انا تعبانه نفسيا وقلبي يعورني

[دمعه امل]

السلام عليكم خواتي
ابي اشكي لكم
انا ما اخذه كلوميد وابرة هالشهر وبعد اسبوعيناللي اهو امس رحت للدكتورة وسوت لي تحليل بول
طلع ما في حمل مع ان التبويض جدا ممتاز... انحبطت :eh_s(16):
مع ان موعد دورتي اليايه 7-9
تهقون احلل دم
ودي احمل
مع العلم اني اتعالج عن هرمون الحليب بس انا اعتقد منه ما صار حمل بس الدكتورة اتقول يصير حمل باذن الله ما ياثر اذا انا اخذ العلاج بس ما ادري انا محتاااارة وايد بالي مشغول وقلبي يعورني

 

[$غــ(ز)ــل$]

حبيبتي لاتضيفين خلقج

ان شاءالله ربي بيرزقج
انتي سويتي اللي عليج والباقي على ربج
وبعدين تو الناس على التحليل
لسسه بدري
وان شااءالله تكونين حامل

 

[دمعه امل]

مشكووورة اختي الله يطمن قلبج ويشفي زوجج ان شاء الله
بس يحللون بعد الابرة باسبوعين
والله ما ادري محتارة

 

[ريح الجنه]

الله يرزقج يارب بالذريه الصالحه وصدقيني هذي فرصه احنا في رمضان والدعوات مجابه
ادعي الله سبحانه يرزقج وماخاب من دعاه وعليج بالاستغفار وخلي ايمانج ويقينج واعتقادج بان الله سبحانه وتعالي هو اللي يرزقج
مو احد غيره وعليج بالصبر اهم شي الصبر ولاتجزعين ووسعي صدرج وريحي نفسيتج وصدقيني ربي سبحانه بيرزقج اجلا ام عاجلا
وتو الناس علي التحليل

 

[دمعه امل]

الله يبلغج الجنه >>> ان شاء الله
ريح الجنه
بس عقب الابرة يحللون بعد اسبوعين والله ما ادري

 

[أغصان]

حبيبتي عليج بالدعاء وخصوصا واحنا بالشهر الفضيل عسى ربي يرزقج يارب

 

[فراشة الكويت25]

انشاء الله اتكونين حامل
عليج بالصبر اختي وادعي ربي بيستجيب لج
اهم شي خلي ثقتج بالله اكبر من هالادويه لان اهو الشافي مو الادويه ولا الدكاتره
ربي يرزقج ويرزق كل محروووومه ويرزقني معاكم يارب

 

[bint_al8omar]

حبيبتي تو الناس عالتحليل ان شالله حامل وانتي سويي اللي عليج ألجي لربج والله يرزقج يارب ويفرح قلبج

 

[_ظل الياسمين _]

ربى يفرح قلبج عاجلا غير أأجل يارب العالمين ..

اللهم امين.

 

[أم لطووف]

بعد عمري لا يضيق صدرج ولا إتكدرين كل شي بيد رب العالمين ربي يرزقنا وياج عاجلا غير أجل يــــــــــــــــــــــــارب العالمين...

 

[غيـ الناس ـر]

وايد مسويه التحليل مبجر .. يمكن تكونين حامل

 

[ورود الودود]

الله يرزقج ياقلبي ويرزق كل محرومه ...

 

[كويتيه مذهله 87]

ان شالله علي يوم نقولج مبروك حامل

 

[رووح حبيبي]

انا اقول ان مبجر حيييييييييييل
ان شاء الله حامل
وبعدين تحليل الدم وايد احسن

 

[عزالعوازم]

هلا حبيبتي لا توناس على التحليل وانشالله حامل يارب العالمين

 

[mosta7eel]

مبجر مسوية التحليل بس لا تتضايقين حتى لو مو حامل الله لا يقولها
استغلي هالشهر ويارب تبشرينا بحملج قريب

 

[أم راشد المطيري]

اختي لو تبين تسوين تحليل حمل سوية يوم 5-9

يعني يومين وسوية

 

[تاجي أخلاقي]

يا غلاتي لا تفكرين في الموضوع كثييييير .. ترى النفسية تلعب دور .. خلي اتكالج على رب العامين
ويارب يارب يارب تكونين حاااااااااااااااااااامل يارب ...










وإن ما صار حمل لا قدر الله فسلمي امرج للرحمن الرحيم اللي ما منعج الا ليعطيج
ادعيه وتوسلي إليه وهو اكرم الأكرمين ..

الله لا يخيب ظنج ويرحم حالنا وحالج..

 

[الريشة]

المفروض كانت الطبيبة تسوي لك تحليل دم لأن الحمل يبين بالدم أول و بعد فترة يبين بالبول
سوي تحليل دم
و لازم تاكلين الدواء اللي ينزل هرمون الحليب
يعني يتراوالي المفروض تاكلين دواء هرمون الحليب لمدة شهر و بعدين توقفينه و تاخذين كلوميد على طول لما اتيي الدورة

 

[كـ غلا ــلي]

السلام عليكم خواتي
ابي اشكي لكم
انا ما اخذه كلوميد وابرة هالشهر وبعد اسبوعيناللي اهو امس رحت للدكتورة وسوت لي تحليل بول
طلع ما في حمل مع ان التبويض جدا ممتاز... انحبطت :eh_s(16):
مع ان موعد دورتي اليايه 7-9
تهقون احلل دم
ودي احمل
مع العلم اني اتعالج عن هرمون الحليب بس انا اعتقد منه ما صار حمل بس الدكتورة اتقول يصير حمل باذن الله ما ياثر اذا انا اخذ العلاج بس ما ادري انا محتاااارة وايد بالي مشغول وقلبي يعورني

سبحان الله انتي مثلي تماما نفس حالتي وهمن نفس موعد دورتي وكل مره ينزلون الهرمون وكلوميد وابره ويتابعون

البيوضه وهمن الله مايكتب مع انه كل اللي اعرفهم يقولون ارتفاع الهرمون شي بسيط ولا تحاتين بصير حمل بس الله العالم

الاحباط والضيقه اللي فيني اشكثرها والله قلبي متقطع فحاسه فيج حدي الله يرزقج انشاءالله ويزقنا معاج