انا اللي بسجله!!

[بس لحظه!]

السلام عليكم ورحمة الله وبركاته

بنات انا توني عروس من 3 شهور وحملت ع طول ربي لك الحمد..

المشكله بزوجي لما اساله عن اسامي للبنات قلنا كادي واتفقنا عليه وكنا محتارين
بين هالاسم واسم الجووري

بس المشكله يبي يسمي اذا طلع اللي ببطني ولد اسامي الاولين وياليت الحلو فيها
الا صعب ويجيب المرض قلت بيضغطني عقب قعد يحلف انه من صجه
قلت مووو مووافقه قال مو شغلج انا اللي بسجله..... مووو من صجه:eh_s(11):
انقهرت
شنووو الحل ساعدووني وابي اسم حلوو عشان اسكته بس وقعدت افهمه ان للانسان
له من اسمه نصيب موو راضي يقتنع وامي تقول بكيفه وانا وين رحت هم تعبانه فيه وبينادوني
ام فلاان
بليييييز ساعدوني

 

[كلاسيكال]

والله انا اشوف عادي اذا الاسم مافيه عيب ، واصلا احلا الاسامي اسامي الصبيان القدم وماكو شي يديد للصبيات اما البنات علا كيفج سميهم

انا اسامي العيال اللي مختارهم ريلي حدهم مو عاجبيني بس راح ارضى وماراح اناقشه لانه بالاخير اهو اللي بيسجل ويسمي

بس الاسم مافيه عيب مجرد اسم وهذا رأيي الشخصي والله يرزقج اللي تتمنينه ويسهل عليج حمله ووضعه يارب

 

[فرزاشيهـ]

its not big deal ترا !

اذا الاسم مقبول اجتماعيا ماشوف فيها شي !

 

[زين ودلال]

انتي شوفي الاسم اول يمكن زين

واذا في بالج اسم حاولي تحببينه فيه يس اختاري اسامي على وزن الاسامي اللي يبيهم ويكون احسن الموجود

وان شاء الله تنحل المشكله

 

[منـــاي]

عيل خل اقولج قصتي

انا ريلي كان ملزم يسمي ولدنا اسم معين وهالاسم ياربي كلش ما بلعته ولا اتخيل ولدي يتسما هالاسم

ويقولولي ام فلان وحسيته مصمم ومافي شي يرده خاصة انه الي بالطريج ولد وبيشيل اسمه

والله طووول هالشهور وانا اشيل هم لما كنت بغرفة الولاده حنيييت عليه جن يرضا وعمي كان معاي بالاسم الي انا ابيه مو ريلي و اهو الي سماه وبرد قلبي فديته لووول فلا تحاتين اول تاكدي من جنس البيبي واذا الله كتبلج الولد حاولي وحاولي وانشاءالله يغير رايه والله فرحت باسمه واااااااااااايد وانشاءالله تذوقين هالشعور

 

[beauty rose]

عيل انا ريلي يبي يسمي اسامي عيالي كلهم على اسامي امه و ابوه و اخوانه و خواته و ما يتغير ولا اسم شتبين بعد لوول
صدقيني بتحبين الاسم من ولدج و بتدلعينه آخر دلع
طلعيله اسم يديد و ناديه فيه لول

 

[الشيخه غرور]

حرام عليهم الام اهي الي تتعب وتولد وتنسا اقل شيء يسويه يخلي.مرته تسمي ظلم وربي

أنا اعرف وحده ولدت واهي متهاوشه مع زوجها وسبب هوشتهم ام زوجها. راح سما البنت على اسم امه والاسم يفشل

اهي سعوديه واسمها غزوه تخيلي بنت منولده ب 2011 اسمها غزوه كله عشان يقهر زوجته

 

[Koka_alotaibi]

مثل ماقالوا البنات اذا كان الاسم مقبول اجماعياً اعتقد انه الامر عادي
بس اذا بيسمي اسم غلج
قوليلها اذا حاب الناس هذي الي بتسمي عليهم وحاب تبرهم سولهم عمل خير
حطلهم ماي سبيل برهم باي شي ثاني
بس حرام تظلم الولد بهالاسم
والله يسخر لج زوجج ان شاء الله

 

[ملاك ^ الحب]

قوليله مايخالف نسمي هالاسم بس مو الولد الاول خله الثاني اذا الله كتب

هذي مشكلتي مع ريلي

انا حمالي صعب يعني متزوجه 11 سنه ماعندي الا بنت وحده ياتني بعد 7 سنوات والحين حامل

بنتي كان يبي اسم مع ان عادي بس انا مابي وبالغصب رضى

والحين يبي يسمي اسم انا ماحبه مع ان الاسم وايد عادي بس ماحبه ويتهاوش معاي عالاسم

واخر شي اقتنع اسمي الي ابيه قلتله مايخالف البنت الثالثه نسميها الي تبي وسكت

 

[! بــدويه وآآيــد !]

،


لوول مثل الحاله بس زوجي قاص علي قال لي يا اسمي منصور يا نواف والصج شكله بيسميه اسم ثاني الناس كلهم ينادونه فيه بو فلان وانا مسويه روحي مصدقته وخل اولد واناشبه واذا مارضى شسوي بعد:/

 

[توفـــا]

ما اتوقع انها مشكله تناقشووو والاسم مو مشكله اهم شي سلامته لا تكبرينا اشدعوه

 

[نور التفاؤل]

اب اب