بقولج شي ..
اولا .. اللي كلنا نعرفه .. انه الانسان لما يجي ناقص بشغله .. يكون مش عاديه بشغله ثانية ..
مثلا . اليسا .. شوي (( فحشه )) يعني نفس اللي عندها الريال واهيا واقفه على قوس شوي ..
واكا الله عطاها جاذبية .. صج بالتجميل كلكم بتقولون لكن لا .. هي من الاصل عندها شي اسمه جاذبيه وتكاوين ذكية ..
اكا واحد ولد شيوخ جارنا فيه عله .. ( مابذكرها )) لكن رمش عينه الصلاة على النبي ذباحه .. كل اللي يشوفه يشهق ..
واكا هيفاء لها صورة مش مركبة , صور قديمة ,, واهيا كانت هم حلوة وفيها بين اصابعها صبع زايد .. بالرجل 6 اصابع ..وشالته طبعا ..
القطوة اللي هي قطوة تلاقين لما لها عين لون وعين لون .. تكون هي الالطف بين القطاوة ..
ووايد ترى من المميزين جدا .. لهم عيب يكون مخرب ..
زبيدة ثروت على جمالها النادر.. تدرون كم طولها .. 148 سم فقط ..
من يصدق .. ندري قصيرة بس اللي ماندري انها قصيرة وايد ..
الحين قبل كل خطوة . دوري وين فيج حلو ..
يمكن عينج .. يمكن قصه ويهج .. يمكن جسمج مخصر .. مايندرى شنو فيج مميز جدا عن البنات اللي (( من حليوة الى عادية الى حلوة )) ..
ولين لقيتيه .. اخذيه رمز من رموزج .. ياختي حتى القبطان اللي كان بالرويات الاسطورية .. لما يجي اعور كان يلبس على عينه الغطا الاسود .. وكانو عاشقاته الاجمل ..
ولاحظي شي .. طبيعي جدا بالحياة .. البنت لما وايد حلوة من خلقتها . ماتلحظين انه على الغالب ماتفتكر وايد بشكلها تصير جنها اجنبية ..
واحنا اللي اقل منها بجمالنا نشتهي عليها هاللبس وهالمكياج وهالحمرة وهاللون ..
واللي تحمل جمال متوسط تكون اهيا تجتهد اكثر من الحلوة وتلاقينها تبرز هالشي ..
هذا كلامي لج كله مهم ومن الواقع ..
وتعالي الحين نشوف الحل ..
1- دوري وين ميزتج فيه .. وعليج بالحيل ..
2- لاتذكرين موضوع شعرج والباروكات جدام زوجج (( ماله داعي )) حتى لو هو متفاهم ,, بس كثر حنتج على هالشي .. بيلفت نظره اكثر بس على هالشغله ..
ولا بيشوف عينج ولا خصرج ولا شي .. لانه انتي ماعندج سالفه الا الشعر :s141:
3- لازم لازم كله ,, عشان ترقعين تهتمين باشيا ثانية اكثر من موضوع الشعر .. واستفيدي من هالعيب ..
يعني مثلا بشرتج وحدي لونها ,, و(( الخلفيه )) لاتنسين امتلائها .. والمكياج الفاتح .. والشغلات اللبنانية ..
بعدين لاحظي انتي ضروري ضروري تكونين ببشرة ممتازة ولون ممتاز ..
لانه تستعملين باروكات .. يعني شعرج كله متجدد وملون .. يمكن تكونين شقرا يمكن تكونين برونزية ..
4_يبيلج الحين تدورين وين يبيعون باروكات .. شعر بوي .. وتقصصينهم عند مكان بروفشينال وتحطين صبغ فيهم .. واخذي باروكة طبيعية ماتبين ..
(( يمكن بتايلند فيه ))
وخلي هالقصه عليج على طول .. البوي كات .. واحمي شعرج قبل لا تحطين الباروكة بنفس الشبك على الراس عشان لايصير ضغط ..
5- اما باختياراتج بالباروكات البقايه .. اخذي اشكال طبيعية وماتلفت النظر وتكون على الكتف ولونها مو اسود حيل ..
6- اخر شي عليج بالعلاج .. لو على قولتج من جدام .. وهم انتي زيدي الشعر بباروكات القذله ومن تحت ..
وبحثتي عن اماكن زينة . :080402ask_prv:
:rerrerek:
شوفي بالبحرين عندنا عياده (( لاد هير)) ..دكتور عراقي اسمه تحسين الوهب .. بمنطقة الماحوز .. في المنامة .. قريب من جامعه المملكة في المنامة ..
متخصص بزرع الشعر بالسعودية _ بالبحرين _ ببريطانيا ..
وهم شوفي اماكن ثانية ولاتسوين العملية الا عقب صلاة الاستخارة ,, وعقب لفتج كل مكان ودولة ..:hjy5jewf:
ولا تنسين الدعاااااااااااااااااااااااااااااااااااااااااااااااااااااااااااااء .. والطلب من الله ..:yaaaaaarb:
والحمدلله زوجج ريال متفهم والله لايغيره عليج
