انا اكرف وحريم خواني حاطن رجل على رجل ( انا مااكرهم بس اكره طبعهم والله )

[maryam22]

سوي خير وقطي بحر ..وحلاته الطباخ يكون خفيف مشاوي
وبعدين الواحد يبي يستانس ويغير الروتين ماله داعي الطباخ الثقيل ياتسوين مشويات الكل راح يكون مشارك بالطباخ ولا مطاعم
عشان طلعه البر حق الراحه والاستجمام...
اما حريم اخوانج خليهم الزمن راح يعلمهم توهم ياهال

 

[ملح بدويه]

الله يعينج هالاشكال زايده بشكل مو طبيعي

 

[كويتيه برونزيه]

انت قطي نغزات وقوليلهم ساعدوني
والله واذا كلش كلش قعدي انت ولا تهتمين بعد واذا الوالده ولا اخوانج قالو قوليلهم ايد وحده ما تصفق
ولا تخلينهم يعتمدون عليج بكل شي

ومبين عليج مشاء الله دمج حار وحركيه وانا احب المره الي جذي

الله يوفقج ان شاء الله

 

[سيدة الذوق]

اااااخ حريم مالهم سنع الود ودي امسكهم وادوس فبطونهم باردات خاملات معفنات

شفيها لايكون حسبالها اميره الاخت حتي الاميره تري تطبخ شفيها هذول معقدات عبالها ماتشيخ الا لاقعدت وتخدم عليها الخدامه

فكي نفسج واتفقي مع امج واذا لا اقعدي انتي بعد نفسهم >> ادري ماراح تقدين ماتقدرين بنت ظفره

بس خليهم انتي وخواتج خليهم يتفشلون مره وحده قدام رياجيلهم خخخخخخخخخ

 

[بنتي سوسو]

هم ليه يسون كذا مو حلو
الله يعينك

 

[رمز الموده]

والله تبين نصيحتي لاتكرفين مع الخدامات حطي رجل على رجل واستانسي يعني حتى لوبتبطخين وتكرفين اخر شي المدح يروح للخدامه اللي طابخه وانتي جنج ماسويتي شي ارتاحي

 

[فلوريدا]

ليش هذا كله

يمكن اهم مو حاسين فيها وعبالهم عادي

خبرج كل عايله تختلف عن الثانيه

عاد انتي سحبي نفسج من الموضوع وقولي لامج لما تشوفج بالمطبخ انتي وخواتج

تامر على حريم عيالها يساعدونكم بكل هدوء

راح ينحرجون وغصب عنهم يدخلون

 

[بدور الربيع]

والله انتي الي متعبه عمرج
النجاب والطباخ والشقى خليه في البيت
وطلعة البر والمزرعه راحه ووناسه وتمشي
مو طباخ ونفاخ ونجاب وهواش وقهر
سوي مثلهم وونسي عمرج ولا تدققين وايد على النجاب وطريقته
علمي الخدم وصدقيني راح يعرفون ويتفننون بعد بالنجاب
ولا تلومين احد لانه الناس شبعت تعب وشقى ويبون يطلعون عشان يبون يغيرون جو البيوت

 

[انا كويتية]

انا رايي اذا صار وقت الغدا قولي لهم ياللا يابنات نروح ننجب وبضحكة بدون شد .... وبس

 

[درة الشاميه]

شلونكم حبيباتي

بدخل بالموضوع سيده

خواني بالعاده يحجزون مزرعه قطيه

يعني انا وخواتي واخواني

كل يوم على واحد

والجيل مقاسمه

مو هني المشكله

انا الحين عمري 35 سنه

وحريم خواني وحده عمرها 20 والثانيه 21 سنه

المهم ياخواتي

انا مااحب اروح للمزرعه لسبب واحد

الا اهو

اذا راحو

دام رياجيلهم دفعو

ماشوف رقعة وجيهم بالمطبخ

طبعا الخدمات يطبخون ماقلنا شي

بس من غير المعزبه يخورون الدنيا عدل كلامي

تلقوني انا الي واقفه بالمطبخ والخوات يتمشون ولا يتمكيجون ولا نايمات علبنا الخدمات الي يطبخون

ويشوفوني بالمطبخ

ووقت النجاب واحوووس وفارق السن الي بيني وبينهم

وناطرين الاكل كأني خدامتهم المعزبات

ياربي مااقدر اامر عليهم

واذا اهما مايعرفون السنع مو مكلوفه اعلمهم

ووحده منهم يوم قلتلها السنه الجايه دوريات طبعا شاملتنا كلنا انا وخواتي 3 واهما حريم خواني قالت اطلب بدوريتي مطعم شوراج ياختج ماتطبخين اكثر الكراف ع الخدم كلها يوم واذا طلبتي مطعم هم بتطلبين للعشا وللريوق !!

علما

ان المطبخ فيه خدامتي وخدامة امي وخدامة اخوي الكبير هذولا احنا مخصصينهم للمطبخ بس جزانا الله خير

وخدمهم مخلينهم حقهم عشان مايقولون كرفتو خدامتنا الخ الخ علما ان اخوي الكبير عنده خدامتين وحده حطها للمطبخ والثانيه لعياله ماقصر لاهو ولا مرته رايته بيضه

يعني اهما مجرد اشراف ع الطعم

ع النجب فقط لاغيييييييير

شرايكم خواتي :eh_s(1):

اهي المفروض لمن تشوفج تنجبين و تسوين المفروض تساعدج بس سالفة اذا صار يومها بتشتري من مطعم كيفها انسوي الي تسويه لاتناشبينها حتن ابهذي حريتها بالشرع حتن حق الرجل مو من الضروره انها تطبخ !!

 

[SaBKahawa]

اختي الصراحة اختي ريم اللي ردت عليج خوش رد وكلامها موزون وانت دخلت المطبخ عن طيب خاطر مو مغصوبة وماتسوى تسوين مشكلة من لا شي والا تستحي على دمها من حريم اخوانج تبي تدخل بدون لا احد يغصبها وهذا عيب فيهم وانت تقولين الطباخ على الخدم مو مشكلة انتي بس تنجبين ولا تسوى هذي السالفة تكبرينها وشكرا

 

[كويتية ذربه]

شوفي حبيبتي

انا اقول

روحة المزرعه للوناسه

انا اقولج الحل الفتاك >>>> حلوه الحل الفتاك


قوليلهم بنات بنسوي مسابقه كل يوم على وحده من ريوق وغدى وعشا وحلا ومانفرض على الوحده اي شي بكيفها

تحط الي تحطه

وتالي بنسوي مسابقه منو فازت باحسن يوم وتكون المسابقه لها جائزه مثل سبيكه ذهب او ثلاجه يعني هديه ماتتعدى ال 40دينار محاططه من الجميع

وبجذي حمستيهم وقومتيهم بطريقة غير مباشره ومع الوقت راح يتعلمون السنع الدنيا تعلمهم لانهم توهم صغار حبيبتي

ومايدرون ان هالشي يضيق خلق غيرهم

هالطريقة مجربه حبيبتي وكل سنه احنا نسويها وشوفي الفنتاك حتى بالجراغيات

 

[جوري الكويت]

حبيبتي انتوا رايحيين تستانسون لا تضيقون خلقكم

طلبي من خواتج يساعدونج

الخوات يتقبلون بي حريم اللأخوان يمكن ما يتقبلون و تصير مشاكل

و بعدين صغار يمكن ما يعرفون و يخورون الدنيا بالنجاب

 

[قهوة_-_عربية]

ليش ساكتتلهم ؟
كفخيهم خليتأدبون