انا جيكره ! كلام اقرب الناس لي عذبني انا راضيه عن نفسي بس يجرحوني بدون سبب تعبت

[لموره 2010]

حياتي انتي خليج واثقة من نفسج وثقتج بنفسج اهي اللي تخليهم يأمنون بجمالج

 

[فوشية]

الجكر موعيب
وبعدين اول مره اسمع بنت تقول عن نفسها انا موحلوه
العاده حتى اللى موحلوه تشوف نفسها حلوه
المشكله موفبنات عمج وامج
المشكله فيج
والا مافى بنت جيكره
لو تهتمين بنفسج عدل بتصيرين احلى احلى منهمـ

 

[جفاني الوقت]

الله يعينج
اب اب

 

[شبعآنه دلـع]

رد : انا جيكره ! كلام اقرب الناس لي عذبني انا راضيه عن نفسي بس يجرحوني بدون سبب تعبت

مالك شغل باي احد عيشي حياتك ولا تسكتين اذا قالوا جيكره علشان ما يتمادون والله يجعل فيك القبول

 

[o0سارآo0]

رد : انا جيكره ! كلام اقرب الناس لي عذبني انا راضيه عن نفسي بس يجرحوني بدون سبب تعبت

هلا شوفي اصراحة انتي معطتهم مجال يقولون الي يبون انتي قوليلهم هذا الاسلوب ماحب وربي خلق كل البشر
منهم الزين ومنه العادي وشخص مايحكم على شكلة وسالفت امج عادي تخيلي كل يوم امي معلقه على وعلى
اختي يعني عادي بس انتي سوي الي ريحج واهم شي انفسيتج

 

[سنووايت__]

رد : انا جيكره ! كلام اقرب الناس لي عذبني انا راضيه عن نفسي بس يجرحوني بدون سبب تعبت

سبحانه الله ناااس فاضيه من دااخل
يعايرون بنت على شي مو بايدهاا هذا خلق رب العالمين
ترى حرتج وقهر عند الله مايضيع
على طاري الحره والاحراج جدام الناس
فيه وحده اعرفهاا كانت توهاا متزوجه يعني حزتهاا تقريبا صار لها سنه
المهم كانت عند حمولتهااا وكانو حمولتهاا عازمين ناس ماتعرف حيييل
المهم من ضمن السوالف يابو طاري الزواج والطلاق
جان وحده من حمولتهاا تنط وتقول بصوت عالي وجدام الغرب
ايي كااه فلانه زوجهاا بطلقهااا
تخيلووو جدام الكل احرجتهاااا
طبعااا انقهرت بس لانهاا بنت ناس ماردت
سبحانه الله مادرت السنه الا بنتها تطلقت !!!
عند ربج ماااااايضيع
وهذااا مايمنع انج تحاولين تحلين نفسج بكريمات او مكياج مافيها شي

 

[hadoy]

الله ماخلق بنت جيكره
شوفي انا اختي كانوا يقولون عنها موحلوه والله لدرجه قامت ماتطلع للناس رغم ان شخصيتها حلوه تدرين شسويت
اضعفت واهتمت خلطات لشعرها وبشرتها اهتمت فيها وتعلمت عالمكياج وقامت تهتم حيل بنفسها والله بعد فتره شافوها انبهروا فيها حييييييييل اهم شي الاهتمام وزنج لايزيد حيل اهتمي بحسمج ورشاقتج

 

[ذهـبـيـة ~]

رد : انا جيكره ! كلام اقرب الناس لي عذبني انا راضيه عن نفسي بس يجرحوني بدون سبب تعبت

إختي أول شي وقفيهم عند حدهـم ، كل وحدة منهم لازم تعرف حدودها شنو وين قاعدين يقولون لج هالكلام !!

الحمد الله الجمال مو جمال الويه والشكل والجسم ، الجمال جمال الروووح ،،

خلج وااثقة من نفسج و لاتعطينهم مجال يتمادون

و الله يوفقج قلبوو


،،،،

 

[شوشو الشقيه]

يسلمو اختي لا يوجد بنت جيكره
بس محتاجه عنايه واهتمام
فقط
بس يمكن انتي لا تعتنين بنفسج
مثلا حفاف الحواجب يعطي للعين شكل حلو صدق والله
مثلا حفاف شنب لازم عشان تعطيج منظر انثوي
ما تخلين شعر صغير في وجهك عشان يكون ناعم
ثانيا قص قذله يعطي للوجه شكل حلو
اختاري قصه قذله مائله تعطي شكل حلو على اي بنت حتى لو جيكره
صدق والله
قذله وراها بف خفيف يطلع حلو على وجه صدق
عندج
كحل امبيه شنو يخلي العيون حلوه
بس لازم انتي تعرفين تغيرين نفسج لازم تعرفين تحطين كحل
احسن كحل من خبرتي كحل ماركه كراجااااااا
كحل فرعوني واايد حلو انا احطه في عيني
في اشكال كثيره للكحل اذا عيونج متوسطه الحجم حطي كحل فرعوني
اذا كبيره جداااااااا كحل او اي لاينر فقط من فوق
العطر استخدمي عطور من محلات جنيد
محلات جنيد وليس الجنيد طبعاااااااا هذا محل بحريني للعطور يوجد في جميع دول الخليج
عطوره روعه
شيء كلمن بيقول لج عطرك مميز
انا احب عطر دهن العود واحب عطر اسمه ذهب وعطر اسمه احساس (للنساء)

حق الرجال احب عطر اسمه الشيخ ادوخ عليه بذات لو اخوي حط منه ادوخ لانه ريحه اخوي
انا بصراحه ما كنت اهتم بروحي
فقط البس واغسل وجهي
خلال شهرين غيرت في نفسي
لدرجه الكل استغرب
تغيرت 50 بالمئه
على رغم وجهي طبيعي لم اعمل شيء بس اهتميت في نفسي
انا عندي في نظري لا يوجد بنت جيكره
كل بنت تهتم بنفسها تطلع جميلة
بعد دايم خليج استايل لبسي ملابس حلوه تره ملابس بعد تجمل الشخص على فكره
مثلاه ملابس كيوت
من اختج ششوو

 

[شوشو الشقيه]

اختي
اهتمي في نفسج
قصي شعرج طبقات
بذات هذه القصه تعطي للوجه شكل حلو اي وجه
وجه جميل او عادي
اختاري ملابس كيوت

 

[حلاتي بشقاوتي]

رد : انا جيكره ! كلام اقرب الناس لي عذبني انا راضيه عن نفسي بس يجرحوني بدون سبب تعبت

(ان ارضاء الناس غايه لا تدرك)
حبيبتي كلام الناس لا يودي ولا ييب انتي خليج ثقه واذا على قولتج انتي رااضيه بنفسج هذا اهم اهم شي ارضااء ذااتج
وانتي شكو فيهم يبا اذا اسلوبهم جذي معااج انتي حقريهم وتعررفين حكمه تقوول عن مخااطبه السفيه هااذي من روااائع الامام الشاافعي :-
يخاطبني السفيه بكل قبح ..... فأكره أن أكون له مجيبا
يزيد سفاهة فأزيد حلما ..... كعود زاده الإحراق طيبا

بس انتي رااضيع عن نفسج كااافي ارضائه الناس مرراح يخلص
وانتي اهتمي بشكلج وخلااااص الي عليج وسوويتيه
انا ابيييج ثقه وحقريهم اكثرر بث خلصت ههههه>> برا

 

[برونزية رشيقة]

بعد عمري الله يكون بعونج ..
بس قوي شخصيتج لا تسمحين لهم يطنزون عليج .... وقفي هالمسرحية !!!

تضحكين معاهم على نفسج وبالبيت تبجين ؟

أدعي يل قلبي من كل قلبج وتخيري أوقات الأستجابة أن ربي يرزقج بالزوج الصالح أللي يشوفج أجمل نساء الدنيا ..
مو بعيدة عن الله حبيبتي ..

وتعالي في وحدة عضوة اسمها أنا الذوق .. منزلة موضوع رداااا على موضوعج هذا .

 

[برونزية رشيقة]

الله ماخلق بنت جيكره
شوفي انا اختي كانوا يقولون عنها موحلوه والله لدرجه قامت ماتطلع للناس رغم ان شخصيتها حلوه تدرين شسويت
اضعفت واهتمت خلطات لشعرها وبشرتها اهتمت فيها وتعلمت عالمكياج وقامت تهتم حيل بنفسها والله بعد فتره شافوها انبهروا فيها حييييييييل اهم شي الاهتمام وزنج لايزيد حيل اهتمي بحسمج ورشاقتج

هدوي : عجبني السطر أللي حاطته في توقيعج
ربي لا أعلم ما تحمله لي الأيام لكن ثقتي بك أنك معي تكفيني ( روووووووووووووووعة ) صراحة:yaaaaaarb:

 

[بدوية بملامح كشميرية 86]

رد : انا جيكره ! كلام اقرب الناس لي عذبني انا راضيه عن نفسي بس يجرحوني بدون سبب تعبت

خلج واثقه من نفسج

ولاتسكتين عنهم زفيهم وردى عليهم

اه اه وينهم عنى بس هههههههههههه لاتسكتين عنهم

والجمال مو كل شئ

 

[ạ7ạśêś ~]

حبيبتي هوووووووووني على نفسج
ولي تقول لج حرف ردي عليها بمليون حرررف
انتي حلوه حبي نفسج قبل لا غيرج يحبج ومديح نفس
وما عليج من احد

 

[زبدة ككاو]

رد : انا جيكره ! كلام اقرب الناس لي عذبني انا راضيه عن نفسي بس يجرحوني بدون سبب تعبت


ويــه مــآعليج من أحد
آنــآ مرررت خــآلي فلم ررعـب ولمــآ تضحك تخررع حتى ضحكتهــآ جنهــآ ســآحره
تعــآلي شوفي زوجهـآ مدلعهــآ مدللهــآ جدآمنــآ مــآينــآديهــآ إلآ ملكتــي
مــآعليج من أحد آنــآ قبل لمــآ أحد يقول الحلآة حلآة الروووح كنت أضحك أقوول حجي جيــآكر
بــسس والله تزووجت عررفت معنى هــآلكلآم وإنتــي كل مـريتي بـموآقف بتذكرين كلمتــي
وبنــآت خــآلتج عيب عليهم بــآجر يتمــآدون جدآم النــآسس دآم طـآيحة من عينهم ومـو عــآجبتهـم سكتيهــم خلي يشوفون إن شخصيتج قوية
مويقولون إهيــآ رآضية نقوول عنهــآ جيكرة لأنهــآ تدري بهــآلشي !!
وخليــج وآثقة بنفسج ولله الثقة كل شي



[:eh_s(22)::eh_s(17):]

 

[آلعناآأ]

الصبر الصبر الصبر

حبيبتي مافيه مره مو حلوه بس في مايهتمون بنفسهم

انتي اهتمي بشكلج بااناقتج اذا قالوا لج ردي عليهم قولي انا حلوه بس انتوا العميان لاتخلينهم يحطمونج

دامج تروحين و تجين هالنعمه هاذي تكفيج و ربي

غيري لوكج شعرج اسود شوفي شنو اللون الحلو اللي يصلح لج و صبغيه

وجذي بس حطي في بالج مافي مره مو حلوه بس الاهتمام يتفاوت

شوفي الفنانات قبل و شوفيهم لما انشهروا واهتموا بنفسهم لببس ع الموضه واكسسوارات وجناط ماركه تضبطووو

 

[رقي]

الله يروقج بالزوج الصالح
ويحليج بعيون الناس
ويستر عليج وعلي بنات المسلمين

 

[إنسانه وأكثر]

قوليلها

شوفي نفسج بالمنظرة بالأول

لا تسكتين عنهم

حتى امج قوليلها يما انا يبت جكري من وين بعد منج

ردي عليهم لا تسكيتين

ماعجبني ردج شلون تبينها تكلم امها بهالطريقه

حبوبه قعدي جدام المنظره وابدي من قمة راسج لي اصبعج الصغير وحطي جدامج ورقه وانوي التغيير حتى لو مافيج شي التغيير حلو انا مااقولج عمليات وتجميل لا الشغلات اللي تقدرين عليها خلطات حمامات مغربيه تقويم تنظيف بشره دايت اذا متينه وبرنامج يسمنج اذا كنتي ضعيفه عابلي بنفسج كلنا لازم نعابل بعمرنا التغيير يساعدج على انه نفسيتج تتعدل صبغي شعرج شقري حواجبج نبولوك حلو مثلج

وعسى الله يريح قلبج ويرزقج بالزوج الصالح وبنات المسلمين

موفقه

 

[النـجـلآ]

اهتمي بنفسج وتصيرين ملكة جمال وماعليج من احد الحقران يقطع المصران