انا بذمة منو ؟؟؟

[شاعرهـ]

ياربي الاخوان حدهم غثيثين

لا ويبونا نشتغلهم ونطيعهم

اغلب شباب هالوقت حريمهم يمشونهم على كيفهم




الاخت ماتنسى اخوها سبحان الله




بس حبيبتي لاتزعلين ترا اغلب البيوت جذي وفي العن من حالتج

انتي خلج قريبة من امج واخوانج

ولاتقارنين حريمهم فيج عشان مايشيلون عليج


وادعي ربج يرزقج بالريال الصالح



وترا بالاول والاخير الغلط على امج لان الام هي اللي تربي على الرحمة وحب الاخو لاخته



الله يسهل امورج

 

[سنووايت__]

الله يفرج همج يااارب
بس حبيبتي الحل بايد امج لازم يكون لها موقف انتي مهما تكلمتي ماراح يطيعونج بس امج اكيد لهاا كلمه عليهم
الله يهداها اهي الي امقويتهم عليج

 

[زين ودلال]

عسى الله يفرج همج ان شاء الله

فأما اليتيم فلا تقهر وانتي يتيمه المفروض يعاملونج احسن معامله انتي اختهم من دمهم ولحمهم ومالج غيرهم

عسى الله يحنن قلبهم عليج

 

[مرمر^_^]

الله يفرج همج ..ويرزقج الزوج الصالح اللي يعوضج ويغنيج عن منة الناس...والله يهدي أخوانج ويخليهم لج ويلين قلوبهم عليج...
وأنصحج أختي ان ما تعبين نفسج بالتفكير...ترى والله كثرة التفكير موا زينة...وادعي بصلاتج وبسجودج...والله كريم

 

[مآلكني غلآهآM]

الله يعينج يا اختي ​

 

[PuPa^^SWeeT]

الريال يظل مسئوول عن خواته ليي اخر يوم من حياته

شكو بس تزوج مو بذمته

لا بذمته و نص و لجج حق علييه ان ما وفااه ربي بينتقم منه



حرام اللي يسوونه جذي

ودامج قلتي مرته اتقول ماسافر ويا خواني و زوجاتهم

عيل المانع من زوجاتهم


بس شوفي المرة اللي ترضى انه ريلها يقط اهله ورا ظهره

هذي المفروووض اتخاف لأنه بايي يوم الريال يقطها اهيي و يدور غيرها



الدنيا دواااارة

الحيين انتي شكوو حارة عمرج

حطي سايق
واذا قالولج اتروحين بروحج ويا

قوولي انا مو بذمتكم و خلااااص فضووها سيرة


و مشي حياتج لاترجييين ناس قلوووبهم من حجرررر


سوري على ردي

ادري الاخوو معزته و محبته غير


بس لازم تمشي حياتج و اذا ما مشووها لج لا تنطرينهم


الله يعييينج

 

[لا تغرك الدنيا]

الله يفرج عليج يآرب
ويرزقج الي يريح قلبج
آمين يآرب

 

[ام هزاع]

الله يفرج كربتج ويغنيييييييييييييييج عنهم


كرري هالدعاء :

اللهم ارحمني برحمة تغنيني بها عن سواك ....

 

[فتوشه كويتيه]

حبيبتي الله يهون عليج حياتج اللي محد يتحملهاااا انا حاسه فيج

الله يرزقج بالزوج الصالح اللي يلبي كل حاجاتج ويعزج ويرزج

لاتفكرين واايد وحاولي تطوفين وكوني قويه

مابعد الهم الا الفرج

تحياتي لج

 

[هديتني يازمن]

الله يرزقج خبيبتي وتفتكييييين منهم

 

[عبير العنزي]

انتي تبين حلول ترقيعيه والا جذريه ؟؟


اذا تبين حلول ترقيعيه سوي اللي البنات قاعدين يقولونه , تقربي له حببيه فيج ومش عارف ايش .


واذا تبين حلول جذريه لازم تبدين انتي فيها انتي مو ناقصج ايد والا رجل تدربي عالسواقه وبدون علمهم وطلعي ليسن ومايشيل الرقبه الا اللي ركبها والا طلبي على اسم اسمك سايق وخلي الأمر أمر واقع والسفر ماكثر الله القروبات ومكاتب السياحه اذا بتتمين تطلبين من زيد وعبيد عزة الله راح العمر وانتي تنطرين ...............التغيير يبدأ من الداخل وماله تاريخ انتهاء

ومرت اخوج لي قامت تحذف عليج بسالفة مااقط عمري على أحد , قولي لها الدنيا حق ودين وماتدرين الدين بصير بذمة من .

مع الاخت

لاتنتظرين رحمه من احد وشفقه حتى لو اخوانج

اعتمدي على نفسج.. حياتي ترا حتى المتزوجات الحين يعتمدون على نفسهم

متوظفين ويسوقون ويسافرون ويطلعون ويخلصون حاجاتهم

محد لــ احد ياقلبي والاول تحول الحين الانسان صار اهو يعتمد على نفسه

واخوانج عادي طبعهم طبع باجي الشباب كلهم جذي مالهم خلق احد غير زوجاتهم ومرات حتى الزوجه يقصرون معاها

خلي امج معاج بكل شي تسوينه

والله يعين

 

[what's up]

حبيبتي دام يقول انج مو بذمته قوليله اذا انا مو بذمتك مالك حق ترفض اني احط سايق و اذا ما تبيني اروح مع سايق اروح مع السايق و امي و كلش كلش تعلمي السياقه استقلي بذاتج و لا تحسسينهم انج متكله عليهم و اذا اهما ما يودونج منو يوديج وظيفتج ؟ انتي جم عمرج؟

 

[what's up]

و بعدين امج شكو تقول انج مو بذمتهم هذا الغرط بعينه و علمه
انتي خرعي امج قوليلها يمه ترى بيوم القيامه الله يحاسبج على الكلام الي تقولينه اتقي لله
بعد هاذي مو قصه

 

[athory]

لك الجنة !

مآعندك خال ’ عم ؟

 

[العين الكحيله]

الله يعينج ويصبرج

 

[كتكات احمر]

نفس الحال بالضبط

 

[نور مغليها]

حبيبتي ..
آلله يعيييج
مآ علييج الا بالدعاءء
هذول اهما اغلب الإخوآن
لزوجآتهم إي ولـ خوآتهم لاء
آلله يعييينج ويرزقج بلي آحسسن منه ​

 

[كويتيه كول عطول]

حبيبتي الطلب لغير الله مذله لاازمين تصبرين وتدعين الله وتستغفرين وان شاااااء الله راح تنحل مشكلتج حتى بسجودج ابجي واشكي حق الله ولاازم تعرفين اهوا الوحيد سبحانه يقول انا الصراحه ماني حافظه الايه فراح اقولج معناها اذا سئلت الله ترى اهوا قريب وبامره يستجيبلج الله يصبرج ياارب ويهدي اخوانج

 

[ام ميميتو]

حبيبتي الله عينج و يرزقج الزوج الصالح انا دايما اقول ان بهالزمن الاخ صار اخو زوجته مو اخو اخته يعني هما شايفين انهم مو مسئولين عنج خلاص امج مسئوله عنج ولا تحنين عليهم اذا الشي ما طلع من نفسهم ولا تخلينهم يسونه غصب الله يعينج و يهدي اخوانج

 

[عاشقة هواك]

الله يعينج