انا صلعه وحطيت باروكة ب850دينار ولا فاد كرهت زووجي وابي اتطلق تكفه ساعدوني

[سيدة الذوق]

رد : انا صلعه وحطيت باروكة ب850دينار ولا فاد كرهت زووجي وابي اتطلق تكفه ساعدوني

الله يسهل عليج ويفرج همج يارب

 

[(كويتيه عسل)]

كثري من الاستغفار الله

الله يخليلج ريلج وعيالج الحمد الله انج متوزجه وريلج يحبج وحابج بكل صفاتج

نادر ماتلقين ريل يحب زوجته رياييل هالايام موعاجبهم العجب

والحمد الله عندج عيال في بنات ماعندهم عيال ومحرومين

جربي تسوين تحليل هرمونات وتحليل حديد وفيتامينات وانتي اقري قرآن والتزمي فيه والتزمي بالاستغفار

وحاولي تغيرين جو تسافرين تطلعين لان النفسيه لها دور وتاأثر على الشعر والجسم كله

 

[SHOSHO92]

رد : انا صلعه وحطيت باروكة ب850دينار ولا فاد كرهت زووجي وابي اتطلق تكفه ساعدوني

يآقلبي آلله يششآفيييج والله عورتي قلبي

بس بسأألج اهوو في شعر اللي توه نابت ولالا

إذآ فيه حطي ثووم وافركيها حيييل خلي احد من خواتج او امج تفرك راسج بثوومه
واستخدمي الكراث .. ان شاء الله راح ينبت شعرج بس يبيله استمرار
ولا تنسين السدر هم رووعه

وودي افيدج عن الابر والزراعه والسوالف هذي بس صدقيني مو عآرفه ..


وديري بالج تتطلقين من زوجج .. حرآم عليج مآله ذنب

وادعي بكل صلاة واذكري ربج .. ولآتضآيقين وتفآئلي بالخير

ماكو شي بعيد عن ربج .. والله يعييينج ان شاء الله ​

 

[UNICORNA]

حبيبتى اعرف دكتوره جلديه بمصر ممتازه ممتازه رهييييبه وهى

من اكبر واشهر الطبيبات فى مصر

ودوم اتعالج عندها بأى مشكله عندى فى الجلد

عموما لو تبى اسمها ورقمها راسلينى على الخاص

وحابه اقولك ممكن تبدئى بأمبولات ايفا بالصبار ممتازه و تؤخذ لمده شهر ونص فقط

وهى توقف تماما سقوط الشعر وبعدها ممكن تاخذى تونيكات تساعد على نمو الشعر

مثل كامينوموتو وهى تونيك يابانى بعد ممتاز

وعندك كمان مساج الفروه بعد تجيب نتيجه وانصحك بعد بالدكتوره اللى قولتلك عنها

 

[RoSe PeRFuM]

رد : انا صلعه وحطيت باروكة ب850دينار ولا فاد كرهت زووجي وابي اتطلق تكفه ساعدوني

حبيبتي اللي فيج ثعلبة ؟؟

لاتيإسين من رحمة الله .. والبنات ماقصرو وياج ..

حاسة فيج هالشي يعور القلب.. بس قوة الإيمان بالله اتخليج متمسكة بالأمل والله

حبيبتي انتي .. حاولي تبحثين بالنت عن الحل .. وفي وحدة من جنة اسمها التاجرة حلاتي غير اتبيع زيت صحاري (بول الابل) يمدحونة البنات .. والأفضل اذا احد يقد اييبلج البول نفسه تكرمين .. وسإليه فيها عن حكم استعماله عند شيخ واتوقع جنه عادي .. والله يهون عليج ويرزقج بالخير

 

[^_^ حوراء ^_^]

شوفي بفرجينيا كلينك بالسالميه

في دكتور ممتاز حق الزراعه .. طبعا مو مثل اللي سويتيها لأ عالطرق الحديثه و الله يوفقج انشالله

 

[سعودية تموت بأهل الكويت]

الجئي لرب العباد وادعيه ان يعينك ويهديك للعلاج

ومن توكل على الله فهو حسبه

وتركي عنك الوصلات واهتمي بالرقية والنفسية والغذاء

وشوفي مصايب غيرك تهوون عندك هالشيء

 

[ALHOOR-2006]

والله عورتي قلبي الله يفرج لج صج حلات الوحدة بشعرها ولا الفراغات اللي قدام الشعر هاذي مصيبة
وانا اقرا مشكلتج جنج اتكلمين عن بنت جيرانا وهي توها ببداية العشرين صلع قدام الراس يفششششششششششششششل وبعرسها حاطة باروكة ياحرام عاد هذي واضحة عين الوهم قرت عند مطاوعة بس ما استمرت المه اكتشفوا زيت التحدي ينباع بالحفر وراعي المحل اسمه رضى والله والله زرع شعر بنت جيرانا عن قبل ويعلم الله اني ما كذبت عليج في اي كلمة وهذا رقم رضى في السعودية والاصلي بس عندهم لحد يقص عليج
0502814503
بس قبله فتح السعودي مادري اسإلي البدالة

 

[رشيديه كووول]

رد : انا صلعه وحطيت باروكة ب850دينار ولا فاد كرهت زووجي وابي اتطلق تكفه ساعدوني

واااي عورتي قلبي الله يعينج

شوفي يمكن الي فيج عين او نفس , اقري علي نفسج صورة البقره لمدة 40 يوم لان الحسد يروح بهالطريقه

وصلي كل يوم صلاة الحاجه ركعتين مع دعاء الحاجة واطلبي من لله يشافيج وشوفي اشلون لله راح يستجيب

دعائج بسرررعه , واذا تبين تستخدمين دهن راسليني علي الخاص​

 

[تاهت خطاي]

الله يشفيك ياقلبي.

حبيبتي جربي تزورين هذا المركز وان شا الله تنحل مشكلتك..


http://www.hairskinksa.com/

 

[برموشي اداويك]

رد : انا صلعه وحطيت باروكة ب850دينار ولا فاد كرهت زووجي وابي اتطلق تكفه ساعدوني

الله يردلج شعرج واحسن من اول يارب

 

[اغلا الغلا]

الله يعينج ويصبرج والله اني حاسه فيج انا نفس مشكلتج صلع من جدام رهيب الله لايوريج اللي لي درجه اذا صار عرس اوحفله يضيق خلقي حييييل لاني راح البس باروكه واحس بهم موطبيعي بس الحمدالله ان ريلي متقبل الامر وحمدي الله سبحانه وتعالى ان ريلج متقبل وضعج اللهم لك الحمد والشكر على هذي النعمه يمكن نفسيه ترا النفسيه تلعب دور جربي تروحين طبيب نفسي
الله يعينج ويصبرج ان شالله

 

[كندرية@زوغة]

رد : انا صلعه وحطيت باروكة ب850دينار ولا فاد كرهت زووجي وابي اتطلق تكفه ساعدوني

مشكوورين بنات ماقصرتوا والله صعب اوصل لكم شلوون شي متعب ويقهر لم حتى ريلج مايقدر يلعب بشعرج لم اتسبح وماعرف افله جدامه الله كريم

بس ماقلتولي عن صالونات متخصصة ابي اركب خااصة من جداام بس مو عارفة وين اروح

 

[Dr.Nouf]

شوفي يمكن هالشي يفيدج ؟!!

:rerrerek:

http://www.q8yat.net/showthread.php?t=784151


واقري سورة البقرة يوميا واستغفري .. الله يكون بعونج :denya:




,

 

[Turquoiseya]

الله يهداج
زوجج شاريج وانتي تبين تتطلقين منه عشان شعرج! تعوذي من ابليس
حبوبة انا حاسة باللي اتحسين فيه
بس مو اي واحد يجي ويقرر انه عندج صلع ذكوري! هالشيء يبيله تحاليل دم دقيقة
على العموم اذا انتي فيج شدة اتسافرين برة وميزانيتج تتحمل تكاليف العلاج عندج هالدكاترة هذيلة حيل شطار
دزي لهم صورج وتحاليلج ونبذة عن العلاجات اللي خذيتيها والزراعة وغيره وشوفي شنو يقولون لج:
http://www.fellermedical.com/
http://www.hassonandwong.com/
وما ازيد على كلام البنات الجيئ الى الله وادعي انه يفرج عليج كربتج
انا من رايي انج تستشرين خبراء بالشعر نفس اللي حطيت مواقعهم وتروحين لهم اذا قدرتي اذا قرروا لج زراعة
لاتغامرين تزرعين عند اي احد خصوصا بالوطن العربي00 لان الزراعة عملية دقيقة حيل واي خطا فيها لو بسيط يؤدي الى موت البصيلات اللي بتنزرع
ووقفي الباروكات ترى اهي اللي تزيد من بقعة الصلع وتموت البصيلات 00 ونفسيتج لازم تتعدل لان لها تاثير كبير على نمو الشعر

الله يوفقج ويحفظج لزوجج وعيالج

 

[واقعية حـلـم !]

الله يشفيج يا قلبي و يسخر لج خلقه

 

[UNICORNA]

صحيح انا تذكرت شى

انا من 10 سنوات لى اخ كبير مات بحادث مأساوى والله يرحمه يارب

وامى من الانهيار جالها ثعلبه بأجزاء من شعرها صارت صلعاء تماما مثل كف اليد

لين حصلت طبيب حطاها ابر براسها كان يحط ماده معينه فى ابر مثل ابر الانسولين

رفيعه جدا وما تألم كثير ويحطها بالاماكن الصلعات وبعد شهر نص وتقريبا حصلنا الاماكن

الفارغه طلع فيها شعر صغير جدا ناعم طوله تقريبا 2 سم

وبعد حوالى 3 شهور كان ابتدى شعرها يطول بطوره طبيعيه والحين مابها الا العافيه

كونى اسألى اكثر وان شالله البنات ماراح يقصرو وان شالله فى امل وكل شى وله علاج

ولا تنسى ان الحاله النفسيه السيئه تزيد السلبيات ابيكى ماتحبطى وتتوكلى على الله

وان شالله بتحصلى علاج :hjy5jewf:

 

[sunshine22]

رد : انا صلعه وحطيت باروكة ب850دينار ولا فاد كرهت زووجي وابي اتطلق تكفه ساعدوني

حياتي والله

الله يصبرج ويشيل هالفكره السيئه اللي ببالج هو بس اللي قادر

لا طبيب ولا غيره

أول شي أخطأتي بالعمليه اللي بلبنان ليتج ما سويتيها
أعرف صلعاااااااااااان ملسااااااااااان اوكي مافي شعر

طلعلهم شعر مادري من وين
اكيد في حل


أبولو عالجو رفيجتي الروح بالروح

نتيجه علاجهم طلعت بعد ما خلتهم 4 اشهور

في جذي نتائج على المدى الطويل تباان

صلعها أمامي شعرها طويل لي حد الستيان وزوين يمشي حاله
بس القذله ماكووو
الحين ماشالله تبارك الرحمن
صار كثييف ماشالله اكثف من شعري انا اللي ما كنت اعاني مثلها

صار مفرقها ما يباااااااان
ماشالله الله يتمم عليهااااااااااااا

اقري على نفسج
حطي ماي مقري عليه بمرشات من صنعج فيهها جرجير معصور حيل مفيد ومرشات السدر طبعا الكل يعرف فوائد السدر
انا قبل عندي مرش جرجير ومرش سدر
احطهم بمرشات الرصاصي عرفتيها
حزمه جرجير بماي
قفشه سدر بماي
وشكلي مره رشي جرجير ومره رشي سدر
والله كريم
حطي حناااااااا
اكلي فيتامينات
حسسي نفسج انج بنادي للشعر
عابلي فيه ولو حسيتي لو 1% استجابه
استمرررري
والله ما راح يخيب تعبج​

 

[غلا الأيام]

وااي عورتي قلبي وربي يفرجها عليج

بس انا مع البنات الحين انتي رحتي اكثر من عيادة بس ما جربتي تلجأين حق ربج

صدقيني هذا عين ما صلت على النبي روحي عند شيخ دين شي يقرا عليج ويعطيج دهان او زيت

او روحي العمرة وتقربي لربج وصدقيني العبد المؤمن ربج ما ينساه وعليج بالرقية الشرعية

وترا العلم كل يوم قاعد يتطور خلي ايمانج بالله قوي

 

[ظروف الليل]

صج صج حاسه فيج انا تساقط وصار خفيف وابجي بجي وافكر اعالج او زراعه بس من وجهة نظري بما انه هرمون ذكوري مرتفع شوفي احس مستشفي وحتي لو خارج لكويت وروحي عالجي الهرمون الذكوري لانه الاشياء الخارجيه مامنها فايده اهم شي العلاج الداخلي وان هرموناتج عدلوهاا صدقيني بيطلع الشعر بس علاج الشعر يبيله صبر واايد يعني اقل شي سنه الي 3 سنوات وجربي الثوم انا بجربه والله حطيته لبنتي طلع الشعر فركي راسج بالثوم الطازج يوميا" وميخالف تحملي انتي وريلج وان شالله تبشرينا عن احوالج الانه صج بيكون قلبنا ويااج وكثري الدعاء كل شي مستحيل سهل عند رب العالمين لا تقومين من السجود قبل لا تشكين لربج عن مشكلتج بكل خشوع ودموع اربعين ليله قبل صلاة الفجر والله تصنع المعجزات هالطريقه وانا جربتها مره بموضوع خاص واتلله صار مع انه كان من المستحيل والله يوفقج حبيبتي:yaaaaaarb: