انا غلطت؟؟!!!مادري؟؟؟قولولي؟؟؟

[بطوووطة$بيضة]

شلونكم بنات

في موضوع صاير في البيت ..ومادري انا غلطانة ولا اهلي الغلط ..احس اني انكسرت ...

بقولكم نبذة صغيرة عن حياتي علشان تفهمون الموضوع وتعطوني حل ...

اول شي علاقتي مع اهلي مو قويه ...وامي وابوي بعاد عني شوي واخواني وخواتي كل واح لاهي ابحياته ...انا مو متزوجه وعمري 26سنة وطبعا هالشي مضايق امي وابوي لاني ابصراحة ما انخطب وبس انخطبت 3مرات بس محد دش بيتنا الا عايله وحده وانحاشوا ...واهلي ابتفكيرهم ان البنت اللي ماتنخطب يعني موزينه وسمعتها همن موزينة ...قبل لما كنت اصغر كنت ناطرة اني اتزوج علشان اعيش حياتي لان علاقتي مع امي مو ذاك الزود
وطول فترة دراستي كنت انسانة مستقله وما اعتمد على اهلى احل مشاكلي ابنفسي وكنت افكر بالتخرج ...

انا من كنت صغيرة لما الحين طبعي هادي واذا امي وابوي قالوا لا اسكت وما اتحجى يعني ماكانوا اهلي مدلعيني على عكس اخواني وخواتي ماشالله حياتهم احسن مني من ناحية الوظيفه والمراكز ماشالله عليهم ....

الحين انروح حق المشكله انا وظيفتي ابوزارة عاديه معاشي 730دينار الحمدالله يمعت وشريت سيارة وابوي عطاني الفين دينار وقالي سلف ..طبعا حزت ابنفسي لان كان مدلع خواني وايد وانا ماكنت اطلب منهم شي الا اذا احتجت وقتله حاضر

هالحجي برمضان وشريت السيارة قصدي 170دينار ...وكنت ناويه ايمع معاشي سبحان الله يصير حادث او احتاج اخلي فلوس عندي يمكن احتاجهم ..وصج سويت حادث وصلحت السيارة ..

ابوي ماشالله ورث خير الحمدالله وكل شهر يقولي وين فلوسي متى ابتعطيني ..وانا اجلت لان ابوي مو محتاجهم

اليوم ابوي شره ارض وبسويها شاليه امي كلمتني جدامه قالتلي ابناخذ منج كل شهر 100دينار ومن اخوج علشان نبني الشاليه انا انصدمت

قتلهم انا بلغصب اصرف على نفسي وطبعا الحجي ماعجبهم جان ينط ابوي جان يقولي ابي فلوسي عطيني فلوسي

انا هني حز ابخاطري حيل ورحت داري ابجي ...احنا 6اخوان وخوات ليش ياخذ منا احنا بالذات وابوي وامي يدرون ان معاشي على قدي ...

انا مادري شسوي بنات قولولي

 

[Tom ♥ Jerry]

.


حيياتي !

حبيبتي عطي ابوج كل شهر فلوس عشان توصلين الـ 2000 السلف الي عطآج اياهم !
آحسن من كل مره يقولج ابي فلوسي و ابي فلوسي ..
و تالي لي رديتي فلوس ابوج كلها الفين دينار عآد شوفي اذا تقدرين
تعطينهم كل شهر 100 و لا لأ !

الله يكون بعونج يا قلبي ؛**
وعسى الله يرزقج الزوج الصآلح عاجلا غير آجلا .،
آدعي ربج على طول يفرج همج بـ صلاتج

 

[المتفائلة تعود]

الوالد قالج قبل لا يعطيج ٢٠٠٠ دينار انهم سلف وانتي رضيتي .... ليش زعلانه الحين ومستخسره ١٠٠ دينار كل شهر عجييب امرج... حتى لو مو مسلفج وبغى ١٠٠ كل شهر منتي معطيته؟! والله لو يطلب ابوي معاشي كله عطيته
عَنْ عَائِشَةَ،رَضِيَ اللَّهُ عَنْهَا:أَنَّ رَجُلاً أَتَى رَسُولَ اللهِ صلى الله عليه وسلم،يُخَاصِمُ أَبَاهُ فِي دَيْنٍ عَلَيْهِ،فقَالَ نَبِيُّ اللهِ صلى الله عليه وسلم:أَنْتَ وَمَالُكَ لأَبِيكَ.[1]

 

[بـربـوشـآ]

^

مآ بأزيد عن كلآمهم ..


اوفي دينج ومو مشكلـة كل شهر عطي أهلج 100 عآدي مآفيهآ شيء أصلآ أنا نآويـة من اتوظف ..

اصصرف على أمي وأبوي ..

يآمآ كانوا يصرفون علي وانا صغيرهـ ..

 

[روح مغليهاM]

راضي ابوك
وعطيه لو كل فلوووسك
صديقني فلوس الدنيا كلها ماتسوى شي عشان خاطر راحت ابوك
وربي بيعووضك اذ بريتي فيهم وبتشوفين سعادها بعيونهم

ربي يوفقك ويحنن قلووبكم ع بعض

 

[كايبه]

لاحول ولاقوة الاباله الله يعين ويسهل امرج يااااااااااااااااااارب

 

[Patcholli]

حبيبتي ترى 730 دينار كافي ويزيد لو يصفالج 500 دينار بالشهر ترى حده يكفي ويوفي خاصه ان ماوراج مصاريف لا اجار ولا عيال ولا ماجله ولا بتساعدين ريلج
اصلا المفروض بدون لا يطلب ابوج تبادرين بهالشي وصدقيني معاشج بيتبارك اذا صار في جزء منه حق امج وابوج
ساعديهم وطقي الدنيا بالطوفه شنو تسوى زينة الدنيا والسياره واللبس والكشخه مقابل رضى والدينج وسعادتهم ..؟؟؟؟؟؟؟؟؟

 

[mĬŝ∫Řξξm]

الله يسررلك يااارب
مووفقه

 

[الإسراء]

أمج وأبوك ورضاهم فوق كل شي ..
*

 

[ام كوثر2007]

معاشج وايد حبيبتي ونتي للحين ما عندج التزامات غير قسط السياره وفواتير التلفون واشويه لبس


يعني الاميه اللى بتعطينه منها تسديد دينج لبوج عشان تشيلين الحمل من عليج

وترا ما فيها شي لا شلتي اميه وعطيتيه كل شهر

يعني لو معاشجج علي قدج بنقول لا والله المفروض يزيدونج ما ياخذون

بس ما شاءا الله معاشج راهي ويكفيج

 

[حلوةودلوعة زوجي]

ماشالله 730 وبروحج اشلون معاشج على قدج لا تصير عيونج ضيجة
الله يهديج بس اطباعج غريبة

 

[اميره1980]

100 دينار شهريا مو خسارة في اهلج و خصوصا ان ابوج يبي يشتري فيها شاليه يعني حق وناستكم
انا لو ابوي يببي يشتري شاليه و الله وناسة
قولي الحمدلله ان مو على مرض او شي مو زين الله لا يقول
انا شايفة ان حق وناستكم و لا تنسين ان اذا خلص الشاليه انتي راح تروحين و تستانسين مع اهلج بعد و معاشج راهي مو شويه

 

[لحظآتَ]

حبيبتي ياما حريم معاشاتهم اقل 400 او 300 ماكلتهم الديون والاقساط والقروض
ومعيشين عيالهم وتلقين حتى ازواجهم يناشبونهم
ومع ذلك عايشين ومستورين
عطيهم كل شهر 100 شدعوه ؟
بالعكس عشان ربي يبارك لج بكل فلس من الباقي بمعاشج ..
وماشاء الله انتي فرد واحد يعني يكفيج ويزيد اللي بيبقى .. الله يهنيج يارب ويزيدج من واسع فضله

 

[روح العطش]

ماشاء الله عليكم ردود ولا أروع بارك الله فيكم

كل كلمة أكتبوها البنات لج طبيقيها مافي مثل الوالدين ربي يحفظهم لج

أنت ومالك لأأبيك

كل ماتملكين بأمر من الله سبحانه وتعالى لوالدك ، والبخل عليهم يعتبر عقوق

وشو تعني 100 دينار في سوق رضاهم عليج

كلمة منهم تسوى الدنيا ومافيها

ليتهم موجودين جان عطيتهم روحي وكل ما أملك

ماقصرتوا خواتي .​

 

[معزوفة عشق&]

حبيبتي الوالدين ورضاهم اغلى من الفين ولا ثلاث ولا حتى كنوز الدنيا
ع قولتك تقولين معاشك ما يككفي احتسبيها لووججه الله وصدقيني ربي بيطرح لك البرككه فيها ..
ادعي ربي دايم بالستر والرزق الطيب المبارك الحلال وربي ما يخيب رجاك والزمي الاستغفار

 

[مجهولة سرية]

لاحول ولاقوة الا بالله الله يعينج حبيبتي

 

[بطوووطة$بيضة]

مشكورين بنات عالردود

بالنسبه لفلوس ابوي اللي تسلفتهم انا اساسا كنت بردهم اكيد بس حطيت في بالي ان مو هالسنة ...وبلعكس انا مستعدة اساعد اهلي بس مو 100دينار كل شهر لان اهوا يبي خمسين الف علشان يبني الشاليه يعني لي متى بدفع علشان يصير المبلغ خمسين الف وانا ابوي ماعليه قاصر اهوا رتبه في الجيش وانسان معروف ...اللي حز في خاطري ان بس طلب مني ومن اخوي يعني مو من كل خواني ...ومعاشي 739دينار وقصدي 170دينار وداشه جمعيات اب 200دينار يعني يصفالي 360دينار وكنت بعطيه الجمعية بس دعمت بالسيارة وكلفتني 800دينار هذا اللي صار من جذي قلت ان السنة اليايه بدش جمعية وراح اعطيه بس اهوا صدمني ....

 

[بطوووطة$بيضة]

بلعكس الحمدالله ان بارة ابامي وابوي ...امي في يوم طاحت مريضه وانا كنت شايلتها ومحد من خواني شالها وكل اهلها قالوا لها محد شالج غير بنتج هذي اللي ادقرينها جدام الناس كانت امي ماتنام لان في صوت يزن ابراسها كانت تنام ابداري وانا انام عالقنفه واذا نمت قبلها اتزفني تبي اعيا تنام لان تخاف تقعد بروحها وكنت اوديها الاطبه وناس يقرون عليها بس لما طابت ردت مثل قبل ...

وامي بالنسبه للفلوس دايما تقولي يمعي اشتريلج شقه ولا ارض ماتدرين باجر شنو بيصير انتي مو متزوجة ...لان عندها خالتها مو متزوجة والحين عايشة اباجار وكل اخوانها تخلوا عنها...وانا صارا قيني هالعقدة ان باجر بصير فيني جذي

 

[* ليــــدي *]

وآعليه شاريه لوناستكم ..
اكيد يستاهل تعطينه ..

واخوانج وخواتج متزوجين مآيقدر عندهم التزامات ..
ولاقال ردي فلوسي يمكن ضايقه ردج عآدي ..

 

[فطوم السعوديه]

لاتصيرين حساسه واجد مو لازم يحبونك او يهتمون فيك اهم شي انتي
تكسبين رضاهم في الدنيا عشان ربي يرضى عليك


قسطي له شهريا مبلغ لين تخلصين 2000 اللي من ابوك
وعطيه اللي يبي فكي نفسك