انا جيكرة

[بعتني برخيص]

بنات شقول صارت ثقتي مهزوزه والسبب زوجي العزيز
يموت على الاضعاف وانا قاعده اسوي رجيم معنى انا مومتينه يعني وزني 76 وطولي 163
والحين طايح بسالفه ثانيه بس يقولي مرت علينا بدوام وحدة مزيونه او هاذي فنانه حلوة وانا مااسمع منه هالكلام انا حيل فيني من ميساء مغربي وناس تشبهني نورمان اسعد لا ويقولون على اجمل قبل لاتزوج كنت مغرورة الحين صرت اقول انا اكيد جيكرة عقدني شسوي
ادري بتقولون هاذي مشكلة بس والله منقهرة خصوصا اني من النوع الغيور يعني اتمنى اني اترس عيونه بس ماكو فايدة

 

[الهوى الغايب~]

انحفييييييي صراحه اي بنت فوق السببببعين تعتبر سميييييينه : (


وللاسف احس انتي قاعده تهزيييين ثقتك بنفسسسسسسسسك

ليش ماتفرحين وتحمدين ربك ع الجمال اللي تقولينه : )


شوفي لقبك وشوفي عنوان موضووعك وافهمي وش اقصد : ( !!!

 

[white**angel]

بصراحه بدوون زعل صج احس جسمج فررق عن طولج يعني 76 بالنسبه حق طول 163 تكونين متييينه
خل تصير عندج اراده ولعبي ريااضه وامشيلج على نظام اكل يكون صحي اول شي لج عشان لمن تتمقلين تشوفين نفسج تستانسين بعدين حق زوجج
وبالنسبه لمن يقولج يت الدوام وحده حلوه قووليله لاااا صج اي عاادي حبيبي عندك بالبيت وحده شحلوووها لوووول يعني رفعي من نفسج جدامه وكل ما يقول كلمه قوليله وااي شحلااتي حاصلك وحده تينن
لوووووول الريااييل مايترس عينهم الا التراااب يموتون على التدقر

 

[ماني من الناس]

اشتغلي على روحج واضعفي عشان نفسج ,,,,,,,,,

حلو الواحد يطور من نفسه للأحسن عادي ما فيها شي

مهم الواحد ماييأس ,,,,,,,,,,


ويكون امله بالله كبير ويثق بنفسه انه قادر يسيطر على نفسه


ترى هذا الا وزن يعني السالفه سهله بس يببلها مجاهده

 

[قلبي سلومي]

سوي رجيم

واهم شي ثقتج بنفسج

 

[مخدوشة الوريد]

من صجج @@
شهمج رايه اصلا انتي لو واثقه من نفسج مايهزج هيييك
ثقتج لاتهتز ولا شي اهو عرف انج غيوره وعرف ان هالشي نقطة ضعفج
وقاعد يلعب على هالوتر طنشي واهتمي بروحج اكثر واكثر خليه يموت قهر ان كلامه مايأثر فيج
يعني بتفهميني الحين ريلج توم كروز مثلا ولا جيمس بوند بالجسسسم خوو همن اهو له عيوب
محد كامل شوفي وين عيوبه وذكريها فيه عشان يعرف انه موكامل وان في الي احلا منه
ويتمنون ربع بنت بجمالج مثل ماتقولين انج تشبهين ميساء ونورمان بعد هذيل جميلات حيييل
والله لو منج اناا اموته قهرررررر بمكانه .. وترى وزنج حلوووو شفيه ..

 

[كتكوته ورديه]

قوليه الناس يشبهوني افلانه وفلانه وانت ليش افلانه مزيزنه اشفيها حسن مني

 

[بعتني برخيص]

بنات اقوله انا شفيني انا بعد حلوة وناس دايم يسالون عني بالمناسبات يعطيني نظرة مع ابتسامه استهزاء

 

[عبير العنزي]

لو كنتي ضعيفه بيقولج أحب المتروسه

هذا حال الازواج مايعجبهم العجب

اذا تبين تضعفين اضعفي حق نفسج

لان الرياييل مايبين بعينهم حتى لو كانت زوجته ملكة جمال


︶︹︺

 

[بعتني برخيص]

ومرات يقولي انتي حلوة بس لوتضعفين

 

[ماني من الناس]

ضعفي حبيبتي الرشاقه حلوه

 

[بعتني برخيص]

ودي اضعف بس وزني ينزل بالبطي

 

[ماني من الناس]

حبيبتي شوفي قسم السمنه والنحافه بالمنتدى

تلاقينهم مسوين حملات للتنحيف


اختاري اللي يناسبج وكملي عليه ووطمنينا بأخر اخبارج

 

[om_7sonty]

في وايد امور تخليج تضعفين انا وزني ماينزل بسرعه
اذا تقدرين

1. اشتراك بنادي سنع مثل تشامبين كيرف فلكس
أو
2. تقعدين بالبيت وتشتركين بدايت كير او دايت سنتر
أو
3. تبلشين بريجيم وتيبيين لج جهاز مشي تمشين ساعتين باليوم
أو
4تييبين لج شي تشربينه بس موثوق مع اني ما أنصحج يسد النفس

وحبيبتي كثرة خضرة و شربي جاي اخضر بالنعناع وحطي معاه زنجبيل وكمون وليمون وكل يوم شربيه قلاصين او 3



انتي كامله بس هو موتارس عينه شي
بس انتي صيري شاطري وترسيها غصب موطيب وخليه تالي يحس ان هو اللي صج جيكر

 

[المطيريه 1982]

ياقلبي صيري وثقه بنفسج اهم شي ولاتبينين مهتم وغير ديم لوك وتر الارجيل مايبين فهم شي والله انا نفسج بس محتر مني وثقه حيل بنفسي مايهمني كلامه وشتغل علي نفسي من وره

 

[زوجة عزيز]

رد : انا جيكرة

اشعليج منه زين حجي الريايل وايد تلاقينه غيران منج ومن ثقتج بنفسج خلج واثقه ومن نفسج وياجبل مايهزك ريح

 

[بعتني برخيص]

تسلمون على ردودكم

 

[عويتقة]

شنو انتي جيكرة لا اكيد انتي مانك جيكرة بس تقتك بنفسك انهزت بسبب كلامو لا حبيبتي غيري من نضرتك لنفسك مشان تغري نضرته هو وقفي اما المراية وقولي انا حلوة وناعمة وكيوت وباربي وحتا اجمل من هيفاء وهبي اييه والله ها العملية تنفع ولو بدا يتشكر في بنت او فنانة ماتعطيه وش ولا تزعلين ولا تبينين انك غيرانة واهتمي بروحك واعملي ريجيم واهم شيييي التقة بالنفس والله يعينك حبيبتي

 

[التاجره الامينه]

حبيبتي منتي مجبوره تذبحين نفسج على الرجيم وتحرقين اعصابج ودمج ارضاء لريال

تقعدين معاه وتفهمينه انج متضايقه من تصرفاته

اما الريال الي على جم كيلو يتصرف بهلـ طريقه

هذا شنو فايده الوحده تدفن نفسها بالحياة معاه

اذا باجر اهو احترق مثلا او تشوه من حادث الله يبعد عنه الشر لكن مضرب مثل

انتي راح تقعدين معاه وما تتركينه

شنو الفايده واهو على جم كيلو هذي تصرفاته معاج .


فهميه بهلـ مواقف اختي ولا تتتيييننيين على الوزن بالله .

باجر لو ضعفتي راح يطلع خصله ثانيه وثالثه وعاشره

 

[nwir72]

لا حول الله رجاجييل ما يترس عينهم شي
اقول حقريه وخلي عندج ثقه بنفسج