انا الحين باسطنبول حياكم مباشره على الهواا

[ombaza]

مرحبا جميعا

وصلنا اليوم تاريخ 3 مارس 2009
طرنا على طيران الجزيره الساعه 7 ونص تقريبا قعدنا من الفير ورحنا
انا وريلي وبنتي وخالتي ام ريلي واخته وخالته يعني احنا 6 اشخاص
طبعا انا كنت مسويه بحث قوي ومسجله اغلب اسامي المجمعات والمولات
متفقه مع مكتب سياحي اسمه مكتب الحران ينطرنا بالمطار ويستقبلنا بالباص الكبير طلعنا من المطار لقينا وحده ماسكه لوحه عليها اسم العايله وكانت وايد وايد حليييوه وصلنا اسطنبول بعد ساعه لانه الجزيره تنزل بمطار صبيحه يبعد ساعه بالسياره عن المدينه
سكنا في منطقة تقسيم في فندق ايليت ورلد سعر الليله تقريبا 42 دينار
الفندق يديد ماصارله سنه من بطل حلو وايد ونظيف بس عيبه انه غرفه صغار شوي
http://www.eliteworldhotels.com.tr/en/index.asp
وصلنا ريحنا شوي ودقينا عالسايق اسم الشركه الحران والمدير وايد وايد حليو وصل الللوبي ويتكلم عربي ورحب فينا ومشانا شوي بره وعرفنا عالمنطقه
احنا ساكنين بتقسيم فيها وايد فنادق والمكتب قريب
وودانا مطعم اسمه الملك تغدينا كباب وكان الاكل فعلا عجيب وترف وركبنا الباص وودونا سوق المسقف اللي كله اجانب ويبيعون منتجاتهم مثل استكانات تركيه وتحف وكان جدا جدا غالي طلعنا ماطولنا وقلناله يودينا مول احسن من هالنصابين ودانا مول اسمه سيتي بارك كله ماركات عالميه ومحلات مشهوره ومطاعم المجمع خياااااااااااااااااااااااااااالي
طبعا انا مصوره كل شي بعدين احط الصور خل ارتاح اليوم
انا بروح اتعشى وصلنا الفندق تعابه وريلي يابلنا ماكدونالدز
يلله بااااااااااااااي اشوفكم باجر انشالله
ناطره تعليقاتكم وتفاعلكم

 

[أساور]

متاابعة ياريت تعطينا تفاصيل اسعار ورقم المكتب بعد ماعليج امر

 

[آخر العنقود79]

ام بزه يلا كملي انا متابعه وياكم
ديري بالج على بزونه من البرد دفيها عدل عدل

 

[منورة الكويتية]

رحلة سعيدة ان شاء الله
استمتعي
ناطرينج

 

[حور العيون]

نااطرينج حبيبتي

 

[ombaza]

هلا ومرحبا شكرا على تفاعلكم
ارتاح لاني توني داشه الفندق واكمل لكم شنو سوينا اليوم

 

[ombaza]

http://up2.m5zn.com/photo/2009/3/10/01/7516yz7km.jpg/jpg

صورة الريوق

 

[ombaza]

http://up2.m5zn.com/images-2009-3-10-01-7516yz7km.jpg-jpg

 

[ombaza]

 

[ombaza]

امبيه الصور كبار
جني ماني حاطه الباجي
المهم خل اكمل لكم وبعدين اشوف سالفة الصور
اليوم قعدنا ونزلنا تريقنا ودقينا على المكتب ودز لنا الباص يتنا مريم تشتغل هناك تركيه تتكلم عربي كانت امس طول اليوم معانا تكاسر لنا وتشيل الغراض عن خالتي وتساعدنا وقالت اليوم طلعو مع السايق اهو يتكلم انجليزي وفعلا طلنا ودانا سوق مسكر لانه اليوم مشالله المطر ماوقف كان خفيف بس مانقدر نطلع مكان مفتوح
رحنا مجمع اسمه اوليفيوم


المجمع مو كشخه وايد بس اسعاره وايد معقوله
شوفو يبيعون صابون بكشك على فةاكه ماتصدقين انها مو صج جنها صج فواكه طبيعيه

 

[رمانه كويتيه]

موضوعج وايد حلو بس حسافه الصور وايد كبيره

 

[ombaza]

دخلت محل ل سي وايكيكي صج صج شي خياااالي
شريت حق ولدي وبنتي وايد شغلات حلوه منه ومع التنزيلات صج صج رخيص
طلعنا وقررنا نشوف شي تاريخي ملينا من السوق ورحنا حجيه صوفيا وكان صج وايد حلو الكنيسه القديمه صورنا واسانسنا وايد وعقبها دشينا المسجد اللي جدامعه السلطان احمد وكان وقت صلاة توضينا بالمغاسل اللي تحت وكان برد وااايد ومطر وصلينا داخل المسيد بعد الصلاة دخلو الاجانب عشان يصورون طلعنا العصر وكنا يواعه رحنا مجمع يديد اسمه كابيتال كله ماركات اجنبيه ومحلات اجنبيه مثل زارا ومانجو وهالطقه صعدنا الدور الرابع او الثالث نسيت وكانفيه وايد مطاعم تغدينا وافترينا فيه وايد وتسوقنا وطلعنا رجعنا الفندق وبرجعتنا مرينا المكتب اتفقنا نع يحيى عشان باجر بنروح يوم كامل بورصه وبنقعد من الصبح انشالله
للأمانه المكتب واكل الستاف وايد حبوبين وتعاملهم قمه بالروعه يبيون يخدمونج بأي طريقه

 

[ombaza]

المكتب اسمه مكتب الحران المدير يحيى
المدير الثانيه بو عمر
00905352560388
انا كلمته من الكويت واتفقت معاه واهو يحجز فنادق بعد
اي على فكره ورانا شقه بمنطقة تقسيم واهو قالي عنها من يوم انا بالكويت بس كنت خالصه وحاجزه فندق
صج صج راقيه ومصورتها اثاث فندقي وتلفزيون بلازما وطاولة طعام ومواعين كشخه
وصج نظيفه صالتها كبيييييييييييييره تهبل قال ريلي حق المرره اليايه نسكن فيها

 

[ombaza]

تخيلو دخلت الفندق واكتشفت اني ناسيه جاكيتي الثقيل باللوبي الصبح وانا علبالي ماخذيته معاي
دوروه مالقوه امبيه باجر بروح بورصه حق الثلج وشكلي بثلج من البرد حسرتي
يلله اشوفكم باجر واقولكم عن بورصه اللي بنزورها يوم واحد

 

[منورة الكويتية]

الصوره حلوه بس كبيره
واشتريلج جاكيت من هناك

 

[لازوردي]

مشالله الله يهنيكم بهالسفره و انشالله تستانسون اكثر و اكثر و ترجعون الديره سالمين انشالله يارب

و متابعينج حبيبتي ​

 

[سبائك]

عليكم بالعافيه ام بزه

 

[ombaza]

مرحبا بنات
اليوم الثالث
امس ماقدر ادش من التعب رديت ونمت سيده مافيني حيل
امس قعدنا الساعه - ونزلنا بعد الريوق للباص الساعه _ رحنا المينا وركبنا الباص ماتتعطين جنج تسفطينه بموقف عادي
بالعباره صج وناسه طيور الميانا الناس تقطلها خبز وتاكله قبل لايطيح بالماي وبعد نص ساعه او اكثر شوي وصلنا بورصه
ومشينا تقريبا ساعه او هم اكثر عشا نوصل التلفريك
اي صح بالطريج وقفنا بمكان يبيعون زيتون ومنتجاته لانه بورصه فيها احلى زيتون صج صج يهبل مصوره لكم بوريكم كل شي بس خل اشوف ليش يطلعون كبار
ووصلنا التلفريك وركبناه طبعا احنا دافعين للمكت فلوس واهو يتكفل بكل شي سايقنا اسمه برش يضبطنا بكل شي الحجز وصج صج ساعدنا نمشي معاه وركبنا تلفريكين والثلج كان مثل الملح يهبل شي مو طبيعي ركبنا تلفريك مرتين لين وصلنا قمة الجبل ونزلنا مشينا بين الثلج جم متر ووصلنا مطعم يشوي لنا جدامنا كفته وستيكات ودياي وكان السايق يمشي اسرع منا وجهز لنا الطاوله والسلطات والماي
عقب ماكلينا شربنا جاي عالفحم ايبون لنا القوري وصج صج وناسه مشينا وردينا حق الباص وتمشينا بلأسواق بورصه ودانا بازار كان ارخص من بازار اسطنبول وودانا مول وايد حلو كشخه ورجعنا بالليل ركبنا العباره وردينا الفندق
الرحله كانت جدا ممتعه وشفنا شي يديد

 

[ombaza]

 

[ombaza]

المسيد اللي صلينا فيه اسمه مسجد السلطان احمد
الصوره صافيه بس لاني صغرتها عن طريق موقع حسافه صارت مو صافيه