انا تبت ارجوكم ادعولي ((خاينه))

[ياغروري]

الله يصلحك

 

[pusy cat]

الحمدلله ان الجنه والنار مو بأيدكم

بـــــل

جان ماحد دش الجنه @@

 

[13-6-2009]

الله يغفرلج ويستر عليج وعلى جميع المسلمات ويهديهم ويرجعهم على طريج الصواب

 

[(لندنيه)]

خيرررررررررررررر الخطااائين التواااابين تدرين ليش انتي احسن من مليوون وحده ممااخطات اقوولج ليش ان المؤمن لما الله يبتليه ويتووب يتذكر ذنبه كل يوم ويستغفر لربه ويبجي ويتهجد ويسوي كل شي فيه خير علشان يتووب الله عليه اما اللي مااذنب يكابر شوي يقول انا احسن من غيري مااااخطات وينسى بعض الاحياان ربه وانتي يصير لج حسناااااات اكثر كل ماذكرتي تبتي واستغفرتي وما بالمخاااااااااااااايق كامل كل وحده وواحد اخطاؤ مااااااافي احد مااخطا ((اما بكلمه //نظره// لبس// تطنزت// حشت// خانت// اغتابت// تسمع منكر وتشوف منكر// تسوي منكر لااازم سبحان الله علشان تنعلم من اخطاااءنا)) والله يستر علينا وعلى كل مسلم ويغفر لنا ماتقدم ومااتاخر من ذنوبنا يارب

 

[ماحب اتدلع]

وفرحانة ياية تقولين لنا؟ الي يبي يتوب مايفضح نفسة توبتج لربج لوعتي جبدي

 

[ماحب اتدلع]

والبنات الي يدافعون خير انشاء الله على حجيكم كل وحدة بتقول يلا بزني وبتوب بعدين ليش كاتبة الموضوع اصلا الحين المراهقات لاقروا الموضوع بيقولون متزوجه وجذية عيل احنا عادي ونتووووووووووب بعدين
اقول احذفوا الموضوع يامشرفات
والله الهادي

 

[ملح @ شمر @]

يمه قلبي
ماني مصدقه اللي قاعده اقرا انتي عارفه وش كاتبه
تكفين حذفي الموضوع واستري على روحك هذا زنا والعياذ بالله
الله يسامحك
متزوجة ! وام عيال !
ليش ياأختي ؟
ومااحس بكلامك ندم او تأنيب ضمير !!
اتمنى تكون توبة صادقه
والله يثبتك ويهديك ويتوب عليك يااارب

بصراحة كاسر خاطري زوجك

​

 

[سويت فانيلا]

بصراحه كلامج قوي وينرفر الله يثبتك

 

[حبيته ومات فيني]

الله يرزقك حسن الخاتمه ومن قال اميييين

 

[الزيـــــ^^ـــــن]

لاحول ولاقوه الا بالله العلي العظيييم

الله يستر عليج وع جميع بنات المسلمين

وعسى ربي يغفرلج ويغفر لكل مذنب تائب

هذا درس لج واحمدي ربج انج وعيتي والله هداج

 

[pusy cat]

على فكره بنات

تدرون ان العطر اللي تحطونه وتطلعون برى يعتبر زنا ؟؟

تدرون اللي تحف حواجبها ملعونه ولا تشم ريحة الجنه ؟؟

تدرون ان اللي تروح اعراس وتوصل شعر عشان تسوي تسريحه الله يطردها من رحمته

جم وحده منكم مسويه شغله من هالشغلات ؟

مادري ليش تشوفون ذنب البنت كبير علا انكم بالهوى سوى

عالاقل البنت تابت

وانتو وينكم عن التوبه ؟؟

 

[ميس المشاعر]

الله يستر عليج ياااا رب
ويوفقج ويغفر ذنوبج كلهاااااا
العيب اننا نستمر بالغلط
الحمدلله صحيتي من غفوتج وعرفتي خطإج قبل لا يطيح الفاس بالراس
روي أن "ماعز بن مالك الأسلمي " كان غلاما يتيما في حجر "هزال بن نعيم " فزنى بجارية من الحي فأمره هزال أن يأتي النبي صلى الله عليه و سلم ويخبره بما صنع لعله يستغفر له، فجاء النبي صلى الله عليه و سلم وهو في المسجد فناداه : يا رسول الله "إني زنيت" فأعرض عنه النبي صلى الله عليه و سلم وقال له : ويحك ارجع فاستغفر الله وتب إليه، فتنحى لشق وجهه الذي أعرض قبله فقال : "إني زنيت " فاعرض عنه النبي صلى الله عليه و سلم لشق وجهه الذي أعرض قبله فقال "طهرني يا رسول الله فقد زنيت" فقال له أبو بكر الصديق : لو أقررت الرابعة لرجمك رسول الله صلى الله عليه و سلم لكنه أبى فقال يا رسول الله : "زنيت فطهرني" . فقال له رسول الله صلى الله عليه و سلم : "لعلك قبلت أو غمزت أو نظرت" قال لا، فساله رسول الله صلى الله عليه و سلم باللفظ الصريح الذي معناه : "الجماع " فقال نعم ، قال : حتى غاب ذلك منك في ذلك منها؟ قال: نعم ، قال: كما يغيب الميل في المكحلة والرشاء في البئر؟ قال نعم فسأله النبي هل تدري ما الزنى؟ قال : نعم أتيت منها حراما ما ياتي الرجل من أهله حلالا، قال : فما تريد بهذا القول : قال إني أريد أن تطهرني فامر صلى الله عليه و سلم به فرجم، فلما أحس مس الحجارة صرخ بالناس : يا قوم ردوني إلى رسول الله فإن قومي قتلوني وغروني من نفسي وأخبروني أن رسول الله غير قاتلي، ولكن الناس ضربوه حتى مات فذكروا فراره لرسول الله صلى الله عليه و سلم فقال هلا تركتموه لعله أن يتوب فيتوب الله عليه وسمع الرسول بعض الصحابة يتكلم عنه ويقول : لقد رجم رجم الكلاب فغضب وقال : "لقد تاب توبة لو قسمت بين أمة لوسعتهم ". وفي رواية أخرى . "والذي نفسي بيده أنه الان لفي أنهار الجنة ينغمس فيها"

 

[مذهلة 78]

الله يثبتك ع طاعته و يهديك و ينور بصيرتك

 

[$نسيم الصباح$]

الله يثبتج . ويغفرلج

 

[last-moon]

الله يغفر لج ويستر عليج
بنات لحد يلومها ويهاتبها خلاص

 

[دلوعة مبارك]

انا معااااااا بوسي كاااااااااااااااات ......


واللة يستر عليج .. وانتي الحين بديتي حياااة جديدة


​

 

[farfo0ora]

الحمدالله ان لنا رب يحاسبنا ويغفر لنا
وووووووووي منكم يابعض البنات تحسسوني ان عمركم ماغلطتو !!!
البنت تاااااااااااااااااااااااااااابت و الله يتقبل تووووبتها
وهي مادشت عشان تسمع منكم هالكلام تبي دعواتكم
استغفر الله العلي العضيم ...
الله يغفرلج ويثبتج ويتقبل توووبتج​

 

[~ بنت الهدى ~]

الله يهديج !!

 

[دلع انثه]

الله يستر عليج ويغفر لج

 

[Kocheko]

بنات تحمدو ربكم ترى الشياطين اللي جتها ممكن تجيكم

يمكن انتو تسوون اشياء ذنبها اعظم من الشي اللي سوته لا تزكون نفسكم

ذكرتوني بقصة الملكين هاروت وماروت لما نقدو على البشر وقالو اشلون يعصون الله ويزنون ويشربون ويفسدون في الارض ووو الخ

والله سمعهم و نزلهم للأرض لكن بنفوس بشريه كانو صالحين بالبدايه ويدعون الناس للصلاح بس فتنتهم مره

طقت الباب عليهم بالليل وقالت خشوني عندكم زوجي لاحقني بيأذيني

ويوم جا الزوج قال وين زوجتي قالو مو عندنا (( وهذا اول ذنب اللي اهو الكذب ))

ماصدقهم وتهاوشو معاه وذبحوه (( وهذا ثاني ذنب القتل ))

وبالاخير فتنتهم المره و زنو فيها

وعفسو الدنيا وقامو يعلمون الناس السحر

هذا واهم كانو ملائكه وناقدين على فعايل البشر

وهالقصه الله ماذكرها بالقرآن الا ان فيها عبره لنا ولحد يزكي نفسه ليلحين اعماركم ماخلصت ولا شفنا خواتيم اعمالكم

درررررررررررر