مرحبا بنات
انا اللي موضوعي انا اشوفها خيانه وهو لا
هذا رابط الموضوع
http://www.q8yat.com/t1007977.html
حبيت أشكر كل من نصحني وووجهني .....
أنا اليوم إلصبح قررت أني أبدا بالصلح معاه غشان أكسب حياتي وزوجي ... قمت رسلت له مسج عن إلصبح واني مشتاقه له ... رد بس بصباح النور ..... قلت له مشتاقه لك و حبيت أصبح عليك. رد بس تشتأق لج. العافيه حتئ ما سأل شخبارج شلونج . قلت له شدعوه مالي حتى شخبارج .... وهالكلام من 7 إلصبح الين الحين ولا حتى رد.... بصراحه أحس نفسي عافته فوق أنه هو الغلطان يرد بنفسيه وانا من اول متحمله حركاته وظروفه قلت تتعدل ولازم اتحمل
بس مو على حساب نفسي وكرامتي يمكن لو ماتصلحت الأمور استخير وأفل هالزواج لاني صراحه تعبت واكتشفت ان الحب مو كل شي بحياة المراه والريال لازم يكون بينهم تفاهم واحترام وتقدير ....
الحين شرايكم هل احاول اكثر ولا خلاص سويت اللي علي علما بأن زي ماقلت بموضوعي الاول كان هو الغلطان وانا بديت بالصلح وانا اللي حاولت احل الموضوع بس مع الاسف مافي تجاوب
ابيكم تدعون لي من كل قلبكم ان الله يصبرني ويلهمني بالتصرف الصح ...ولو ربي ماكتب وكملت معاه ان الله يعوضني باللي احسن
:eh_s(7):
