انا عصبيه قولولي شسوي

[كتكوته عسوله]

السلام عليكم بنات بدش بالموضوع على طوووووووول

مشكلتي اني وايد عصبيه واعصب بسرعه على زوجي واقوم عاد اسب واغلط بدون شعور لكن بعد فتره احس اني غلطانه وارد واعتذر شسوي هالمشكله ذابحتني ومو مخليتني استانس بحياتي مع زوجي احسه قام يكرهني شسوي احس دمي على طول نااااار:eh_s(14):

 

[mimi89]

nafs moshkelty o madre shsaww karehat ilnas fene

 

[فرنسا]

حبيبتي مشكلة العصبية وايد يعانون منها وانا منكم لكن الواحد يحاول يمسك روحة شوي شوي .. مرني نفسج على انج تمكسين نفسج
فالبداية اذا الموضوع تافهة حاولي تطوفين ولاتدققين وايد وتسالين فية
ثانيا اذا ماقدرتي تمسكين نفسج قومي من المكان دشي الحمام لانة المكان الوحيد اللي تقدرين تكونين بروحج فية لان ممكن زوجج يلحقك لية الدار ... حاولي انج تغسلين بالماي ويهج وايدج ولا اخذي شاور وقعدي تحت الماي وفعلا تهدي الاعصاب
دايما عطي نفسج مسجات وانتي هادية انج ماراح تعصبين عشان لاتخسرين زوجج ونفسك
واتمنى اني فدتج والله يهدينا كلنا وتهدي اعصابنا

 

[ام فطوم وحمود]

ياربي والله انتي نفسي انا بالضبط بس ترا غلط العصبية الزايدة واااااااااااااي كلش إذا عصبت ماشوف جدامي

 

[لولوn]

حاولي حبيبتي تخففي عصبيه لأن زوجك بعد كذا بيمل ويطفش منك سوي مثل ماقالت لك الاخت روحي الحمام وخذيلك شاور بتهدي انشالله وكمان وقت ماتشوفي نفسك متضايقه ولا معصبه خذي القرأن واقري كم سوره والله يهديكي انشالله

 

[أمواج البحر]

حبيبتي دايما لما تعصبين اذا كنتي واقفه قعدي واذا قاعده اوقفي او انسدحي غيري وضعيتج

وعلى طول من تعصبين استغفريييييييييييي استغفري استغفري

وروحي على طول توضي ... الوضوء يطفأ الغضب ... لأن الغضب من الشيطان والوضوء يطفئ النار

ترى هالشي من واقع تجربه ... زوجي كان ناار ويمكن حتى النار ابرد منه من كثر ماكان عصبي و هالشي اثر على بداية حياتنا

ولما قلت حق ابوي عن مشكلة عصبية زوجي قالي هالنصايح والحمدلله عصبية زوجي قلت وااااااااااااااااااااااايد

اتبعيها وان شاء الله تقل عصبيتج

والله يخلي ريلج ويخليج له

 

[sara al3soola]

امواج البحر ماقصرت وانا معاها بكل كلمه قالتها

 

[قهوة عربية]

البنات ماقصروا كفوا ووفوا

وانتي بعد إذاحسيتي انج وايد معصبة لاتسبين ....يعني ممكن ريلج يتحمل عصبيتج وصراخج

بس مايتحمل مسباتج وطولة لسانج ....يعني حاولي تمسكين نفسج وماتغلطين على أحد بالكلام

كلنا نعصب ونصرخ ونطلع اللي فينا من القهر ....بس نمسك لساننا ونعرف منو اللي جدامنا

 

[كتكوته عسوله]

يزاكم الله خير يا بنات وكل كلمه قلتوها صاجين فيها الله يهدي بالنا ويخلي كل وحده لزوجها يارب

 

[ice_cream]

مممممممممممممممممممم انا اعطيكم الحل

درسو الريكي او التأمل اتغيرون 180 درجه

 

[إنسانه وأكثر]

شلوون ندرسها وين نحصلها ؟؟

الله الهادي

 

[أم قمبـر]

الله يعينج نفس حالتي قبل

راح راد عليج رد غريب يمكن ؟؟؟

روحي سوي تحليل لهرمون للغدة الدرقيه يمكن يكون عندج ارتفاع بالهرمون ... انا صار فيني هاشكل كله اعصب على زوجي واغلط بالكلام لاسباب تافهه ليش مادري ؟

رحت لدكتور وعمل لي تحليل لهرمون الغدة الدرقيه وصح طلع مرتفع وكان سبب عصبيتي والحين الحمدلله تم السيطره على الوضع

 

[StrOnG WoMeN]

حبيبتي هذي حياه زوجيه يبيلها طولت بال
الله يحغظج انتي عارفه غلطج غيري من طبعج شوي شوي تملكي اعصابج
ترى الريال يحب المره الهاديه والي ماطول السانه
لا تخلين العيب فيج
هدي بالج وكل ماتعصبين استغفري الله والله يسهل الامور
دايما تذكري اهم شي الاحترام موجود بينكم

 

[روج وردي]

الله يعينج

 

[<<لمار>>]

انا انصحج بكلام الاخت امواج البحر عن تجربة وايد يخفف العصبية

 

[blueberry]

:

اكثر مني عصبية ما اعتقد فيه

من عند ريلي ما ادري اشفيني ما اعصب

بس لما اضايق منه والا بعصب دامي اعد لما العشرة واستغفر الله

حاولي هالطريقة عدي لما العشرة بس مو بسرعه شوي شوي واستغفري الله وتنفسي

مرة ورى مرة تتعودين وان شا ءالله عصبيتج بتخف

:

 

[لـــــ الكويت ـؤلؤة]

لازم تمسكين نفسج الان ابو اعيالج ووحرام ينسب جدام اليهال ولصراخ
ابدي صفحة يديدة اذا شفتي النقاش بدى يثور سكتي وتعوذي من ابليس000

وعندي لج حل ومفعولة سريع وريحج ويقلل التوتر والعصبية وانا ما استغني عنة يهدييني ويخليني رييييييييلكس

(( روحي الحواي وقوليلة ابي اعشاب مهدئة الاعصاب 00 تخلطين الاعشاي مع بعض وتضيفين عليهم ماي مغلي اشربيهم مرتين او ثلاث مرات بليوم وهو دافي000 ودعيلي

 

[amna_83]

إذا عصبتي غيري المكان اللي إنتي فيه
مثلا إذا كنتي بغرفه النوم روحي الصاله وتنفسي بعمق
علشان يتغير المود اللي إنتي فيه
واستغفري الله لحظة اللي تكونين فيها عصبيه

 

[بنت الارسنال]

انا مع امواج كلامها منطقي

 

[كتكوته عسوله]

مشكورين بنات على النصايح اللي وايد استفدت وتعلمت من كلامكم الله يهدي بالكم دووووووووم ان شاء الله وتكونون رييييييلكس مثل ما قالت لي الاخت (لؤلؤة الكويت)