اناتافهه ولاااااااا بليز ساعدوني

[krkooora]

قوليله مابي اروح بيت اهلي مو سالفه هذي عسى ما شر ليش متزوج اهو !

 

[كويتية222]

كلميه قوليله مو كل اسبوووع اروح لاهلي اسبوع لهم واسبوع لك ع قلبه بالويك اند وانتي وشارتج بئاااا​

 

[أم توتو]

انتي ليش تروحين بيت اهلج خليج ببيتج واهوعارف انج بالبيت فبيرجع بسرعه ولا راح يطول وانتي عاد فاجئيه بليله رومانسيه عاد بيقعد يقابلج ومايروح شوي شوي بيتعود ويترك ربعه الله يسخركم حق بعض

 

[!الجادل الصعب!]

لآ تروحين اقعدي فالبيت عشآن يرد مبجر .. وضبطي لكم سهره حلوه ..
مو معقوله شقتكم صآرت فندق ..!

 

[**(فـيـلا دانـتـيـل)**]

حبيبتي في رياييل طبعهم مايحبون قعدت البيت
دام ماعنده خرابيط وبنااات
خلييييييه علي راحته..

بس المفروض انتي تقعدين بالبيت
ماله داعي كل يوم عند اهلج..

وصدقيني المناقشه في هالمواضيع ماتزيد الموضوع الا تعقيد..
انشالله ربي يرزقج بالذريه وراح يترسون عليج حياتج

 

[دوووووووووووبا]

اي حبيبتي قعدي ونامي في بيتج اشغلي وقتج تنظيف وترتيب لاتروحين لاهلج شكو تطلعين من بيتج لانه يقنص ؟؟؟؟ تعودي ماتطلعين من بيتج استقري ترتاحين

 

[مناير ...!]

قويه من تقومين يوديج بيت اهلج وقبل ينام يجيبج؟؟؟ ليش متزوج بالله عشان (؟؟؟) بس
مايصير حبيبتي لازم تكلمينه باجر لاتروحين لاهلج قعدي بيتج واذا قالج قولي لا ماصارت لي متى بروح عند اهلي؟؟
وكلميه وتفاهمي معاه اما سالفة الويكند عاد صعبه تمنعينه عن ربعه اذا متعود يقنص معاهم هو شوي شوي من نفسه بيقطع

معاها والله يعينج

 

[هذا مزاجي]

البنات ماقصرو

 

[pusy cat]

لا مو تافهه

عادي بداية الزواج جذي لأنكم ما تعودتو على بعض

بالنسبه للقنص تراه موسم وراح يخلص

انا جذي زوجي وقت القنص ووقت الحداق ما اشوفه

حبيبتي هذي هوايته لا تتذمرين منها خليه على راحته مرده لج قاعد معاج العمر كله

الزواج صبر

يعني حبكت ماتبينه الا بوقت القنص او وقت المباريات ووو الخ

ميخالف كل الازواج جذي واللي عنده هوايه احسن من غيره صدقيني عالاقل تدرين وين يروح ووين يجي

بالعكس خلج ذكيه هذي فرصتج تتوددين له دزيله مسجات شوق وهالسوالف عبريله عن شوقج بس بدون لا تعاتبينه

ونصيحتي لا تسمعين كلام امج ولا كلام اي احد هالشي بينج وبين زوجج وانتي تعرفين اشلون تجذبينه وتخلينه بصفج

سولفي معاه عن القنص ها جم فريه صدت اشلون تمسك السلاح انزين ما تخاف من الصوت ودي اشوفك وانت تقنص ولا تبينينله انج مستائه من هالشي

وراح تلقينه مثل الجاهل يسترسل بالسوالف معاج

صيري صديقته الشي اللي يحبه ايديه فيه وشجعيه انه يسويه

لا تصيرين نحيسه وتنكدين عليه ترى راح يحقد عليج ويسفهج زياده وراح يفضل قعدت ربعه عليج

ترى انا نفس حالتج والحمدلله زوجي يحبني وراضي علي لأني اقدر هواياته ولا انكد عليه لأن وناستي من وناسته