقناع وبصراحه اكيد غلط .. كان مفروض يدرج وياها او ممكن يقنعها بطريقه حلوة

ولا تحاتين عزيزتي صاحبه الموضوع انتي قنعي نفسج ترى والله عباية راس حلوة وموشرط تحطين مكياج هاذي مو من اساسيات

واكيد يوم قالج جذي لان يغار عليج =)


ومن ناحيه كئيبة انتي شغلي نفسج بـ شي مفيد وونسي روحج وخليه يعايرج هذا رزق من الله مو من اي احد انتي ادعي الله يرزقج بـ ذرية صالحة


الله يرزقج ويحفظج ويحفظ ريلج ويخليكم حق بعض :*

 

[شامخة بطموحها]

حبيبتي تذكري انها ستر لك وتراها موصعبة لو عودتي نفسك عليها وثاني شيء افرحي ان عندك زوج يبي لك الستر وبالنسبة للتنظيف لازم تعودين نفسك واكشخي مااتوقع انو التنظيف مايخليك تكشخين وادعي ربي والله ييسرلك الخير

 

[عسل حدي]

(بسم الله الرحمن الرحيم (اللهم اني اسألك ولا اسأل احدأ غيرك اللهم بحق هذه الاسماء المباركة اللهم بألف الابتداء بباء البهاء بتاء
التأليف بثاء الثناء بجيم الجلال بحاء الحمد بخاء الخفاء بدال الدوام بذال الذكر براء الربوبية بزاء الزيادة بسين السلامة بشين الشكر
بصاد الصبر بضاد الضوء بطاء الطول بظاء الظلام بعين العفو بغين الغفران بفاء الفردانية بقاف القدرة بكاف الكلمة التامة بلام اللوح بميم الملك بنون النور بواو الوحدانية بهاء الهيبة بلام الف لااله الاانت بياء ذي الجلال والاكرام اللهم اني اسألك يامن لاتضجره مسألة السائلين يامن هو خبير بماتخفي الضمائر وتكن منه الصدور اسألك ان تصلي على محمد وال محمد وان تجعل لي من كل عسرأ والى كل خيرسبيلا برحمتك ياارحم الراحمين بحق محمد واله الطاهرين

 

[Mjnont '3lay]

مافي فرق بين الراس و الكتف
بالعكس مرات تكون الراس ملفته اكثر من الكتف شلوووون ؟؟
تجيج وحده مضيقه الكموم و مخصره عباية الراس @@
بالله هذي اسمها ستر ؟؟
انا منقبه تنقبت بقنااعتي و زوجي استاااااااااااانس من هالشي كبرت بعينه اكثر
و لبست عباية الكتف بقناعتي يوم خذاني صغيررره واجد وكنت البس بدلات وقتها ماقدر يحط راسه براسي كنت صغيره واجد و على اي كلمه دمعتي جاااهزه
يوم كبرت لبست الكتف بقناعتي بس كنت احب التخصر موو الضيق اقصد اللي مخصر شوي بعديين يصير كلوش و خلاني براحتي لاني هم كنت صغيره كان عمري وقتها 17 شوي شوي من نفسي و بقناعتي بديت اوسع العبايه و صرت احب القصه الدبل كلوش قمت اسويها على كل عباياتي ولمن البس عبايه لوو شوي مخصره سبحان الله تحوووشني ضيقه ما اتحمل
شوي شوي قمت اشوف البنات اللي اصادفهم بالاسواق عباية راس كلوش مرتبه جازت لي قمت فصلت بدون مبالغه الحين عندي 5 عبايات راس صج ما اعرف امشي فيها بس احبهاااا حق مشاوير سريعه جمعيه طبيب ومرات البسها للدوام
بالنسبه للمكياج قبل كنت ارسم عيني عدددل الحين مرات اجرب اسويها احس نفسي فتنه ما اتحمل يدوب مسكره خفيفه و كحل لونه كريمي داخل العين و اعدل حواجبي و اضاءة حواجب
الهدف من كلامي هذا انه القناعه تخليج راضيه عن نفسج كل الرضى انتي بنت ناس تقارنين نفسج ببنات ماعندهم غاريه على انفسهم
حبيبتي المفروض مو رجلج يغار عليج المفروض غاريتج على نفسج ماتسمح لج تفكرين هالتفكير السلبي
تبين تحبين عباية الراس دققي على راعيات عبي الراس ياكثرهم بالاسوقه الله يثبتهم شوفي شلون طريقة لبسهم فيها وشلون مرتبات
سوي لج عباتين راس طقم مع الملفع كل وحده قصه غير
واشتري لج كعب ابو سانتي واحد بس و ركبي له عند مال الاحذيه ربل عشان يمنع الصوت الهدف منه يعطي هيبه للعبايه و يعدل مشيتج و يرفع العبايه ماتسحب بالارض
عباية الراس تبينها مرتبه سوي تفصال بالدبوس خامة بدر عند محل اجمل وسويها على مقاسج بالضبط مو تسحب بالارض
سوي وحده بزمه ووحده سير مع الملفع والملفع خام دجى الليل
بالنسبه لوجهج حطي كريم بي بي كريم لونه طبيعي و حلو ومايبين مجرد انه يعطي نظاره و يغطي العيوب
و للهالات حطي كونسيلر برتقالي ماركة كريولان العجله تلقينه بالكوت بتناغرا
وفوقه رول غارنيه حلووو تغطيته حلوه و خفيفه مايبين حاطه شي
و حطي زبدة توت اللي بالجمعيه تنباع مسحه خفييييفه وعدلي حواجبج
و داخل العين كحل كريمي او بيجي واحلى شي لون الكراميل يخلي عيونج تلمع بدون لفت انتباه
و اخذي لج مسكره شفافه حطي منها كثر ماتبين ترفع رموشج و تعدلهم
واخذي لج جنطه حلوه ماركه طقم مع الشوز و ساعه حلوه ماركه وخلاص بجذي انتي كاشخه بحشمه و احتراام و بدون لفت نظر و راضية ربج و رجلج شتبين بعد
بالنسبه للبيت الشغل فعلا متعب بس تبين تنسينه ؟؟
اكشخييي حطي شي خفيف على وجهج يغير نفسيتج افتحي فواحه و شغلي سورة البقره وطولي عليه حددده و روحي اشتغلي والله تنسين الوقت
انا ماعندي خدامه بس والله وناااسه البس شورتات قصيره بلايز حفر لمن اشتغل ما احاتي احد يراقبني او يحسدني بس المساله يبيلها تنسيق وقت و طولة بال حبيبتي
والحمل حبيبتي الله مو كاتب خلاص مو غصب رجلج لو يؤمن بالقضاء و القدر و يؤمن بقسمة الله ما تجرأ و عايرج فهميه بكل هدوء هالشي قولي له شلون تعترض على حكمة الله اكيد الله له حكمه بانه يؤجل حملي وكل تاخيره فيها خيره والله مبتلينا عشان يختبر صبرنا حرام نعترض وهالشي مو بيدي عشان تعايرني عليه
وبالنسبه انه كنتي ببيت اهلج مدلله و ببيت رجلج خدامه لا بالعكس من قال انتي قاعده تخدمين حبيبج مو غريب المفروض تفتخرين و تستانسين و ان تعبتي قولي اللهم اني احتسب الاجر لوجهك الكريم فارزقني الصبر و طولة البال
وعسى الله يهدي سركم و يسخره لج وكلنا كنا مدلعات و رحنا بيت ازواجنا كرفنا مافيها عيب ولا غلط حبيبتي ونصيحتي لج خليج بنفسج و خلي حياتج ورديه ولا تفكرين نهائي تقارنين نفسج بغيرج

 

[om . alzeen]

حبيبتي لاتعطين الموضوع اكبر من حجمه انا جربت شعورج بس الحمدلله وبفضل الله وصبري قدرت استوعب اني كنت على غلط

اول ماتزوجت زوجي منعني نهائيا من شي اسمه مكياج حتى مايخليني ارسم حواجبي او اصبغهم واهما حيل خفاف وحتى لما اروح بيت اهله حدي كحل ومسكره ورسمت حواجب وانا كنت ببيت اهلي فل ميك اب وكان ببالي انا عروس لازم اروح عند حمولتي فل ميك اب وكاشخه

حتى العطر كان مايخليني ارشه حتى لما اروح لحمولتي وممنوع كعب ولازم دلاغ اسود وجواتي مسكره وصبغ اضافر لا واضافري لازم ماطولهم ..............الخ

انضغطت نفسيا ماقولج لا بس ماحس هذا شي يخليني اكره عيشتي استوعبت اني عندي كنز زوج يغار علي يشوفني احلى وحده بالدنيا مايبي احد يطالع مفاتني


وتقبلت هالشي وقعدت معاه وقلت له الي بخاطري انه هالشي ضاغطني ومحسسني بعدم الثقه وقام تنازل باشياء عشان خاطري لاني جيته بالمسايسه والاسلوب الحلو ومو من اول مره طبعا كلمته بهدوء اكثر من مره

لين الحين قام يسمح لي احط مكياج لبيت اهله واذا طلعت معاه بس مسكره ورسم حواجب ولما اروح الجامعه بروحي بس ارسم حواجبي والحين انا بدا المكياج يصير عندي شي تافه ومو مهم


والله من غير مبالغه صار عندي ثقه بنفسي اني حلوه بدون مكياج صار عادي اطلع وياه بدون ولا نقطة مسكره ولا رسم حواجب


والله يهدي زوجج على معايرته لج لانه هالشي غلط حتى لو كان العيب فيج فيييه علاج وطب ونصيحه لاتسكتين له على المعاير فهميه انه هالشي يجرحج ولازم يقدر مشاعرج

 

[...broken heart]

حبيبتي عورتي قلبي الله يصبرج ويكون بعونج

 

[aloooya]

الله يفرج همج

 

[بحر الذكريات]

الله يرزقج ويرزقنا بالذريه الصالحه السليمه المعافاه يارب