انا حامل وعلي الدورة ...؟ اشلون ما أدري ...؟

[خوخة777]

السلام عليكم ورحمة الله وبركاته

انا كنت احس بأعراض حمل (عزكم الله) ترجيع ودوخه ولوعه نفس الاعراض اللي حسيت فيهم بحمالاتي الاوليه
وتأخرت علي الدورة 3 ايام وبعدها انزلت علي وخلصت منها قبل يومين بس
وحللت اليوم قالت لي الدكتورة حامل ...؟:gr4uu:
قلت لها بس اشلون وانا توني خلصت من الدورة..؟
قالت عادي قلت لها دكتورة اخاف نزيف ..؟
قالت لا هاذي دورة

في احد منكم صار معاه جذي نزلت عليها الدورة وطلعت حامل:gr4uu:

اسألكم بالله اللي تعرف ترد علي لاني حيييل حيييل حيييل محتاره

 

[the note book]

انا مره قريت موضوع حق وحده اهني بالمنتدى صايرلها مثلج ووايد بنات ردوا عليها قالوولها يصير الحامل تييها الدوره سبحان الله

و يقولون هذا يسموونه حمل الغزال


و الف مبروووك الحمل و الله يثبته لج ياااااااااارب

 

[الكريستال]

انا ما اعرف شنو السبب بس سامعة فيه ناس تييهم الدورة كذا شهر بعد وهم حمل

 

[new mother 2008]

والله ما عندي علم حبيبتي , يمكن دكتورتك كلامها صح و تصير عادي اكيد هي ادرى او يمكن مرت عليها حالات متل حالتك
الله يطمن قلبك و يتمم حملك على خير

 

[pink Engineerah]

اي عادي والعلم عند الله فيج بنت

 

[ام بديير]

حبيبتي عادي شي طبيعي ,., امي لما كانت حامل بأخوي كانت تيهاا الدوره ,., الله يسهل عليج ..

 

[noo7a]

الدكتوره اخبر
بس الي انا اعرفه ان بدايه الحمل مرات ينزل دم جم يوم خفيف بس ان مو دوره كامله
ويصير هالشي ان كان فيج بنت مثل ما قالت الاخت بنك انجنيرا

 

[اللمسة المخملية]

يصير انا قاريه عنه .. وممكن تييلج كامله 5 ايام

شوفي هالموضوع

http://www.q8yat.net/showthread.php?t=576218

 

[GucCiQ8]

اي حبوبه انا صار معاي نفس الشي وكنت جاكه اني حامل بس نزل علي دم وقلت لا موحامل
وبعدين ماطوول وايد معاي واستغربت وظليت فتره قلت خل اجرب احلل يوم حللت طلعت انا حامل وداشه الثالثت وانا مادري ^^
وفي ناس ترا تيي لهم الدوره واهما حمل .. يسمونهم حمال غزلاني ^^

 

[كويتيه مذهله 87]

بنت خالتي طووووووووووووووووووووووووووووووول حمالها تييلها الدوره صج صج سبحان الله يعني مو بس اول شي لأ كل شهر بموعدها تنزل عليهاااااا
وولدت وبنتها طبيعيه ومافيها شي حتي هالسنه بدش الروضه
لا تحاتين حبووبه

 

[خوخة777]

مشكورييييييين ع الرد
والله يعطيكم العافية
ما قصرتوا
وعسى ربي يوفق الجميع
ويريحكم مثل ما ريحتوني وطمنتوني

 

[ايمانو حلوة]

عادي وايد بنات يصير فيهم جذي هذا حمل غزلاني وممكن اتييج دورة دورة وممكن قطرات انا صارت فيني او 3 شهور من الحمل افرازات وردية والم دورة

وموشرط بنت او ولد عادي رفيجتي عندها بنت وولد وفي الحالتين تييها دورة وهي حامل

مبرووووووووووك

 

[مو عايشة بالدنيا]

حماتي كانت نفسج تقول كانت تييني جم شهر بعدين قطعتني
يعني عادي وايد ناس سمعت فيهم نفس حالتج سبحان الله ساعات يقولون هذا دم زايد ووصخ ينزل على المراة

 

[_Pure_]

سبحان الله
كل شي جايز

 

[ساندريلا]

هذا يسمونه حمل الغزال مرت ولد عمي صار فيها تقريبا 3 شهور تييلها الدوره اذا ماخانتني الذاكره
حتى وايد كانت مصدومه بحمالها

 

[فديت قلبه]

~ْ{...


سبحآن الله .. سمعت عن هالشغلة بس اول مرة ادري انهآ صج .!!!!!


....}ْ~

 

[noo7a]

انزين بنات بسال
اذا الوحده تيي لها الدوره طبيعي بحمالها
متى بتكتشف انها حامل ؟! لمن يتحرك البيبي ببطنها ؟!
لان احتمال تيي لها لوعه و دوخه و تحط ببالها انها وساوس

 

[auoma]

مومعقوله عيل كل شهر تشكين انج حامل شلون تعرفين اذا تيلج اول علامه للحمل اهي تأخر الدوره واذا نزلت هذا اجهاض منذر سبحان الله قادر على كل شي

 

[++The DuchesS++]

عادي حبوبه لا تحاتين ومبرووك الله يتمم عليج

 

[دلـع ^ العجـمان]

عادي ..
انا رفجيتي 3 شهور كانت تنزل عليها الدوره وما كانت تدي انها حامل بعدين حست ظهرهااا حيل يعورها وراجعت وقالوها مبروك حامل هذا الحمل له اسمم ناسيته يمكن غزاال لوووول لا تخافين ..........