انا في ضيقه مايعلم فيها الا ربي-ليتني ظليت صغيره و ماكبرت

الحالة
مغلق و غير مفتوح للمزيد من الردود.
إنضم
9 سبتمبر 2012
المشاركات
4,676
مستوى التفاعل
0
النقاط
0
الإقامة
q8
الموقع الالكتروني
www.q8yat.com
مرحبا بنات
قاعده اكتبلكم و صاكه فيني الدنيا و ضيقه ما يعلم فيها الا الله سبحانه
آنــــ į ąɱ ــآ كنت قبل عرسي كشيخه و البس جتف و مكياج ذرب
يا بنات صرت الوع الجبد من عقب الزواج
لبسني راس و ما احط حتى كحل داخل العين
و سواد تحت العين اضحك
عمري 21 و اللي. يشوفني يفول 35
ذاك اليوم واحد اشتري منه بمحل شعره متروس شيب يناديني يا خاله
قلته آنــت اكبرر من ابوي*
كنت عند ابوي مدلله و قطني الله على واحد كل شي ممنوع
احس اني بسجت
حيااتي كئيبه
و يعايرني انَـَy̷̳̜̩̐̌̋o̷̳̜̩̐̌̋u̷̳̜̩̐̌̋ـَتَي ما تحملين و انَـَy̷̳̜̩̐̌̋o̷̳̜̩̐̌̋u̷̳̜̩̐̌̋ـَتَي و انَـَy̷̳̜̩̐̌̋o̷̳̜̩̐̌̋u̷̳̜̩̐̌̋ـَتَي*
آنــــ į ąɱ ــآ حملت عقب 10 شهور من زواجي و اجهضته بالثالث
و الحين حيااتي ممله كئيبه
ما صرت اكشخ مثل قبل حتى بشقتي
اكثر وقتي تنظيف
طلعت من اهلي مدللـه و تزوجت صرت خدامه
و اذا قلتله ابي خدامه قال ماعندج لا عيال ولا شي و شحقه الخدامه ؟
يعني ما راح يجيبلي الا اذا جبت عيال
آنــــ į ąɱ ــآ مليت اشوف من حولي بنات خالي و عمي اكبر مني و كبري عندهم عيال و خدم*
و رجاجيلهم مو مقصرين معاهم
يموتون فيهم حيل و مخلينهم على كيفهم و يكشخون و آنــــ į ąɱ ــآ جني امه

خواته كلهم جتف و مكياج و عيال

احس اني محرومه من كل شي
احس اني غير كل البنات

يا رب يتغير و ما يتدخل بشكلي ، و آنــــ į ąɱ ــآ ادري ان كشختي على سنع ، مو من كثر مكياجي ، آنــــ į ąɱ ــآ راضيه لو كحل داخل عيون بدال عيوني البيضه و مسحة مسكره خفيفه و اقط عباية الراس اللي مخليتني اضحك و يا كثر ما اطيح منها ، و ادعولي ان ربي يرزقني بالحمل ، و يتعدل حالي و افتك من كلامه اللي كله يعايرني حملي و حملي ، آنــــ į ąɱ ــآ فيني ضعف شويه و اهو مافيه شي كلش ، عشان جذي شايف نفسه علي و امشيني على كيفه يمين و يسار

آنــــ į ąɱ ــآ بضيقه ما يعلم فيها الا ربي



انا في ضيقه مايعلم فيها الا ربي-ليتني ظليت صغيره و ماكبرت
 

Tom ♥ Jerry

*مساعدة مشرفات قسم المشاكل الاجتماعية*
إنضم
24 مايو 2010
المشاركات
19,810
مستوى التفاعل
11
النقاط
0
العمر
33
الإقامة
Faiilcha
الموقع الالكتروني
WWW.Q8YAT.COM
,
انتي في ضيقه مايعلم فيها الا الله
عشان مآ تحطين كحل دآخل عينج و تلبسين عبايه راس ؟

اسمحيلي اذا هاذا تفكيرج .. مآ آقدر اناقشج :*
 
إنضم
1 نوفمبر 2011
المشاركات
1,003
مستوى التفاعل
0
النقاط
0
انتي مكبره الموضوع عبات الراس مو لهدرجه شينه بالعكس في ناس تعطيهم رزه وليش تطيحين فيها فصلي مقاسك !
والكحل مايجوز اصلا تتزينين اذا طلعتي من البيت وبتقابلين رجال الي بالمحل قالك ي خاله ولا ي عمه منتي مجبوره تتزينين عشان بيشوفك اصلا مايجوز شرعا يشوفك متزينه !
مشكلتك مع زوجك عشان اتوقع الحمل وعادي ان شاء الله مع الوقت تتحل بس اصبري وارجعي لربي عشان يرزقك الذريه !
انتي تبين من الله عيال وماتبين تسمعين كلامه !
انا مو مطوعه انا اتكلم بالي مفروض !

تعوذي من ابليس وفكري بينك وبين نفسك لاتشوفين الناس وش عندهم شوفي علاقتك بربك كثر ماعطيتيه رح يعطيك واكثر بكثير ..
 
التعديل الأخير:

حليلة نايف

New member
إنضم
8 مارس 2012
المشاركات
57
مستوى التفاعل
0
النقاط
0
الله يصلح بينكم ويرزق الذريه الصالحه وجميع بنات المسلمين
 

Gatwa DaloO3a

New member
إنضم
25 ديسمبر 2008
المشاركات
1,060
مستوى التفاعل
0
النقاط
0
الإقامة
[KSA]
انا شوي ماراح اتكلم ب مثاليه كثير .. !

المشكله مو في عباية الراس ، المشكله كيف انتي خليتيها مشكله و عقبه في حياتك الزوجيه !!

وليش ما تكشخين وانتي لابسه عباية راس ؟ وش يمنع ! زوجك ماقالك لاتكشخين ،لبسك عباية راس ،، مايمنع انك تلبسين و تكشخين وانتي ب شقتك !

طيب لو انتي مو متقبلتها لهالدرجه اللي عكرت عليك صفو حياتك .. اقنعيه بهداوه قوليله انا ارتاح ب عباية الكتف اكثر ، ولا تحطين ميك اب .. او تنقبي عادي ..

وصيري واثقه من نفسك حتى من غير ميك اب ،، واذا ماوصلتي للثقه ، اظن الرجال مو خبيرين ميك اب ، حطي فاونديشن خفيف كانك مو حاطه شي و مسكره خفيفه حيل وبس .. اهم شي البشره مو مهم الكحل ! ..


موقفه حياتك طولها بعرضها عشان عبايه ! و تطالعين اللي حولك .. قولي مشالله عليهم .. الله يهنيهم .. و انتي منتي تعيسه ، انتي كبرتي الموضوع ! ب ايدك تصيرين اسعد انسانه بالدنيا بس انتي ماوصلتي للقناعه ! ... ليش وقفتي الدنيا عند نقطة " العبايه والكحل " !!
 

عز الخويه

New member
إنضم
6 أكتوبر 2010
المشاركات
1,014
مستوى التفاعل
0
النقاط
0
حبيبتي انا بتكلم معاج بمنظور ثاني وكلامي نفس الاخوات اللي قبلي بنسبه للكشخه وعبايه الراس

ليش تخلطين الامور قالج لاتكشخين وانتي طالعه ليش ماتكشخين ووتتزينين وانتي بلبيت حبيبتي عوضي اللي ماتسوينه برا سويه بلبيت تكشخي وتزيني اكيد ماراح يمنعج بلعكس بتكبرين بعينه صدقيني فكري لجدام شلون حياتج بتتغير للاحسن باذن الله
 

Miss-Madry

*مصممة شعارات معتمدة في منتديات كويتيات*
إنضم
28 فبراير 2008
المشاركات
4,717
مستوى التفاعل
6
النقاط
0
الإقامة
غرْفتيُ الغٌاليهْ
اسمحيلي تفكيرج تفكير موسليم !

لبسج عباية راس وقالج ماكو مكياج خلاص مايحبج ويكرج ويبي يعاندج ويكسر راسج .!

لا فكري فيها من ناحية ايجابيه زوجي يحبني ويخاف ويغار علي ويبيلي الستر ويبي الزين له ..

وحياتج كئيبه وزوجج مو معيشج بعز عشان (خدامه)

هذي مملكتج وبيتج نظمي وقتج بين زوجج وبيتج والحين ماعندج عيال ماكو مسؤليه كبيره , ربي بيرزقج ان شاء الله بس انتي ابذلي الاسباب ..!

اهتمي بنفسج وكشخي حتى بشقتج حق نفسج وحق زوجج يستاهل..

وبجذي تكسبين زوجج اولا وترضين ربج انج رضيتي زوجج واهتمي فيه عطيتيه حقه ..

فكري بكلامي عدل حل "(ضيقتج )" بايدج انتي .. وقرري صح عشان لايجيج يوم تتحسفين على الوقت الي ضاع منج

والله يرزقج بالذريه الصالحه ..

نصيحه لاتقارنين نفسج بخواته ورفيجاتج واي احد لانج انتي بتتعبين من هالشيء
 

حلى علي

New member
إنضم
9 يناير 2009
المشاركات
61
مستوى التفاعل
0
النقاط
0
حبيبتي خلي كشختج جدام زوجج مو قدام الناس إلي بعضهم ماتسمي عليج وهو أكيد خايف عليج ويبي يستر عليج وتعرفين العين حق لازم تنتبهين لنفسج وأنتي متزوجه لييش أنتي سلبية في وايد بنات يتمنون من أزواجهم يغارون عليهم ويخافون عليهم وأحمدي ربج على نعمة وأدعي لربج أنه يرزقج بالذرية الصالحه وحاولي قدر المستطاع أنج تونسين نفسج معاه ترا نفسية تلعب دور في الحمالة إذا نفسيتج زينه مع رجلج الله يسهلها عليج ولازم تكثرين الدعاء وإلحاح
أعرف وحدة لما تجي بالدوام دايما كشخه ولما تزوجت لا مكياج ولا ملابس كشخه بس لابس عباية راس وزوجها ميت عليها ويحبها ويخاف عليها لدرجة أنه غصبها تغطي أيدها ورجولها سألتها عن شعورها قالت أنها مستانسة تشوف زوجها يخاف عليها وأنه ما يخليها دقيقه ويدق عليها كل شوي من حبه لها وسألتها عن سر حبه لها قالت لي أنها ماتقصر معاه في بيته وأنها تهتم فيه وتعتني بنفسها وتكشخ نفسها علشانه وتسوي كافة أمور زوجية إلي تعرفينه والله رزقها بتوءم ولدين ما شاء الله عليها هذا من صبرها وحبها لرجلها .
 
إنضم
14 يوليو 2010
المشاركات
1,158
مستوى التفاعل
0
النقاط
0
الإقامة
في ارض الله الواسعه
حيييل مكبره السالفه الله يهديج ..
انا كنت البس عبايه كتف بس المكياج ممنوع واهتم بنفسي لاطلعت ومرتبه .. بس بعد ماتزوجت كتف ممنوع كعب ممنوع لا تهتمين حييل بشكلج لاطلعتي ،!!
انا بداية زعلت وماعجبني كلامه وناقشت ماكوو فاايده انا صار لي سنه ونص متزوجه والحين عادي ومرتاحه بالراس وحسيت ان كلامه معقول ومنطقي لا تكشخين برا ومن حقه ..
وعلى الخدامه حاايليه ينفع المحايل مرات والحمل روحي لدكتوره تعطيج منشط او شي يقوي التبويض ..
والله يرزقج ويسخرلج رجلج ..
 
إنضم
16 مارس 2011
المشاركات
2,858
مستوى التفاعل
0
النقاط
0
حبيبتي انا فاهم عليج اكثر من الاخوات اللي ردوا وراح ارد عليج من وجهة نظري ومن خلال مفهومي لمشكلتج ..انتي تعانين من اختلاف وجهات النظر مع زوجج وماوصلتي اللي بداخلج بشكل صحيح كتبت الموضوع من غير تركيز بسبب الضيقه اللي تعانين منها وظهر موضوع الكحل والعبايه كأنهم اساس المشكله عشان جذيه تعرضتي لهجوم من ردود البنات وطلعوج غلطانه ......انا في رأي انكم بداية زواجكم مثل اي زوجين لازم يكون بينهم اخلاف بوجهات النظر والقناعات بس لاتشيلين هم حبوبه مع الوقت والعشره وشوي صبر تتقارب وجهات النظر بينكم واذا وراح تعجبين زوجج اكثر واكثر وتكسبينه بحسن اخلاقج وتعاملج معاه حتى يمنحج الثقه واذا وثق فيج بكل تصرفاتج راح تخف الغيره عنده ويلبي كل رغباتج ويحترم وجهة نظرج ولايسأل عن لبسج ولامكياجج ولا اي شي اذا طلعتي ويصير مايدقق (بل لايرى لايسمع لايتكلم هههههههخخخخ )المسأله مسألة وقت فقط...وطبعا لاتجادلينه ولاتناقشينه وخليج كاشخه وانيقه بالبيت ع طول واكيد اذا بتطلعين ماراح يقول اغسلي الكحل اللي داخل عيونج خلي مكياجج طبيعي مايبين واذا قالج شي قولي هذا شكلي مو حاطه الا كريم حمايه وبالنسبه للخدامه هي صح تخدمج بنظافة البيت بس تكتم ع قلبج انتي وزوجج وتراقبج اما تحط راسها براسج وتحسدج ع الزوج وكل شي او اقل شي تحسين مالج حريه في بيتج مع وجودها ..اهني كل وحده ماعندها خادمه خاصه اذا بشقه وماعندها شغل وطبخ وعايله كبيره ..وتقدرين تعاملين نع نص دوام تجيج يوم بالاسبوع تكوي وتنظف وتمشي او مرتين بالاسبوع وبالنسبه للخروج بعباية راس اختاري عباية راس حلوه والملفع طقمها ومقاسها مضبوط والبسي كعب وسط وساعه حلوه وجنطه حلوه وراح تطلعين قمة الذرابه والله يوفقج ويهدي زوجج ويرزقج ،نسيت اعلق ع كنت مدلعه بيت اهلي كلنا مدللين بيوت اهالينا والحياه الزوجيه شي مختلف تماما عن بيت الاهل وشغل البيت مو عيب بيت الزوجيه بل فخر لكل زوجه.*
 

قطوووة

*مساعدة مشرفات قسم السمنة والنحافة*
إنضم
8 فبراير 2009
المشاركات
21,526
مستوى التفاعل
3
النقاط
38
الإقامة
الكويت اغلى بلد
اول شي ..
الاجهاض هذا ربج اللي كتبه

ثاني شي ..
اغلب ازواج هالوقت مايجيبون خدم لحريمهم بدون عيال
هذا جنه قانون عندنا بالكويت

ثالث شي ..
اللي خواته فري وميك اب ومادري شنو
كلها جم شهر وبيطخ عنج بس انتي اسمعي الكلام
وشوي شوي بالتدريج ماراح يكلمج
بس كبري عقلج وتحملي واصبري

حتى لو ماتغير ماطارت الدنيا
مو شرط تحطين مكياج
 

وردة وطني

New member
إنضم
12 أكتوبر 2011
المشاركات
691
مستوى التفاعل
0
النقاط
0
الإقامة
بقلب حبيبي
مشاءالله زوچچ غيييور
اكتسبي فرصةة انهـ لابسچ عبايةة الرآس وآجعليه طآعه لله
المفروض تستانسين ان زووچچ يغآر عليچ ويبيچ حقه بروحه ومايلي احد يطالعچ لانه كفو ورجال
سالفةة الحمال تعالچي وارقي رقيه شرعيه وان شاءالله رآح ربي يرزقچ بالذريه وكثري استغفار واقرئ صورة البقره
سالفةة انچ ماتكشخين هذا بسبةة اهمالچ المشكله منچ انتي مو منه هو شنو ذنبه عشان قالچ لاتلبسين عباةة رآس ولاتحطين گحل صرتي مهملهـ بنفسچ؟!!
حبيبتي الحمل من الله وربي بيرزقچ ان شاءالله والطب تطور ماتضيق وعند الله الفرج
آنتي فكري بربچ وحطي الله بين عيونچ فگل الامور :)
اهتمي بنفسچ ولاعين زوجچ بتزوغ وسآعاتهـ تتعبين صح الله لايقوله ترئ الزوج اذ شافه زوجته مهمل ع طول فگر يخوون يبي اهتمام نضافه وريحه حلوه لاتخلين حياتچ متوقفهـ عشان امر بطاعهـ الله ورسوله وصو عليه ترئ هذا من صالحچ والله يبي لچ الهدآيه
ام سالفه الخدامهـ ليش تدخلين وحدهـ عليكم وانتو نفرين احمدي ربچ بعض الرجال مايوفقون ع الخدامهـ حتئ لوعند زوجته كومةة جهآل
وانتي قوي عزمچ واشتغلي اهتمي بيتچ ليش تجيبن خدآمه تشاركچ بالخصوصيه
الله يوفقچ ويهديچ حبوبه $
 

ناتشوو

*مساعدة مشرفات الحياة الزوجية*
إنضم
12 أكتوبر 2008
المشاركات
11,411
مستوى التفاعل
2
النقاط
0
الإقامة
بجزيرتي
الله يرزقج بالحمال
ويقدر لج الخيرة من امرج
لا تصيرين كئيبة
توكم ف بداية زواجكم
ومشاكلكم بسيطة
انا مادري ليش يكلمج جذي عن الحمال
وسالفة علشان فيج ضعف شايف نفسه عليج
اتوقع ابليس وسوس لج فيها
هذا زوجج حبيبج
قومي
لبسي كشخي
شي طبيعي كشخة الوحدة داخل البيت

الخدم شي طبيعي
ماعندج عيال
شغل البيت شوية
ممكن اخر الاسبوع
تجمعين الاوتي وتطلبين المؤقتتات اللي بالساعات
تكوي وتمسح الارضيات
عباية الراس مو غلط ولا تفشل
بس تتعودين عليها
ولبسج تحتها ذرب محتشم
احسها جدا راقية
ومافي شي اسمه يحسبونج عجوز
العمر يبان مو سالفة عباية اشلون تنلبس
ولا تدشين في مسلسل مقارنات
بنات خالتي خواته
انت زوجته
واللمسات الخفيفة من المكياج ماينتبه لها الزوج برة
شوية بودرة ع ماسكارا خفيفة
لا تحطين جدامه:) قبل الطلعه
واهم شي
داخل البيت
هالله هالله بالكشخة واللبس و العطور
اطردي روح العجوز اللي بداخلج
واتركي الرفالة والكسل ومدة البوز وفرفشي
بيكون خاتم بصبعج مع الوقت
بس احنا مافينا صبر
 

توتة UAE

New member
إنضم
10 مايو 2011
المشاركات
264
مستوى التفاعل
0
النقاط
0
حبيبتي و الله . . لا تزعلين كلها أمور بسيطة
بس لانج حزينة تشوفين هالأمور مشاكل
خلي تفكيرج إيجابي وتفائلي حتى لو زعلانة
بس ركزي عالاشيا الايجابية وبتتغير حياتج
ان شا الله =)

لا يهمج شو يسوونه الناس اللي تشوفينه
الظاهر الله اعلم شو يستوي من بينهم . .

تبين السعادة؟ اقتنعي باللي عندج واحمدي
ربج عليه . . فديتج اقري سورة البقرة بترتاحين
نفسيا و الله أنا مجربة بنفسي . .

جربي طرق الاسترخاء، اشغلي نفسج بأمور
تحبينها

الله يهديج ويصلح أمورج
 

هويتك

New member
إنضم
15 أبريل 2010
المشاركات
764
مستوى التفاعل
0
النقاط
0
ماعندج مشكله من الاساس

طاعه الزوج واجبه

ومافي شي يمنعج من اللبس بالبيت

كشخي وصبغي ويهج كل يوم ميك اب

واذا طلعتي من البييت نظفي ويهج وعدلي حواجبج وحطيلج كريم تقتيح شي استغلي وقت طلعتج بالاهتمام بويهج عرفتي

وعبايتج الراس فصلي وحده مقاسج بضبط وخلاص
 

أعشقه

New member
إنضم
20 ديسمبر 2010
المشاركات
1,090
مستوى التفاعل
0
النقاط
0
ماعندي كلاو زياده ع كلام البنات ..
مافي مشكله بموضوعك يالحلوه ..
زوجك يغار عليك لو مايغار عليك كان خلااك براحتك بلبسك وبكل شي..
وبالنسبه للحمل .. حكمه الله .. كل شي له وقت وله اجل
 
إنضم
9 نوفمبر 2010
المشاركات
3,551
مستوى التفاعل
0
النقاط
0
الكشخه ماتقتصر عالطلعه

اهو له حق اكثر من الناس برا

يعني تكشخين له ولنفسج بنفس الوقت

انا لبست عباه راس من كيفي

عجبتني احس انها استر لي

وكلام الناس بالطوف

من زين لبسهم الضيج عاد
 
إنضم
9 نوفمبر 2010
المشاركات
3,551
مستوى التفاعل
0
النقاط
0
اي وبالنسبه للخدامه نسقي وقتج صدقيني بيضيع وقتج بشي مفيد لاتكودين ملابس وغسيل وخلاص

والله يرزقج بالذريه الصالحه يارب
 

عزيز قلبي

New member
إنضم
19 ديسمبر 2012
المشاركات
196
مستوى التفاعل
0
النقاط
0
الإقامة
كويت
حبيبتي الله يرزقج يارب بالضي وانا مع البنات كشخي ببيتج وحق زوجج
ليش ما تقولين الحمد لله ان الله عطاني ريال يدفعني للتدين مايركبني ذنوب
كل ما طلعت وتمكيجت وخزوني الرياييل شنو بتستفيد الوحده بطلعتها كشخه
وترد بيتها وعلي كتوفها جبال من الذنوب
ثانيا موضوع الخدامه اشحقه تبين الضيم والقهر وقله الادب حنا غصب متحملينهم
عشان العوزه لهم بس دامج ما عندج عيال قعدي ببيتج علي راحتج لبسي اللي تبينه
طبخي حق ريلج ودشي اخذيلج شور وتعطري وكشخي وعيشي حياتج لا تخلين التفكير السلبي يسيطر عليج
 
الحالة
مغلق و غير مفتوح للمزيد من الردود.