انا بين رياليييين معقولة؟

[ماحب اتدلع]

السلااااااااااااااااام :eh_s(2):



شي قاهرني ومالي الا افضفض لكم يافاهمني انتوا وحطوا حالكم مكاني شراح تسوون؟


خلني اقولكم السالفة بلا طوالة

قررت اسافر انا وريلي وبناتي مارح آخذهم حلو؟
يعني توني شهر من طلعت من الابعين وودي اغير جو للحين ماشين صح اوكي؟
وين المشكلة؟

ريلي :eh_s(2): تصوروا يبي يآخذ ابوة !!

يعني اتخيل وقت الاكل معانا ووقت المشي معانا دشينا سوق معانا ممكن آخذ راحتي؟
صحيح اهو بغرفة وانا بغرفة بس تقريبا كل طلعاتنا مع بعض
واكيد ريلي اكثر سوالفة بتصير مع ابوة وانا قاطيني ورا الحقهم

نسيت اقولكم بروح تركيا
وهو يبي ابوة لأن اول مرة يروح وخايف يتوهق
بيبي مثلا؟ الحين حتى اليهال يسافرون لحالهم افففف
صج شي يقهر

لا مو كافي السفرة الي طافت مو الي طافت الي قبلها اخذ امه قال عشان تمسك بنتي
مااستفدت الا القهر طول الوقت معانا وتتلقف بكل شي اكلي هذا وتركي ذاك سوي جذي وشيلي ذاك هالدور ابووووووووة؟؟ :eh_s(11):


صراحة صراحة شرايكم انتوا؟

 

[زوجة عزيز]

الله يعينج والله ماعرف شاقولج صعبه اتقولين له لا اتييب ابوك اكيد بيزعل كنسلي السفره الحين وبعد فتره ردي قولي له بسافر يمكن ينسى سالفه انه احد ايي وياكم جذي اريح لج

 

[أمنيآت]

انا معاك يازوجة عزيز
ماكو الا تقولين جذي

واخاف تصارحينه عن ابوه ياخذ السفره عناااد ترا الرياييل مالهم مآمن

الله يكووون بعونج

تردين بالسسلامه من سفرررتج

 

[Laidy n3ooma]

قولي له انج معتبره هل سفره تجديد حق شهر العسل وان تبين تاخذين راحتج وتسهرين معاه برا وجذي

يعني احس كللللللش مالها معنى ان ابوه معاكم ريال ومرته !! الابوو شكوو ..

اذا تحسين ان هل كلام مامنه فايده كنسلي السفره حاليا ..

 

[ام كوثر2007]

يبه ريال شايب هذا بتاخذونه حده لي الساع ثمان وبينام ..


عقب طلعوا انتو واستانسووو


لا تحبكينها يعني ..

 

[Blueflower84]

انا بعد رايي اتكنسلين السفرة و اتجابلين بناتج.. و اذا قالج ليش قوليله احس مو قادرة اخلي البيبي توها اصغيرة.. و عقب لي بغيتي اتسافرين فاتحيه بالموضوع و اقترحي عليه اتروحون دولة انتو رايحيلها من قبل عشان مايصير عنده عذر ياخذ ابوه.. بس اهم شي لا اتبينيله انج مضايقة من سالفة السفر مع ابوه

 

[قسوة الزمن]

خخخخخ خرعتيني خو ابو ريلج مو غريب طيب ممكن يكت له العناوين بورقة ولما ترحون تركيا تسالون عنها

 

[دندونه@@@]

يا حياتي هذا أبووووووه خافي ربج وحطي نفسج مكانه لو قالج ابوج او امج بسافر معاج بتردينهم وحطي نفسج بهالموقف بعد كم سنه لما تكبرين وتعجزين وتبين تسافرين مع ولدج ومرته او بنتج وزوجها وكنسلوا السفره علشانج شنو بيكون شعورج بذيك اللحظه

احتسبي الاجر عند الله وخليج بنت سنعه ما تدرين يمكن روحة عمج معاكم خيره لج انتي والعاده ابو الزوج يدلل مرت ولده العمه لج عليها بس مو كلهم


حاسه فيج واعرف شعورج ورغبتج لكن مهما يكون الوالدين لهم فضل على عيالهم ومن حقهم يستمتعون ويسافرون حالهم من حالج وانتي لاحقه خير العمر قدامكم والجايات اكثر ان شاء الله

بروا آبائكم تبركم ابنائكم وكما تدين تدان

 

[سكوتي بذوقي]

هذا ابوه مافيها شي إذا خذه معاكم

تخيلي تقولين له باخذ امي معانا ومارضى اكيد راح تزعلين

 

[~جودي~]

يا قلبي انتي لو انا مكانك بقوله العين اوسع له من المكان يا فلان بس مو وقته لوووووول لانه توني طالعه من الاربعين
وابي اخذ راحتي معاك اذا مارضا اسكتي حبيبتي وروحي وان شاء الله ما ياذيكم اهم شي ترتاحين وتغيرين جوو

 

[جمبلو جمبليله]

بلاها من سفره وييييييييييييه يا شين العيايز لي لزقوا شنو قوليله حسستني

المتزوجه العازبه شنو جنج رايحه سفره مع امج وابوج وايد ابرك انتي

الحين مره مو بنت يعني يايب امه وابوه عسى ماشر ؟؟؟

افف يمكن يحسون مرتاحين واايد لج علشان جذي يسافرون معاج

غيري جو بشاليه ولا فندق وغيره اهني بدل سفره حنه

 

[كويتيه مـزيونه]

صججج انه مووو وقته طالعه من الاربعين وتبين تستاتسين عقب تسع شهور موعانت من الحمال
بسسسس والله اذا عمج حليو وطيب وزين ويحب الكل وما يهاوش احد ولا يزف وصددقيني والله راح تصير خوووش سفه بس اذا عمج نظامه اللي يتحكم ع اشياء وايده الله يعينج


*

 

[أميره الدوسري]

حآسه فيج بس احتسبي الأجر و إن شاء الله تتهنون و م تدرين يمكن أبوه يهون

 

[Tom ♥ Jerry]

,

عيب عليج !
ابوه حسبه آبوووج روحي وياهم و آخذي عيالج معاكم بعد
و استانسووو كلكم .، و آن شاء الله اليايات آكثر
تسافرون آنتي و ريلج بروحكم :*

 

[الاء حسين]

ابوة احسن من امة

ترى الرجال ترتاحين معاهم وماعندهم تفلسف

اخدي راحتك عادي والله الرجال مررررررررررررة بسيطين

يعني لاتعتقدين راح يسير زي امة الابو غير

ربي يهنيك او سوي زي ماقالت زوجة عزيز

الله يكتبلك الي فية خير لك

ونصيحة لك خلي علاقتك طيبة مع ابو زوجك مايقوم معك لاغلط زوجك الا هو بعد الله

 

[الدلووعه..]

حرررام اكيد بينحرج شيقول لبووه لاتجي معانا صعبببببببببه حيل

الا اذا كان زوجج اهو اللي يقولهم تعالو هذا شي ثاني اكيد بطلع خبالي عليه

 

[دلع انثه]

ماله داعي كلش ياخذ ابوووه
كلميه قولي ماابي

 

[Freakya]

أنتو خلو سالفة الأبو

ردوا حق المشكلة من عرجها

ليش تبين تسافرين و تهدين بناتج ؟؟

منو بيجابلهم ؟؟ الطوفة ؟؟

 

[نشيج الروح]

استانسو كلكم مع بعض ولا رديتي الكويت حجزي لج فندق مع ريلج

 

[برنسس كاتي]

انا توني رايحه تركيا مع ريلي وعادي دخلت من هل منتديات وتعلمت كل الاماكن لا ضعت ولا شي
وابد ما ينفع يجي معاه ابوه شنوو يهالو انتو ؟!
وبعدين تركيا تععععععععبب كلها مشي مشي مشي يعني ما رح تستانسون
والي تقولج طلعي بعد ال8 ترى في تركيا اغلب الاماكن تصكر على ال 6 او ال7 ما يقعدون لليل !
كنسلي السفرة او قولي اخاف ابوك يتعب