انا بالتاسع وخوفي له عدة اسباب اهمها دكتورتي

[نبض الغلا]

مرحبا يا بنات


انا حملت بعد علاج وتعب


عند الدكتوره فوزيه القطان بعد الله


وتعرفون من تدخل الوحده التاسع تبدأ طبول الخوف تطق


عندي كذا سبب

وابيكم تساعدوني لو انتوا بوضعي شتسوون


خوفي من الولادة نفسها لان ولادتي الاولي كنت متخدره حيل وما شفت شيء وشفطو البيبي


والشيء الثاني خايفه يصير شيء لاسمح الله لان المستشفي دار الشفاء قبل فتره


ولدت عنده رفيجتي ومات البيبي والسبب انهم اضغطوا على البطن وانفتحت عمليتها الاوليه وتبطلت العمليه ومات البيبي


والشيء الثالث دكتورتي سمعت من كذا مكان انها تتاخر وقت الولادة ويمكن تكشت بعد

شسوي ما اقدر اغيرها لانها هي اللي عالجتني واذا بغيت الحمل عقب هي اللي راح اعالج عندها شسوي ساعدوني

 

[غلاي غير]

تعوذي من الشيطان اللي قاعد يوسوسلج
انتي الحين قولي الحمد الله هو اللي رزقج الحمال هو الوحيد الي بيهون عليج
ادعي واستغفري وتصدقي
والله يهون عليج بهون وسلامه
والاخطاء الطبيه هذي قضاء وقدر مكتوب بجميع المستشفيات
نصيحه ادعي الله يسخرلج الدكتوره واللسسترات

 

[مندوبة ام بندر]

تعوذي من ابليس ياقلبي
والاعمار بيد الله
ورفيقتج يووم مات البيبي مكتوب لها
والله يسهل عليج الولاده وتشوفين البيبي بحضنج

 

[BaBy_SMiLe]

رد : انا بالتاسع وخوفي له عدة اسباب اهمها دكتورتي

انا بعد دشيت التاسع وهم مرات افكر وايد لاني بجر
بس متوكله على الله والي الله كاتبه بصير وقوي قلبج
انا دكتورتي هم سمعت انها تتاخر بس مو ليش عندها ولادات .. لآااا لانه بوجهه نظرها ليش تيي من اول شي ما عندها شي تسويه الا لما خلاص وصلت الوحده و الياهل بيطلع
عسى ربي يسخر لنا دكاترنا ويهون علينا الطلق
انا ان شاء الله من اسبوع الياي ببدي بقراءة ادعية تسهيل الولادة واكل رطب لانه يسهل الولاده

 

[نبض الغلا]

رد : انا بالتاسع وخوفي له عدة اسباب اهمها دكتورتي

الحمد لله انا مومنه بقضاء الله

بس شسوي عالدكتوره ؟ وهل لو تاخرت المستشفي يتصرف واذا بغيت دكتوره من عندهم معينه يوافقون ؟

 

[BaBy_SMiLe]

رد : انا بالتاسع وخوفي له عدة اسباب اهمها دكتورتي

^
.
.
.

نفس الســـؤال !

 

[دانة بعين بحاري]

ان شالله ماعليج الا العافيه وبالنسبه حق الدكتوره اعتقد اي دكتوره موجوده راح تولدج اذا دكتورتج تأخرت

 

[MissChoco]

كل هذا وسواس تعوذي من بليس وذكري ربج واقري قرآن وادعي بكل سجده و ورا كل اذام انه الله يسهل عليج ترا ماكو احلا من الدعاء


وبعدين لحد يخوووفج يمكن هالولاده تكرون سهله لج،،، وفوزيه القطان ولدت ارفيجتي مرتين وماكشتت فيها واذا انتي خايفه اكديلها

وترا كل شي سهالات من الله سواء مع د. فوزيه او غيرها



ولا تخااافين حبيبتي ولا تحاتين وربي يسهل عليج يااااااارب

 

[LiL MaMa]

رد : انا بالتاسع وخوفي له عدة اسباب اهمها دكتورتي

لا تحاتين ماكو الا العافيه انشالله انا يبت عياالي ال 3 بدار الشفا و الحمدالله مار فينا شي

و اذا دكتورتج مايت تولدج دكتورة الطوارئ

او تطلبين مستشاره بس تدفعين زياده 50 او 60

 

[الجفول&]

رد : انا بالتاسع وخوفي له عدة اسباب اهمها دكتورتي

تعوذي من الشيكان هذي وساويس وتوكلي على ربج وحده لاتنسين الدعاء.

 

[eman84]

تعوذي من الشيطان و خلي ثقتج و ايمانج برب العالمين كبيره

والله يسهل علينا كلنا انا نفسج بالتاسع و ولادتي الاولى قيصرية و ليلحين ماني عارفه وضعي شنو بهالولادة ومخليتها على الله

لازم تحسنين الظن بالله و ان شاء الله كل امورنا تصير سهالات يااارب

 

[*ريما*]

رد : انا بالتاسع وخوفي له عدة اسباب اهمها دكتورتي

الا كاتبة الله هو الا بيصير
وان شاء الله تولدين بالسلامة

 

[أنفاسي دخون]

تعوذي من الشيطان ووساويسه

واللي صار بالولادة الاولى مو شرط يتكرر بالثانيه

واذا خايفه من تأخر الدكتوره اغلبهم ما تجي الا اذا وصلتي 5 سانتي قبلها تجي وش تسوي السسترات ودكتورة المستشفى موجوده والسهاله من رب العالمين

الله يكتب لش الولادة السهلة يا رب

 

[Om_3bady]

تعوذي من الشيطان و خلي ثقتج و ايمانج برب العالمين كبيره

والله يسهل علينا كلنا انا نفسج بالتاسع و ولادتي الاولى قيصرية و ليلحين ماني عارفه وضعي شنو بهالولادة ومخليتها على الله

لازم تحسنين الظن بالله و ان شاء الله كل امورنا تصير سهالات يااارب

^
^
^
نفس الحاله والله مخليتها على الله عسى ربي يسهل علينا يارب ​

 

[يا كويتنا]

رد : انا بالتاسع وخوفي له عدة اسباب اهمها دكتورتي

كثري استغفار

 

[الأماكن]

رد : انا بالتاسع وخوفي له عدة اسباب اهمها دكتورتي

تعوذي من ابليس و ما فيج الا العافية

انا انصحج تغيرين دار الشفا و روحي المواساة ولا السلام ... أعتقد أحسن من دار الشفا و الهادي << زحمة قطع

 

[Om 3zo0oz_2011]

رد : انا بالتاسع وخوفي له عدة اسباب اهمها دكتورتي

لا تفكرين بالشي السووء
تفاائلي خير

والدكتوره اذا بتكشت يمكن عندها ظرووف شي شياات هي بعد بشررررر

وكل دكاتره الشفااا شطار طلبي وحده منهم

 

[q8 knosha]

رد : انا بالتاسع وخوفي له عدة اسباب اهمها دكتورتي

انا تونى والده عند فوزيه لا تأخرت علي ولاشي
وترا الحجي واايد انا همم قالولي ترا اهيا تنجل البنات ومن هل حجي

 

[om al ghaleen]

حبيبتي لا توسوسين ودامج بالمستشفى لاتحاتين
انا في بنتي ولدتني سستر وشحلات ولادتها آحسن من الدكتوٌره والله

حطي في بالج آي شي يصير من الله اهو قضاء وقدر
لاحكومه ولاخاص ولا حتى الدكاتره بيدهم شي اذا الله آمر

\\

 

[نبض الغلا]

رد : انا بالتاسع وخوفي له عدة اسباب اهمها دكتورتي

شكرا لكل البنات اللي ردو علي



والحمد لله على كل حال


وانا بتوكل علي الله


ودي اعرف منو توها والده بالشفاء او عند د فوزيه تكلمنا عن تجربتها