انا سارووه حملت ووقف نبض الجنين تعالو واسسوني وانصحوني

[نـور الكويت]

اصبري ياقلبي انا اختي مابين النبض معاها الا برابع ورب الكعبه

تقول يكبر الجاهل بس مافيه نبض مابين الا باربع انطري اسبوووع الثامن وشووفي عن نفسج

وعسى الله يتمم عليج ويفرحج ياقلبي

 

[سارووه الاموره]

انا مو قادرا انام من التفكيرر .., انا احس بمغص خفيف يروح ويرد يمكن يبي ينزل ؟؟

 

[غلاي امي وزوجي]

الله يثبته يا رب

 

[chanel N22]

ساروه قلبي الله يعوضج خير واستانست ليما قلتي انج حامل بس الحمدلله على كل حال واللي ارزقج مره بيرزقج ان شاء الله مره ثانيه والعمر جدامج يالغاليه قولي الحمدلله يارب الشهر الياي تبشرينا والجميع يارب

 

[سارووه الاموره]

حبيبتي شانيل توني عاد ببشركم انا قلت بشوف نبضه وابشر كل العالم ويالله خيره الحمدلله ع كل حال

وعسى الله يرزقج ويرزقني حبيبتي الذريه الصالحه والمحرومات اجمعين ..,

 

[كبرياء اميرة]

حبيبتي انتي نزل معج دم والالا

وتحسين بمقص ببطنج

 

[كبرياء اميرة]

انا مابين النبض الامتأخر قالولي مافيه نبض بس كيس ورحت لهم بعد اسبوعين والحمدالله بين النبض

فيه بنات مايبين الا بشهرين ونص

 

[سارووه الاموره]

لا مانزل دم

ومغص خفيف يروح ويرد بس مو ملازمني يرووح بعدين بعد ساعه يرد

 

[angel_soul_1989]

رد : انا سارووه حملت ووقف نبض الجنين تعالو واسسوني وانصحوني

الله يرزقج بالطفل السليم المعافى وعليج بقراءة سورة البقره وتصدقي وخيره الي الله كاتبه بيصير لاتعترضين وقولي الحمدلله على كل حال

 

[@الليدي لين@]

رد : انا سارووه حملت ووقف نبض الجنين تعالو واسسوني وانصحوني

الله يعوضج خييير يااارب

 

[om-3abodey]

الله يكون بعونج ولا تياسين امي قالوا لها البيبي ميت وهي كانت حامل بالشهر ال6 قالوا خلاص بنزله وامي قالت لا وتروح من مكان لي مكان لمن اخر شي الحمدلله ولدت ويابت احلى ولد من اخواني
خلي املج بالله كبير وتفائلي
انا عند ظن عبدي بي
روحي مكان ثاني سوي سونار واذا نفس كلامه قولي الحمدلله خيرة
وربي بيعوضج ماتدرين الخيرة بامر ربج شنو يقولوج سبحانه الله الرحم يطرد البيبي الي فيه تشوهات او اي شي احسن من هو يتعذب وانتي تتعذبني بس انتي تفائلي وروحي سوي مرة ثانية وان صار او ماصار احمدي ربج وادعي ربج يعوضج بالي اخير منه لج
انا هالحمال صار متاخر وكانت الدكتورة تقولي حملج ضعيف والنبض كلش ضعيف اصلا حتى 3 مرات احلل ويقولون لي ما في حمل
والحمدلله ربج تمم علي حملي والله يتمم عليج ويفرح قلبج وقلب ريلج يارب بالضنى

 

[جمالي ايطالي]

انا مابين النبض الا بالاسبوع التاسع


نطري حبيبتي وباذن الله بتسمعين النبض

 

[:: Diva ::]

لا تستعيلين يا حياتي
انا ما بين الا بالاسبوع التاسع
روحي مستشفى لندن و سوي سونار

انا سويت الداخلي و ماصار فيني ولاااااا شي
الله يطمنج
بس نطري شوي

 

[سارووه الاموره]

مشكورين حبايبي انا راح اروح واشوف ..

 

[غلا عيوني]

رد : انا سارووه حملت ووقف نبض الجنين تعالو واسسوني وانصحوني

خيره ان شالله الله يرزقج بغيره يارب وروحي سوي تنظيفات قبل لايير فيج اسمالله عليج تسمم الحمل والتظيفات ماتعور بس بنج وتقومين مافيج الاعافيه الله يعوضج ان شالله

 

[يا عيون سمي]

اللله يعوضج يارب

 

[مرمر زماني]

رد : انا سارووه حملت ووقف نبض الجنين تعالو واسسوني وانصحوني

حبيبتي تتاكدي بالاول عيدي التحليل وديري بالج تسوين شئ قبل لا تعيدين التحليل صار معاي نفس الشئ في بنتي وقالولي بمستشفي العدان البيبي شكله طاح وسويت سونار داخلي وقالي نفس الكلام وحولني علي الطوارئ عشان يسوولي تنظيفات بس ربج عالم ريلي كان معاي وقالي نروح نعيد التحليل وفعلا رحت مختبر ابن سينا وعدته وطلعت حامل ويبت بنتي الله يخليها لي ان شاء الله تكونين حامل والله يتمملج علي خير

 

[noorq8]

حبيبتي بقول لج تجربه فريششش,أعرف عروس سافرت بالسياره سوريا وماتدري انها حامل وهناك حللت وعرفت بحملها وقعدت اسبوعين وعقب رجعت بالسياره (متخيله التعب) ونزفت وودوها الطبيب قال الجنين مافيه نبض والحمل توأم ولازم تنظيفات وسبحان الله استخارت وقالت بارتاح وأشوف يوقف الدم والا ينزل الحمل وارتاحت فتره ماتحركت وعقب راحت فحصت قال الحمل توأم والنبض طبيعي يعني كانوا بينزلون لها توائم ربي رزقها اياهم لاتستعجلين التنظيفات صبري فتره اسبوع 10 أيام وتأكدي من التحليل أول تالي جيكي بالسونار والله يهون عليج.

 

[لمسة شقاوة]

رد : انا سارووه حملت ووقف نبض الجنين تعالو واسسوني وانصحوني

حبيبتي خليه ينزل الكيس من نفسه انا صار معي كذا والحمدالله وع التنظيف ماراح تحسين بشي

 

[سارووه الاموره]

بسالج ^^^ لمن ينزل الجيس اروح اسوي تنظيفات ولا لمن يوقف الدم اروح والله ضااايعه مادري شسوي ؟؟