انامسحوره ساعدوني

[Do I Care]

رد : انامسحوره ساعدوني

الله يعينج ويصبر قلبج .. كثري من الاستغفار

 

[بنت عطا]

الله يشافيكم ويردكم لبعض

 

[مطيرية والعزليه]

الله يفك عوقج يارب اختي لازم اهو اللي يروح لشيخ يقرا عليه

حاجي امة ابوه احد من اخوانه يقدر عليه يوديه لشيخ ثقه

والله يسهل كل امورج ويلم شملكم​

 

[بشورة الشمس]

شكرا بنات على المساعده واللي ماعلق شكرا علي المرور واهتمامكم بالموضوع

 

[دمعه ندم]

لا حول ولا قوه الا بالله
الله يكون بعونج ويشفيج انتي وزوجج والله ينتقم من اللي ضركم يارب

 

[ضايعة بدنيتي]

رد : انامسحوره ساعدوني



ربي ياخذ حقك من الي ظلموك انتي وعيالك

يعني اهله ما حاولوا يصلحون بينكم ؟ قاموا طينوها وزوجوه صديقة اخته !! استغفر الله ياربي مابي احط بذمتي بس هذا مو فعايل واحد طبيعي كيف يكرهك فجأة ويقدر على فراق عياله كل هالفترة . انتي ما عندك احد علاقتك زينه معاه من اهله ؟ اخته ابوه امه خالته ؟؟؟ عالاقل بس يخلونه يروح يقرون عليه . بس حتى لو ما قدرتي توصلين له حطي في بالك شغلة ان كل شي خيرة وربك كاتب الي صار لك بس اجرك عنده سبحانه واذا طليقك فيه خير لكم راح يرجعه رب العالمين وتأكدي ان هذا امتحان وابتلاء من ربك سبحانه . عسى الله يفرج همك وياخذ لك حقك على من ظلمك .. ويرزقك الخير كله ويعوضك عن الضيم الي شفتيه . اللهم امين

 

[unapproachable]

الله يعينج ويفرج همج يارب

 

[كسرة عود]

رد : انامسحوره ساعدوني



حبيبتي الله خلقج مانساااااااج

الصبر مفتاح الفرج

وتذكري قصة أيوب عليه السلام لما ابتلاه الله بفقد الأبناء والمال والصحة وهو نبي وكان يستحي أنه يدعى ربه

ويقول أنعم علي ربي سنيييييييين ولما ابتلاني أتشكى !!!!!!


إلى أن ألهمه الله بالدعاء أتاااااااه الفرج

عليج بسورة البقره والاستغفار والدعاء

 

[بشورة الشمس]

الحمد الله علي كل حال واهله عاجبهم والاكان جو شافوا عيال ولدهم على الاقل

 

[مليت من الاسامي]

ياحياتي وربي تقطع قلبي عليج
حسبي الله ونعم الوكيل انتي بشهر فضيل كثري من الدعوات مالج الاا الدعااء

 

[الغاليه نونو]

سمعيني يمه الحين خلي سالفة ريلج المسحور علي جنب وفكري بالوضع اللي انتي فيه الحين انتي مطلقه وبرقبتج عيالج وقاعده بغرفه ومكانج ضيج ليش مستحمله هالوضع؟؟؟؟؟؟؟؟


اول شي تسوينه تشوفيلج مكان كبير تسكنين فيه وتاخذين عقد الاجار وتطيرين فيه الشؤون مع عقد الطلاق علشان المساعده يصرفونها لج باثر رجعي بتاريخ طلاقج هذا اول شي تسوينه

ثاني شي تروحين المحكمه وتطلبين نفقة العيال واجره سكن وسياره وخادمه ويقررها لج القاضي وهالقضايا تكون مستعجله ومافيها تأخير

ثالث شي تلتفتين علي نفسج وعيالج وتبتهلين لله بالدعاء ولااستغفار وتداومين علي قراءة القرآن وبتشوفين الفرج بييج من الله سبحانه وابواب الخير بتنفتح لج بإذن الواحد أحد سبحااااانه


نرجع لريلج تقولين انه مسحور ..... مستغربه من ردة فعل اهله يعني ماتحركوا ولا امنعوه من زواجه ولا اسألو عنج ولاعن عيالج هالشغله وراها مليون علامة استفهام

بس قولي يااااااااااااااهم عندي رب كبير وخلي ايمانج بالله قوي وسلمي امرج لله وماتدرين وين فيه الخيره ياقلبي لا تبجين ولا تعورين راسج انتي مؤمنه وتدرين ان الله سبحانه خلق الانسان في كبد ومايعطيه كل ايامه وناسه وهنا لابد فيها من التعب والمشقات شوي علشان بيشوف اشلون نشكره ونصبر علي هالبلاء
انتي الحين باختبار من الله سبحانه وشدي الهمه ودام البلاء من الله قولي يااااااربي زد وبارك ستجدني ان شاء الله من الصابرين الراجين رحمتك ومغفرتك وعفوك ورضاك

 

[باااربي]

لاحول ولا قوة الا بالله
الله يعينج علا ما بلاج ويفرج همج يارب ويبرد علا قلبج

 

[بشورة الشمس]

الحمد الله انا ايماني بالله كبير واللي صار مقدر ومكتوب وانا طالبه منه سياره عشان بسوق ماعندي محل للسايق والله يعين بالايام اليايه ودعولي بتيسير الامور وان يصلح لي عيالي ويقدرني على تربيتهم

 

[كات 511]

الله يعز الحكومه اخذي حقج وحق عيالج
وثاني شى الزمي الاستغفار والصدقه ولا تبطلين سوره البقره يوميا والله بتشوفين اللي يسرج
بس نصيحه لاتضيعين الوقت تنطرين اخذي حقوقج وخليج قويه عشان اعيالج لاتضعفين عشانهم وقوليلهم ابوكم يمر بفتره قاسيه وبيرجع لكم بس انتم ادعوله واشغلي وقتهم حراااام لاتتعقدون دخليهم نوادي وتحفيظ قرآن ابرك عشان مايفكرون والله يعينج بهالوقت كوني لهم الام والابو
والله يفرج همج ويعوضج بصلاح عيالج ويرد ابوكم الرد الجميل.

 

[بشورة الشمس]

تسلمين عيالي الحين مدخلتهم لجنه زكات بالمنطقه اللي احنا فيها لتحفيظ القران

 

[وهوجه الحلوه]

الله يعينج ويصبرج ومثل ماقالو الخوات عليج بسورة البقره اقريها 40 يوم وتنفك مشكلتج باذن الله وصدقيني لاتبحثين عن شيوخ يقرون وهالسوالف خلي ثقتج بالله كبيره وعندج يقين قوي انه هو الوحيد القادر على حل مشكلتج وحقوقج اخذيها كامله وكليلج محامي وراح يقوم بكل شي حتى سكن يحطلج ليش تضايقين ابوج وعسى الله يفرج كربتج ويرجعلج ابو عيالج بهالايام الفضيله ويفرح صدوركم برجعته

 

[المتميزة*]

والله قصتح ابكتني الله يفك عوقج وعليج بالرقية والدعاء وخليه يروح يقرا او كلمي احد يكلمه
والله يرده لكم واكيد بنات ابليس مسويات له سحر مااحط بذمتي لكن السحر يغير الاطباع
الله ييسر أمورج ويرجع لج زوجج ياارب
وممكن اذا تبين رقم شيخ ثقة ويفك السحر اسمه ابو نايف القرقاع اذا تبين رقم عيادتهم بحاول اجيبه بأقرب فرصه .أو ممكن اذا قريب منج شيخ ثقة ومجرب تروحين وتاخذين لج محرم .
الله يفك كربتج عاجلا غير آجل ..

 

[أنا Top أنا]

رد : انامسحوره ساعدوني

الله يصبرج

 

[غلا ستايل]

الله يعينج ويفكج من اللي انتي فيه

 

[Al.Nooor]

يارب يفك كربتج