- إنضم
- 5 أبريل 2010
- المشاركات
- 269
- مستوى التفاعل
- 0
- النقاط
- 0
السلام عليكم ورحمة الله وبركاته
من فرج عن مسلم كربة فرج الله عنه كربة من كرب يوم القيامة
اخواتي انا اعيش وضع سيء ...وكل ماله يصير اسوأ
انا ابوي متوفي من سنين, اخواني متزوجين , انا مو متزوجه
لما اطلب من واحد من اخواني شيء
يوديني السوق مثلا
يقول انا ما وديت فلانه وهي قاعده تطلبني من فتره " فلانه زوجته"
وبعدين اسمع انه ودى فلانه للسوق وانا خلاني
لما اقول ليش ما توديني؟ يقول روحي اخوانج واجد غيري مو بس انا اخوج
وبعدين هذي زوجتي بذمتي انتي مو بذمتي
والوضع يتكرر مع كل واحد
واحد ثاني اقوله
انا مالي غيركم والرسول قال خيركم خيركم لاهله
يقول اي قصده الزوجه والعيال بس , وانا مو مقصر معاهم
انتي مو بذمتي
لما اقول حق امي
يمه بنحط سايق يقضي لنا مشاورينا
يقولون لاااااااااااا
احنا مانرضى تطلعين مع سايق بروحج
***
آخر موقف صار وحيل حز بخاطري
موقادره حتى اطلع من غرفتي بسبب الكآبه والحزن اللي فيني
طلبت من واحد من اخواني يسفرني لدبي انا وامي بهالصيف بس عشر ايام ونرد
وكامل المصاريف علي حتى تذكرته
واعدني وقال حاضر
لما قرب الوقت وقلت يالله ليش ماحجزت؟
قال : ابي اسافر بروحي , على فكرة حتى فلانه تبيني اوديها للدوله الفلانيه وانا رافض
حنيت حنيت حنيت
وعقب استسلمت
امس قال لي عندي لج مشروع سفره , حييييييل استانست قلت بتسفرني انا وامي؟؟
قال اي وفلانه معانا للدوله اللي هي اختارتها ,,,, قبل لا يكمل انهرت وبجيت
دريت ان يلمح اني بدفع فلوس اما تذاكره او السكن
يعني يبيني بوك معاه
ورفضت ودعيت عليه وقلت حرام عليك تسوي فيني جذي وانا اختك ترى انا بذمتك
الصدمه
ان حتى امي قالت
لا انتي مو بذمته ,,,هو مسؤول عن زوجته وبس
,,,,
وانا ؟؟؟
منو لي ؟؟؟
واذا تميت على هالحال وربي ماكتب لي نصيب ؟؟؟
بيظل حالي جذي ؟؟؟
,,,,
في احد عايش نفس اللي انا عايشته ولا بس انا ؟
,,,,
على فكره انا مره رحت عمره مع واحد من اخواني
وكان طوووووول الدرب يسب فيني ويهاوشني لاتفه الاسباب
حتى لما مرينا سوق مكه كان يعلي صوته علي ويهاوشني بطريقه ذلتني جدام الناس
هذيج المره كان يسولف لي ولامي عن سفرته مع زوجته لدبي
وكان يسولف شلون وداها وجابها ودللها وكل سوق راحت له والمطاعم اللي مروها
وقال جمله : تعرفيني يمه انا اللي يروح معاي بالسفر لازم ادللـه
قاطعته وقلت : لا ...انتي مادللتني لما رحنا عمره ...تذكر لما سويت كذا وكذا وكذا
قال : اوووف انتي شنو حقوده للحين ذاكره؟
قلت مو حقد هذا شيء ماراح ينمحي من ذاكرتي لانك جرحتني حيل وبدون سبب
تذكر انك مواعدني من ثلاث سنوات تسفرني ...وكل مره توعدني بدوله وعقب تهون
وهي سفرتها ثلاث مرات من عقب وعدك لي
انا ما اقارن نفسي فيها بس انا لي حق عليك
شنو اللي يمنع مثل ماتسفرها انك توفي بوعدك وتسفرني لو مره لدوله اختارها ؟
