انا جيكره ! كلام اقرب الناس لي عذبني انا راضيه عن نفسي بس يجرحوني بدون سبب تعبت

[~ ياسمينه ~]

رد : انا جيكره ! كلام اقرب الناس لي عذبني انا راضيه عن نفسي بس يجرحوني بدون سبب تعبت

حبوبة

الثقة بالنفس مو شرط تجي عشان الجمال

تجي من الثقافة والاخلاق والادب والعلم احيانا

خلج وااااثقة من نفسج ووقفيهم عند حدهم

ومثل ما يحرجونج احرجيهم انتي مباشرة

والله يوفقج حبوبة

 

[منو انا]

ردي عليهم مو تضحكين قولي احلى منج لا تسكتين اذا بتسكتين بيتمادون وقفيهم عند حدهم
واذا امج يعين يمكن تبيج تهتمين بنفسج زيااااده

 

[سمو]

رد : انا جيكره ! كلام اقرب الناس لي عذبني انا راضيه عن نفسي بس يجرحوني بدون سبب تعبت

اللهم صل علي محمد وال محمد

شوفي وايد ناس تنقهر من اشخاص وتدور عليهم الزله ..... صدقيني اكيد فيج شي او صفه تقهرهم ... ومالقوا شي ينرفزج الا عدم ثقتج بشكلج ... المفروض تكونين ... ثقه ... وتردين عليهم بثقه ... وتقولين دايم ...


وااااي فديتني .... واااي اهبل ... واااي ياحلوي


وشوفي شلون ينقهرون ...ويبطلون من هالاسلوب

 

[كويتيهx5]

قولي دايما انا حلوة وجميله
وخلييج دايماا ترددينها حتى جدامهم صدقيني اهم شوي شوي يشوفنج ملكه جمال

بعدين هذا يعكس نظرتهم مو انتي

 

[بطوطة @]

شوفي حبيبتي اذا على امج تقولج شوفي فلانه وعلانه فهذا شي طبيعي كل امهاتنا يقولون لنا جذي ولا بعد ارد من هالحجي
يعني مهما كان امج فلا تاخذين بخاطرج منها عادي طوفي لها

واذا على الناس فلا تخلين احد يتجرا عليج يعني بالكويتي جعميهم من قلب طلعي حرت قلبج فيها وفشليها وهزئيها ولاتعطينها لي ماتعتذر لج وحتى اذا اكبرت السالفه عادي قولي اهي اللي بدات وتعيب على خلقت ربها

والله يرزقج بالريل الصالح

 

[Hedoo2]

ترى النفسيه مهمه مو زين تحطين بعمرج وتبجين سأليني

تاليها امراض الله لايقول وبتتحسفين انج تتضايقين

في امراض تصيب الواحد من النفسيه مثل الضغط السكر الغدد الهرمونات وغيره وغيره

حلي المشكله ولاتحطين بنفسج وتذبحين عمرج وتتضايقين

بليز بليز ديري بالج من هالنقطه النفسيه ثم النفسيه تراها اتييب الامراض

نصيحتي لج قبل فوات الاوان

 

[قوتشي بنت LV]

لوول نفسي والله
< بس انا بسآلفة المتن
< خاصة اختي تلوع جبدي اسولف وياها بسآلفه
فجأه تقاطعني تقول ويع آضعفي ما مليتي من المتن

 

[قوتشي بنت LV]

آممم وبنات عمج ماعندهم سآلفه
< شكو يقولون لج عآبلي بنفسج !
< حبيبتي لي قآلو لج جذي عصبي عليهم
< ترآ هالاسلوب ينفع سأليني انا

 

[اميره بكلمتي]

حبيبتي الجمال جمال النفس والادب مو الوجه لاتتضايقين

 

[بنت حميدات]

لازم حبيبتي ماتسكتين عنهم ردي عليهم تعرفين كانت في وحده في مدرسه كانت جميله بشكل فضييييييع والله جميله بس اسلوبها زفت وكانت مغروره فطبيعي البنات مايحبونها ولا يقربون صوبها وبعد في كانت بنت بصفي كانت عاديه الشكل بس هيه تحسب نفسها ملكه جمال اتم تحلف بالله انا احلى عن نانسي عجرم واحلى عن هيفا وهبي والله كانت عاديه فسبحان الله كيف البنات يفكرون وكيف الاسلوب اهم شي طيبه القلب والاسلوب الحلو

 

[عادت ذكرياتي]

حبوبة طنشيهم
وصدقيني ياما بنات جميلات وكانو قبيحات بعيون الناس لأن اخلاقهم اعوذ بالله
وحبيبتي ماكو شي اسمه جيكرة .... مره قريت كتاب ما أذكر اسمه يقولون فيه إن كل وحدة لازم عندها نقطة جمال وهي تبرزها يعني إنتي أكيد حلوة بس محتاجة عناية شوي وعادي ماكو غنشان يطلع عالدنيا عارف كل شي .... حنا نتعلم .....
ويمكن نصيبج يكون احسن منهم .... لأن من أظهر الشماتة لأخيه عافاه الله وابتلاه .... يعني باجر بتشوفينهم ويمكن جمالهم يزول يحترقون اعوذ بالله او شي وحزتها بيعرفون إنهم شلون ما خافوا ربهم بالحجي اللي يقولونه جدامج ..

بس مااااا عليج منهم ..... خلي ثقتج بنفسج كبيرة واتعبي على روحج شوي وصدقيني بتصيرين ملكة جمال مو مجاملة بس صج هالكلمة واذكريها #####

 

[lolo~]

رد : انا جيكره ! كلام اقرب الناس لي عذبني انا راضيه عن نفسي بس يجرحوني بدون سبب تعبت

ياقلبي في هالزمن معاد فيه احد جيكر ع قولتك
الصالونات بكل زاويه قصي اصبغي حفي غيري طريقتك بالميك اب
غيري ستايلك
زيدي ثقتك بنفسسك
انا عندي احساس انك مو شينه بس ثقتك معدومه مره
لو كان عندك ثقه ما احد تجرا وقال هالكلام وخليك ثقيله معاهم ولاتمزحين معهم يعني غيري اسلوبك خليك ثقيله ورسميه
عشان تصيرين غامضه ويجرون وراك عشان يكتشفونك

 

[حصــgص..~!]

رد : انا جيكره ! كلام اقرب الناس لي عذبني انا راضيه عن نفسي بس يجرحوني بدون سبب تعبت

مآلج ششغل فيهم امسعي من هني و طلعي من هني قولي لهم انا رآضيه بششكلي و لآ تسمحين لهم يتمآدوون!!


و ترآ الجمآل جمآل الآخلآق ..

لآ تخلين آشيآء صغيره تضآيقج حبيبتي =)

 

[كبرياء وايليه]

اول شي ..دليل انج حلوه ..وخلوقه تحملتي ..حجيهم الثقيل وخفة دمهم الماصخه
انتي قويه ، وحلوه .
احساس الجكر مايوقف على الشكل بس ...
الجكر في القلب والاخلاق واللبس احيانا ..
وعلىى فكره هذول اعداء مو اقرب الناس ...المفروض اذا كان فيج شي مايعجبهم ينصحونج ويوجهونج ..مويضايقونج

..
احمدي ربي على العافيه لامشوهه ولالا فيج عيب خلقي
يالغاليه احنا في هذا المنتدى صح نفضفض لبعض لكن الشكوى تكون لله
نصيحة من قلب محب
..
كل ماتسمعين هالحجي
افرشي سجادتج وتوجهي لربج اخر الليل يسمع شكواج
ربي يشرح صدرج
وخليج قويه ...<
وبالنهايه لاتسمحين حق اي احد يقول عن هالحجي ..يستحسن لاتقعدين عندهم وغيري اسلوبج معاهم
اتركي الضحك وخليج وسطيه يعني مره جديه مره عادي
لاتحسسين نفسج انج بحاجه لهم خليهم يعرفون قيمتج ..
وربج كفيل فيهم


...

 

[قلبي القرآن]

رد : انا جيكره ! كلام اقرب الناس لي عذبني انا راضيه عن نفسي بس يجرحوني بدون سبب تعبت

الجمال جمال الروح
ولا تضايقين عمرج حبيبتي
دام عاجبج شكلج شعليج فيهم
يقولون اللي يقولون
فديتج ياقمر انتي لاتزعلين ولا تضايقين

 

[Lba ana]

رد : انا جيكره ! كلام اقرب الناس لي عذبني انا راضيه عن نفسي بس يجرحوني بدون سبب تعبت

ياحيييياتييي واللللللله شششي قهر

حبيبتي اهتمي بنفسسسك حاولي تبدعين بالميك اب يعني مثل عيونك ارسميهم بشكل حلو مثل طريقة الممثلات الكوريات مررره شي او كبيرها بالEyeliner ابدعي فيييه لان العييين تجذب اكثر وتعطيك شكل حلو وتغير الوجه ورموشك سويها بالمسكرا من فوووق ومن تحت مممم شعرك اليوم رووحي لافضضل مشغل وسويه مثلا اصبغيييه وغيري رسمت حواجبك يعني غيري ستايلك بالمررره يمكن اهلك وبنات عمك ملو من ستايلك

بس صدقيييني الجمال وررررررررررررربي هو جمال الروح والاخلاق والثققققققققققه تعطيك جمااااااااااااااال غير طبيييعي
وربي اعرف بنات واللله عادياااات بس ثقتهم اعطتهم جماااال واخلاقهم وروحهم المرررحه وربي انهم ينحبووووون ويدخلون القلب بسسسرعه ويعطون الناس عنهم انطبااااع مرررررررررره حلو

انا ترا كنت مثلك اقول عن نفسي شيييييييينه بس وربي تااابعت الدراما الكوريه واقلد الفنانات بستايلاتهم وطريقة قصاتهم وصبغاتهم وتسريحات والميك اب والللللللللللللللللللللله ماككككذب عليك الككككككككل يقول عني متغيييييييييييييييييييييره وطالللللللعه قمممممممممر
بس انتي اهم شي لاتهتميين لكلام الناس اهتمي لنفسسسسسسسسك وبسسسسسسسس
وعلى فكككره اللي يضحك عليك فيييه نقصصص ويبغى يكمله عشششان يريح نفسه يسبون اي احد بس عشششان يقتنعون بأنهم حلوووين وهم العكسسسسسسسسسسس <<<< معليش كلامي كثير ومب مرتب ولا واضح

 

[ريم وبس]

حبيبتي .. اخذيها مني لازم تردين عليهم ولا تسكتين .. لا تجاملينهم وتضحكين اذا قالو عنج جيكره .. بيني ردت فعلج ان مو عاجبج اسلوبهم معاج .. واذا اهم مو عاجبهم شكلج قولي انا اسلوبكم موعاجبني ..وقومي عنهم ولا تقعدين معاهم ... وخليهم يتأدبون ..
ولاتشلين لهم هم ولا يهمونج يكفي انج واثقه من نفسج .

 

[sho-sho_93]

اممم اهم شي خلج واثقه من نفسج ولا تتضايقين ولحد يهمج صدقيني اذا سمعتي كلام الناس بتتعبين ياما ناس قطو علينا حجي بس طنش تعش تنتعش

 

[دراما كوين]

حبيببتي شصار علييييج؟
جعمتي البنات اللي يعيبون علييييج؟؟

حبيببتي انا كنت جيكره سابقه لوول يعني الحين حلوه الحمد لله شكلي حل وروحي احللى ) والحمدلله الكل يمدح بشكلي ونعومتي ما اقولج ملكه جمال بس الحمدللله ع الاقل محد قال عني حيكره

وترى كانوا يقولون عني جيكره بعد

بس خل اعرف اول جم عمرج؟؟ لان الانسان بفتره من حياته يكون قمه بالجكر , وهذي انا بفتره المراهقه وبالذات ايام المتوسطه كنت مو حلوه وبالاضافه الى اني ما اعرف ارتب عمري


المهم كان في بنتين وايد يطنزون علي يقولون انتي قمه بالجكر !! شلون متحمله نفسج !!! مع اني ما كنت بهالقبح !!! المهم هالبنتين وحده منهم كانت جمييييله ملكه جمال الصف والثانيه ويييع جيكره وتعيب علي !!!
اول مره طوفت لهم ,, ثاني مره عادوها هم طوفت لاني طيبه وماكنت بحرجهم
ثالث مره قالوها !! عاد هنيييي هووووب مو علشان انا طيبه يستغلون هالشي ويستخفون دمهم على حسابي , وكلتهم تبن حشاااج وسكتهم للابد بس بطريقه ذربه يبتها على غشمره
مع ان وحده منهم كااانت رفيجتي وكنت احبها وهذي اللي اقولج كانت ملكه جمال الصف , بس شنو سويت ؟؟؟؟؟؟ دورت شنو فيها ععيوب؟؟!! وكانت بشرتها كلها حبوووب !!!! طبعا يبتها على غشمره وضحك وقلت لها اذا انا جيكره انتي بعد مو حلوه ويهج كله حبوب !!! انصفققق ويههاااا انصدمت ماعرفت شترد قالت لي كيفي !!!! قلت لها وانا بعد كيفي جيكره !!!
والثانيه ويييييع عيونها صغار مسحوبه جنها عيون فلبن وبراطمها كبار وخشمها عريض ,, قلت لها وانتي بعد مو حلوه براطمج كبار وخشمج كبير!!! لووووووووووووووووووووول
جان يسكتوووووووون للابد
ههههههههههههههههههههههههههههههه
فنصيحتي انج قبل لا تردين عليهم اول دوري شنو فيهم عيووووب وعايريهم فيها

وان شاء الله مع الكبر تحلوين حبيببتي وعدلي الاشياء السيئه فيج , والحمدلله انج ضعيفه يعني بسهوله تمتنين عكس لو كنتي متينه حيييل شيضعفج !!!!!!!!!

 

[كراميلا مرة]

استغفر الله شلون هذولا شالاسلوب
شوفي قولي لهم الحمدلله اهم شيء الاخلاق والصحه واحمد ربي مليون مره اني بصحه وعافيه
اما الجمال هذا شيء مؤقت مايدوم الزمن يخرب كل شيء
والحين اهم يحمدون ربهم لا يبليهم بتشوه ولا شيء ثاني
الواحد مايضمن عمره اليوم بصحه وجماله يمكن بكره لا سمح الله يحترق ولا يتشوه

ومادري ابقي اعرف شعور هاللي يتكلمون بهالمنطق وهو مصيره حفره متر بمترين
الله يهدي الجميع