اناني نذل خاين

[noonaa-thn]

كثري استغفار
احنا زمنا هذا صارت البنات هي الي تركض ورى الرجاجيل وكل شي عادي عندهم

زوجي كل يوم متعرف على وحده وكل يوم عازمته وحده والله اعلم شتو مسوي معاهم



فوضي امرج لله لان الشيطان قاص على زوجج ومتمكن منه ولا عمره بيتغير الا بدعائج له
عيشي يومج وخلي امرج لرب العالمين

 

[نـعـومـه]

بصراحه زوجج مايترقع

دخلي اهلج بسالفه

شنو يخون وتسكتين وغير سب الاهانات !

 

[انصاريه قمره]

تستاهلييييين تدرين ليش لانه بعض الرياييل ما يحبون المره اللزقه يعني انتي وايد معطته ويه بصراحه بعدين اكبر غلط المره تقول حق ريلها ليش ما تقولي كلام حلوو ترا الشغله اللي ما تطلع من القلب مو حلوه انا عن نفسي ماخذه ريلي عن حب وكنت اخس منج ادقدق 24 ساعه علشان ابين اني مهتمه فيه وكله اقوله حجي حلو واهو معطيني بو لباااس شاف نفسه علي كنت ما اشوف بالدنيا غيره وابديه علا نفسي واهلي وكل شيييييي واتبجبج 24 ساعه على اساس بكسر خاطره وصارت دمعتي عنده رخيصه اقل شي يسويه يهدني ويطلع بعدين انا غيرت من نفسي ما قمت ادق ولا اسأل وحجي حلو ما اقوله اكلمه بأحترام واذا يبي شي اسويه وقمت احب نفسي واشووف نفسي رقم 1 ولهيت نفسي بأمور وايد وقمت البس حق نفسي احط مكياج حق نفسي اسوي كل شي حق نفسي ومو ناطره منه شي واهو لاااااحظ اني تغيرت وقام اهو اللي يدق واهو اللي يسأل ويقول ليش متغيره وترا بعدين راح اتعودين وتحسين انه الحياه حلوه سواء معاه ولا بدونه ولا تعلقين نفسج الا بربج واذا بتحبين حبي الله والدينج عيالج انا ريلي احبه ما اكرهه لكن اذا شفت انه بايعني مره فأنا ابيعه الف مره والدنيا ما توقف على ريال وخصوصا لي كان ما يستاهل وريلج مو كفو بصراحه وياويلج ان نزلتي دمعتج جدامه بتبجين ابجي بروووحج جدامه صيري قوووويه وين شخصيتج انا بفهم ؟ ترا الدمعه غاليه وما تنزل على شي ما يسوى

 

[Q8shosh]

على راسي انصاريه و على راسب كلكم بس الحين احس ريلي يخوني قاعده افكر انسحب واطلق
وبنفس الوقت خايفه ماعندي احد ينصحني ﻻ خوات وامي مره عووده
الي تقولي سحبي عليه قاعده احاول بس الحين متاكده في وحده بحياته بنات ماابيها تاخذه مني مهما كان هذا حبيبي وريلي وكل دنيتي
الي مستعده توقف معاي وعندها خبره تكلمني برايفت وتعطيني نصايح والله بدعيلها طووول عمررري

 

[في قلب البحرين]

اول نصيحه بقولها اجلي موضوع الخلفه اذا ليلحين ربي ماكتب لج
ليما تعرفين مايته وشلون تتصرفين وياه
ماشاءالله عليكم يالبنات على هل اساليب المختلفه والخايسة الا ان عندكم صبر وحب للشخص وهالشي زين ومب زين

لكن ربي يسر لج امورج ان شاءالله ويهديه
تغيرري عليه شوي لاتحاربينه لا خلج عاديه وياه كلش
لاتقولين وحشتني واحبك ومسجات حب وخرابيط خلج شوي جافه
شغلي وقتج باي شي يديد
غيري روتينج وسوي لج جدول مايتضمنه الا اذا حب اهوه يتواجد وياج
حسسيه انج تغيرتي وان مايهنج كثر قبل

جوفي شيصير وياج والله ايسر لج واذا احترتي في شي مالج الا الاستخاره ربي حبيبي مابيقصر وياج ​

 

[شيخه_البيض]

من وجهة نظري

مابني ع باطل فهو باطل

اهوا خذاج عن حب يعني كنتي تكلمينه

هذا الشي ولد الشك فيه

رياييل الحين مو مثل رياييل قبل

قبل الريال يحسب لكل افعاله الحين استغفر الله نادر تلقين ريال قد كلمته

وبعدين ليش تعيشين نفسج بكآبه وبجي وضيقه خلق

تفاهمي معآه يآ إنك تتعدل يا ان كل واحد بطريج

مو عدله تعيشين حياتج جذي

البنات يتزوجون يستانسون مع رياييلهم ويحترمون بعض مو يعيشها بمرض

 

[Koko7taty]

الله يعينج