انا صلعه وحطيت باروكة ب850دينار ولا فاد كرهت زووجي وابي اتطلق تكفه ساعدوني

[طنيانه]

ماادري اذا جربت زيوووت خااصه للشعر او لا ..
انا اعرف وحده تبيع زيت للشعر تطلع نتيجته بعد ثلاث شهووور واللي جربوه يمدحوونه حييل واول نتيجه تباان مع الاسبووع الاول يتوقف التسااقط اذا تبين رقمها طرشي لي ع الخااص واعطييج ايااه ..ولاتنسيني بدعوااتج الحلووه

 

[بحـةةِ غيـآبِ ≈ ™]

- يَ قلبيييييييييييييييييييييييييييي
والله عورتي قلبي . .

حبيبتي سوي زراعةة شعر برا الكويت احسن شغلهم ,
و يارب تنححل مشكلتج

 

[أو عبوش]

اختي عورتي قلبي عسى ربي يجملج بعين زوجج يارب ويشوفج ملكه جمال لا يلعب بنفسيتج الشعر




شوفي

بقولج علاج للي فيهم ثعلبه اسم الله عليج يعني اقوى من هالشي مااافي تعرفين الثعلبه تصفر الشعر تخلي لمعه الصلعه تطلع
واللي يجربه ينبت له شعر بأذن الله تعالى


مسحي راسج ب قــــاز

قاز تعرفينه الساءل؟؟ موبنزين؟ لا قااااااز

وعقب ماتمسحين راسج بقاز


فركي بثوم

اخذي الثومه قصيها بالنص وابتدي افركي اجزاء راسج الاماكن الواضع الصلع فيها



ويااااااارب يااااارب بهالاذان قاعد يأذن العصر الحيتن يطلع لج شعر وتدعيلي

والله اعرف وحده تصير لي فيها ثعلبه والحين شعرها يهبل ماشالله كان فيها 4 فراغات كبار بالراس صلعه فيهم

وبروح الحج وادعي لج لان صج عورتي قلبي

واذا تبين اي شي سأليني خاص لان يمكن ماشوف هالموضوع مره 2

 

[أو عبوش]

طبعا تستمرين على هالطريقه اتوقع شهر لين تشوفين شعر صغير ينبت

 

[طيوبه وحبوبه]

روحي المستشفى الامريكي في تايلند حيل شطار بالزراعه سمعت عن هالشي وانتي سوي بحث

 

[ام كوثر2007]

عسى ربي يشافيج ويعافيج بحق محمد وال بيته ..

ياليت تقولين لنا شصار معاج واطمنينا عليج اختي كندريه .

 

[خلطات المذهله]

الغاليه راجعيني علي الخاص باذن الله نتفاهم ارسل لج خلطتي الخاصه لانبات الشعر مجانا واتمني منج بعد تجربتها تكتبين للبنات تجربتج بصدق ولكن ابي منج تعهد بالالتزام باستخدامها ثلاث مرات بالاسبوع وانا باذن الله جاهزة للتحدي وان شاء الله قريبا بكون تاجره في المنتدي واوفرها للبنات

 

[kaka]

من اول ليه تصلعين

 

[رقـة الاحسـآس]

عووورتي قلبي
بس حراام ريلج ماله ذنب و تراه راضي فيج و الله يخليه لج
و انتي نفسيتج تعبانه والله من حقج الوضع صعب
ماعرف اقولج غير راجعي كذا دكتور و ابحثي و اسئلي عن الحلول لموضوعج
وتوكلي على الله و سويلج شي و افتكي من هالباروكه اللي ملعوزتنج
الحين كل شي تطور
فان شاءالله تلقين حل مناسب يريحج

 

[tofa7a34]

الله يشافيج ويعينج​

 

[SHD ..]

الله يعينج ي قلبي

بس لاتقعدين تشكين عند زوجج دامه راضي فيج وشاريج

 

[جنوبية وأفتخر]

يا قلبي لبس باروكة كاملة ....
راح ترتاحين .......

 

[نجمة الروح]

توكلي ع الله وسوي الخلطة هذي مع الصدقة وان شاء الله تستفدين منها
.


.


السلام عليكم ورحمة الله وبركاتهـ




خواتي هذا أول موضوع لي بقسم الشعر , بعد ماكنت مجرد قارئه لأكثر من 4 سنوااات


انا بنت عمري 20 سنه ... من دخلت الـ 17 بثالث ثانوي .. ولعبت بشعري ورجيم ورى رجييم .. وصار لي صلع بالمقدمه

أعتزلت الطلللعات من الفشله لحد ماشرت لي امي الله يرحمهاا توبيك هير لتغطية الفراغات وقتها بديت اطلع .. لكن في البيت أظللل صلعاااء !!!

المهم بدون ما أطول وأقص لكم معآناتي لأن مع أحترامي للجميع محد راح يفهمها !!! لأن حلاة البنت بشعرها وانا مااعندي شعر !!

جربت كل شيء.. كل دوا .. كل دكتور جلديه .. كل خلطه .. كل حنا .. كل زيييت !!

مكانك سرررر

كانوا الدكاتره يقولون لي وراااثه لأن كل شيء سلييييييييم


وكل ما أستخدمت زيووت يطييح شعري بالهبل لأنه دهني .. والدهني معرووف اذا حطيتي عليه زيووت تتعب الشعره وتطيح

المهم

توفت امي قبل 7 شهور وزاد الصلع في شهررر ...


الكل يمدح خواتي لأن شعوره عن 5 شعور بدون مبالغه .. لكن أنا مع اني أجملهم ماحد يمدحني لان مافيه شعر ....!



وجااء الألهااااااااااام

قبل 5 شهور وانا اتصفح النت وادور شيء يكثف الشعر لأن صار لي سنه مهمله شعري خلاص زهقت من التجاارب .. كأني فار تجارب


فكرت لحظه ؟؟؟!! وش هو أكثر شيء يمدحونه لنمووووو الشعر ؟

قلت وأكيد بتقولون بنفسكم :

1- الجرجير
2 - السدر
3 - الثوم
4 - نواة التمر
5 - الصباار
6 - الكثيررا

وأهم زيتيين عيهم مدح .. وتجااارب .. وينمون الشعر بدون مايطيحون الشعر الدهني ؟؟

1- دابر أملا
2 - جنين القمح

أوكي !!! كتبتهم بمفكره على جمب


شوي قلت وش هو الفيتامين والبخااخ الطبيعيين اللي أكثر الدكاتر أمدحوهم ؟


أحسن فيتامين للشعر معرووووووووفييييييييين :
1- هيردال (( مايسممن وينبت الشعر ))
2- سترس تاب (( يفتح الشهيه وعلى قولتهم يسمن اللي عنده معلومه يقولها !! وينبت الشعر أنباات فضيييييع ))

كلهم ينبتون الشعر من تجارب شفتها بعيني ومن كلام الأطبااء وأبووي (( دكتور جلديه بس للبشره مو الشعر ))
وسترس تاب أستخدمته من زمان يومين ووقفته لما سمعت انه يسمن مع انه أفود من هير دال بعد


وأحســـن بخااخ شعر بعد معروووين :
1- ريجن 2% ( او منوكسيدل 2% ) كلهم نفس بعض مع أختلاف المسمى
2 - فوركابييل من الأعشااااب

طبعا ريجن كيميائي ومجرد ماتتركينه يطيح الشعر يعني لازم تستخدمينه طول العمر ( مو يوميا طبعا .. مجرد مايطلع الشعر كل أسبوع مره بس علشان مايحس شعرك انه فاقده )
مع كذاا يطلللع الشعررر .. أخوي صلعاء أقرع وقيرع على قولتهم .. الحين شعره مافي اكثف منه بس له 3 سنوات وماتركه

اما فوركابيل .. فهو طبيعي من الأعشاب .. واذا تركتييه مايطيح شعرك .. وينبببببت الشعر بس بمده أطول من ريجن .. يعني مفعوله أخف .. بس مرره ممتاز أقيمه 95 من 100



الحين خلصت من أبحاااثي اللي أكتسبتها من خبره مدتها 4 سنوات .. ومن أطباء ما أقدر احصيهم .. ومن النت .. ومن الوالد طبعا .. ومن التجااارب من أقاربي ....

أتمنى تخلونه كمرجع أذا ماتبون تستخدمون اللي أستخدمته ..


نجي للبدايه ..
1- شريت هيردال لأنه مايسمن
2 - شريت فوركابيل لأنه طبيعي
3- سويتي لي خلطه مكوناتها من البيت ( بالخلاط حطيت حزمة جرجير مع شوية مويه ونواة التمر المطحونه وفصين ثوم مع الماده اللي داخل الصبار والكثيرا بعد مانقعتها ليوم كامل وصارت مثل الجلي وشوية دابر املا وشوية زيت جنين القمح وخلططططتهم كلهم وحطيتهم بعلبه وعلى طول ع الثلاجه - جبت طاسه وحطيت فيها مويه مغليه وكبيت كمه كبيره من السدر وخلطته وغطيته بفوطه وخليته يتخمررر )

يعني حطيت كل اللي أكتشفت انه ينبت الشعر

نجي للتطبيق :
- كل يوم لجيت أنام أبخ لي من الفوركابيل وآكل حبة من الهيردال
- 3 مراات في الأسبوع أحط بشعري من الخلطه ... آخذ ملعقتن من السدر المخمر مع شويه من الخلطه اللي بالثلاجه واخلطهم واحطهم .. أنتظر ساعتين واغسله بشااامبوو صانسيلك .. وانشفه وادلك بخفه بالفوووطه
- أمشطه كل يوم علشان مايتشابك .. لأن التشااابك يطيح الشعر


بعد 5 شهور فققققققققققط :

- الفراغاااااات والصلع تغطااااااااااااااا
- شعر كثيييف
- شعرر طووووووويل
- لمعااااااااااااااااان
- بدوون تقصف
- نعوووومة في الشعررر
- الشعر يصرررررررررخ انااااااااااا صحـــــــــــي

وللحين مستمره .. ولأول مره من 4 سنوات اشوووف شعر حقيقي ماشاء الله تبارك الله
من جد ماتوقعت ان شعري بيرجع وبيصير احسن من أول هذاا بفضــــــــــل ربي

منقوله من الاخت مارية

 

[عروسه حلوه]

حبيبتي الله يفرج همج يارب

 

[Miss Eteket]

عورتي قلبي

 

[*صَبا*]

حافظي على هالكم شعره اللي عندج
حطي زيوت وفي ابر للثعلبه
روحي عند صالح بوحمره او اي دكتور جلدي
واخذي الابر يمكن تتنشط البصيلات عندج

وغيري قصة شعرج نزلي لج قذله كثيفه

طبعا في حالتج لازم تسالين عن حكم الوصل

 

[M!Ss Un!VerSe]

قريت بالجرايد

عن زراعة شعر صناعي

من قبل الشعر ياخذونه من ورا ويزرعونه

الحين صناعي يعني مايطيح

انا مو مجربه ولا اعرف اذا حلال او حرام

بس قلتلج يمكن تستفيدين

والله يشافيج عورتي قلبي

 

[ليناالعالية]

الله يكون بعونج
جربي تتسبحين بماي زمزم وتدعين والرقيه الشرعية
عسى الله يفرج همج وهم المسلمين ياااارب

 

[Beautiful soul]

بنات انا شايفه برنامج اجنبي امريكي يتكلم عن كذا حاله مصابين بالصلع واهم شباب وبنات واحد منهم سوا زراعه شعر والبنات كانت تاخذ ابر ترا هااااالعلاجين الاثنين للاسف مافادوا طلع الشعر فتره وعقب رجع يتساقط يعني لاحد يفكر ان زراعه الشعر شي سحري خرابيط برابيط الا ماندر
اختي صاحبه الموضوع انا مادري عن وضعج بالضبط او شنو قالوا لج الاطباء بس انتي سويتي كل شي ودفعتي الوفات
توكلي على الله والتزمي سوره البقره والدعاء والصدقه وان شاء الله ربي يغير حالج الا احسن حال ويرزقج بشعر صحي وكثيف

 

[*uM_MiMi*]

حبيبتي الله يشفيج وينبت شعرج يا رب و دوري اكيد اكو مراكز ب امريكا واوروبا ،، وبعدي عن لبنان نصب بنصب
تصدقي وادعي واحسني الظن بالله والله مالج اللا ربج وانشا الله تلقين حل