انا جيكره ! كلام اقرب الناس لي عذبني انا راضيه عن نفسي بس يجرحوني بدون سبب تعبت

[MHOoOY]

اول شي ادري انه انا متاخره بس اسمعيني اذا احد قالج جذي عطيه خزه مو طبيعيه حتى لو انج خاايفه
انا قبل مثلج انا اسمي مها ويقولولي ماع مثل الخرووف وكانوا يعيرووني حيل كنت اتضايق تخيلي من يوم وانا صغيره بعدينن لما كبرت شوي اعتقد بخامس كل ما يقولولي اقولهم عدال انتو اللي متقطعين اسمكم حلوو اقولهم وانا ماده لسااني ويعع عااد هم يزيدون علي يقهروني وبعدين قمت اعطيهم خزات واخزهم خز مو طبيعي ولين اللحين محد يقولي شي لو احد قالي جذي اقول عدال انت واذا ما نفع اعطيهم خزه سوي مثلي والله بترتاحينن

 

[راجيه رضى الله]

اختي لا تضايقين بروحج ,, صدقيني اللي يعيب على الناس الله يبتليه بس البعض ترا ما يقصد انه يجرح او يضمر لج السوء البعض اسلوبه وقح وما يحس على روحه للاسف في ناس جذي .

انا مثلج ترا كانوا يعيبون على شكلي وانه حظي قليل وما راح اتزوج وسبحان الله انا اول وحدة تزوجت من خواتي تخيلي !

انا بيني وبين نفسي ازعل من كلامهم وبصراحة كلاممهم يضايق وينزل من معنوياتي لكن كنت ادعي انه رب العالمين يرزقهم ويزوجهم وربي كتب اني اتزوج قبلهم , وعلى نياتكم ترزقون .


انتي خلي قلبج ابيض ولا تحاتين شي وما عليج من اللي يحبط من معنوياتج وعيشي حياتج وانبسطي يا روحي والله يهوّن عليج .

 

[امـل لاينتهي]

ماكو بنية جيكرة بس في بنت ماتعرف تهتم بنفسها وانا حاسة انج موجيكرة نفس مايقولون بس يقصدون الاهتمام وهالزمن حبيبتي المنتديات متروسسة خلطات وطرق مومقصرين صراحة بنات هالمنتدى وباقي المنتديات النسائية عندج موضوه هذا استايلي انتي شنو ستايلج شوفيه عجبني يعلم الذووق ماشاءالله عليهم ستايلاتهم كشخة وخذت منهم افكار لاني مو ذاك الزود افهم بالملابس بس نتعلم عندج الميكب تعلمي والخلطات واهتمي بجسمج وشكلج انا يقولون عني جيكرة لاني ضعيفة كان وزني 40 بس اهتميت وشربت مكملات غذائية واكلت زين لين وصلت 46 لحين يقولون عني ضعييفة بس انا عاجبني هالوزن ومرتاحة منه بس المشكلة انهم يعايروني بطولي هذا شي ماقدر اغيره لاني قصيرة فالاغلبية يعاملوني ع اني ياهل الله كريم

 

[Japanese]

حوفي بقولج شي

مرت علي سوالف جي

فيه ناس ماتهمها مشاعر غيرها وللآسف يجوفون الجمال بعيونهم مب بقلوبهم

بكل هدوء ممكن تسكتين اي حد يقولج جي " الله خالقني جي بتتطنزون ع خلقه الله بعد؟"

مادري احس هالجمله تسكت صراحه

تصدقين عاد انا وايد يمرون علي ناس حلوين بس ماجوفهم حلوين من اخلاقهم الشينه!!! ووايد ناس مب حلوين بس سبحان الله

اتعلق فيهم ويدشون قلبي واجوفهم شي خيالي وكل هذا من الاخلاق، المعامله وغيره وغيره

ماعليج من آحد حبيبتي​

 

[MSA]

امبييييهه شالاسلوب ...
حبيبتي اذا قالوو لجج انتي جيكرة ومن هالحجي ، لا تسكتين ردي عليهمم ، لاكن برد محترمم
قولي لهمم : انا جيكرةة وراضية عن نفسي ، الحمداللهه ماني مشوهة ولا ناقصتني عينن ولا خشم ، وشكل عاجبني ، والجمال مو باللبس والشكل والجسمم ، سواء بطه او ضعيفة ، حلوةة ولالا مو حلوةة ، شكل عاجبني ، والجمال بالاخلاق ، جمالي بقلبي الابيض واسلووبي مع الناسس ، وين قاعدين كل كلمة والثانية انتي جيكرة وانتي جيكرةة ، يحمدون ربهم انتي ساكتهه عنهمم ، ولا تنسين الدنيا دوارة وبيصير فيهم شيء ، بيندمون انهم قالو لج انتي جيكرةة ، جججد حقدت عليهمم واللهه ، واللهه ماعليجج منهم جانج مستانسةة بحياتجج ، خليهم يقولون اللي يقولونن الليي يقولونه ...

انا ماقولجج تهاوششي وياهم لاو شيء ، لاكنن ادقريهمم ، تدرينن انتي جميلةة لاكن جميلة [ ياخخلاقججج ]

تحميليهممم ياقلببيي ولا تنسين اذا قالو لج جيكرة قولي جمالي بااخلاقيي


:eh_s(17):

 

[ajeeba_21]

حبيبتي أول شي خليج واثقه من نفسج وماعليج منهم أبد
ثاني شي بقولج سالفه صارت لي تقريبا مثل سالفتج
كنت صغيره يمكن عمري 12 -14 سنه كنت عند عمامي
وكانت زواره عندهم عاد تعالي شوفي جم عددهم
بنت عمي قالت لي أنتي يبيلج عمليه تجميل وضحكت
وكل اللي معاها ضحك وآنا تميت ساكته وتضايقت وآآيـد منها
بوقتها كنت ضعيفه واايــد وبعد 6 سنين قمت أهتم بنفسي
من لبس -جسم- شعر -بشره- كل شي
والحمد الله سمنت وبكل ثقه اقولج صرت الحين أحلى منها بمليون مره وأخوها قالها اني اشبه ميساء المغربي
والحين هي متزوجه واحد لايع جبده منها لانها مو حلوه لا من الداخل ولا من الخارج يعني وحده حقوده ماتحب الخير لأحد
الحين صارت تلوع الجبد وصارت تفتر من عياده لعياده
سبحان الله أول هي قالت لي يبيلي عمليه تجميل
الحين هي تفتر بالعيادات
واذا تبيني أساعدج مايصير خاطرج الا طيب
والله حاسه فيج لان هالشي آنا جربته وسبب لي أزمه نفسيه
واذا قالو لج هالكلام قولي في قلبج حسبي الله ونعم الوكيل ويبقى الجمال جمال الروح لان جمال المظهر فتره ويروح وبس
وسوري ع الإطاله

 

[اوتار الحياه]

حليك واثقه من نفسك ولا تعطيهم مجال يقللوا من احترامك قولي لهم يكفيني اخلاقي وقلبي الطيب اللي مايستهزء باحد خليك قويه

 

[orangiyah]

حبيبتي أول شي لازم يكون عندج ثقه بنفسسجج لو كان عندج ثقه جان ما أثرر فيج هالكلام !!
وثاني شي انتي مسويه بروحج جذي بييدج تحطين حق هالشي حد
الغلط انج خليتيهم يتمادون معاج لاتخلين شي بقلبج خلي اللي بقلبج ع لسآنجج
صآرحي أمج قوليلها إنتي أمي اقررب الناس لي تقولين عني جذي
عيل البعيد والغريب شنو بيقوول .. لاتسكين وخلجج واثقه من نفسج ولاتخلين بقلبج ​

 

[دآيم آلحب]

حبيبتي خلهم يولون انتي مقبوله ويمكن حلوه بعد بس الناس اذواق
يعني انتي يمكن تعجبيني بس ماتعجبينهم هم جذي ماتقدرين تمسكين لسانهم
انتي اهتمي بنفسج اكثر اذا تلبسين نظاره قطيها والبسي عدسات واذا ويهج فيه مشاكل
اعتني فيه كريمات ودكاتره حواجبج مو مرتبين خل الصالون يرتبهم لج بالمقص او التشقير
متينه اضعفي البسي واكشخي احسن منهم خل يحترون ولاتنجرحين ورددي الاستغفار
وحسبي الله ونعم الوكيل اهما مب احسن منج ذيلن ناقصات عقل واذا على امج
كلميها صارحيها قوليلها لانجرحيني لاتقارنييني بغيري اللي يعجبونج مب شرط يعجبوني

والله يكون في عونج لاتبجين وتنفخين عيونج وحطي كمادات بارده عليهم واسترخي ماعليج منهم

 

[نونه المنكوشه]

الحين مافى وحده جيكره انا اشوف كل البنات حلوين بس فى اللى اتعرف حق نفسها وفى اللى ماتعرف واظن انج من النوع الثانى شوفى شنو يبيلج مثلا بشره اسنان شعر يعنى عنايه مثلا غيرى ذوقج باللبس لبسى اشياء تبرز انوثتج والشى الحلو فيج والله بتشوفين شلون اتغيرين بس اعرفى حق نفسج عدل بتصكين عليهم كلهم وانتى اللى راح اتعيبين عليهم

 

[قدساوية 99]

حبيبتي لاتتضايقين والله في بنات اعرفهم سحووت سحوووت وثقة .. الحين مابقى شي ماسووه تغيرو من سحوت الى ملكات جمال كيرياتين وسوو تفخ غمازات عمليات بخشومهم تبييض أسنان تغيروو 180 درجة لو تحطين صورة قبل وبعد ماتعرفينهم انا ماقولج سوي نفسهم وعلى حسب كلامج تقولين انا عادية اوكي كلنا بدون اهتمام عاديات ويمكن اقل بعد اهتمي بنفسج دشي قسم المكياج والازياء بالمنتدى كل شي يديد وعالموضة موجود اهتمي ببشرتج سوي تبيض صج صج يغير الوجة

 

[عسل حدي]

طنشيهم والله ولا جنج تسمعين

 

[مياسـة القد]

طيب تسنعي لبسي كشخي اعتني ببشرتج
امج اقرب الناس لج اكيد تبي مصلحتج
وبعدين شوفي طريقة ظحكج يمكن تنرفز لما قالت لج بنت عمج انج جيكره
او يمكن البنات يغارون منج
الحل .... طنشي كلامهم وتسنعي

 

[newchlin]

شهالهلاقه شلون يسولفون معاج جذي ؟؟؟ @@

لا لا تظحكين تزعلين جدامهم خل يعرفون انهم غلطانيين واذا في مجال هديلهم المكان وقومي وابجي طلعي الي بقلبج خل يعرفون انج انسانه وانهم وحوش على هالكلام

شنو من بشر الي يقططون حجي جذي صج تنرفزت

 

[R-el.'3hanem]

حيآتي إنتي
آول شي لآزم يكون عندج قنآآآعه !
وبعدين لمآ تكون ععندج هالقناعه ماتسمعين لاحد وتيقنين انه كل انسان له جاذبيه وكل منا له حلاته وجمآله !!
وبعدين مآعطينهم مجآل يتكلمون مو كل من هب ودب يجرحج
لازم يكون سانج طويل وتعرفين تردين ، لان لو تتمين تسكتين لهم بيتمادون
اهما ماينفع وياهم الا طولة اللسان نفسهم عشآن ينجرحون ويحسون
وقولي لهم انج مقتنعه والحمدلله
وهذآ دليل الغيره يآ روحي :* ..

 

[WAAAW]

اي شي صج ناس ماعندهم احساس ومشاعر يا ويلهم من الله

لا يهمونج واي احد يقول عنج جذي وقفيه عند حده ولاتسكتين وتضحكين هذا غلط.. قوليلهم انا راضيه بخلقة ربي ويكفي اني بعين نفسي شايفه نفسي حلوه ......