انا صلعه وحطيت باروكة ب850دينار ولا فاد كرهت زووجي وابي اتطلق تكفه ساعدوني

[أم علي الرفاعي]

اختي اول شي
الله يلوم اللي يلومج

صج الموضوع يتعب النفسية
وبالذات انج متزوجة وعندج ريل

قبل فترة وصللي عالبرود كاست زراعة

والزراعة بأول مرة فشلت معاج
بس مو معناته الزراعة كلها فاشلة

بس أهم شي تسألين عدل عدل
ادري انج من كثر ما ودج تفتكين بسرعة
قاعدة تجازفين

ويمكن بدون ما تسألين

بس حبيبتي تأني ولا تستعيلين
هذي تعتبر عملية يعني مو بخاخ والا حبة تاخذينها وخلاص


شوفي..

هالعيادة شغل عدل بايران
كشخة مو أي شي

وان شالله يكون شغلهم مضبوووووووط

صبري انقلج الموضوع

 

[أم علي الرفاعي]

زراعة شعر في ايران في مدينة اصفهان الخضراء

تحت اشراف استشاريين حاصلين على البورد الأمريكي

ويعملووون على احدث تقنية للزراعة بدون عملية جراحية
ويعملون على التخدير الموضعي








النتائج ممتازة
خلال يومين سوف تودعون الصلع للنساء والرجال

قسم خاص للنساء
عرض خاص لمدة شهرين
سعر الجلسة 200 دك شامل:

مترجم - تحاليل - أدوية - مواصلات داخلية - زراعة شعر

وهذه بعض النتائج للزراعة قبل وبعد:









متواصلون معكم للسنة الرابعة

للاستفسار والحجز:

أحمد صفر (بو أحمد)
99992678​

 

[أم علي الرفاعي]

اختي العزيزة

طبعا تعرفين زينب العسكري
وزينه كرم

والله انهم كانوا صلعاااااااااان
ريلي يشتغل بالاعلام ويعرفهم
ويقوللي والله زينه كرم قرررررررررررررررعة مولية

كاهي زرعت وصار شعرها يهبل
كذلك زينب العسكري
يتراوالي الكل يدري انها زارعة

واذا هالشي بيحسن نفسيتج
ويكون سبب لسعادتج
اسعيله
وان شالله ربج ما يقصر

كل مشكلة ولها حل
عاجلا أم آجلا


والله يسهل امورج بحق محمد وآل محمد

 

[الـفـجـر الـبـعـيـد]

الله يشفيج يارب ويرد شعرج احسن من اول ويجملج بعين زوجج
بس لا تيأسين حاولي بأكثر من مره وادعي واقري ومسحي على راسج

والبنات ما قصروا كفو ووفوا

 

[شـــهـــد]

الله يشافيج ويعينج

 

[موت وميلاد]

اخوي يقول رفيجه سوا زراعه بالاردن راح الصلع وصار عنده السبعه مالت علامة الجمال

والحين الحمدلله الطب تطور

 

[حظ من عنده انا]

الله يشفيج

تبين الحل


ربي سبحااانه قادر يحل مششكلتج

الجئي لله وادعي واقري قران


مششاكل اكبر من هالمششكله وبفضل الله انحلت

مشكلتج ان شالله ربي يحلها

 

[أغنية البحر]

الله يفرج همك
قلبي نقطع عليك
انتي جيبي زيت زيتون أو مويه وأقري فيها
وبعد كل فرض امسحي على راسك منها
واقري الرقيه الشرعية بنفسك بعد كل فررررض
مع حسسن الظن بالله والثقة ان شعرك قاعد ينبت
وشوفي بعد شهررررر

 

[زهرة الليل86]

انا حسيت فيج لأن حالتي مثل حالتج وايد تعبت منه والمشكلة انه من قدام حتى اني مثلج بالضبط جربت ادوية وبعدين رحت للاردن ورحت صالون حطولي شعر وصلات من وره وتعبت منهم حتى ان شعري تعب وبدا يتساقط اكثر فورا ال6 شهور رميتهم مع اني دافعه عليهم بال 500 دولار والله
وحاليا شفت عند بنت اماراتيه (بحكم عيشي بالامارات)بتبيع زيت والكل يمتدحه والصراحه خذيته وبديت احط منه والله العظيم الكل لاحظ علي ان شعري صار احسن ومن الجوانب البيبي هير بتدا يظهر
راح اعطيج الرابط على الخاص ان شاءالله اذا بغيتي انتظر ردج واذا هي مابتوصل بشتريلج ايا وببعثلج ايا على الكويت
وقبل فترة قريت بالمجلة ان دكتور هندي مكتشف اكتشاف انه بيحط شعر للمنطقه الامامية وتكون مثل شعرج الاصلي تغسلين وتشسورين وكلشي تسوين عادي وهو فبدبي عيادته اعطيج الرابط وانتي اتصلي فيهم انا بعد رايده اتصل بس اهلي قالولي خلصي علاج بالزيت وشوفي النتيجه ولما شفت في نتيجه قلت اترك سالفه الدكتور الهندي
واذا بغيتي زراعه افضل في الاردن لأن دكاترتهم احسن كثير
تدرين انا حتى البودرة الي قلتي عليها جربتها وكنت مابطلع ابد بدونها مع ان سلبياتها نفس الي قلتيها
بس والله بطلت احطها من يوم لزيت بلشت فيه
على فكرة الزيت من صنع امراءة هندية وبتسوقه حرمه امارتيه

استفاديت وياج من نصايح البنات وتعالي نبتدي انا وانتي بالقراءة البقرة والاخلاص والتصدق بنيه شعر جديد

ونصييييييييييييحه
لا تشتكين ابد قدام الرجال لأن ترا الرجال بس يتخيل الشي الغلط او يقعد يفكر فيه مباشرة راح تشوفي ينفر منج ويتأفف
وماشاءالله البتات ماقصرو بدعواتهم الله يخليهم ......ويارب الله يعوضنا بشعر كثيف وطويل وتنزاح هذا الهم عنج

 

[احلام روحي]

يابعد قلبي

الله يفرج همج ..

والله ماراح ترتاحين الا لما تشكين لله هالحال وتسالينه العفو والعافيه وان يجبر قلبج الكسير باسمه الجبار

هالاسم له مفاتيح عجيبه وسريعه .. ماتدرين يمكن يوفقج لحل ماخطر ببالج .. ارضي عنه يرضيج

انا ادري ان الشعر مساله حساسه بس فصبر جميل والله المستعان وعليه التكلان

اقري على شعرج وعالجيه بالقران .. واغسليه بماي زمزم .. واطلبي الله وهو ماراح يخليج

 

[أم ملاس]

عسى الله ينبت شعرج يأرب العاليمن سمعي نصيحتي يابنت الحلال فكري بمصايب غيرج اللى فيه مرض خبيث الله يبعده عنج وعن كل مسلم شنو حالته والي فقد اعز اهله شنو حالته وسعي خاطري حبيبتي
انا بقولج باللي اقدر افيدج فيه استعملي بخاخ ريقن بتركيز5% مرتين باليوم عجيييب انبت وانا شفت بعيوني والله وحده الله يشفيها صلعتها مبينه ونبت مشاء الله بس ها لاتقطعينه فجأه والحامل ممنوع استعمليه 6 شهور وشوفي شعرج بذن اللي ماتنام عينه ينبت وعليج بزيت دابر املا قمه وحبوب هير فيت وحبوب بايوتيت بتركيز5000 تلقينه بالكويت عند محل mgc واهم اهم شي تصدقي بنيت ان الله ينبت شعرج وكل يوم قبل النوم اقرى سورت الاخلاص 21 مره وامسحي على شعرج وادعي ربج وقت السجوود والله وربي اللي فاطر السموات والا رض انه برد لج شعرج بأذن الرحمن هذا ابتلاء وارضي بالمقسوم واختبار لج ولصبرج ولاتتعبين نفسيتج النفسيه تلعب دور والله اني حاسه فيج بس انا قلت لج طريقه وحده اعرفها مثلج بضبط قعدت 6 شهوروالحمدالله نبت شعرها وتشوفين البيبي هير طالع تصدق/ تدعي وقت الصلاه بهدعاء اللهم فاطر السموات والارض يامحيي الارض بعد موتها ومميتها من بعد إحيائها انبت لى شعر راسي واجعله كثيف غزيرا ً طويلأ يارب يابديع السموات والارض كل ماتصلي تدعي بهدعاء وتحني شعرها بالاسبوع مره ومسويه تونك السدر عجيب قوليلي اذا تبين طريقته اخذه منها وتاكل حبوب الي قلت لج عنهم والحمدالله يارب عسى الله يشفيج بأذن الرحمن وينبت شعرج ياكريم

الله يشفيج ويشفينا…ياقادر ياكريم


اقنعني رد اختنا …ولااااااااااازم تتقبلين وضعج وعدها يبتدي العلاج وبعدين اغلي البنات عندهم نفس مشكلتج بس كل وحده غير عن الثانيه بالعلاج
وبعدين احمدي ربج لايعاير ولاينغز عليج …

 

[ღ TőOőma ღ]

حبيبتي عسالله يعينج وتلقين الحل الي يريحج
في زراعات يسوونها لازم تسألين لان كل مكان له طريقه وعلى حسب الدكتور سالي لاتروحين حق اي احد

 

[بولندية]

عوووورتي قلبي =(

الله يشافيج يارب و يفرج همج البنات كفوو وفووو

 

[مهرهـ]

ياعمري الله يفرج همج

 

[ليان]

عساااا ربي يفرحج بالشعر الطويل ​

 

[راعية الطويلة]

السبب في عدم تحسن حالتج
استخدامج للبواريك
و هذي معلومة طبية

الله يشفيج و يعافيج

انصحج تتعالجين برا

و خاصة امريكا

فكي نفسج من سوالف لبنان و غيرها

و إن شاء الله
نسمع منج أحسن الأخبار

 

[ام يارا القمره]

مره قريت حليب الصويا يطلع الشعر بالحيل بس الحامل ممنوع والسبب هرومنات الانوثه بالحليب طاغيه جداً يعرض جنين الولد لتحول الجنسي اهم شي لاتكونين حامل وحبوب هير دال حلو مره والثوم يمدحونه يفرك بالشعر واذا جربتيهم ماابي الادعواتك

 

[q8sweeta]

لازم عنايه وزيت خروع كل يوم اتدهنين فروة الراس ومساج وان شاءالله يطلعلج شعر مع ابر ميزو واخذي حبوب برفيكتايل اهي للبشرة وشعر والاظافر اهي احسن حبوب بشهادة بريطانيا
بس لازم تستمرين ولبسي بواريك ادري الله يعينج بس مع العلاج شبتسوين
لانه لزق والخصل وصمغ بينتف الشعر ويغمت البصيله لازم تغذيه ومكملات غذائيه
جربي ست اشهر وشوفي اذا في تحسن او لا ولازم اتراجعين طبيب جلديه

 

[كريستال]

الله يشفيج حبيبتي ويعوضج بالشعر الغزير الكثيف

انه على رجعه لقادر بس بقولج شي الحين الكل يعاني من تساقط الشعر وفي بنات وايد فيهم صلع باختلاف درجاته

حتى اللي فالثانويه قرعوا فلاتحطين الموضوع في بالج وتتازمين منه اهم شي انج بخير وزوجج واعيالج ولاتياسين دوري عن علاج بس حل جذري مب مؤقت

والله يوفقج قلبي معاج

 

[tt2tt]

الله يعينج