انا تبت ارجوكم ادعولي ((خاينه))

[ريفه]

يختي الي يسترة ربه مايفضح نفسه
ربي يكر المجاهرين والمجاهره بالغلط من علامات الساعه
فستري نفسك وربك مايحتاج تحطين بينك وبينه واسطه
افرشي سجادتك اخر الليل قبل الفجر وادعي
الله يستر عليك وعلى بنات المسلمين

 

[عجزت افهمهم]

مااخاااب من رجاا الله سبحاانة الحمد الله الي الله هداااش
توبي لله ياما بناات سلكوو مسلك غير مسلكهم واخلاقهم وتربيتهم بس لابد يكووون في سبب او غفلة الشيطان موجود وماماتت
بس بسرعة ترجع لعقلهااا وتفكر ان الي سوته غلط بغلط
الله غفووور رحيم ... ويجيب دعوة الدااعي اذاا دعاااااة
مااافي احن من الله على عبااادة شفتي الطفل شلون امة تحن علية الله سبحاانة اكبر من حنيتهاااا علية


نصيحتي لك
الشكر والحمد لله بكل صلاة وبكل وقت >>>وان شكرتم لازيدنكم
وان التوبة مو بس مجرد كلام لازم يكوون فعل وقلب وحس يعني بصلاة الليل ادعي من قلب وابكي تضرعااا وخشية لمالك السموات والارض واطلبي منة المغفرة والستر
كل مرة لازم تدعين من قلب وكثري الاستغفااار وتصدقي بالمال والزااد اي شي تقدرين تصدقين فية الان الصدقة تطفى غضب الرب

وحافظي على بيتش واحسني المعاملة للزوج حتى لو اغلط وحتى لو بعض تصرفاتة تزعج المرة لازم تحمل الزوج
وربي يهدي سرش ويهديش على الطريق الصح ويبعد عنش كل ضيقة وكل شر يارب
لاتقنطين من رحمة الله رحمة الله وااااااسعة

 

[اميره بعيونه88]

لا حول ولا قوة الا بالله
الله يثبتج علي الهاديه
ويبعد بناتنا عن هالدرب

 

[AmoOona_29]

الحديث القدسي الشريف يقول

"لو لم تذنبوا لذهب الله بكم وجاء بقوم يذنبون ليغفر لهم"

علشان جذي يابنات لا تضغطون عليها وتلومونها اكثر المرا عرفت غلطها وتابت وخير الخطائين التوابون

الله يثبتج و يبعدج عن هالطريج

بنات احمدو ربكم ترى الشياطين اللي جتها ممكن تجيكم
يمكن انتو تسوون اشياء ذنبها اعظم من الشي اللي سوته لا تزكون نفسكم
ذكرتوني بقصة الملكين هاروت وماروت لما نقدو على البشر وقالو اشلون يعصون الله ويزنون ويشربون ويفسدون في الارض ووو الخ
والله سمعهم و نزلهم للأرض لكن بنفوس بشريه كانو صالحين بالبدايه ويدعون الناس للصلاح بس فتنتهم مره
طقت الباب عليهم بالليل وقالت خشوني عندكم زوجي لاحقني بيأذيني
ويوم جا الزوج قال وين زوجتي قالو مو عندنا (( وهذا اول ذنب اللي اهو الكذب ))
ماصدقهم وتهاوشو معاه وذبحوه (( وهذا ثاني ذنب القتل ))
وبالاخير فتنتهم المره و زنو فيها
وعفسو الدنيا وقامو يعلمون الناس السحر
هذا واهم كانو ملائكه وناقدين على فعايل البشر
وهالقصه الله ماذكرها بالقرآن الا ان فيها عبره لنا ولحد يزكي نفسه ليلحين اعماركم ماخلصت ولا شفنا خواتيم اعمالكم

يعطيهم العافيه ، وما أزيد على كلام العاقلات هذول ^

لكن عندي تعليق بخصوص البنات اللي يقولون " ما عندج عذر ع اللي سويتيه .. الخ "

انا بفهم شغله الحين لما تجي وحده وتشتكي خيانة زوجها شتقولون لها ؟! بتقولون لها الله يهديه ويسخره صح ؟!

ليش احنا بمجتمعنا نغفر خطايا الرجل حتى لو كانت " زنا " لكن المره نقوّم الدنيا وما نقعدها مع ان عند ربي عقابهم وآحد ما يختلف

وآلبنت ألف حمد وشكر " تآآآبت " يعني كلامكم ماله داعي والخبله اللي تقول ( انزين شنو الهدف الحمد لله والشكر ؟ )

أقوووووولها الأخت وضّحت بالموضوع انها تبينا ندعي لها <~ يعني هذا هدفها ..

وياليتج قلتي - الله يهديج ويثبتج - بدال الكلام اللي قلتيه.. صآحبة الموضوع ( ابتلت ) واحنا ك مسلمين مايصير نتشمت

بالعكس المفروض ندعي لها ونفرح لها ان ردّت للطريق الصح مو نلومها ونعاقبها والله سبحانه اللي أحسن مني ومنج يقبل توبة العاصي

شلون احنا ؟ اللي ما نسوى شي عند ربي ! سبحآن الله

..

 

[وحيدة خالد]

الله يتوب عليك حبيبتي
ماعليه ربك تواب رحيم وكثري من الاستعغفار والذكر واكثري من الاعمال الصالحة لانها تمحو السيئات

الله يستر عليك دنيا واخرة

 

[سكوتي بذوقي]

الله يستر عليكِ

ويكافينا شر الخيانه

 

[leeny]

الله يغفر لج ويثبتج يارب

 

[اينااس]

الله يستر عليش
وعلى الجميع

 

[سمو النفس]

الله يستر عليج دنيا واخره

 

[فوز فواز]

الله غفور سبحانه وتعالي ويفرح بتوبة العبد والله يثبتج والله يستر عليج ------------------------------------------------
وعن أبي حمزة أنس بن مالك الأنصاري خادم رسول الله صلى الله عليه وسلم رضي الله عنه قال : قال رسول الله صلى الله عليه وسلم : لله أفرح بتوبة عبده من أحدكم سقط على بعيره وقد أضله في أرض فلاة متفق عليه . وفي رواية لمسلم لله أشد فرحاً بتوبة عبده حين يتوب إليه من أحدكم كان على راحلته بأرض فلاة ، فانفلتت منه وعليها طعامه وشرابه فأيس منها ، فأتى شجرة فاضطجع في ظلها ، وقد أيس من راحلته ، فبينما هو كذلك إذ هو بها قائمة عنده ، فأخذ بخطامها ثم قال من شدة الفرح : اللهم أنت عبدي وأنا ربك ، أخطأ من شدة الفرح

 

[Miss-Paris28]

الله يثبتج و يستر عليج و على جميع المسلمين يارب العالمين ،،

مشكله اذا كانت تعدد العلاقات عادة تكرست من قبل الزواج و استمرت بعد الزواج و برزت في وقت فتور العلاقه الزوجيه ..
مشكله اذا كانت المرأه تحس بنقص من قبل زوجها فتلجأ لتعوضه من قبل رجل اخر ..
مشكله اذا قل ايمان المرأه و غلبتها نفسها و الشيطان و الهوا ..

لـــكن التوبه أعظم بــــــاب يطرق و هذا قمة العقل و الهدايه و الصلاح في الانفس الطيبه ..

الاعتراف بالخطأ باب للعلاج منه ، و ذكر فضل الله عليها حمد و شكر .. فالمقابل يكون هو رد الجميل بالتوبه الخالصه ..

شيء ايجابي الله يلهمج رشدج ..

 

[جديده 1]

الله يستر عليج و يغفر لج و المهم ماترجعين لطريق الرذيله و الخياس

 

[جوجوو نايس]

اللهم يامقلب القلوب ثبت قلوبنا علي دينك

 

[the-angel]

عسى الله يثبتج ويسترعليج ويغفرلج

 

[*uM_MiMi*]

بنات تحمدو ربكم ترى الشياطين اللي جتها ممكن تجيكم

يمكن انتو تسوون اشياء ذنبها اعظم من الشي اللي سوته لا تزكون نفسكم

ذكرتوني بقصة الملكين هاروت وماروت لما نقدو على البشر وقالو اشلون يعصون الله ويزنون ويشربون ويفسدون في الارض ووو الخ

والله سمعهم و نزلهم للأرض لكن بنفوس بشريه كانو صالحين بالبدايه ويدعون الناس للصلاح بس فتنتهم مره

طقت الباب عليهم بالليل وقالت خشوني عندكم زوجي لاحقني بيأذيني

ويوم جا الزوج قال وين زوجتي قالو مو عندنا (( وهذا اول ذنب اللي اهو الكذب ))

ماصدقهم وتهاوشو معاه وذبحوه (( وهذا ثاني ذنب القتل ))

وبالاخير فتنتهم المره و زنو فيها

وعفسو الدنيا وقامو يعلمون الناس السحر

هذا واهم كانو ملائكه وناقدين على فعايل البشر

وهالقصه الله ماذكرها بالقرآن الا ان فيها عبره لنا ولحد يزكي نفسه ليلحين اعماركم ماخلصت ولا شفنا خواتيم اعمالكم

صح لسانج :eh_s(17)::rerrerek:

 

[فتون777]

يارب ثبتها ووفقها الئ ماتحب وترضئ
انتي كنتي في غفله والحمدلله تبتي
والبنات كتبولك كلام يجرح شوفي الناس ماتسامح
مافي ارحم من ربي لاتنطرين من احد شي
ادعي واستغفري طول ما انتي ماشيه وجالسه

 

[صلوا ع الرسول]

الله يثبتج الحمدلله انج تبتي قبل فوات الاوان

أسال الله العظيم رب العرش العظيم انه يثبتج على طاعته
ويغفر زلاتج

حبيبتي التزمي بالاستغفار عسى الله يمحي ذنوبج

 

[عاشقة هواك]

الله يغفر لج ويثبتج يارب

 

[ملح على الجرح]

أسئل الله لك الهدايه والثباتوأن يغفر لك ماتقدم من ذنبك وماتاخر وأن يسترك في الدنيا والاخره وأن يثبت قلبك علئ دينه يامقلب القلوب ثبت قلبها علئ دينك

 

[ملح على الجرح]

أتمنئ توضحي لنا سبب خيانتك وسبب هدايتك لكي نكون بالصوره والكل يعتبر ??أن يهدي الله بك رجلا خير من حمر النعم

وأسئل الله لكي التوفيق والسعاده في الدنيا والاخره