انا بين رياليييين معقولة؟

[انامل كويتيه]

يعجبني/بر/زوجج/بأهله
ربي/لا/تذرني/فردا/وانت/خير/الوارثين

 

[ماحب اتدلع]

امبية امبية امبية شوي شوي على قلوبكم الي وقفت شفيكم؟
اقروا كل الردود وبعدين ردوا اذا فهمتوا السالفة صحيح ذوق مع ردودكم
الي يسمع ابوة الي قال ودي اروح وانا قلت له انقلع اصلا لو بيقولي بروح بنفسة يبي يروح بقولة انته قبلي بالسفرة


بس الظاهر مافهمتوا وقاعدين اتفلسفون علي

 

[ماحب اتدلع]

صراحه لا تعليق :/
وثاني شي مادري شلون تتركون عيالكم وتسافرون؟! غريبه صراحه

احلفي عاد


ماصارت اسبوع :ch12: ومارح اقطهم بملجأ
بيكونون عند امي

 

[نفـــائس]

حمدي ربج بسفرج
انا راضيه ياخذ امه وابوه وخواته وعيالهم وخدامتهم

المهم سفره واسافر

المهم اروح مكان لو حتي البحرين راضيه ولله راضيه

 

[يؤ !!]

مادري خل ياخذ امه بعد يمكن احسن عشان اهم يلهون مع بعض وانتوا تاخذون راحتكم
بس اذا الابو لحاله احس صعبه حييل بتتقيدون به لانه ماعنده الا زوجك يسولف ويطلع معاه

والصغااااار ؟!

 

[A_M_A]

وآآآي آلله يعينج هآلريآجييل مآورآهم آلآ آلشقآ

صج صج آلله يعينج

مآدري شقولج بس حآآٍسسه فييج وآلله

..

 

[A_M_A]

بنـآت آلبنت توهآ طآلعه من آلآربعين يعني تجديد شهر آلعسل

شكو آبووه ويقول خآيف لآنه مآيعرف آلديرة

شنو بيبي ؟؟ آلحين شبآب بو 15 و 16 سنه يسآفرون بروحهم

لآ حرآم ترى آلبنت معآهآ حق آنهآ تتضآيق

آلله يعينهآ صرآحة

 

[المسكـ]

والله اقوله لااتييب ابوك ونص بصراحه شكوو بيبي سيتر ؟
والله لو منج اقوله خلاص حياتي روح انت وابوك واخذووا الوالده لاتعرفت على المكان رد اخذني خلااااااااااص لا للسكوووووت

 

[الفدنه]

ماعليه روحي مع ابوه واحتسبي الاجر

 

[Freakya]

عند امي بعدين ماصارت اسبوع انا توني ياهل محتاجة اشوية راحة :eh_s(11):

والله زين اعترفتي انج ياهل

حبيبتي بناتج انتي المسؤولة عنهم مو امج

اي شهر عسل اي برتاح الله يهداج

انا اقول كنسلو السفرة و جابلو بناتكم احسن لكم

 

[يـاسمينا]

دام قال لج باخذ ابوي قوليله خلاص عيل انا باخذ امي
ماقدر اكون بين ريالين بروحي
صج ان اهو ريلج وابوه حسبت ابوج بس ترا راح تحسينهم غرب بالسفر
ويييع ياكرهي حق السفرات اللي جذي لو قروب اهون
عالاقل تلهين نفسج مع باجي القروب ..

 

[DKNY]

عااادي يابننت الحلاااال وسعي الصدر وروحي

 

[FeShinGoOo]

شوفي انا معاج انج محتاجه تسافرين ويا ريلج بروحكم وودكم تستانسون وودكم تغيرون جو وتاخذون راحتكم
بس ترى اسلوبج عن اهل ريلج كلش مايلوق لا فيج ولا فيهم حرام مهما كان هذيل اهل ريلج واهل عيالج والله لاتتكلمين عنهم جذي ترى الدنيا دواره صدقيني انتي مو حاسه فيها بس باجر لي عيالج كبرو وتزوجو بتحسين شنو يعني لما مرت ولدج تقول عنج تتليقف ولا دعله ولا مالنا خلقهم ..
نصيحه قولي حق زوجج هالسفره ناخذ ابوك بس توعدني بسفره انا وياك بروحنا لا اهل ولا عيال بس انا ويا حبيبي نبي نستانس ومانبي نتقيد باحد قوليله اهلك على عيني وعلى راسي بس انا مابي احد معانا مو بس اهلك حتى اهلي
كلميه باسلوب حلو والله يوفقج قلبي

 

[@ DLOO3TAH@]

الله يعينج

 

[om-3azo-83z]

صارحيه قوليله انا ما خذيت بناتي عشان اخذ راحتي معاك

 

[om MaRyooM]

امبي لووول مو من صج @@

شوفي صارحي زوجج قوليله توني طالعة من الاربعين خلينا شوي ناخذ راحتنا واني مفتشلة من ابوك
والسفرة الياية اخذه معانا


صراحة موقف صعب !!


بس شوفي اختي .. اذا ابوه ونيس وحبوب يمكن يونسكم ترا بالسفرة

وانتي ادرى بطبع عمج مادري

 

[! بــدويه وآآيــد !]

،


ماشاءالله ع البنات الفلته البااارين الي اكلوا البنت بقشورها !
هني البنات لو يوخرون عن المثاليه الزايده احنا بخير
والا شنو ابوه اولى؟ ابوه اولى من مرته الي جايبه له بنوته وولدت وتعبت تبي سفره مو واجد عليها صارت ماله داعي وابوه اولى؟؟:/
المهم ماعلينا

انا كنت بقولج لاياخذه لان ماله داااعي بس زين طلع مو من صجه

وطاااف حبيبتي روحي واستانسي وغيري جوو وخلي البنات عند امج مو قاطتهم بالشارع انتي الي اعرفه اكثر بنات الكويت بعد الاربعين يسافرون ليش الي هني منصدمين؟ لووول

الله يوفقج ويخلي لج بناااتج

 

[dandrma]

خل ياخذ ابوه اشفيها يعني ؟؟؟ خصوصا اذا ريال كبير او محد عنده

 

[sosowaty]

لا تكنسلين لان لو كنسلتي بيحرمج من السفر ع طول و بياخذها اعنااد و سافري

 

[nanoo2]

اعتبريه ابوك وحتسبي الاجر