انا حامل ونازله مشيمتي شلون علي المجلس الطبي يا معلمات

[مس ام عمر]

خواتي

انا حامل بأول الرابع ونازله مشيمتي
ووايد تعبانه عندي عيالي صغار 7 شهوور

الدكتوره قالتي لازم راحه تامه وكتبتلي تقرير رحت فيه مجلس طبي وكتبولي بس أسبوع مالت عليهم:eh_s(13):

الحين يوم الاثنين داومت من بعد المرضيه والناظره ماده بوزها شكلها معصبه
شسوي يعني مو بيدي والله قاعد احاول ما أتعب نفسي

والشغل كلا علي راسي ماسكه صفين

الحين اقترحت علي رئيسه القسم استلم صف واحد والله تعب علي
قاعد تغط نغزات ان توني مخلصه من اجازه الامومه وما اقدر بعد اخذ اجازه ثانيه
والله موبيدي
يعني اعاتب منو أستغفرالله خصوصا انا حاله خاصه حرمان 11 سنه من الذريه
منو مرت مثل حالتي وشنو سويتي
اطنش فيهم واهم شي سلامتي وسلامه الي اب بطني

 

[جبــرني اتركــه]

اب اب .. الله يخليهم لج يارب والصراحة ماعندي فكرة عن هالمووضع

 

[عهود الحب]

الله يتمم عليج الحمل وتولدين بالسلامة

 

[lolowawa1234]

من صجج 11 سنه وتوج تحملين ومداومه ومشيمتج نازله

يبه هذا اللي ابطنج رووح حافظي عليها امانه من رب العالمين بتنسألين عنها بيوم الدين يوم ماتنفعج ناظره همها الاحتياط منو يستلمه ولا رئيسة قسم تداري ناظرتها


المجلس الطبي يبي واسطه حتى لو كنتي بين الحياة والموت مايمشي الا بواسطه وله طريقه معينه سالي عنها بقسم منتدى الحياة العمليه بيفيدونج اكثر

بس نصيحه لج لا تهملين عمرج حراام والله

 

[جووان]

دشي جمعية المعلمين
راح يجابونج عدل
عن شروط المجلس الطبي

 

[معلمه متميزه]

اذا ماني غلطانه الي حمالها عزيز لها اجازه خاصه سالي بالوزاره .. حمالج ابدى لو تاخذين اجازة بدون راتب اهم شي حملج وعيالج ... وتسلمين ..

 

[درة أهل الطولات]

خيولي الدوااااااام

 

[Eva-SS]

الله يعينج

اذا ادارتج مو مقدره اسحبي عليهم لو تاخذين اجازة خاصة

والمجلس الطبي مو كله واسطه انا اعرف شكثر خذوه بدون واسطه بس حالتها تستدعي

 

[حبيبة فيصل]

حبيبتي أهم شي صحتج وعيالج والشغل ماراح يخلص
استانسي بحملج ولا تلومين نفسج
الله يقومج بالسلامه
واللي مايقدر حالتج الصحية لاتلتفتين له

 

[مشمشه شعوله]

اهم شي سلامتج وصحتج واقولها لج من واقع خبره الدوام صاحبهم القوي وما يبونج تتعبين كلن يدور مصلحته

 

[التحدى والاصرار]

ام عمر

انا اقولك شنو تسوين

خليهم يولون اهم شى حمالك اخذى اسبوعين وراهم اسبوعين
كله من دكتورتك وانصحك بماجده اليتامى

هم دايركت بيحولج مجلس طبي

جيب تقاريك

وتوكلى على الله وراح يوافقون لج

اذا ما وافقوا

عطيهم طاف واخذى طبيات من خاص

واهم شى حملك

لا تصيرين خبله وتفرطين باللى بطنك عشان عيون التربيه