انا سارووه حملت ووقف نبض الجنين تعالو واسسوني وانصحوني

[jawaa]

حبي ذكري الله موقفج صعب اي بس خلي إيمانج بالله قوي وهذي روح قبل لا تسوين شي تأكدي قالولج البنات في ناس مايبين معاهم شنو بينقصج منها تتاكدين وهم تشوفين الدكتور شينصحج فيه الله يكون بعونج

 

[سارووه الاموره]

انا توني راده من الدكتورا شلون متى اروح اراجع ؟؟؟؟؟؟؟؟

 

[ام كوشه منكووشه]

رد : انا سارووه حملت ووقف نبض الجنين تعالو واسسوني وانصحوني

حبيبتي نصحيه من اخت لا تستعيلين روحي سوي سونار ثاني وثالث ورابع عند اكثر من دكتور وقارني الكلام وتاكدي كل شي خيره من ربج

بعدين واايد بناات مابين النبض معاهم مبجر يالله بالاسبوع ال8 او ال9 يسمعونه

اللى عليج الحين انج تستغفرين ربج وتصدقي وروحي سوي سونار وخلى ثقتج بالله كبيره وعسى ربي يكتب اللى فيه الخير والصالح لج ان شاءالله

 

[شيــوخه]

لا اله الا الله

استغفر الله يااربي

والله انصدمت يالله خيره الحمدلله ع كل حال وانا ماراح اسوي شي بنطره بنزل من نفسه ..

ان شاء الله مافيه شي

حبيبتي لو مافيه نبض وميت من زمان الرحم يرفضه يعني ابروحه ينزل

نطري اشوي وشوفي

 

[ام كوشه منكووشه]

رد : انا سارووه حملت ووقف نبض الجنين تعالو واسسوني وانصحوني

حبيبتي دام انتى الحين لج 7 اسابيع و4 ايام نطري 3 ايام لمن تدخلين الاسبوع ال8 وروحي احسن

بس قبلها اقري البقره واستغفري وتصدقى وان شاءالله تسمعين الخبر اللى يفرح قلبج

 

[غلاي امي وزوجي]

فديتج ساروه يا الغاليه والله تضايقت عليج

بس ان شاء الله الدكتوره تكون غلطانه

روحي عند كذا دكتور وان شاء الله يفيدونج

 

[متيمه بهواه]

رد : انا سارووه حملت ووقف نبض الجنين تعالو واسسوني وانصحوني

عزيزتي انتي
سمعي كلامي بلحرف الواحد اوكي

كلي الي عليك هالحين تريحين نفسج ولا تفكرين كثير وكأنك ماسمتي رد الدكتوره طيب

توضي وصلي لج ركعتين واستغفر ربج وتعوذي من الشيطان لرجيم وطلعي صدقه بلي تقدرين عليه
وخلي أيمانج بالله قوي وش عرفهم الدكاتره مايعلم الغيب الى رب العالمين ياماناس قالوا لهم نفس كلامج وولدو وهم بخير وسلامه
وبان النبيض معهم ببداية الشهر الثالث

أنتي نطري بعد أسبوعين وروحي عند دكتوره ثانيه معرفوه عندكم بالكويت بس
أصحي تقولين لها الكلام الي قالوه لك بالمستشفى السابق

قولي لها
جايه اتطمن بس لاتخبرينها بالي صار
اوكي

وتوكلي على الله
((ومن توكل على الله فهو حسبــه ))


وربي يرزقج بالذريه الصالحه يارب

 

[هواي حضرة سموه]

رد : انا سارووه حملت ووقف نبض الجنين تعالو واسسوني وانصحوني

انا مو متزوجه بس اغلب رفيجاتي متزوجات واسمعهم يسولفون عن الحمل والولاده ويمدحون مراجعات مستشفى العدان روحي راجعي فيه وتأكدي لانهم دكاتره كبار وخبره ومن زمان موجودين روحي راجعي عندهم وتأكدي والله يثبته وتولدينه بالسلامه وتفرحين فيه معرس

 

[زمزم 2010]

رد : انا سارووه حملت ووقف نبض الجنين تعالو واسسوني وانصحوني

الله يفرحج بسمااااع النبض وانتي ليش مستعيله استغفرالله مقدرة سالفه صدمتج وماتبين تعيشين على امل

بس ربج كريم رازق رحمن رحيم ... تو الناس انطري بعد اسبوعين اذا مانزل سوي سونار يمكن البيبي صغير ومايبين النبض

لاتقنطين من رحمة ربج

واستغفري ربج وادعي وتوكلي عليه

والله يفرح قلبج بالضنا السليم المعافى اللهم امين

 

[really cat]

خلى ايمانج قوى بالرب

وسبحان الله هو مدبر الأمور

وانا مع البنات روحي اكثر من دكتور تطمني
السالفه تستاهل هذى روووح

 

[جنى فهد]

رد : انا سارووه حملت ووقف نبض الجنين تعالو واسسوني وانصحوني

مساء الخير
بليز سارة - لا تستعيلين - هذي روح - واللي الله كاتبة خيرة - روحي اي طبيب خاص او مستشفى خاص بس نطري شوي لان ساعات النبض ما ينسمع الا بالاسبوع التاسع او العاشر وبعض الحالات اكثر - صبري و صلي صلاة الحاجة وطلبي ربج واستغفري بنية سماع النبض وتصدقي حتى لو بمبلغ بسيط لو دينار - ادري الكلام سهل عندي بس والله ابيج تصبرين وتسمعين راي اكثر من دكتور - واذا اجتمعت الاراء على نفس الشي توكلي على الله وسوي تنظيفات بس عقب ما تسمعين راي دكتور ثاني ويفضل يكون طبيب خاص دار الشفا او السلام او المواساة - والتنظيفات ما تعور لانج بتكونين في بنج كامل تنامين وتقعدين وبس - واعتقد انها تساعد على سرعة الحمل عقبها لان الرحم يكون نظيف ومستعد يلقط بسرعة

واسال ربي القادر على كل شي بقدرته وفضله ورحمته انج تسمعين النبض - بس بليز بشرينا نبي نفرح لج ونفرح معاج

 

[(أم نونو)]

رد : انا سارووه حملت ووقف نبض الجنين تعالو واسسوني وانصحوني

الله يعوض باللي احسن منه يمكن خيرمن ربج انا مريت نفس حالتج لما سقط قبل خمس شهور تعبت حيل وما احب احد يكلمني بخصوص الحمل وقعت شهرين مابي اسوي مارجعت ولا ابي افكر مع ان بعد ماسقط تخربطت الدورة حيل وتوني بديت اراجع

ربي يعوضج باللي احسن منه

 

[موجة ~ بحر]

روحي خاص تاكدي بالاول

 

[كويتيه مذهله 87]

والله تبين نصيحتي
ذاا تبين تتطمنين ان حملج زين
سوي تحليل هرموني وبعد 24 ساعه سويه مره ثانيه اذا أدووبل يعني سليم حملج

واذا لا سمح الله ما كتبلج
لا تشربين شي انا مثلج شربت ونزل علي نزيف واخر شي قالولي فيه بقايا برحمج مانزلت وسويت تنظيفات يعني تعذبت مرتين
وبالعكس التنطيفات زينه تنظف رحمج عدل وتنشط المباايض جنج ماخذه علاج وبسرعه تحملين

 

[اشتياق]

تأكدي قلبي عند كذا دكتوره قبل لا تسوين تنظيفات
الله يكتب لج الخير يارب

 

[بحر الذكريات]

الله يثبته لج يارب

انطري بعد اسبوع لان النبض يبين بالاسبوع الثامن وعسى الله يطمنج ويكتب لج اللي فيه الخير يارب

 

[جوري 2007]

الحمدلله على كل حال

انا نفسج ماكان فيه نبض ونزل علي بالبيت وعقب شهرين حملت مرة ثانية

شوفي حبوبة معروف انه الحمل عقب الاجهاض يكون سريع وفرصته كبيرة لانه الرحم والبويضات تكون نشطة

والله يرزقج بالضنى الصالح المعافي

 

[دآنة آلرشآيده]

هلا سارونهـ لاتستعجلين ياقلبي
نطري ولاتسوين تنظيفات ..
ان شاء الله يبين النبض بع اسبوع
او اسبوعين

ان شاء الله الحمل ثابت
بس انتي كثري الاستغفآر

 

[حبيبة ملوكي]

لا حبيبتي مالج شغل فيها لاتنزلينه وع قولة البنااات اللي ردو عليج واااااجد حريم مابين معاهم النبض الا بالشهور الاخيره وخليه اذا الله موكاتب ينزل بروحه واالله يكتبلج الخبر ويرزقج الذريه الصالحه

 

[De3La^85]

رد : انا سارووه حملت ووقف نبض الجنين تعالو واسسوني وانصحوني

سوي سونار بمكان ثاني بس علشان تطمنين

انا نفسج ومن غبائي ثاني يوم سويت التنظيفات والحين متحسسسسفه اقول يمكن الجهاز خربان يمكن الدكتوره ما انتبهت قمت اوسوس

الحمدلله على كل حال وان شاءلله تكون خيره ماتدرين ربج شكاتبلج

والله يرزقج الذريه الصالحه السليمه