انا حبيت قبل الزواج هل يمكن اخون ريلي بعد الزواج

[Wa6an Elnahar]

وآنا للحين مصـره ان الحب مو حرام
آنا قلت علاقه الحب اهيا اللي حرام
لكن الحب نفسـه لأ وعمره ما كان حرام اصلن
وانتي بعد اختي لا تفتيـن
لأن الحب عاطفـة محد يقدر يقاومهـا
وفطرة انسانيـه فينا كلنـا ..

وانا معاج وكلامج صحييح

 

[Wa6an Elnahar]

السلاام عليكم مرة ثانيه .... ليش التهجم و القسوة على البنت ... البنت سألت سؤال هذا اول شي ... الشي الثاني يا محفوووظن السلامه في منكم سأل شنو المغزى من طرح الموضوع ... اتوقع البنت مو ملزووومه ولا مجبووووره انها ترد او تعطيكم اي نبذه من حياتها الخاصه و هذا موضوع ماراح ينشر الفتنه ولا راح يغير من امور الدنيا شي ... البنت سألت مجرد اسأله عاديه وز اللي يبي يجاوب واللي ما يبي لا يدش الموضوع من الاساس ... ماانكر انه الموضوع حساس و على فكرة ترى مو كل البنات منزلين من السما في اللي تغلط وتصلح غلطها وفي اللي تغلط و تكمل بغلطها و في اللي ما تغلط ولا تسمح لنفسها بأنها تغلط ... الموضوع المطروووح جدا جدا عادي ... و على فكرة عشان الامور ما تختلط وايد كله تسولفون عن خيانه الرياييل حق الحريم ... اشوفكم ما اشتطييييتوا جذيه كثر ما ودكم تذبحون البنت هني ... و الشي الثاني ماشاءالله في بنات ما يدقون على حبايبهم السابقين لا ... شرايكم باللي اتعرف على رياييل يديد !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! منو ممكن ترحموون من هالنوعين ... هالنوعين من البنات او من النساء ما يستحقون الاحترام او العيش بالمجتمع و نفس الشي بالنسبه لرجل اللي يخووون ... ولانه بطبيعه الرجل الحيوانيه نعذره و نقول عادي اذا خان مصيره يرجعلي ... حطو ببالكم شي واحد انه الريال و المرة خييييييييييييييييرتهم انسان مكون من اشيااااااااااء كثيرة كثيرة متشابهه ... الحساب عند رب العالمين متساوي ليش انتو عندكم المرة اكثر من الريال ... ماشاءالله هذا و انتو حريم ... عيل الله يعييين لو كنتو ريااييل شنو كنتو بتسووون .. والله انكم ماراح تحترووون كثر الحرة اللي احترييييتوه من الموضوع هذا ... اللي بوصله كلنا انغلط الا من رحم الله خاصه هالشي لانه يعتبر من الكبائر ... اللي بقوله وبوصله انه البنت طرحت موضوع للمناقشه فقط لا غير اللي يبي يناقش بوديه حياااه الله اللي ما يبي لا يجرح او يتعمق زياده بالكلاام ... واتمنى انكم ماتفهموني غلط او تاخذون كلاامي على اني أأيد الخيانه بالعكس انا اول وحده اقول لاء للخيانه ... وسلاامتكم ... واشكرج على طرح هذا الموضوع يا توني متخرجه ...ودمتم بووود

وربي كلامج ينحط عالجرح يبرى والله كليتو البنت ما سوت عليها وصاجه اختي الموضوع عاااادي و اللي موعاجبه الموضوع لايرد ليش التهجم ؟

 

[ام الفهد712]

العفوو ياااقلبي

انا موو عصبه وعلى شنووو اعصب على اشي مااايسوى بس مثل مااا انتي عندج رااي وهم احنااا لنااا راااي

وعلى العمووم مشكوووره على الموضوووع اللي للاسف خذااا اكبررر من حجمه

 

[قلبي ابيض]

الله كتب الستر والزواج بعد اشحقه الوحده ترد وتدقدق على واحد كانت لها علاقه معاه قبل؟؟؟ التفكير بهالموضوع بحد ذاته خيانه اشلون لو كان فعل؟؟ اهي كانت جدام عينه من قبل لاتتزوج لو كان صج ريال جان خذاها وثاني شغله شي طبيعي الشخص اللي لها علاقه فيه بدون زواج بيقولها كلام حلو وماراح يزعلها ويدللها وماتشوفه الا باحسن الاحوال وهالشي طبيعي لان الهدف اللي في باله معروف بياخذ منها شغله وبيقطها وخصوصا لي درا انها تزوجت بيعاملها احلى واحلى لان الطريق مفتوح جدامه واحسن من البنت اشرايج؟؟ اما الزوج بتكون معاه بكل الاحوال الحزن والفرح والوناسه وضيقة الخلق فشي طبيعي لما تقارن بتشوف ان هذاك ماكو مشاكل بينهم اما الزوج لا اكو بعض الشغلات اللي فيها مشاكل علشان جذي ترا المقارنه غير عادله واعتقد اللي عقب ماتتزوج تحن على رفيجها الاولي وتردله تستاهل الحرقه وعساها ماتتهنى لانها صج ماتستحي ومو كفو الستر اللي الله كاتبه لها ولو يصير بالعكس وتكتشف ان ريلها دق على رفيجاته ملوت قبل جان قومت الدنيا على راسه واعتبرته خاين بس اهي لا عادي شريفة روما
عموما اللي تسوي جذي بعمرها ما اعرفت الحب ولا راح تعرفه لان ضميرها ميت عادي عندها تكلم جم واحد بنفس الوقت وعادي عندها تحط راسها عالمخده وتنام وجنها ماسوت شي عسى الله لايوفق ولا وحده تسوي هالسواتنفس الراي

 

[the^mother]

شنو معناة الحب عندكم ؟؟

اذا في حب يعني لازم تكلمينه وعلى قولتهم تبادل مشاعر

واذا كان هالحب خارج اطار الزواج ( وهو كذلك من عنوان الموضوع )

فهو لايجوز ... يعني لا يرضي الله

وتهل تعتقدين ان حياتج راح تتوفق وانتي مغضبه رب العالمين ؟؟؟

العين تزني ... والاذن تزني ...

لان النظر للحبيب يعتبر زنا ... ( واكيد ماراح تحبين واحد ماتعرفين شكله ولا ما شفتيه )

ولا تقولون لي ابي اعرفه قبل الزواج عشان نشوف افكارنا تتوافق ولا لا

نفرض انكم ما توافقتوا بالافكار ... تقعدين تكلمين كل واحد قبل الزواج على اساس بتدرسون افكار بعد ؟؟؟

مافي مانع اذا طلب من اهلي يقعد وياي ونتفاهم بوقت محدود ... بس مو اني اقعد وياه اشهر

ومرات سنين على شان اشوف يصلح لي زوج ولا لا

النصيب اني اعرف منو تقدم لي من سؤالنا عنه وعقبها اتوكل على الله هذا النصيب

هذا اذا كان الحب على اساس نية الزواج

وما اظن ان هالزواجات تستمر ....

انتي اسالي عمرج .!! شمعنا حبني انا بالذات ؟؟

لاتقولون من الله لا ... الله ما يحرض الناس على المحرمات

هذا من الشيطان لان كل كلمه وكل نظره وكل لمسته تاخذين عليها اثــــــــــــــــــــم

بس اللي تكون متزوج ما تسال نفسها ليش حبني بالذات

لان جوابه واضح ... لاني زوجته وام عياله وحلاله واهله جدام الناس

وانتي جاوبتي على نفسج

ليش تعتبرين الحب خيااااانه ؟؟

الا لانه شي غلط

هذي وجهة نظري

 

[توني متخرجه]

مع الاسف حبيييييييباتي

1828 مشاهده للموضوع

85 مشاركة

ولا وحده عطتني الراي الصح :0bee2e8d89:

العموم اذا تبون تسكرون الموضوع انا موافقه:dddds:


​

 

[هوفه]

والله يعتمد على معدنج

 

[the^mother]

حبيبتي الظاهر تبين الراي اللي يعجبج مو سالفة صحيح ولا غلط

او انج ماقريتي ردي

!!!!!!!

 

[توني متخرجه]

حبيبتي الظاهر تبين الراي اللي يعجبج مو سالفة صحيح ولا غلط

او انج ماقريتي ردي

!!!!!!!

حبيبتي منو قال ردج ما عجبني كفايه مشاركتج حيااااتي

ابي شي في بالي

مو غلط اني ما اقول رايي

مثل ما آنا احب رايج وراي الخوات الافاضل

كلكم على راسي بس الردود مو إللي ببالي

​

 

[درقاء]

اختي توني متخرجة ،، حبيبتي
وخواتي الحبيبات

السلام عليكم جميعا

بالنسبة للحب ،، لاو عيب ولا هو حرام
حرام اذا كانت العلاقة جسدية ولم تكن عفيفة وطاهرة وشريفة

الحب الصحيح هو اللي يعف الواحد ويخليه ما يسوي الشي الغلط (( اللي يحب صج ويعرف الصح من الغلط واللي ما يرضا على حبيبته ةعليه من الوقوع في الخطأ )) ،،

الحب ابدا ماكان عيب ولا حرام ،، بالعكس الحب شي سامي ورائع جدا ،،
مشاعر واحاسيس وعاطفة ،، شعور وايد حلو ،،، لكن لازم يكون موجه صح ،، ولازم الوحدة قبل كل شي
تشوف الله جدامها وتحطه بين عيونه وتعرف ان الله فوقها في كل تصرف وفعل وكلمة ،،
وثاني شي تشوف أهلها اللي ربوها ،، تحطهم بعيونها (( اذا فقدت ثقتهم خلاص يروح كل شي ))
كلش ولا ثقة الأهل اذا راحت خلاص البنت صعبة تردها وااااااااااااااااااااااااااااايد صعبة !
اهلها اللي وثقوا فيها ،، ودودها وجابوها وعطوها وخلوها
تسوق تدرس تروح تطلع تستانس تسافر وموفرين لها كل شي ،، فليش تعور قلبها وتفقد ثقتهم
(( اذا كان الرجال يبيج ،، يطق بابج ))
اوكي نطرتيه سنة ،، اكثر لأ وألف لأ ،، تنطرين سنة ( اذا كان بيجمع فلوس، او يقنع أهله، أو يخلص دراسته) اوكي لكن اكثر من سنة ما انصح ،، تبيني عندك مجال سنة جدام ،، وما اكلمك في هالفترة خاصة انه ضميري يأنبني في اني قاعدة اخون ثقة اعلي فيني وانا اكلمك (( هذا اذا كانت البنت صادقة في حبها ةنيتها وماتبي تلعب )) تسكرها من اولها تبيني هم انما ابيك لـــــــــكن ،، اني اقعد اكلمك سنة او اكثر فما اقدر استمر ،، وسنة تراهي كافية اذا كان في نيته شي مثل ما ذكرت فوق في انه اذا كان ناوي يكون روحه او من هذا القبيل ،، فليش تتعلق البنت اكثر من سنة ،، اذا صادق في نيته وحابها راح يجيها !

ممكن كلامي يدش قي بعض بس لأني اذكر قصة وحدة قريبة حيل مني كنت عاشية معاها لحظة في لحظة _ رفيقة دربي كانت ماره في هالتجربة وانقل لكم اللي حصل معاها ،، للرد على اسإلتج اختي الحبيبة وعشان انصح البنات ،،

يعني والله يعلم اني كني انا اللي عايشة قصتها من كثر ما انا وياها حيل ومتأثرة في قصتها ومعاناتها ،،

البنت الله يسلمكم ،، تعرفت لها على واحد عن طريق النت
مع العلم البنت مؤدبة واخلاق وربي ذهبة وفيها من الدين واااايد يعني مو خربوطية فيها تقوى !!!
والكل يشهد لها في اخلاقها وأدبها ،، هذا مو موضوعنا @@
كانت فكرتها انها لا يمكن انها تكلم شاب لو شنو ،، وتنقد عالبنات اللي جذي ! وتنصح البنات اللي جذي !
وهم كانت في نفس الوقت اذا كان الحب عفيف وطاهر ونيته الزواج مافي مشكلة !!!؟؟
المهم
سنين مع النت تعرفت على واحد كان معاها بالمسنجر سنتين وكان الشاب واايد مؤدب وحبوب وعرفت اسمه وعايلته،، واهو مايعرف عنها الا اسمها ( نيك نيم ) بعد مو الصجي ،،
مع الأيام ،، ياها استعباط قالت خل اعبط (( غريبة )) !!
تذكرون بنات في قبل شغلة تدزينها عن طريق التليفون ايـــــــــــــــه عرفت اسمها book mark هذا مسج تكتبينه وطرشينه حق اي رقم بدون لا يطلع رقمج @@
فقالت رفيجتي يلا خل اجرب وايننه ( ظامنه انه رقمها ماراح يطلع ) ،، وتدز book mark حقه ،،
مع الأيام وعادي تكلمه بالمسنجر ومرة يابلها طاري وقال لها بسإلج سؤال وتجاوبيني بصراحة ؟
قالت اوكي ،، قال لها في مسجات قاعد توصل لي من رقم غريب // انتي @@
قالت له لأ ،، قال لها مادري حاس انه انتي
قال لها اول 5 ارقام جان تنصدم رفيجتي شلووون ما يطلع رقمي قالوا الي ماراح يطلع
المهم قال لها تطمني رقمج بالحفظ والصون بعيوني راح احفظة وصدقيني لا تهقيني اني مثل الشباب الصايع
انا عندي خوات
وتمر الأيام ،، مرة واحنا طالعين قالتلي درقووه طرا علي اني ادق عليه @@
انا استغربت شفيها ،، اول شي قلت لها لأ يا فلانه ،، بس قلت لها كيفج انتي بنت كبيرة وفاهمه وانتي وكفيج بس لا تندمين بعدين ،،

وبيني وبينكم ما هقيتها راح تدق لأن البنت اعرفها مو مالت هالسوالف @@

وتدق عليه (( حتى اهة استغرب )) قال لها ابدا ما توقعتج يا فلانه تدقين انتي لو النخلة تموت انتي ما تسوين هالشي !! اهي قالت له يا فلان صراحة انا داقه بس اسلم مادري ليش طريت علي !!

وبعد هلاتصال قاموا يدقون على بعض بس من وقت لي وقت مو كل يوم ،، يعني بالسبوع او بالاسبوعين مرة وجذي ،،،


ماقدر اكمل بعد لأنه دوامي خلص بروح البيت

حبيبتي اعذريني طولت عليج واااااااااااااااااايد ادري ،، بس راح توصل لج اجابات حق اسإلتج لأني بسأل في نقاط ناسيته خل اسأل رفيقة دربي وارد عليكم ان شاءالله ،،
وهم في اشياء واايد مفيدة لكم يا خواتي ،،


(( عسى ربي يستر علينا وعلى بناتنا والمسلمين اجمعين ياااا رب ))
قولوا آمين


وللحديث بقية ،،، <---- إن سمحتوا لي !

:eh_s(8):

 

[كحيلة]

حبيبتي هذا موضوعج وكيفج واللي مو عاجبة مو لازم يرد
مثل ما الموضوع عاجبج اكيد راح يعجب غيرج
ونادر ما تلاقين بنت هالايام ما كان عندها سوابق قبل الزواج انا قلت نادر مو كلهم
بس تاغلط انها ترد بعد الزواج حق هالسوالف
واللي تسوي جذي هذي انسانة ما عندها ضمير ولا اخلاق ولا تحب عيالها بعد
يعني الوحدة ما يصير تقول مثل ما خاني زوجي اخونة
لاااااا عيب اذا الزوج ما عندة ضمير شي راجعلة لان بالنهاية العيال راح ينحرفون
وسبحان اللة المرة طبيعتها غير عن الريال ما تقدر تسوي هالشي لان مجرد ما تشوف عيالها قلبها ينكسر واذا خانت ابوهم يعني تخونهم اهم
واللة يستر عالجميع وبالنسبة حق المعارضات عالموضوع مو لازم تكتبين قصتج عالاقل شاركي بالموضوع وعطي رايج بذرابة

 

[ملح مكتت]

لييش اجاوب مالة معنىىىىىىى

 

[المياسهf]

مستحيل

 

[ســــــــــما]

انا كنت ابي اعرف شنو مصير الحب الاولي القصد هل انه حب ولا كلام

اذا الوحده ما تبي الحب القديم عيل ليش تكلمينه بالاول

بس المشكله البنات والحريم ما يبون يتكلمون هذا القصد
ما يبون تتذكر الماضي عشان لا يضعفون حبيبتي

هذا إللي ابيه بالضبط

اذا مابينج وبينه اتصال ليش تعرفتي عليه وانتي بنت​

تعرفت عليه واهيا بنت لانها كانت صغيره
او يمكن ما كانت فاهمه شنو اهوا الحب
او كان يتهيأ لها انها تحبه ومع الوقت اكتشفت ان ما يصلحون حق بعض
او خافت ان يهدها فأول ما انخطبت تزوجت قبل لا يهدها (يعني يمكن تكون شاكه بحبه لها وخافت لا يهدها) فقالت اهده قبل لا يهدني وأتأذي


وااااااااايد اسباب تخلي الوحده تتعرف على شخص وتحبه ويحبها ووايد اسباب تخليها اتهده وتوقف علاقتها معاه


بس انتي شنو الي محيرج ؟؟؟


وحده عرفت واحد وحبته وبعدين خطبها واحد ثاني

اهيا بإرادتها هدت الي تكلمه ووافقت على الي خطبها

خلاص المفروض الحبيب الاولاني يطلع من حياتها نهائياااااا دام انها قررت تهده ووافقت على الي خطبها

لازم تلتزم في زوجها ( تحبه وتطيعه وتخلصله حتى بينها وبين نفسها تخلصله)

واذا اهيا مو قد الاخلاص ليش من البدايه وافقت انها تتزوج ؟؟؟

لازم ما تتزوج الا واهيا وااااثقه كل الثقه على انها قادره تنسى الماضي وتقطه ورا ظهرهاااا ...

اتمنى اكون افدتج ..


على فكره حبيبتي ترا كل هذي التساؤلات مالها اي داعي ولا لها فايدة

هذي التساؤلات من ابليس والعياذ بالله منه

تعوذي من ابليس

لان ابليس والعياذ بالله منه ايزين المعصيه

اذا المعصيه طعمها مر اهوا يصورلج ان طعمها عسل


أعـــــــــــــــــــــــــــــــــوذ باللـــــــــــــــــــــه من الشيطان الرجيــــــــــــــــــــــــــــــم