انا بهم مايعلمه إلا الله و أبي مشورتكم ؟

[خاينتها دنياها]

السلام عليكم ورحمة الله وبركاته

أنا دايم أنزل موضوع عن حالتي الصحيه و كل مره أروح دكتور يعني ما أثبت على دكترو معين

سواء بالدمام أو الخبر أو الكويت .....

و أنا معاي إلتصاقات حول الأنابيب و إنسداد كلي بالأنبوب الأيمن و إنسداد بسيط بالأنبوب الأيسر ..

و أنا محتاره هل أجرب أطفال الأنابيب ..أو أعمل عملية المنظار لفك الإلتصاق .

و أخاف المنظار يسبب إلتصاق في الأمعاء أو يزيد الإلتصاق و تقل نسبة الحمل في الأنابيب ..

شرايكم شنو أجرب و عطوني دكاتره شاطرين لأني تعبت من كثر ماأجرب دكاتره

أبي دكتور شاطر بالأنابيب أو فك الإلتصاق

و هل فيه خلطات تفك الإلتصاقات

أريد حل ؟؟؟ تعبت من تفكير

 

[درة أهل الطولات]

استخيري على الانابيب

 

[مواصله]

ماعندي فكره وان شاءالله يفيدونج البنات

والله يرزقج ويفرح قلبج

 

[نكهةالبرتقال]

انا اقول استخيري اول و الله كريم

 

[شموسة كيوت]

الله يفرح قلبك يارب

 

[سعودية بالكويت]

أسأل الله العظيم أن يشفيك ويرزقك

من غير حول منك ولا قوة وبدون

أي مستشفيات وعمليات يارحيم

ماعندي فكرة بس جربي عشبة المدينة

سمعت إنها تفتح الأنابيب والعلم عند الله

تأخذينها أتوقع من ثاني يوم الدورة تكرمين

إلى اليوم العاشر والله كريم

أستعيني بالله ووكليه أمرك ونعم الوكيل..

يارحيم أرحم ضعفها وأرزقها الذرية

يارحيم أرحم ضعفها وأرزقها الذرية

يارحيم أرحم ضعفها وأرزقها الذرية

وكــل مـحـرومـة يـــــارب
​

 

[Om -TOota]

اختي قبل كل شي الاستخاره افضل شي

وبعدين جربي اكلي اعشاب تفك الانسدادات مثل القشعه مادري كف مريم في ناس شاطره بالاعشاب يمكن عندهم شي يفيدج بدون عمليات وربي يرزقج من اوسع ابوابه

 

[Q8_QT]

حبيبتي آنا حاسة فيج لأني أعاني نفس مشكلتج السنة اللي طافت حملت حمل خارج الرحم وسويت عملية افتحوا رحمي وشالوا الحمل بس ماشالولي الأنبوب لأ قالتلي إن الانبوب اليمين فيه إلتصاقات ومسدود ( الحمل كان على الانبوب الايسر ) وماشالوا الأنبوب الايسر عشان احتمال أحمل عليه طبيعي وبعد العملية قالولي سوي أشعة صبغة عشان نشوف وضع الأنابيب وبعد ماسويتها قالولي مافيج شي والانابيب وضعها زين وتقدرين تحملين طبيعي ومايحتاي تراجعينه (طبعا الحجي هذا كله مراجعاتي كانت بالولادة ) ولما طولت وماحملت رديت راجعت عشان أعرف شنو المشكلة ورحت عيادة خاصة وشاف الدكتور الاشعة وقالي منو قالج انابيبج سليمة امبين من الاشعة ان الانبوب اليمين فيه انسداد والتصاقات واستشرت دكتورة ثانية قالتلي نفس الحجي وان أحسن اسوي أطفال انابيب ولما عزمت اسوي العملية سبحان الله حملت الشهر اللي طاف وبعد اسبوع نزل علي دم وقالولي احتمال بعد يكون حمل خارج الرحم ويمكن احتاج عملية بس ربي ستر ونزل من غير عملية والدكتور اللي شافني قالي كان المفروض يشيلولج الانبوب الايسر من البداية لأن دام صار منه حمل خارجي احتمال يتكرر بنسبة 30 % على نفس الانبوب ونصحني اسوي منظار واشيل الانبوب الايسر على قولته جنه مامنه فايده وخلال العملية ممكن يتم علاج الانبوب اليمين يعني بشوف إذا يقدر يزيل الانسداد بالمنظار بس قالي نطري الدورة الياية وأول ماتنزل عليج تعالي وانحدد موعد المنظار والحين محتارة شسوي خذيت موعد عند الدكتورة ماجدة كميخ وبشوف شتقولي والله كريم سامحيني حبيبتي قرقرت وايد بس كنت ابي افضفض واقول اللي بقلبي يمكن تستفيدين من تجربتي

 

[خيشة شكر@]

سوي سيرج في مرة تعالج بالاعشاب للتكيس والالتصاقات اسمها ام فيصل الي بجابر العلي البنات بعد يفيدونج

 

[bint_looda]

عسى الله يرزقج الذريه الصالحه انا اقول استخيري وعسى الله يكتبلج الي فيه الخير انا مع الانابيب مانصحج تشيلينه ماتدرين يمكن في يوم ان شالله يتصلح ويتعدل وتحملين منه طبيعي ان شالله

 

[ice-moon]

عسى الله يشفيج ويسخر لج عباده

الله يرزقج الحمل في الرحم ويكون من الذريه الصالحه ويقر عينج فيه
امين

 

[ice-moon]

عسى الله يشفيج ويسخر لج عباده

الله يرزقج الحمل في الرحم ويكون من الذريه الصالحه ويقر عينج فيه
امين

 

[كيوي كويتي]

أسأل الله العظيم أن يشفيك ويرزقك

من غير حول منك ولا قوة وبدون

أي مستشفيات وعمليات يارحيم


حبيبتي والله ماعندي خبرة بهالاشياء وان شاء الله البنات يفيدونج

بس دايما اسمع الناس يمدحون دكتور ناهض حمادية بمستشفى المواساة

وان شاء الله يرزقج قريبااااا بالشفاء يارب

 

[أم سيف وسلطان]

اول جربي العلاج بالاعشاب والله يرزقج

 

[قاهره عذالي]

في مره تعالج الالتصاق والانابيب المسدوده

99365541
وفتح الخط 00965

 

[فرااااولة]

حبيبتي روحي عند الدكتور ماجد الشمري
شاطر ومو مادي كلش<< حسب تجربتي

عيادته بالجهرا
جربيه والله يرزقنا يااا رب

 

[خاينتها دنياها]

الله يجزاكم الجنه جميعا

بس كيف طريقة عشبت المدينه